Alappuzha
സഹപ്രവര്ത്തകനെ ബലി കൊടുത്ത് ഇടത് ഉദ്യോഗസ്ഥ സംഘടനകള്: നവീന് ബാബുവിന്റെ മരണത്തില് പ്രതികരിക്കാതെ കെജിഒഎ

ആലപ്പുഴ: ജില്ലാ പഞ്ചായത്ത് പ്രസിഡന്റ് പി പി ദിവ്യയുടെ പരാമര്ശത്തില് മനം നൊന്ത് ആത്മഹത്യ ചെയ്ത എഡിഎം നവീന് ബാബുവിന്റെ മരണത്തില് പ്രതികരിക്കാതെ ഇടത് ഉദ്യോഗസ്ഥ സംഘടനകള്. കൂട്ടത്തില് ഒരുവന് ഹൃദയ വേദനയോടെ സ്വന്തം പ്രാണന് വെടിഞ്ഞിട്ടും അനക്കമില്ലാതെ പോയ പിണറായി വിജയന്റെ സ്തുതിപാടക സംഘടനകള്ക്കെതിരെ സാമൂഹിക മാധ്യമങ്ങളില് പ്രതിഷേധം ആളിപ്പടരുന്നു. പാര്ട്ടി പിരിവിന് ബക്കറ്റെടുത്ത്് പിരിവിനിറങ്ങുന്ന സംഘടനയ്ക്ക് നവീന് ബാബുവിന്റെ മരണത്തിന് അനുശോചനം അറിയിക്കാന് പോലും യോഗ്യതയില്ല.
ഉന്നത സേവനത്തിന് മന്ത്രി എ കെ രാജന് ആദരിച്ച ഉദ്യോഗസ്ഥനാണ് നവീന് ബാബു. ഒരു സിപിഎം പാര്ട്ടി കുടുംബത്തില് ജനിച്ച് വളര്ന്ന് എല്ഡിക്ലര്ക്കായി സര്ക്കാര് സര്വ്വീസില് പ്രവേശിച്ച നവീന് ബാബു സ്വപ്രയത്നം കൊണ്ടാണ് എഡിഎം ആയത്. വിരമിക്കാന് വെറും ഏഴ് മാസം മാത്രം ബാക്കിയുള്ളപ്പോഴാണ് നവീന് ബാബുവിന്റെ മരണം. സംസ്ഥാനം മുഴുവന് ഈ ഉദ്യോഗസ്ഥന്റെ മരണത്തില് വിതുമ്പുമ്പോഴും സംഘടനാ ശക്തിപറഞ്ഞ് ഊറ്റം കൊള്ളുന്ന കേരള ഗസറ്റഡ് ഓഫീസേഴ്സ് അസോസിയേഷന് എന്ന ഇടത് സംഘടന ഒരു വാക്കു പോലും ഉരുവിടാതെ പിണറായി പേടിയില് ഒളിച്ചിരിക്കുമ്പോള് ഓരോ ഉദ്യോഗസ്ഥനും ഓര്ക്കണം തന്റെ വിധിയും വേറൊന്നല്ലെന്ന്. യോഗത്തിലേയ്ക്ക് വിളിക്കാതെ വലഞ്ഞ് കേറി വന്ന് ജില്ലാ കളക്ടര് ഇരുന്ന വേദിയില് കണ്ണൂര് ജില്ലാ പഞ്ചായത്തിന്റെ ഭാരം ചുമക്കുന്ന പി പി ദിവ്യ മൈക്കില് കൂടി ഘോരം ഘോരം പ്രസംഗിച്ചു മുഴുവിച്ചപ്പോള് അവിടെ ഇല്ലാതായത് ഒരു കുടുംബത്തിന്റെ സ്വപ്നങ്ങളാണ്. കണ്ണൂരില്നിന്ന് പത്തനംതിട്ടയിലേക്ക് സ്ഥലം മാറ്റം ലഭിച്ച എ.ഡി.എം നവീന് ബാബുവിന് കണ്ണൂര് കളക്ടറേറ്റ് കോണ്ഫറന്സ് ഹാളില് നല്കിയ യാത്രയയപ്പിലായിരുന്നു ചവറ്റുകുട്ടയ്ക്കു പോലും വേണ്ടാത്ത ദിവ്യയുടെ ആരോപണം.
Alappuzha
ജാമ്യമില്ലാ കേസില് പൊലീസിനെതിരെ ആഞ്ഞടിച്ച് എച്ച് സലാം എംഎല്എ

ആലപ്പുഴ: ജാമ്യമില്ലാ കേസില് പൊലീസിനെതിരെ ആഞ്ഞടിച്ച് എച്ച് സലാം എംഎല്എ. ആലപ്പുഴ പൊലീസ് റിസോര്ട്ട് ഉടമയ്ക്ക് കീഴടങ്ങിയെന്നും പൊലീസ് നടപടിയില് അസ്വഭാവികതയുണ്ടെന്നും എംഎല്എ ആരോപിച്ചു. അറസ്റ്റ് ചെയ്യുന്നെങ്കില് ചെയ്യട്ടെയെന്നും മുന്കൂര് ജാമ്യമെടുക്കില്ലെന്നും എച്ച് സലാം വ്യക്തമാക്കി.
