Connect with us
inner ad

Featured

കേന്ദ്ര ഏജൻസികളെ തിരഞ്ഞെടുപ്പ് പ്രചാരണ
ഏജൻസികളാക്കി മാറ്റി: കെ.സി.വേണുഗോപാൽ എം.പി

Avatar

Published

on

കെപിസിസി ലീഡേഴ്‌സ് മീറ്റിന് വയനാട്ടിൽ തുടക്കമായി

വയനാട്: ഇ.ഡി, സി.ബി.ഐ, തിരഞ്ഞെടുപ്പ് കമ്മീഷൻ, ഇൻകംടാക്‌സ് തുടങ്ങിയ കേന്ദ്ര ഏജൻസികളെ തിരഞ്ഞെടുപ്പ് പ്രചാരണ ഏജൻസികളാക്കി കേന്ദ്രസർക്കാർ മാറ്റിയെന്ന് എഐസിസി ജനറൽ സെക്രട്ടറി കെ.സി.വേണുഗോപാൽ എം.പി. ബത്തേരിയിൽ തുടങ്ങിയ കെപിസിസി ദ്വിദിന ലീഡേഴ്‌സ് മീറ്റ് ഉദ്ഘാടനം ചെയ്തു പ്രസംഗിക്കുക ആയിരുന്നു അദ്ദേഹം.

Advertisement
1000x200 PX MALAYALI DCTR MDX-02-02

ഒരുവിഭാഗം ജുഡീഷ്യറിയും ചില ദേശീയ മാധ്യമങ്ങളും തിരഞ്ഞെടുപ്പ് കമ്മീഷൻ വരെയും നിഷ്പക്ഷത വെടിഞ്ഞ് ബിജെപിയുടെ സ്വാധീനവലയത്തിലാണ്. ചില ദേശീയ മാധ്യമങ്ങൾ വർഗീയവത്കരിക്കുക, വിഭജിക്കുക എന്ന ബിജെപിയുടെ അജണ്ട നടപ്പാക്കുന്ന ഏജൻസികളായാണ് പ്രവർത്തിക്കുന്നത്. തിരുത്തൽ ശക്തിയാകേണ്ട മാധ്യമങ്ങൾ പ്രതിപക്ഷ സ്വരം അടിച്ചമർത്തുന്ന ഉപകരണമായി പ്രവർത്തിക്കുന്നു. പ്രതിപക്ഷ ഐക്യം പോലും സാധ്യമാകാതെ പോകുന്നത് കേന്ദ്ര ഏജൻസികളുടെ ഇടപെടൽ മൂലമാണ്. കർണ്ണാടകത്തിൽ മുഴുവൻ കോൺഗ്രസ് സ്ഥാനാർത്ഥികളുടെയും വീട് റെയ്ഡ് ചെയ്തപ്പോൾ ബിജെപി സ്ഥാനാർത്ഥികളെ തൊട്ടില്ല. ബിജെപിയേയും സിപിഎമ്മിനേയും പോലെ ഇത്രയും സമ്പത്ത് സമാഹരിച്ചിരിക്കുന്ന മറ്റു പാർട്ടികളില്ല. പുറത്ത് പറയാൻ പറ്റാത്ത അത്രയും വലിയ പണസമാഹരണമാണ് അവർ നടത്തിയിരിക്കുന്നത്. ഇത്തരം വിപദ് സാഹചര്യങ്ങളോട് പൊരുതിയാണ് കോൺഗ്രസിന് രാഷ്ട്രീയ പ്രവർത്തനം നടത്തേണ്ടത്.

രണ്ട് പ്രധാന ശത്രുകളെ ഒരുപോലെ നേരിടേണ്ട ഭാരിച്ച ഉത്തരവാദിത്തമാണ് കോൺഗ്രസിനുള്ളത്. സിപിഎമ്മും ബിജെപിയും തമ്മിൽ ഒത്തുതീർപ്പ് നടക്കുന്നതും കേരളത്തിലാണ്. ലാവ്‌ലിൻ കേസും കൊടകര കുഴൽപ്പണക്കേസുമൊക്കെ ഒത്തുതീർപ്പിന്റെ സ്മാരകങ്ങളാണ്. തങ്ങൾക്ക് ജയിക്കാൻ സാധിക്കാത്തിടത്ത് സിപിഎം ജയിക്കട്ടെ എന്ന് ബിജെപിയും തങ്ങൾക്ക് പറ്റില്ലെങ്കിൽ അവിടെ ബിജെപി ജയിക്കട്ടെ എന്ന നിലപാട് സിപിഎമ്മും സ്വീകരിക്കുന്നു. എന്നാൽ കോൺഗ്രസിന്റെ മുഖ്യശത്രു ദേശീയതലത്തിൽ ബിജെപിയാണ്.

