പാലക്കാട്‌: ആലത്തൂരിൽ അഭിഭാഷകനോട് മോശമായി പെരുമാറിയ സംഭവത്തിൽ എസ്ഐക്ക് തടവ് ശിക്ഷ. എസ്ഐ വി.ആർ.റിനേഷിനാണ് ഹൈക്കോടതി തടവ് ശിക്ഷ വിധിച്ചത്. എന്നാൽ ശിക്ഷ നടപ്പാക്കുന്നത് ഒരുവർഷത്തേക്ക് മരവിപ്പിച്ചിട്ടുണ്ട്. സമാനകുറ്റങ്ങൾ ചെയ്യരുതെന്ന വ്യവസ്ഥയിലാണ് ശിക്ഷ മരവിപ്പിച്ചത്.

കഴിഞ്ഞ ജനുവരിയിലായിരുന്നു കേസിന് ആസ്പ‌ദമായ സംഭവം. ആലത്തൂർ സ്റ്റേഷനിൽ അപകടവുമായി ബന്ധപ്പെട്ട കേസിൽ കോടതി ഉത്തരവുമായി എത്തിയ അഭിഭാഷകനെ എസ്ഐ അപമാനിക്കുകയായിരുന്നു. അക്വിബ് സുഹൈൽ എന്ന അഭിഭാഷകനെയാണ് അപമാനിച്ചത്. അഭിഭാഷകനെ എസ്ഐ അപമാനിക്കുന്ന ദൃശ്യങ്ങൾ പുറത്തു വന്നിരുന്നു. സംഭവത്തിൽ കോടതി ഇടപെടലിനെ തുടർന്ന് എസ്ഐ വി.ആർ.റിനീഷിനെ സ്ഥലം മാറ്റിയിരുന്നു. വിഷയത്തിൽ സ്വമേധയായാണു കോടതി ഇടപെട്ടത്.

Advertisement

inner ad

പാലക്കാട്: ആഭ്യന്തരമന്ത്രി രാജിവെക്കണമെന്ന് ആവശ്യപ്പെട്ട് യൂത്ത് കോൺഗ്രസ്‌ പാലക്കാട്‌ ജില്ലാകമ്മിറ്റി നടത്തിയ എസ്പി ഓഫീസ് മാർച്ച് സംഘർഷത്തിൽ കലാശിച്ചു. എസ്ബിഐ ജംഗ്ഷനിൽ നിന്ന് ആരംഭിച്ച മാർച്ച് എസ്പി ഓഫീസിന് സമീപത്ത് വച്ച് ബാരിക്കേഡ് കെട്ടി പോലീസ് തടഞ്ഞു. തുടർന്ന് ബാരിക്കേഡ് മറികടക്കാൻ ശ്രമിച്ചത് പൊലീസ് തടഞ്ഞതോടെ പ്രവർത്തകരും പോലീസ് ഉന്തുംതള്ളും ഉണ്ടായി ഇത് സംഘർഷത്തിൽ കലാശിച്ചു. തുടർന്ന് നടന്ന പ്രതിഷേധ സമരം യൂത്ത് കോൺഗ്രസ് സംസ്ഥാന സെക്രട്ടറി ഒ. കെ. ഫാറൂഖ് ഉദ്ഘാടനം ചെയ്തു. ജില്ലാ പ്രസിഡൻറ് കെ.എസ്. ജയഘോഷ് അധ്യക്ഷനായിരുന്നു. സംസ്ഥാന ഭാരവാഹികളായ വിനോദ് ചെറാട് , ജിതേഷ് നാരായണൻ, സി. വിഷ്ണു പ്രതീഷ് മാധവൻ, ജില്ലാ ഭാരവാഹികളായ പിടി അജ്മൽ, ശ്യാം ദേവദാസ്. കെഎസ്‌യു ജില്ലാ പ്രസിഡൻറ് നിഖിൽ കണ്ണാടി, അജാസ് കുഴൽമന്ദം എന്നിവർ നേതൃത്വം നൽകി.
മാർച്ചിന് ശേഷം റോഡിൽ കുത്തിയിരുന്ന യൂത്ത് കോൺഗ്രസ് പ്രവർത്തകരെ പോലീസ് ബലം പ്രയോഗിച്ചു അറസ്റ്റ് ചെയ്തു നീക്കുകയായിരുന്നു.

തുടർന്ന് സൗത്ത് പോലീസ് സ്റ്റേഷനിൽ എത്തിയ പ്രവർത്തകർ സ്റ്റേഷനിലും പ്രതിഷേധം ഉയർത്തി. മാർച്ചിന് നേരെ ബലം പ്രയോഗിച്ച രണ്ടു പോലീസുകാർക്കെതിരെ നടപടി ആവശ്യപ്പെട്ടായിരുന്നു പ്രതിഷേധം. സ്റ്റേഷനിൽ എത്തിയ ഡിവൈഎസ്പി സമരക്കാരുമായി ചർച്ച നടത്തി അന്വേഷണം നടത്താമെന്ന് ഉറപ്പ് നൽകിയതിനെ തുടർന്നാണ് സമരക്കാർ പിരിഞ്ഞുപോയത്.

Advertisement

inner ad

പാലക്കാട്: പാർട്ടി അച്ചടക്ക നടപടി നേരിട്ട പി.കെ.ശശിയെ കെടിഡിസി ചെയർമാൻ സ്ഥാനത്തുനിന്നു മാറ്റണമെന്ന് സിപിഎം പാലക്കാട് ജില്ലാ നേതൃത്വം. പാർട്ടി സമ്മേളനങ്ങൾക്ക് തുടക്ക മായതിനാൽ ശശി ചെയർമാൻ പദത്തിൽ തുടരുന്നത് പ്രവർത്തകരിൽ ആശയക്കുഴപ്പമുണ്ടാക്കും.
ശശിയെ സിഐടിയു ജില്ലാ പ്രസിഡന്റ് പദവിയിൽ നിന്നും ഒഴിവാക്കണം. ഈ കാര്യങ്ങളെല്ലാം സംസ്ഥാന നേതൃത്വത്തെ അറിയിക്കാനും ജില്ലാ നേതൃത്വം തീരുമാനിച്ചു. വിവിധ ആരോപണങ്ങളെ തുടർന്നു പി.കെ.ശശിയെ ജില്ലാ കമ്മിറ്റിയിൽനിന്നു ബ്രാഞ്ചിലേക്കു തരം താഴ്ത്തിയിരുന്നു. തുടർന്ന് തെരഞ്ഞെടുക്കപ്പെട്ട എല്ലാ പാർട്ടി സ്ഥാനത്തു നിന്നും നീക്കിയിരുന്നു. സിപിഎം സംസ്ഥാന സെക്രട്ടറി എം.വി.ഗോവിന്ദന്റെ നേതൃത്വത്തിൽ നടന്ന ജില്ലാ സെക്രട്ടേറിയറ്റ് യോഗത്തിലാണു ശശിക്കെതിരെ നടപടിയുണ്ടായത്. മണ്ണാർക്കാട് സഹകരണ കോളജിന്റെ ഫണ്ട് ശേഖരണം, ഏരിയാ കമ്മിറ്റി ഓഫീസ് നിർമാണവുമായി ബന്ധപ്പെട്ട ഫണ്ടിലെ ക്രമക്കേട് എന്നീ ആരോപണങ്ങളാണ് ശശിക്കെതിരെ ഉയർന്നത്.