‘എന്നോട് ഒരു റിപ്പോര്ട്ട് പോലും ചോദിക്കാതെയാണ് ജാമ്യമില്ല വകുപ്പ് ചുമത്തിയത്. പൊതുമരാമത്ത് എഞ്ചിനീയര്ക്കെതിരെ കേസെടുത്ത രീതി അസാധാരണം. സാധാരണക്കാര്ക്ക് വേണ്ടി നിന്നതില് അഭിമാനമുണ്ട്. ആലപ്പുഴ പൊലീസിനെതിരെ മുഖ്യമന്ത്രിക്ക് പരാതി നല്കും. പൊലീസിന്റെ നടപടി സര്ക്കാര് നയത്തിന് വിരുദ്ധമാണ്’, അദ്ദേഹം പറഞ്ഞു.
സ്വകാര്യ റിസോര്ട്ടിന്റെ മതില് പൊളിച്ചതിനാണ് എച്ച് സലാം എംഎല്എയ്ക്കെതിരെ പൊലീസ് കേസെടുത്തത്. പൊതുവഴി വീതികൂട്ടുന്നതിന് നോട്ടീസ് നല്കിയിട്ടും പൊളിക്കാതിരുന്ന പള്ളാത്തുരുത്തിയിലെ സ്വകാര്യ റിസോര്ട്ടിന്റെ മതിലാണ് എംഎല്എയുടെ നേതൃത്വത്തില് പൊളിച്ചത്. തുടര്ന്ന് എച്ച് സലാമിനെ ഒന്നാംപ്രതിയാക്കി ജാമ്യമില്ലാ വകുപ്പ് പ്രകാരം നാലുപേര്ക്കെതിരെ സൗത്ത് പൊലീസ് കേസെടുക്കുകയായിരുന്നു.
ഡിസംബര് 27നായിരുന്നു കേസിനാസ്പദമായ സംഭവം നടന്നത്. സ്വകാര്യ റിസോര്ട്ടിന്റെ മതില് മണ്ണുമാന്തിയന്ത്രം ഉപയോഗിച്ച് എംഎല്എയുടെ നേതൃത്വത്തില് പൊളിച്ചുവെന്നാണ് പരാതി. എ സി റോഡില് പള്ളാത്തുരുത്തി പാലത്തിനു സമീപത്തുനിന്ന് കിഴക്കുഭാഗത്തേക്കുള്ള റോഡ് ബലപ്പെടുത്താനും വീതി കൂട്ടാനുമായി മതില് പൊളിക്കണമെന്ന് ബന്ധപ്പെട്ടവര്ക്ക് പലതവണ നിര്ദേശം നല്കിയിരുന്നു. എന്നാല് അത് പാലിക്കാതെ വന്നതോടെയാണ് മതില് പൊളിക്കേണ്ടിവന്നതെന്നാണ് സലാം പറയുന്നത്.
Alappuzha
ചേർത്തലയില് മരിച്ച സജിയുടെ പോസ്റ്റ്മോർട്ടം റിപ്പോർട്ട് പുറത്ത്; തലയ്ക്ക് ക്ഷതമേറ്റതായി കണ്ടെത്തല്

ആലപ്പുഴ: ചേർത്തലയില് മരിച്ച സജിയുടെ പോസ്റ്റ്മോർട്ടം റിപ്പോർട്ട് പുറത്ത്. തലയ്ക്ക് ക്ഷതമേറ്റതായി പോസ്റ്റ്മോർട്ടം റിപ്പോർട്ടില് കണ്ടെത്തല്.തലയ്ക്ക് പിന്നില് പൊട്ടലുണ്ട്. അമ്മയുടേത് അപകടമരണമല്ലെന്നും അച്ഛന്റെ ആക്രമണത്തില് സംഭവിച്ചതാണെന്നുമുള്ള മകളുടെ മൊഴിയുടെ അടിസ്ഥാനത്തിലാണ് കല്ലറ തുറന്ന് പോസ്റ്റുമോർട്ടം നടത്തിയത്. വണ്ടാനം മെഡിക്കല് കോളജ് ആശുപത്രി മോർച്ചറിയിലായിരുന്നു പോസ്റ്റ്മോർട്ടം നടന്നത്.
അമ്മയുടേത് അപകടമരണമല്ലെന്നും അച്ഛന്റെ ആക്രമണത്തില് സംഭവിച്ചതാണെന്നുമുള്ള മകളുടെ മൊഴിയുടെ അടിസ്ഥാനത്തില് അച്ഛൻ സോണിക്കെതിരെ പൊലീസ് കേസെടുത്തിരുന്നു. തലയ്ക്ക് പിന്നിലെ മുറിവാണ് മരണത്തിന് കാരണമെന്ന് ഡോക്ടർമാർ വ്യക്തമാക്കി. മകളുടെ മൊഴിയെ സാധൂകരിക്കുന്ന തരത്തിലാണ് പോസ്റ്റ്മോർട്ടം റിപ്പോർട്ട്. മര്ദനമേറ്റ് ഒരു മാസമായി ചികിത്സയിലിരിക്കെയായിരുന്നു ചേര്ത്തല സ്വദേശി വി.സി. സജിയുടെ മരണം. സംസ്കാര ചടങ്ങുകള് പൂര്ത്തിയായതോടെയാണ് പരാതിയുമായി മകള് പൊലീസിനെ സമീപിച്ചത്.
