Connect with us
WhatsApp Image 2024-05-21 at 1.28.13 AM

Kerala

പാഠം ഒന്ന്- നിത്യദാരിദ്ര്യ കേരളം

Avatar

Published

on

  • നിരീക്ഷകൻ

ഗോപിനാഥ് മഠത്തിൽ

ഇന്ത്യൻ രാഷ്ട്രീയത്തിൽ ഇ.ഡിയുടെ പ്രസക്തി എത്രമാത്രമുണ്ടെന്ന് മറ്റ് രാഷ്ട്രീയപ്പാർട്ടിക്കാർക്ക് ബോധ്യപ്പെടുത്തിക്കൊടുത്തത് ബി.ജെ.പിയാണ്. അഴിമതിക്കാരൻറേയും രാഷ്ട്രീയ പ്രതിയോഗികളുടേയും കതകിൽ സ്ഥാനത്തും അസ്ഥാനത്തും മുട്ടി ഇ.ഡി അകത്തുകയറി നടത്തുന്ന പരിശോധനകൾ ചിലത് ശ്ലാഘിക്കപ്പെടേണ്ടും മറ്റു ചിലത് പകപോക്കലായും വേണം കരുതേണ്ടത്. പക്ഷേ തിരുവനന്തപുരത്ത് കണ്ട ല സഹകരണബാങ്കിലെ തട്ടിപ്പുമായി ബന്ധപ്പെട്ട് ഇ.ഡി നടത്തിയ അന്വേഷണം അതിൻറെ ശരിയായ വഴിയിലാണെന്നു വേണം അനുമാനിക്കാൻ. അതിലെ ശരി മനസ്സിലാക്കിയ സി.പി.ഐക്കാർ അഴിമതിക്ക് കാരണക്കാരായ ഭാസുരാംഗനെ പാർട്ടിയിൽനിന്ന് പുറത്താക്കുകയും ചെയ്തു. പരാതിയും പരിശോധനയും നേരത്തെ ഇ.ഡി നടത്തിയിട്ടും അക്കാര്യത്തിൽ പാർട്ടി നടപടി വൈകിയതാണ് സി.പി.ഐയെ നാണം കെടുത്തുന്നതിന് കാരണമായതെന്ന് പല നേതാക്കൾക്കും പരാതിയുണ്ട്. എന്നാൽ ഈ പരാതിക്ക് വിഭിന്നമായ രീതിയിലാണ് കരുവന്നൂർ സഹകരണ ബാങ്ക് അഴിമതിക്കേസിലെ 15-ാം പ്രതിയായി ജയിലിൽ കഴിയുന്ന പി.ആർ. അരവിന്ദാക്ഷനോടുള്ള സി.പി.എം സമീപനം. ആ പാർട്ടി അരവിന്ദാക്ഷനെ പരസ്യമായി സഹായം ചെയ്യാതെ സംരക്ഷിക്കുന്ന നിലപാടാണ് സ്വീകരിച്ചിരിക്കുന്നത്. അത് ഓരോ പാർട്ടിയുടേയും വ്യക്തിഗത സ്വതന്ത്രതീരുമാനമാകാം. അതിന് അവർക്ക് അവരുടെ വീക്ഷണത്തിൽ കുറേ ശരികൾ പറയാനുമുണ്ടാകും. അങ്ങനെ ഇ.ഡിയെക്കൊണ്ട് അഴിമതിക്കാരും ബി.ജെ.പി ഇതര രാഷ്ട്രീയക്കാരും പൊറുതിമുട്ടിക്കഴിയുമ്പോഴാണ് കേരളത്തിലെ ജനങ്ങൾക്ക് ഇതുവരെ നൽകിയ ഒരു ‘ഇ.ഡി’ ആശ്വാസം സർക്കാർ പൊടുന്നനെ പിൻവലിച്ച് ആശങ്ക സൃഷ്ടിച്ചിരിക്കുന്നത്. അത് സപ്ലൈകോയില നിത്യോപയോഗ സാധനങ്ങളുടെ വില വർദ്ധിപ്പിക്കാൻ കാരണമായിരിക്കുന്നു. സർക്കാർ അവയ്ക്ക് നൽകിയ ‘സബ്സിഡി’ പിൻവലിച്ചതാണ് കാരണം. അതിലൂടെ സപ്ലൈക്കോ സ്ഥാപനങ്ങൾക്കും കരിഞ്ചന്തയ്ക്കും വലിയ അന്തരമില്ലാത്ത അവസ്ഥ സംജാതമായിരിക്കുന്നു.
