Kerala
അധ്യാപക പരിശീലനത്തിലെ ഇടത് രാഷ്ട്രീയവൽക്കരണം അവസാനിപ്പിക്കണം: കെപിഎസ്ടിഎ
തിരുവനന്തപുരം: അധ്യാപക പരിശീലനത്തിലെ ഇടത് രാഷ്ട്രീയവൽക്കരണം അവസാനിപ്പിക്കണമെന്ന് കെപിഎസ്ടിഎ. സ്കൂൾ തുറക്കുന്നതിന് മുന്നോടിയായി എസ് എസ് കെ പതിവായി നടത്തിവരാറുള്ള അധ്യാപക ശാക്തീകരണ പരിപാടിയായ അധ്യാപക പരിശീലനങ്ങൾ മെയ് മാസം 13ന് ആരംഭിച്ചു. 1,3,5,7,9 ക്ലാസുകളിലെ മാറിയ പാഠപുസ്തകങ്ങൾ ആദ്യമായി പരിചയപ്പെടുത്തുന്നതും ഈ പരിശീലന പരിപാടിയിൽ തന്നെയാണ്. കാര്യമായ പുതുമകൾ ഒന്നും തന്നെ ഉൾപ്പെടുത്താതെ കാമ്പില്ലാത്ത മോഡ്യൂളുകളാണ് ഇത്തവണ പരിശീലനത്തിനായി തയ്യാറാക്കിയിട്ടുള്ളത്. ഇടത് രാഷ്ട്രീയത്തിന് പ്രാധാന്യം പകരുന്ന രീതിയിൽ നവകേരളം രൂപപ്പെടുത്തുന്ന വിദ്യാഭ്യാസ പ്രചാരണത്തിന് മോഡ്യൂളിൽ പ്രാധാന്യം നൽകിയിരിക്കുന്നു. നിരവധിയായ ചരിത്ര വസ്തുതകളെയും, സ്വാതന്ത്ര്യസമര പോരാട്ടങ്ങളെയും, നവോത്ഥാന പ്രവർത്തനങ്ങളെയും തമസ്കരിച്ചുകൊണ്ട് കേരളത്തിന്റെ വിദ്യാഭ്യാസ പുരോഗതിയുടെ അടിസ്ഥാനം കേരളത്തിലുണ്ടായ ഭൂപരിഷ്കരണ നിയമമാണ് എന്ന രീതിയിൽ ഇടതുപക്ഷത്തിന്റെ ഭാഗമായ ട്രെയിനർമാർ പരിശീലന കേന്ദ്രങ്ങളിൽ ബോധപൂർവമായി പ്രചരണം നടത്തുന്നു.
വിദ്യാഭ്യാസമേഖലയിലെ കേന്ദ്രസർക്കാരിന്റെ കാവിവൽക്കരണത്തിന് സമാനമായ ചുവപ്പ് വത്കരണം കേരള വിദ്യാഭ്യാസത്തിൽ ഉൾചേർക്കാനുള്ള ബോധപൂർവ്വമായ ശ്രമത്തിന്റെ ഭാഗമായാണ് ഇതിനെ കാണാൻ കഴിയൂ എന്നും ഇതിന് ശക്തമായി എതിർക്കുക തന്നെ ചെയ്യും എന്നും കെപിഎസ്ടിഎ സംസ്ഥാന സമിതി അറിയിച്ചു.യോഗത്തിൽ സംസ്ഥാന പ്രസിഡന്റ് കെ. അബ്ദുൽ മജീദ് അധ്യക്ഷത വഹിച്ചു. സംസ്ഥാന ജനറൽ സെക്രട്ടറി പി കെ അരവിന്ദൻ , ട്രഷറർ വട്ടപ്പാറ അനിൽകുമാർ, സംസ്ഥാന സീനിയർ വൈസ് പ്രസിഡന്റ് ടി. എ. ഷാഹിദ റഹ്മാൻ,അസോസിയേറ്റ് ജനറൽ സെക്രട്ടറി എൻ രാജ്മോഹൻ, സംസ്ഥാന വൈസ് പ്രസിഡന്റുമാരായ കെ. രമേശൻ, ബി. സുനിൽകുമാർ , ബി. ബിജു, അനിൽ വെഞ്ഞാറമൂട്, ടി.യു. സാദത്ത്, സാജു ജോർജ്, പി. എസ്. ഗിരീഷ് കുമാർ, സംസ്ഥാന സെക്രട്ടറിമാരായ പി. വി. ജ്യോതി, ജയചന്ദ്രൻ പിള്ള, ജി.കെ. ഗിരീഷ്, ജോൺ ബോസ്കോ, വർഗീസ് ആന്റണി, മനോജ് പി. എസ്., പി. എം. നാസർ, പി. വിനോദ് കുമാർ, എം. കെ. അരുണ എന്നിവർ പ്രസംഗിച്ചു.