മതേതരത്വത്തിൽ ഒരു വിട്ടുവീഴ്ചയും നടത്താതെയാണ് കോൺഗ്രസ് ഇവരെ നേരിടുന്നത്. തിരഞ്ഞെടുപ്പ് ജയിക്കാൻ വേണ്ടി അതിൽ ഒരിക്കലും കോൺഗ്രസ് മായം ചേർക്കില്ല. തിരഞ്ഞെടുപ്പ് മുന്നിൽ കണ്ട് ബിജെപി ഇപ്പോൾ ന്യൂനപക്ഷത്തെ വാരിപ്പുണരുകയാണ്. എന്നാൽ പേരിന് പോലും ബിജെപിക്ക് ന്യൂനപക്ഷ വിഭാഗങ്ങളിൽനിന്നും എംപിമാരില്ല. യഥാർത്ഥത്തിൽ രാജ്യത്തെ ഓരോ സമുദായത്തെയും ലക്ഷ്യം വെച്ചാണ് ബിജെപി പ്രവർത്തിക്കുന്നത്. ഓരോ സ്ഥലത്തും അവർ ഓരോ പദ്ധതി നടപ്പാക്കുന്നു. കേരളത്തിൽ ഒരു സിനിമ പ്രദർശിപ്പിച്ചാണ് ഇവർ ലക്ഷ്യം നേടാൻ ശ്രമിക്കുന്നത്. മണിപ്പൂരിൽ ക്രൈസ്തവർക്കെതിരെ വലിയ തോതിലുള്ള ആക്രമണം നടക്കുമ്പോൾ പ്രധാനമന്ത്രിയും ആഭ്യന്തരമന്ത്രിയും കർണ്ണാടകത്തിൽ റോഡ് ഷോ നടത്തുകയായിരുന്നു. കർണ്ണാടകത്തിൽ മതപരിവർത്തന നിരോധന നിയമം കൊണ്ടുവന്നാണ് ബിജെപി രാഷ്ട്രീയനേട്ടം കൈവരിക്കാൻ ശ്രമിച്ചത്. എന്നാൽ ക്രൈസ്തവർക്കെതിരായ ആക്രമങ്ങളിൽ ഏറ്റവും കുടതൽ പ്രതികൾ ബിജെപിക്കാരാണെന്നാണ് ബംഗളൂർ ബിഷപ്പിന്റെ സുപ്രീംകോടതിയിൽ സത്യവാങ്മൂലം നൽകിയതെന്നും കെ.സി.വേണുഗോപാൽ ചൂണ്ടിക്കാട്ടി.

എഐസിസി ജനറൽ സെക്രട്ടറി താരീഖ് അൻവർ,പ്രതിപക്ഷനേതാവ് വി.ഡി സതീശൻ,മുൻ പ്രതിപക്ഷനേതാവ് രമേശ് ചെന്നിത്തല,യുഡിഎഫ് കൺവീനർ എംഎം ഹസ്സൻ, വയനാട് ഡിസിസി പ്രസിഡൻറ് എൻഡി അപ്പച്ചൻ തുടങ്ങിയവർ സംസാരിച്ചു. കെപിസിസി പ്രസിഡന്റ് കെ.സുധാകരൻ പതാക ഉയർത്തി. താനൂർ ബോട്ടപകടത്തിൽ മരണമടഞ്ഞവരോടുള്ള ആദരസൂചകമായി മലപ്പുറം ഡിസിസി പ്രസിഡന്റ് വി.എസ്.ജോയി പ്രമേയം അവതരിപ്പിച്ചു. മരണമടഞ്ഞവരുടെ കുടുംബാംഗങ്ങൾക്ക് കൂടുതൽ നഷ്ടപരിഹാരം നൽകണമെന്നും സമയബന്ധിതമായി ജുഡീഷ്യൽ അന്വേഷണം പൂർത്തിയാക്കണമെന്നും ആവശ്യപ്പെട്ടു.