അതിന് ഭക്ഷ്യവകുപ്പുമന്ത്രിയും സി.പി.ഐക്കാരനുമായ ജി.ആർ അനിലിനെ മാത്രം കുറ്റം പറഞ്ഞിട്ട് കാര്യമില്ല. അദ്ദേഹവും വകുപ്പും നിത്യദാരിദ്ര്യം പിടിച്ച ഒരു സർക്കാരിൻറെ ഭാഗമായതാണ് കാരണം. മറ്റൊരു സി.പി.ഐ മന്ത്രിയായ പി. പ്രസാദും അതുപോലെതന്നെയാണ്. നെൽക്കർഷകരിൽനിന്ന് വാങ്ങിയ കോടികൾ വരുന്ന നെല്ലിൻറെ വില ഇനിയും കൊടുക്കാൻ കഴിഞ്ഞിട്ടില്ല. അതും ഈ ദാരിദ്ര്യ സർക്കാരിൻറെ പ്രവർത്തന വൈകല്യം കൊണ്ടു സംഭവിച്ച കാര്യമാണ്. ആത്മഹത്യ ചെയ്യാൻ പോകുന്ന കമിതാക്കൾ ജീവിതത്തിൻറെ അവസാന നിമിഷമെങ്കിലും ആസ്വാദ്യകരമായിരിക്കാൻ വേണ്ടി തിയേറ്ററിൽ പോയി സിനിമ കാണുകയും മുന്തിയ ഹോട്ടലിൽപോയി വിലകൂടിയ ഭക്ഷണം കഴിക്കുകയും ചെയ്യുന്ന രീതിയുണ്ട്. എന്നിട്ടാണ് വാടകമുറിയിൽ കയറി കൃത്യം ചെയ്യുന്നത്. അതുപോലെയാണ് കേരളീയത്തിൻറെ അത്യാഡംബര നിമിഷങ്ങൾ ആവോളം ആസ്വദിച്ചതിനുശേഷം ചീഫ് സെക്രട്ടറിയും മുഖ്യമന്ത്രിയും പറയുന്നത്, പോക്കറ്റ് കാലിയാണ് കേട്ടോ, ജീവിതം വഴിമുട്ടി നിൽക്കുകയാണെന്ന്. മുൻ പറഞ്ഞ സി.പി.ഐ മന്ത്രിമാരായ ജി.ആർ അനിലും പി. പ്രസാദും മാതൃകയാക്കേണ്ട ഒരു ഭക്ഷ്യവകുപ്പുമന്ത്രിയും അതുപോലൊരു കൃഷിമന്ത്രിയും നായനാർ ഭരണകാലത്തുണ്ടായിരുന്നു. ഇ. ചന്ദ്രശേഖരൻ നായരും വി.വി. രാഘവനും. കരിഞ്ചന്തയിലെ കള്ളത്തരങ്ങൾക്ക് അറുതി വരുത്തി ജനങ്ങളുടെ ഹൃദയം കവർന്ന് മാവേലിസ്റ്റോറുകൾക്ക് തുടക്കം കുറിച്ച വ്യക്തിയായിരുന്നു ഇ. ചന്ദ്രശേഖരൻ നായർ. ഗ്രൂപ്പ് ഫാമിംഗ് ഉൾപ്പെടെയുള്ള നവീനകൃഷി സമ്പ്രദായങ്ങൾക്ക് ആരംഭം കുറിക്കാൻ വി.വി. രാഘവനും കഴിഞ്ഞു. ജനവിശ്വാസത്തിൻറെ, പ്രവർത്തനത്തിൻറെ ആ നല്ല ശീലങ്ങൾ പിന്നീടു വന്ന ഒരു സിപി.