Thiruvananthapuram
വകുപ്പ് തല അവലോകനത്തില് ഇടത് യൂണിയന് നേതാവായ പട്ടികജാതി വികസന ഓഫീസര്ക്ക് രൂക്ഷ വിമര്ശനം
തിരുവനന്തപുരം: പട്ടികജാതി വികസന വകുപ്പിന്റെ നേതൃത്വത്തില് നടത്തിയ ജില്ലാ തല അവലോകനത്തില് ഇടത് ഗസറ്റഡ് ഓഫീസര്മാരുടെ സംഘടനയിലെ വനിതാ നേതാവും തിരുവനന്തപുരം ജില്ലാ ഓഫിസറുമായ ഉദ്യോഗസഥക്ക് രൂക്ഷ വിമര്ശനം. 2021 ല് ഭരണാനുമതി ലഭിച്ച അംബേദ്കര് ഗ്രാമം പദ്ധതിയില് ഉള്പ്പെട്ട പ്രദേശത്ത് നാല് വര്ഷങ്ങള്ക്ക് ശേഷവും പണി ആരംഭിക്കാത്തത് എന്ത് ന്ന് സ്ഥലം എം.എല്.എയും ഭഷ്യ സിവില് സപ്ലൈസ് വകുപ്പ് മന്ത്രിയുമായ ജി.ആര് അനില് ചോദിച്ചതിന് വ്യക്തമായ മറുപടി കൊടുക്കാന് സാധിക്കാത്തതും തുടര്ന്ന് വകുപ്പ് മന്ത്രി ഒ.ആര് കേളുവിന്റെ ചോദ്യങ്ങള്ക്ക് പരസ്പര വിരുദ്ധവും വ്യക്തവുമായ അല്ലാത്ത മറുപടി നല്കിയത് മന്ത്രിയെ ചൊടിപ്പിച്ചു.
നിങ്ങള് ചോദ്യങ്ങള്ക്ക് മാത്രം മറുപടി നല്കിയാല് മതിയെന്ന് മന്ത്രിയില് നിന്ന് കേട്ടതിന് ശേഷമാണ് ഇടത് നേതാവ് നിശബ്ദയായത്. അവലോകനത്തിന് ശേഷം വകുപ്പിന്റെ സംസ്ഥാന തല വാട്ടസ് പ്പ് ഗ്രൂപ്പില് ബന്ധപ്പെട്ട ഉദ്യോഗസഥന് പരിപാടിയുടെ വാര്ത്തയും ഫോട്ടോകളും പങ്ക് വെച്ചപ്പോള് എന്ത് കൊണ്ട് താന് പ്രസന്റേഷന് നടത്തുന്ന ഫോട്ടോ വന്നില്ല എന്ന് ചോദിച്ചു കൊണ്ട് രംഗത്ത് വന്നതിന് ബന്ധപ്പെട്ട ഉദ്യോഗസ്ഥന് അവഗണിച്ച് തള്ളിയത് അവര്ക്ക് കനത്ത ക്ഷീണമായി.
കാസര്ഗോഡ് സ്ഥിര താമസ്സകാകരിയായ ഇവര് ഏറെക്കാലം കാസര്കോഡ് ജില്ലാ പട്ടികജാതി വികസന ഓഫീസറായിരുന്നു. സര്വ്വീസില് നിന്ന് വിരമിക്കാന് മാസങ്ങള് മാത്രം ശേഷിക്കുന്ന ഇവര് പിരിഞ്ഞ് പോകുന്നതിന് മുന്പ് തലസ്ഥാന ജില്ലയിലേക്ക് സ്ഥലംമാറ്റം വാങ്ങി വന്നത് ജോലിയില് നിന്ന് പിരിഞ്ഞ ശേഷവും തന്റെ ഭരണസ്വാധീനം ഉപയോഗിച്ച് ഏതെങ്കിലും സര്ക്കാര് ലാവണം ഒപ്പിച്ച് അതില് കടിച്ച് തൂങ്ങി കിടക്കാനാണ് എന്നാണ് ജീവനക്കാര്ക്കിടയിലെ സംസാരം
പട്ടികജാതി വികസന വകുപ്പ് ഡയറക്ടറേറ്റിലെ ഭരണാനുകൂല സംഘടനയില് ഉള്പ്പെട്ട ചില ഉദ്യോഗസ്ഥ പ്രമുഖര്ക്ക് എതിരേ വകുപ്പ് ഡയറക്ടര് എടുത്ത അച്ചടക്ക നടപടിയില് പ്രതിഷേധിച്ച് ഇടത് സര്വ്വീസ് സംഘടനകള് വകുപ്പ് ആസ്ഥാനത്ത് നടത്താന് ശ്രമിച്ച ഒരു മണി സമരത്തിന്റെ മുഖ്യനായികയായ ഇവര്ക്ക് സമരം നടത്താന് പോലും സാധിക്കാതെ പോയത് ജീവനക്കാര്ക്ക് ഇടയില് പരിഹാസ ചിരിക്ക് കാരണമായി.
