Connect with us
48 birthday
top banner (1)

mumbai

വായ്പ പലിശ നിരക്കുകളില്‍ മാറ്റമില്ല: റിപ്പോ 6.5 ശതമാനത്തില്‍ തുടരും

Avatar

Published

on

മുംബൈ: വായ്പ പലിശനിരക്കുകളില്‍ മാറ്റം വരുത്താതെ ആര്‍.ബി.ഐയുടെ വായ്പ അവലോകന യോഗം. റിസര്‍വ് ബാങ്ക് വാണിജ്യ ബാങ്കുകള്‍ക്ക് നല്‍കുന്ന വായ്പകള്‍ക്ക് ചുമത്തുന്ന പലിശ നിരക്കായ റിപ്പോ 6.5 ശതമാനത്തില്‍ തുടരും.തുടര്‍ച്ചയായി ആറാം തവണയാണ് പലിശനിരക്കുകളില്‍ ആര്‍.ബി.ഐ മാറ്റം വരുത്താത്തത്. ഭക്ഷ്യവസ്തുക്കളുടെ വിലക്കയറ്റമാണ് പണപ്പെരുപ്പത്തിനുള്ള കാരണമെന്നും ആര്‍.ബി.ഐ ഗവര്‍ണര്‍ ശക്തികാന്ത ദാസ് പറഞ്ഞു. ഉപഭോക്തൃ വിലസൂചികയെ അടിസ്ഥാനമാക്കിയുള്ള പണപ്പെരുപ്പം അടുത്ത സാമ്പത്തിക വര്‍ഷം 4.5 ശതമാനമായിരിക്കുമെന്നും ആര്‍.ബി.ഐ ഗവര്‍ണര്‍ അറിയിച്ചു.

ഇന്ത്യന്‍ സമ്പദ്‌വ്യവസ്ഥ 7.5 ശതമാനം നിരക്കില്‍ വളരുമെന്നു അദ്ദേഹം പ്രതീക്ഷ പ്രകടിപ്പിച്ചു.2024ലും ആഗോള സമ്പദ്‌വ്യവസ്ഥയുടെ വളര്‍ച്ച സുസ്ഥിരമായിരിക്കുമെന്നും ശക്തികാന്ത ദാസ് പറഞ്ഞു. ഉയര്‍ന്ന അളവിലുള്ള ?പൊതുകടം വികസിത രാജ്യങ്ങള്‍ക്ക് പ്രതിസന്ധി സൃഷ്ടിക്കുകയാണ്. വികസ്വര രാജ്യങ്ങളേക്കാള്‍ പൊതുകടമുള്ളത് വികസിത രാജ്യങ്ങളിലാണ്. വായ്പകളില്‍ സുസ്ഥിരതയുണ്ടാക്കുകയെന്ന വെല്ലുവിളിയാണ് വികസിത സമ്പദ്‌വ്യവസ്ഥകള്‍ക്ക് മറികടക്കാനുള്ളതെന്നും ആര്‍.ബി.ഐ ഗവര്‍ണര്‍ പറഞ്ഞു. കടം കുറച്ചാല്‍ മാത്രമേ പുതിയ നിക്ഷേപങ്ങള്‍ക്ക് വികസിത രാജ്യങ്ങള്‍ക്ക് ശേഷിയുണ്ടാകുവെന്നും അദ്ദേഹം കൂട്ടിച്ചേര്‍ത്തു.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

mumbai

ഓർഡർ ചെയ്ത ഐസ്ക്രീമിൽ നിന്നും ലഭിച്ചത് മനുഷ്യന്റെ വിരൽ; അന്വേഷണം ആരംഭിച്ചു പോലീസ്

Published

on

മുംബൈ: ഓർഡർ ചെയ്ത ഐസ്ക്രീമില്‍ നിന്നും മനുഷ്യന്റെ വിരല്‍ ലഭിച്ചു. മുംബൈയിലെ ഡോക്ടറും മലാഡ് സ്വദേശിയുമായ ഒർലെം ബ്രെൻഡൻ സെറാവോ എന്ന ഇരുപത്തേഴുകാരിക്കാണ് ബട്ടർ സ്കോച്ച്‌ ഐസ്ക്രീമില്‍ നിന്ന് വിരല്‍ ലഭിച്ചത്. ഡോക്ടറുടെ സഹോദരിയാണ് ‘Zepto’ എന്ന ആപ്പുവഴി ഐസ്ക്രീമും മറ്റു ചില പലചരക്ക് സാധനങ്ങളും ഓർഡർ ചെയ്തത്. ഈ ഓർഡറിൽ നിന്നും ലഭിച്ച ഐസ്ക്രീമില്‍ ഒന്നാണ് ഡോക്ടർ കഴിച്ചത്. കഴിച്ചുതുടങ്ങി കുറച്ചുകഴിഞ്ഞപ്പോള്‍ നാവില്‍ എന്തോ തടയുന്നതായി തോന്നിയെന്നും പരിശോധിച്ചപ്പോഴാണ് അത് വിരലാണെന്ന് മനസിലായതെന്നുമാണ് ഡോക്ടർ പറയുന്നത്. എന്നാല്‍ രുചിവ്യത്യാസം അനുഭവപ്പെട്ടില്ലെന്നും അവർ വ്യക്തമാക്കുന്നു.