ഐ. മന്ത്രിമാരിലും കണ്ടില്ല. വിശേഷിച്ചും പിണറായിറായി മന്ത്രിസഭകളിൽ. അവരെ കുറ്റം പറഞ്ഞിട്ടു കാര്യമില്ല. കാരണം അവരുടെ നേതാവ് കാനം രാജേന്ദ്രൻ അന്ധമായി പിണറായി രീതി അനുകരിക്കുമ്പോൾ, അഭിനയിക്കുമ്പോൾ. കാനവും മന്ത്രിമാരും അങ്ങിനെയാകാനെ തരമുള്ളു. ഏതായാലും മുൻകാല സി.പി.ഐ മന്ത്രിമാർ തുടങ്ങി വച്ച പല നന്മകളും അസ്തമിക്കാൻ പോവുകയാണ്. സപ്ലെക്കോയിൽ അവശ്യസാധനങ്ങളുടെ വില വദ്ധിപ്പിക്കാൻ മന്ത്രിമാരുടെ ജില്ലാ മാമാങ്കമായ നവകേരള സദസ് കഴിയുകയേ വേണ്ടു. വില കൂട്ടേണ്ടത് അനിവാര്യമാണെന്ന കാര്യം ഇടതുപക്ഷ മുന്നണിയോഗം അംഗീകരിച്ചു കഴിഞ്ഞു
മുഖ്യമന്ത്രിയും മന്ത്രിമാരും മണ്ഡലങ്ങളിൽ സദസ് സംഘടിപ്പിക്കുന്ന ഘട്ടത്തിൽ സാധനവില വദ്ധിപ്പിക്കുന്നത് ഗുണകരമാകില്ലെന്ന തീരുമാനത്തിലാണ് അതു് കുറച്ചു ദിവസത്തേയ്ക്ക് നീട്ടിവച്ചത്. പുതിയ വിലയും അത് വർദ്ധിപ്പിക്കേണ്ട സമയവും സംബന്ധിച്ച നിർദേശം സമർപ്പിക്കാൻമന്ത്രി ജി.ആർ അനിലിനെ സർക്കാർ ചുമതലപ്പെടുത്തിയിട്ടുണ്ട്. ഇനി മന്ത്രിമാർ ജനസമക്ഷം നിവൃത്തികേടിൻറെ അപരാധം ഏറ്റു പറഞ്ഞിട്ടുള്ള ഉത്സവം കഴിയുംവരെ കാത്തിരിക്കക . വിലക്കയറ്റത്തിൻറെ അത്യുഷ്ണത്താൽ പരോക്ഷമായ മറ്റൊരു ഗാസ പോലെ കേരളീയ മനസ്സ് പിടയുന്നത് കാണാം.
വാൽക്കഷ്ണം
അടുത്തിടെ നാട്ടുമ്പുറത്തെ ഒരു കോൺഗ്രസ്സുകാരൻ ഒരു ദുരാഗ്രഹം പറഞ്ഞു. 2026 ലും പിണറായി വിജയൻതന്നെ കേരളം ഭരിക്കണം. കാരണം ഇവരെക്കൊണ്ട് ജനങ്ങൾ കുറച്ചുകൂടി അനുഭവിക്കണം. അദ്ദേഹത്തിൻറെ രോഷം ഇനിയും പിണറായിയെ ന്യായീകരിക്കുന്ന അൽപ്പം ചിലരെങ്കിലും അവശേഷിക്കുന്നുവെന്നതാണ്. മാത്രവുമല്ല, സർവ്വവും മുടിച്ചുനിൽക്കുന്ന പിണറായി ഭരണത്തിനു ശേഷം ഒരു കോൺഗ്രസ്സ് മന്ത്രിസഭ അധികാരത്തിലെത്തിയാൽ എത്രകണ്ട് തിളങ്ങാൻ കഴിയുമെന്ന സംശയവും അയാൾ പ്രകടിപ്പിച്ചു. പക്ഷേ അതൊരു സാഡിസ്റ്റു ചിന്തയാണ്. കാലം അതിൻറെ വിധി നിശ്ചയിക്കട്ടെ. പക്ഷേ പൂച്ച പെറ്റു കിടന്ന അടുപ്പിൽ അതിനെ ഇപ്പോൾ കാണാനില്ലെന്നതാണ് സത്യം. ഒരുപക്ഷേ, അതും കുഞ്ഞുങ്ങളും അതിർത്തി കടന്നിരിക്കാനാണ് സാധ്യത.
*