ജീവനക്കാര്ക്ക് ഇടയില് താടക റാണി എന്ന് അറിയപ്പെടുന്ന ഇവര് ഇടത് സംഘടനകളുടെ സമര പ്രഹസനങ്ങളിലേക്ക് ജീവനക്കാരേ തള്ളിവിടുന്നതിന് എതിരേ വകുപ്പിലെ ഒരു സാധാരണ ജീവനക്കാരന് നിങ്ങള് സഖാത്തി കളിക്കാനാണോ ജില്ലാ പട്ടികജാതി വികസന ഓഫിസറുടെ കസേരയില് ഇരിക്കുന്നത് എന്ന് പരസ്യമായി ചോദിച്ചത് കഴിഞ്ഞ ദിവസങ്ങളില് ജീവനക്കാരുടെ സ്വകാര്യ സംഭാഷണങ്ങളില് കൂട്ടച്ചിരിക്ക് കാരണമായി.
തിരുവനന്തപുരം: ആർഎസ്എസ്- എഡിജിപി വിവാദ കൂടിക്കാഴ്ചയിൽ ഒടുവിൽ മുഖ്യമന്ത്രി മൗനംവെടിഞ്ഞു. പക്ഷേ താനും സർക്കാരും പാർട്ടിയും പ്രതിക്കൂട്ടിൽ നിൽക്കുന്ന വിഷയങ്ങളിൽ ഒരക്ഷരം മിണ്ടിയില്ലാ എന്നുമാത്രം. എഡിജിപി എംആർ അജിത്ത് കുമാർ ആർഎസ്എസ് നേതാക്കളെ കണ്ട സംഭവത്തിൽ മുഖ്യമന്ത്രി ഒന്നും തന്നെ പറഞ്ഞില്ല. അജിത്കുമാറും ആർഎസ്എസ് നേതാവുമായുള്ള കൂടിക്കാഴ്ചയുമായി ബന്ധപ്പെട്ട വിവാദം ആരംഭിച്ച ശേഷം ഇതുവരെയും മൗനം തുടർന്ന അദ്ദേഹം സിപിഎം വേദിയിൽ ഇന്ന് സംസാരിച്ചത് പാർട്ടിയുടെ ആർഎസ്എസ് വിരുദ്ധ ചരിത്രം പറയാൻ വേണ്ടി മാത്രമായിരുന്നു. തൃശ്ശൂർ പൂരത്തിനിടയിലുണ്ടായ സംഭവങ്ങളിലടക്കം ഈ കൂടിക്കാഴ്ചചകൾക്ക് ബന്ധമുണ്ടെന്ന് പ്രതിപക്ഷം ആരോപിക്കുമ്പോഴാണ്, മാധ്യമങ്ങളെയടക്കം കുറ്റപ്പെടുത്തിക്കൊണ്ട് മാത്രം മുഖ്യമന്ത്രി സംസാരിച്ചത്.
സിപിഎമ്മിന് കെട്ട ചരിത്രമില്ലെന്നും ആർഎസ്എസിനോട് സ്വീകരിച്ച വിട്ടുവീഴ്ചയില്ലാത്ത നിലപാടിൽ ഇനിയും വെള്ളം ചേർക്കില്ലെന്നുമായിരുന്നുമുഖ്യമന്ത്രിയുടെ വാദങ്ങൾ. എന്തോ വലിയ കാര്യം നടന്നുവെന്ന് വരുത്തി തീർക്കാൻ പലരും ശ്രമിക്കുന്നുവെന്നും മുഖ്യമന്ത്രി പറഞ്ഞു.