ജനുവരി 8ന് രാത്രി മദ്യപിച്ചെത്തിയ ഭര്ത്താവ് സോണിയും സജിയുമായി വഴക്കുണ്ടാകുന്നത്. സോണിയുടെ മര്ദനത്തില് തലയ്ക്ക് ഗുരുതരമായി പരിക്കേറ്റ സജിയെ വണ്ടാനം മെഡിക്കല് കോളേജ് ആശുപത്രിയിലേക്ക് മാറ്റി. വീടിനകത്ത് കാല് വഴുതിവീണ് പരിക്കേറ്റന്നായിരുന്നു ഒപ്പം ഉണ്ടായിരുന്ന മകള് ഡോക്ടര്മാരോട് പറഞ്ഞത്. ഒരു മാസത്തോളം ചികിത്സയിലിരിക്കേ ഫെബ്രുവരി ഒമ്പതിന് സജി മരണത്തിന് കീഴടങ്ങി. സംസ്കാര ചടങ്ങുകള്ക്ക് ശേഷമാണ് മകള് ബന്ധുക്കളോട് സജിയെ സോണി മര്ദിച്ചിരുന്ന കാര്യം പറയുന്നത്. തുടര്ന്ന് ചേര്ത്തല പൊലീസില് പരാതി നല്കി.
പ്രേമിച്ച് വിവാഹിതരായ സജിയും സോണിയും തമ്മില് കുറച്ചു നാളുകളായി കുടുംബ പ്രശ്നങ്ങള് ഉണ്ടായിരുന്നതായി ബന്ധുക്കള് പറയുന്നു. എട്ടാം തീയതി ഉണ്ടായ വഴക്കില് സോണി ഭാര്യയെ ക്രൂരമായി മര്ദിക്കുകയും തല ഭിത്തിയില് പല തവണ ഇടിപ്പിക്കുകയും ചെയ്തുവെന്നാണ് മകളുടെ മൊഴി. സോണിയുടെ സ്ത്രീസൗഹൃദങ്ങള് ചോദ്യം ചെയ്തതിനായിരുന്നു ക്രൂരമർദനം. പരാതിയുടെ അടിസ്ഥാനത്തില് അസ്വഭാവിക മരണത്തിന് കേസെടുത്ത പൊലീസ്,റവന്യു വകുപ്പിന്റെ അനുമതി വാങ്ങിയാണ് മൃതദേഹം കല്ലറയില് നിന്നു പുറത്തെടുത്തത്.
Alappuzha
ആലപ്പുഴയിൽ പേവിഷബാധയേറ്റ് ചികിത്സയിലിരുന്ന 11 കാരൻ മരിച്ചു

ആലപ്പുഴ: ആലപ്പുഴയിൽ പേവിഷബാധയേറ്റ് ചികിത്സയിലിരുന്ന പതിനൊന്ന് വയസുകാരൻ മരിച്ചു. ചാരുംമൂട് സ്മിതാ നിവാസിൽ ശ്രാവിൺ ഡി. കൃഷ്ണ (11) ആണ് മരിച്ചത്. രണ്ടാഴ്ച മുമ്പ് സൈക്കിളിൽ പോകുമ്പോഴാണ് കുട്ടിയെ തെരുവുനായ ആക്രമിച്ചത്. എന്നാൽ തെരുവുനായ കടിച്ചകാര്യം ശ്രാവിൺ വീട്ടുകാരെ അറിയിച്ചിരുന്നില്ല.
ഫെബ്രുവരി ആറിനാണ് പേവിഷബാധയുടെ ലക്ഷണങ്ങളോടെ കുട്ടിയെ തിരുവല്ലയിലെ സ്വകാര്യ ആശുപത്രിയിൽ എത്തിച്ചത്. ആശുപത്രിയിൽ ചികിത്സയിലിരിക്കെ തിങ്കളാഴ്ച ഉച്ചയോടെ മരണം സംഭവിക്കുകയായിരുന്നു.
-
Kerala3 months ago
ജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News2 months ago
ക്ഷാമബത്ത കേസില് ഇടക്കാല ഉത്തരവ്
-
News3 months ago
ക്ഷാമ ബത്ത കേസിൽ ഇടക്കാല ഉത്തരവ്
-
News3 weeks ago
സംസ്ഥാനത്ത് സാമ്പത്തിക പ്രതിസന്ധി: കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം
-
News3 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month ago
പണിമുടക്ക് നോട്ടീസ് നൽകി
-
News2 months ago
സര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Thiruvananthapuram2 weeks ago
ജീവനക്കാരെ പറ്റിച്ച ബജറ്റ്: സെ ക്രട്ടറിയേറ്റ് ആക്ഷൻ കൗൺസിൽ
You must be logged in to post a comment Login