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

crime

അവയവക്കടത്ത്: സാബിത്ത് നാസർ മുഖ്യസൂത്രധാരകനെന്ന് പൊലീസ്

Published

on

കൊച്ചി: അവയവ കടത്ത് കേസിൽ പുതിയ വഴിത്തിരിവ്. കേസിൽ പിടിയിലായ ഇടനിലക്കാരൻ എന്ന് സംശയിച്ച സാബിത്ത് നാസർ സംഭവത്തിന്റെ മുഖ്യസൂത്രധാരകരിലൊരാളാണെന്നും അന്വേഷണ സംഘം വ്യക്തമാക്കി. അവയവക്കടത്ത് സം​ഘത്തിലെ പ്രധാനികൾ ഉത്തരേന്ത്യക്കാരാണെന്നും സാബിത്ത്, കൊച്ചി സ്വദേശിയായ സുഹൃത്ത് എന്നിവരാണ് അവയവക്കടത്തിലെ പ്രധാന കണ്ണികളെന്നും അന്വേഷണ സംഘം വ്യക്തമാക്കി. കസ്റ്റഡിയിൽ ഉള്ള പ്രതിയെ ഇന്നും ചോദ്യം ചെയ്യും. അവയവക്കടത്തിൽ ഇനിയും ഇരകളുണ്ടായിട്ടുണ്ടെന്ന വിവരങ്ങളാണ് പുറത്തുവരുന്നത്. ബംഗളൂരു, ഹൈദരാബാദ് എന്നിവിടങ്ങൾക്ക് പുറമെ ഡൽഹിയിൽ നിന്നും ആളുകളെ കടത്തിയിട്ടുണ്ട്. പണം വാങ്ങിയതിന്റെ തെളിവുകൾ അന്വേഷണ സംഘം മൊബൈൽ ഫോണിൽ കണ്ടെത്തിയിട്ടുണ്ട്. ഈ ഫോൺ ഫോറൻസിക് പരിശോധനക്ക് വിധേയമാക്കും. കഴിഞ്ഞ ദിവസം കൊച്ചിയിൽ വെച്ചാണ് അവയവക്കടത്ത് കേസിലെ പ്രതി സബിത്ത് നാസർ പൊലീസിന്റെ പിടിയിലാകുന്നത്.

Continue Reading

Featured

പ്രതികൂല കാലാവസ്ഥ; വിമാനങ്ങൾ വൈകുന്നതിൽ പ്രതിഷേധം

Published

on

കോഴിക്കോട്: പ്രതികൂല കാലാവസ്ഥയെ തുടർന്ന് കരിപ്പൂരിൽ വിമാനങ്ങൾ വൈകുന്നു. കരിപ്പൂരില്‍ നിന്ന് മസ്‌കറ്റിലേക്കും അബുദാബിയിലേക്കും പോകേണ്ട എയര്‍ ഇന്ത്യാ എക്‌സ്പ്രസ് വിമാനങ്ങളാണ് വൈകുന്നത്. വിമാനങ്ങൾ വൈകുന്നതിൽ യാത്രക്കാരുടെ ഭാഗത്തുനിന്നും ശക്തമായ പ്രതിഷേധമാണ് ഉണ്ടാകുന്നത്.