അതെ സമയം എഡിജിപി എംആർ അജിത്ത് കുമാർ ആർഎസ്എസ് നേതാവ് ദത്താത്രേയയെ കണ്ടും റാം മാധവിനെ കണ്ടതുമായി ബന്ധപ്പെട്ട് പൊലീസിലെ രഹസ്യാന്വേഷണ വിഭാഗം നേരത്തെ തന്നെ മുഖ്യമന്ത്രിക്ക് റിപ്പോർട്ട് നൽകിയിരുന്നു. എന്നാൽ അതിനകത്ത് യാതൊരു നടപടിയും മുഖ്യമന്ത്രി കൈക്കൊണ്ടിരുന്നില്ല. വിഷയം പ്രതിപക്ഷം ശക്തമായി ഉന്നയിക്കുകയും സഖ്യകക്ഷികളിൽ നിന്നടക്കം വിമർശനം ഉയരുകയും ചെയ്തിട്ടും ഈ സംഭവത്തിൽ പ്രതികരിക്കാതെയാണ് ഇന്ന് കോവളത്തെ സിപിഎം വേദിയിൽ മുഖ്യമന്ത്രി പ്രസംഗിച്ചത്.
തിരുവനന്തപുരം: കാഫിര് സ്ക്രീന് ഷോട്ടും ആര്.എസ്.എസ് ബന്ധവും പൂരം കലക്കിയതും പുറത്തു വന്നതോടെ സി.പി.എമ്മിന്റെ കപട മതേതര മുഖംമൂടി അഴിഞ്ഞു വീണുവെന്ന് പ്രതിപക്ഷ നേതാവ് വി.ഡി. സതീശന്. മുഖ്യമന്ത്രിയുടെ ഓഫീസില് ഉപജാപകസംഘം പ്രവര്ത്തിക്കുന്നുവെന്ന ആരോപണവും സി.പി.എമ്മും ബി.ജെ.പിയും തമ്മില് അവിശുദ്ധ ബാന്ധവമുണ്ടെന്നും സി.പി.എമ്മിനെ ജീര്ണത ബാധിച്ചിരിക്കുകയാണെന്നുമുള്ള പ്രതിപക്ഷ ആരോപണങ്ങള് ശരിയാണെന്ന് ഇപ്പോള് തെളിഞ്ഞുവെന്നും ദുബായില് നടത്തിയ വാര്ത്താസമ്മേളനം അദ്ദേഹം പറഞ്ഞു.
ഉപജാപക സംഘത്തില് ഉള്പ്പെട്ടവരുടെ പേരുകള് ഇപ്പോള് പുറത്തുവന്നിട്ടുണ്ട്. ഇനിയും കൂടുതല് പേരുകള് പുറത്തു വരും. കാഫിര് സ്ക്രീന് ഷോട്ട് പ്രചരിപ്പിച്ചതും ആര്.എസ്.എസ് നേതാവിനെ എ.ഡി.ജി.പി സന്ദര്ശിച്ച് മുഖ്യമന്ത്രിയുടെ സന്ദേശം കൈമാറിയതും തൃശൂര് പൂരം കലക്കിയതും പുറത്തു വന്നതോടെ സി.പി.എമ്മിന്റെ കപട മതേതര മുഖംമൂടിയാണ് അഴിഞ്ഞു വീണിരിക്കുന്നത്.
മതപരമായ ഭിന്നിപ്പുണ്ടാക്കി രാഷ്ട്രീയ നേട്ടമുണ്ടാക്കാനാണ് കാഫീര് വിവാദത്തിലൂടെ സി.പി.എം ശ്രമിച്ചത്. ബി.ജെ.പിക്ക് കേരളത്തില് അക്കൗണ്ട് തുറക്കാന് സഹായിക്കാമെന്ന സന്ദേശമാണ് എ.ഡി.ജി.പി വഴി മുഖ്യമന്ത്രി ആര്.എസ്.എസിന് കൈമാറിയത്. ഇതിന്റെ തുടര്ച്ചയായി ബി.ജെ.പിക്ക് കളമൊരുക്കുന്നതിന് വേണ്ടിയാണ് പൂരം കലക്കിയത്. വിശ്വാസത്തെയും ആചാരാനുഷ്ടാനങ്ങളെയും കുറിച്ച് പറഞ്ഞ ബി.ജെ.പിയാണ് ഉത്സവം കലക്കിയത്. സി.പി.എമ്മിന്റെയും ബി.ജെ.പിയുടെയും കപട നിലപാടുകള് ഇപ്പോള് ജനങ്ങള്ക്ക് മുന്നില് തുറന്നു കാട്ടപ്പെട്ടിരിക്കുകയാണ്.