Advertisement
inner ad
Continue Reading

mumbai

എ.ടി.എം ഇടപാടുകളുടെ ചാര്‍ജ് വര്‍ധിപ്പിക്കാനൊരുങ്ങി ആര്‍.ബി.ഐ

Published

on


മുംബൈ: എ.ടി.എം ഇടപാടുകള്‍ക്ക് ഇനി ചാര്‍ജേറും. കോണ്‍ഫെഡറേഷന്‍ ഓഫ് എ.ടി.എം ഇന്‍ഡസ്ട്രി ഇന്റര്‍ചേഞ്ച് ഫീ വര്‍ധിപ്പിക്കണമെന്നാവശ്യപ്പെട്ട് ആര്‍.ബി.ഐയേയും നാഷണല്‍ പേയ്‌മെന്റസ് കോര്‍പ്പറേഷന്‍ ഓഫ് ഇന്ത്യയേയും സമീപിച്ചതോടെയാണ് ചാര്‍ജ് വര്‍ധനക്ക് കളമൊരുങ്ങിയത്. ഇന്റര്‍ചെഞ്ച് ഫീസ് 23 രൂപയാക്കി വര്‍ധിപ്പിക്കണമെന്നാണ് കോണ്‍ഫെഡറേഷന്‍ ഓഫ് എ.ടി.എം ഇന്‍ഡസ്ട്രി ആവശ്യപ്പെട്ടിരിക്കുന്നത്. കാര്‍ഡ് ഉപയോഗിച്ചുള്ള ഇടപാടുകള്‍ക്ക് ബാങ്കുകള്‍ തമ്മില്‍ ഈടാക്കുന്ന നിരക്കാണ് ഇന്റര്‍ചെയ്ഞ്ച് ഫീസ്.

അക്കൗണ്ടുള്ള ബാങ്കിലെ ഡെബിറ്റ് കാര്‍ഡ് ഉപയോഗിച്ച് മറ്റൊരു ബാങ്കിന്റെ എ.ടി.എം കൗണ്ടറില്‍ നിന്നും ഉപഭോക്താവ് പണം പിന്‍വലിച്ചാല്‍ ഡെബിറ്റ് കാര്‍ഡ് നല്‍കിയ ബാങ്ക് പണം പിന്‍വലിക്കപ്പെട്ട എ.ടി.എമ്മിന്റെ ഉടമസ്ഥരായ ബാങ്കിന് നിശ്ചിത തുക നല്‍കണം. ഇതാണ് ഇന്റര്‍ചെയ്ഞ്ച് ഫീസ് എന്ന പേരില്‍ അറിയപ്പെടുന്നത്. ഇതില്‍ വര്‍ധന വേണമെന്നാണ് ഇപ്പോഴുള്ള ആവശ്യം.

Advertisement
inner ad

2021ലാണ് അവസാനമായി ഇന്റര്‍ചെയ്ഞ്ച് ഫീസ് കൂട്ടിയത്. അന്ന് 15 രൂപയില്‍ നിന്നും 17 രൂപയാക്കിയാണ് ഉയര്‍ത്തിയത്. ഇന്റര്‍ചെയ്ഞ്ച് ഫീസായി പരമാവധി ഈടാക്കാവുന്ന തുക 20ല്‍ നിന്നും 21 രൂപയായും വര്‍ധിപ്പിച്ചിരുന്നു. നിലവില്‍ സൗജന്യ എ.ടി.എം ഇടപാടുകള്‍ക്ക് ബാങ്കുകള്‍ പരിധി നിശ്ചയിച്ചിട്ടുണ്ട്. മെട്രോ നഗരങ്ങളില്‍ പരമാവധി അഞ്ച് എ.ടി.എം ഇടപാടുകള്‍ വരെ നടത്താം. മറ്റ് ബാങ്കുകളുടെ എ.ടി.എമ്മുകളിലാണെങ്കില്‍ പരമാവധി മൂന്ന് ഇടപാടുകള്‍ മാത്രമേ സൗജന്യമായി നടത്താനാവു.