ആവശ്യമായ ഭക്ഷണവും വെള്ളവും താമസസൗകര്യവും ഒരുക്കിയിട്ടില്ലെന്നാണ് യാത്രക്കാരുടെ പരാതി. ഇന്നലെ രാത്രി 11.10ന് പുറപ്പെടേണ്ടതായിരുന്നു മസ്‌കറ്റിലേക്കുള്ള എയര്‍ ഇന്ത്യാ എക്‌സ്പ്രസ് വിമാനാം. നൂറിലധികം വരുന്ന യാത്രക്കാരാണ് വിമാനത്താവളത്തിൽ പ്രതിഷേധിക്കുന്നത്. വിമാനം നാല് മണിക്കൂര്‍ വൈകുമെന്ന് പറഞ്ഞിരുന്നെങ്കിലും പിന്നീട് അത് നീണ്ടു പോവുകയായിരുന്നു. പ്രതികൂല കാലാവസ്ഥയാണ് വിമാനം വൈകുന്നതിന് കാരണമായി എയര്‍ ഇന്ത്യാ എക്‌സ്പ്രസ് നൽകിയ മറുപടി.

Advertisement
1000x200 PX MALAYALI DCTR MDX-02-02
Continue Reading

Kerala

കേരളത്തിലെ സർവകലാശാലകളിൽ ഭിന്നശേഷിക്കാർക്കായി പ്രത്യേക കായികമേള സംഘടിപ്പിക്കണം: കെഎസ്‌യു

Published

on

തിരുവനന്തപുരം: സംസ്ഥാന സർവ്വകലാശാലകളിൽ പഠിക്കുന്ന ഭിന്നശേഷി വിദ്യാർത്ഥികൾക്കായി പ്രത്യേക കായികമേളകൾ സംഘടിപ്പിക്കണമെന്ന ആവശ്യവുമായി കെഎസ്‌യു . ഇക്കാര്യം ചൂണ്ടിക്കാട്ടി ഇന്നത വിദ്യാഭ്യാസ മന്ത്രിക്കും, കേരള സർവ്വകലാശാല വൈസ് ചാൻസിലർക്കും കത്ത് നൽകി.

നിലവിൽ മറ്റു വിദ്യാർത്ഥികൾക്കൊപ്പം ഭിന്നശേഷിക്കാരായ വിദ്യാർഥികളും മത്സരങ്ങളിൽ പങ്കെടുക്കേണ്ടിവരുന്നത് പക്ഷപാതമാണെന്ന് ഉന്നത വിദ്യാഭ്യാസ മന്ത്രിക്കയച്ച കത്തിൽ ചൂണ്ടിക്കാട്ടി. അതിനാൽ വരുന്ന അധ്യയന വർഷം മുതൽ ഭിന്നശേഷിയുള്ള വിദ്യാർത്ഥികൾക്കായി പ്രത്യേക കായികമേള നടത്തുന്ന കാര്യം പരിഗണിക്കണമെന്ന് കെ.എസ്.യു സംസ്ഥാന പ്രസിഡൻ്റ് അലോഷ്യസ് സേവ്യർ ആവശ്യപ്പെട്ടു

Advertisement
1000x200 PX MALAYALI DCTR MDX-02-02

ഭിന്നശേഷിക്കാരുടെ ഉന്നമനത്തിനായി രാജ്യത്ത് വിവിധ കായിക മത്സരങ്ങൾ സംഘടിപ്പിക്കുന്നുണ്ട്. ഇവർക്കായി കൂടുതൽ അവസരങ്ങൾ നൽകാൻ ഇന്നത വിദ്യാഭ്യാസ വകുപ്പ് കൂടുതൽ നടപടികൾ സ്വീകരിക്കണമെന്നും കെഎസ്‌യു എക്സിക്യൂട്ടീവ് അംഗം അമൃതപ്രിയ ബി.എസ് കത്തിൽ ആവശ്യപ്പെട്ടു.

Advertisement
1000x200 PX MALAYALI DCTR MDX-02-02
Continue Reading

Featured