പത്തു ദിവസമായി ഒരു ഭരണകക്ഷി എം.എല്.എ മുഖ്യമന്ത്രിയെയും അദ്ദേഹത്തിന്റെ ഓഫീസിനെയും വെല്ലുവിളിക്കുകയാണ്. എന്നിട്ടും മിണ്ടുന്നില്ല. പഴയ സി.പി.എം ആയിരുന്നെങ്കില് ഇങ്ങനെയാണോ പറയുന്നത് തെറ്റാണെന്നു പറയാന് പോലും പറ്റുന്നില്ല. അതാണ് സി.പി.എമ്മിലെ ജീര്ണതയുടെ ഏറ്റവും വലിയ അടയാളം.സ്വര്ണക്കള്ളക്കടത്തും കൊടകര കുഴല്പ്പണ കേസും ആവിയായതു പോലെ ഇപ്പോഴത്തെ ആരോപണങ്ങളിലെ അന്വേഷണങ്ങളും ആവിയായി പോയാല് പ്രതിപക്ഷ അതിനെ നിയമപരമായി നേരിടും. ആദ്യ പിണറായി സര്ക്കാരിന്റെ കാലത്ത് സ്വര്ണക്കള്ളക്കടത്തു കേസില് മുഖ്യമന്ത്രിയുടെ പ്രിന്സിപ്പല് സെക്രട്ടറി രണ്ടു തവണ ജയിലിലായി.
സ്വര്ണക്കള്ളക്കടത്തിന് പുറമെ സ്വര്ണം പൊട്ടിക്കലും കൊലപാതകങ്ങളും കൈക്കൂലിയും അഴിമതിയും ഉള്പ്പെടെയുള്ള ആരോപണങ്ങളാണ് ഇപ്പോള് മുഖ്യമന്ത്രിയുടെ ഓഫീസിനെതിരെ ഉയര്ന്നിരിക്കുന്നത്. എന്നിട്ടും മുഖ്യമന്ത്രി മിണ്ടുന്നില്ല. മുഖ്യമന്ത്രിയോട് ഒരു ചോദ്യം ചോദിക്കാന് പോലും മാധ്യമ പ്രവര്ത്തകര്ക്ക് സാധിക്കുന്നില്ല. മുഖ്യമന്ത്രി മഹാമൗനത്തിന്റെ മാളങ്ങളില് ഒളിക്കുകയാണെന്നും വി.ഡി സതീശന് പറഞ്ഞു.
തിരുവനന്തപുരം: സംസ്ഥാനത്തെ ഇന്ധന പമ്പുകളില് അളവുതൂക്ക പരിശോധന വിഭാഗം നടത്തിയ പരിശോധനയില് കണ്ടെത്തിയത് വ്യാപക ക്രമക്കേട്. സര്ക്കാറിന്റെ സിവില് സപ്ലൈസ് പമ്പുകളില് അടക്കം 50 പമ്പുകളിലാണ് ഇന്ധനത്തിന്റെ അളവ് അനുവദനീയമായതിലും കുറവാണെന്ന് കണ്ടെത്തിയത്.
പമ്പുകളിലെ അളവുപാത്രം മുദ്ര ചെയ്യാത്തതിനടക്കം 510 പമ്പുകള്ക്കെതിരെ ലീഗല് മെട്രോളജി വിഭാഗം കേസെടുക്കുകയും 9.69 ലക്ഷം രൂപ പിഴ ചുമത്തുകയും ചെയ്തു. പാലക്കാട് (61) ജില്ലയിലാണ് കൂടുതല് ക്രമക്കേട് കണ്ടെത്തിയത്. എറണാകുളം (55) തിരുവനന്തപുരം (53) ജില്ലകളാണ് തൊട്ടുപിറകില്. വയനാട്ടിലാണ് (15) ഏറ്റവും കുറവ് കേസുകള്.
രണ്ടര വര്ഷത്തിനിടെ നടത്തിയ പരിശോധനയിലാണ് ക്രമക്കേട് കണ്ടെത്തിയത്. അഞ്ച് ലിറ്റര് ഇന്ധനം വില്ക്കുമ്പോള് 25 മില്ലിലിറ്റര് കൂടുകയോ കുറയുകയോ ചെയ്യുന്നതില് നിയമത്തില് ഇളവുണ്ട്. എന്നാല്, ചില പമ്പുകളില് 100 മുതല് 120 മില്ലിലീറ്റര് വരെ വ്യത്യാസമാണ് കണ്ടെത്തിയത്.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News3 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News4 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login