Advertisement
inner ad
Continue Reading

mumbai

ഇനിയെങ്കിലും മണിപ്പൂര്‍ സന്ദര്‍ശിക്കാന്‍ പ്രധാനമന്ത്രി നരേന്ദ്രമോദി തയാറാകുമോയെന്ന് ഉദ്ധവ് താക്കറെ

Published

on



മുംബൈ: ഇനിയെങ്കിലും മണിപ്പൂര്‍ സന്ദര്‍ശിക്കാന്‍ പ്രധാനമന്ത്രി നരേന്ദ്രമോദി തയാറാകുമോയെന്ന് ശിവസേന നേതാവ് ഉദ്ധവ് താക്കറെ. കഴിഞ്ഞ ഒരുവര്‍ഷമായി മണിപ്പൂര്‍ സമാധാനത്തിനായി കാത്തിരിക്കുകയാണെന്നും കേന്ദ്രസര്‍ക്കാര്‍ അടിയന്തരമായി ഇടപെടണമെന്ന് മുതിര്‍ന്ന ആര്‍.എസ്.എസ് നേതാവ് മോഹന്‍ ഭാഗവത് അഭിപ്രായപ്പെട്ടിരുന്നു. ആര്‍.എസ്.എസ് പോലും ഇക്കാര്യം പറയുന്നു. ഈ സാഹചര്യത്തില്‍ ഇനിയെങ്കിലും മോദി മണിപ്പൂര്‍ സന്ദര്‍ശിക്കാന്‍ തയാറാകുമോ എന്നാണ് താക്കറെ ചോദിച്ചത്. ജമ്മുകശ്മീരിനെ പ്രത്യേക പദവിയില്‍ ഉള്‍പ്പെടുത്തിയത് എന്തിനാണെന്ന് മനസ്സിലാക്കണമെന്ന് സൂചിപ്പിച്ച ഉദ്ധവ് താക്കറെ റിയാസി ഭീകരാക്രമണത്തില്‍ നിരവധി പേരുടെ ജീവന്‍ നഷ്ടമായതില്‍ മോദിയെ ചോദ്യം ചെയ്യുകയും ചെയ്തു.

ഓരോ ജീവനുകളും നഷ്ടപ്പെടുകയാണ്. ജമ്മുകശ്മീരിലെ ഭീകരാക്രമണത്തിന് ആരാണ് ഉത്തരം പറയുക??-ഉദ്ധവ് ചോദിച്ചു. രാജ്യത്തിന്റെ ഭാവിയെ കുറിച്ചോര്‍ത്താണ് തനിക്ക് ആശങ്കയെന്നും അല്ലാതെ എന്‍.ഡി.എ സര്‍ക്കാരിനെ കുറിച്ച് ഓര്‍ത്തിട്ടല്ലെന്നും ഉദ്ധവ് വ്യക്തമാക്കി.

Advertisement
inner ad

ഒരു യഥാര്‍ഥ സേവകന് തന്റെ ജനങ്ങളെ വേദനിപ്പിക്കാനാവില്ലെന്നും ഭാഗവത് കഴിഞ്ഞ ദിവസം അഭിപ്രായപ്പെട്ടിരുന്നു. തുടര്‍ന്ന് ആര്‍.എസ്.എസും ബി.ജെ.പിയും തമ്മിലെ ഭിന്നതയാണ് ഇതിലൂടെ മറനീക്കി പുറത്തുവരുന്നതെന്ന് സൂചിപ്പിച്ച് ഭൂപേഷ് ബാഗേല്‍ അടക്കമുള്ളവര്‍ രംഗത്തുവന്നിരുന്നു. രാജ്യസഭ എം.പി കപില്‍ സിബലും ഭാഗവതിന്റെ പരാമര്‍ശത്തില്‍ പ്രതികരിച്ചിരുന്നു. പ്രതിപക്ഷം മണിപ്പൂരിനെ കുറിച്ച് നിരവധി തവണ ആശങ്ക പ്രകടിപ്പിച്ചിട്ടും മോദി അത് ചെവിക്കൊണ്ടില്ലെന്നായിരുന്നു സിബലിന്റെ വിമര്‍ശനം.

2023 മേയ് ആദ്യവാരമാണ് മണിപ്പൂരില്‍ കലാപം തുടങ്ങിയത്. സംസ്ഥാനത്തെ മേയ്ത്തി, കുങ്കി വിഭാഗങ്ങള്‍ തമ്മിലുള്ള സംഘര്‍ഷം കലാപമായി മാറുകയായിരുന്നു. കലാപത്തില്‍ 225 പേര്‍ കൊല്ലപ്പെട്ടു. 60,000ത്തിലേറെ ആളുകള്‍ക്ക് കിടപ്പാടം നഷ്ടപ്പെടുകയും ചെയ്തു.

Advertisement
inner ad
Continue Reading

Featured