വിദ്യാർത്ഥിക്കളെ കാറിടിച്ച് കൊലപ്പെടുത്താൻ ശ്രമിച്ച കേസിൽ ഒളിവിലായിരുന്നു പ്രതി മുഹമ്മദ് ഷഹീൻഷാ (മണവാളൻ)യെ പോലീസ് പിടികൂടി. കഴിഞ്ഞ ഏപ്രിൽ 19 ആയിരുന്നു സംഭവം. മോട്ടോർസൈക്കിളിൽ യാത്ര ചെയ്തിരുന്ന വിദ്യാർത്ഥികളെ കാറിടിച്ചു കൊല്ലാൻ ശ്രമിച്ചതിനു ശേഷം ഒളിവിൽ ആയിരുന്നു മുഹമ്മദ് ഷഹീൻ ഷാ. തൃശ്ശൂർ എരനല്ലൂർ സ്വദേശിയായ മണവാളൻ യൂട്യൂബിൽ 15 ലക്ഷം ഫോളോവേഴ്സ് ഉള്ള മണവാളൻ മീഡിയ എന്ന യൂട്യൂബ് ചാനലിനുടമയാണ്. കേരളവർമ്മ കോളേജിന് സമീപത്തു വച്ച് മദ്യപാന തർക്കത്തിലാണ് വിദ്യാർത്ഥികളെ പിന്തുടർന്നെത്തി അപായപ്പെടുത്താൻ ശ്രമിച്ചത്. സംഭവത്തിൽ പൊലീസ് കേസെടുത്തതിന് പിന്നാലെ ഒളിവിലായിരുന്ന മണവാളനെ പൊലീസ് പിടികൂടുകയായിരുന്നു. ഇയാൾക്കെതിരെ ലുക്ക്ഔട്ട് നോട്ടീസ് പുറപ്പെടുവിച്ചിരുന്നു
Kerala
ബ്രൂവറിയിൽ പ്രതിഷേധം; യൂത്ത് കോൺഗ്രസ് മാർച്ചിൽ സംഘർഷം; 18 തവണ ജലപീരങ്കി പ്രയോഗിച്ചു
തിരുവനന്തപുരം: പാലക്കാട് എലപ്പുള്ളിയിൽ സ്വകാര്യ ബ്രൂവറിക്ക് അനുമതി നൽകിയ സംസ്ഥാന സർക്കാർ നടപടിയിൽ പ്രതിഷേധിച്ച് നിയമസഭയിലേക്ക് യൂത്ത് കോൺഗ്രസ് നടത്തിയ മാർച്ചിൽ സംഘർഷം. സമരക്കാർക്കു നേരെ പോലീസ് 18 തവണ ജലപീരങ്കി പ്രയോഗിച്ചു. യൂത്ത് കോൺഗ്രസ് തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ നടന്ന പ്രതിഷേധ മാർച്ച് രാഹുൽ മാങ്കൂട്ടത്തിൽ എംഎൽഎ ഉദ്ഘാടനം ചെയ്തതു. സമരം നിയമസഭയ്ക്ക് മുന്നിൽ പോലീസ് ബാരിക്കേഡ് വച്ച് തടഞ്ഞു. നിരവധി തവണ ജലപീരങ്കി പ്രയോഗിച്ചെങ്കിലും പ്രവർത്തകർ പിരിഞ്ഞുപോയില്ല. ബാരിക്കേഡ് മറികടന്ന് അകത്ത് കടക്കാൻ ശ്രമിച്ച പ്രവർത്തകരെ തടഞ്ഞതോടെ പോലീസും പ്രവർത്തകരും തമ്മിൽ ഉന്തുംതള്ളുമുണ്ടായി. മുഖ്യമന്ത്രിക്കെതിരെയും മന്ത്രി എം.ബി. രാജേഷിനെതിരെയും മുദ്രാവാക്യം വിളിച്ച പ്രവർത്തകർ മന്ത്രിയുടെ കോലം കത്തിച്ചു.
കൊച്ചി: കൂത്താട്ടുകുളം കൗണ്സിലര് കലാ രാജു ഇന്ന് രഹസ്യമൊഴി നല്കില്ല. ആരോഗ്യപ്രശ്നങ്ങള് മൂലം എറണാകുളത്തെ ആശുപത്രിയില് ചികിത്സയിലാണ് കലാ രാജു. കോലഞ്ചേരി മജിസ്ട്രേറ്റ് കോടതിയില് ഹാജരായി രഹസ്യമൊഴി നല്കാനായിരുന്നു നിര്ദേശം. നിലവില് ആരോഗ്യപ്രശ്നങ്ങളുള്ളതിനാല് കോലഞ്ചേരിയിലെത്തി മൊഴി നല്കാനാവില്ലെന്ന് കലാ രാജു മജിസ്ട്രേറ്റിനെ അറിയിക്കുകയായിരുന്നു.
ശനിയാഴ്ചയാണ് എല്ഡിഎഫ് ഭരിക്കുന്ന കൂത്താട്ടുകുളം നഗരസഭയില് യുഡിഎഫിന്റെ അവിശ്വാസപ്രമേയ ചര്ച്ചയില് പങ്കെടുക്കാനെത്തിയ കലാ രാജുവിനെ സിപിഎം പ്രവര്ത്തകര് തട്ടിക്കൊണ്ടുപോയതായി ആരോപണമുയര്ന്നത്. സ്വന്തം പാര്ട്ടിക്കാര് തന്നെ ആക്രമിക്കുകയും ആക്ഷേപിക്കുകയും ചെയ്തുവെന്നാണ് കലാ രാജുവിന്റെ പരാതി.
സംഭവവുമായി ബന്ധപ്പെട്ട് നാലുപേരെ പൊലീസ് അറസ്റ്റ് ചെയ്തിരുന്നു. സിപിഎം ബ്രാഞ്ച് സെക്രട്ടറി അരുണ് വി. മോഹന്, പാര്ട്ടി പ്രവര്ത്തകരായ ടോണി ബേബി, റിന്സ് വര്ഗീസ്, സജിത്ത് എബ്രഹാം എന്നിവരാണ് അറസ്റ്റിലായത്.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
News3 days agoപണിമുടക്ക് നോട്ടീസ് നൽകി
You must be logged in to post a comment Login