Advertisement
1000x200 PX MALAYALI DCTR MDX-02-02

Featured

‘ഇത്രയ്ക്ക് അടിമയാകരുത്’; പി വി അൻവറിനെതിരെ പ്രതിഷേധം ശക്തം

Published

on

കൊച്ചി: രാഹുൽ ഗാന്ധിയെ അധിക്ഷേപിച്ച സിപിഎം നേതാവും എംഎൽഎയുമായ പി വി അൻവറിനെതിരെ പ്രതിഷേധം ശക്തം. അങ്ങേയറ്റം നീചമായ പരാമർശമാണ് രാഹുൽഗാന്ധിക്കെതിരെ അൻവർ നടത്തിയത്. ഡിഎന്‍എ പരിശോധിച്ച് രാഹുലിൻ്റെ പാരമ്പര്യം ഉറപ്പാക്കണമെന്നായിരുന്നു പി വി അന്‍വറിന്റെ പരാമര്‍ശം. ഗാന്ധി എന്ന പേര് കൂടെ ചേര്‍ത്ത് പറയാന്‍ അര്‍ഹതയില്ലാത്ത നാലാംകിട പൗരനാണ് രാഹുല്‍ ഗാന്ധി എന്നും പി വി അന്‍വര്‍ പറഞ്ഞിരുന്നു. ‘നെഹ്‌റു കുടുംബത്തില്‍ ഇങ്ങനെയൊരു മനുഷ്യന്‍ ഉണ്ടാവുമോ? നെഹ്‌റു കുടുംബത്തിന്റെ ജനറ്റിക്‌സില്‍ ജനിച്ച ഒരാള്‍ക്ക് അങ്ങനെ പറയാന്‍ കഴിയുമോ? എനിക്ക് ആ കാര്യത്തില്‍ നല്ല സംശയമുണ്ട്. രാഹുല്‍ ഗാന്ധിയുടെ ഡിഎന്‍എ പരിശോധിക്കണമെന്ന അഭിപ്രായക്കാരനാണ് ഞാന്‍’ എന്നായിരുന്നു പാലക്കാട് മണ്ഡലത്തിലെ എൽഡിഎഫ് തിരഞ്ഞെടുപ്പ് കണ്‍വെന്‍ഷനില്‍ സംസാരിക്കുമ്പോൾ അൻവർ പറഞ്ഞത്. അൻവറിന്റെ പരാമർശം താങ്കൾക്ക് വേദനയുണ്ടാക്കിയെന്ന് എഐസിസി ജനറൽ സെക്രട്ടറി കെ സി വേണുഗോപാൽ പറഞ്ഞു. വളരെ മോശം പരാമർശം ആണെന്നും തെരഞ്ഞെടുപ്പ് കമ്മീഷനെ സമീപിക്കുമെന്നും കെപിസിസി ആക്ടിങ് പ്രസിഡന്റ് എംഎം ഹസൻ പറഞ്ഞു. സാമൂഹിക മാധ്യമങ്ങളിലും അൻവറിനെതിരെ പ്രതിഷേധം അലയടിക്കുകയാണ്.

Continue Reading

Featured

മമ്മൂട്ടിയെ സന്ദർശിച്ച്, നഗരത്തിന്റെ ഹൃദയത്തുടിപ്പറിഞ്ഞ് ഹൈബി ഈഡൻ

Published

on

കൊച്ചി: എറണാകുളം നഗരത്തിലായിരുന്നു യൂഡിഎഫ് സ്‌ഥാനാർഥി ഹൈബി ഈഡന്‍റെ ഇന്നലത്തെ തെരഞ്ഞെടുപ്പ് പ്രചാരണം. രാവിലെ തന്നെ നടൻ മമ്മൂട്ടിയെ വീട്ടിലെത്തി കണ്ട ശേഷമാണ് ഹൈബി ഈഡൻ പ്രചാരണം തുടങ്ങിയത്. രമേശ് പിഷാരടിയും മമ്മൂട്ടിയുടെ വസതിയിലുണ്ടായിരുന്നു. തെരഞ്ഞെടുപ്പ് പ്രചാരണത്തെ കുറിച്ചും സാധ്യതകളെ കുറിച്ചുമൊക്കെ മമ്മൂട്ടി ചോദിച്ചറിഞ്ഞു. വിജയാശംസകൾ നേർന്നാണ് മമ്മൂട്ടി ഹൈബിയെ യാത്രയാക്കിയത്.രാവിലെ തേവര ഫെറിയിൽ നിന്നാരംഭിച്ച തുറന്ന വാഹനത്തിലെ പര്യടനത്തിന് നൂറുകണക്കിന് പ്രവർത്തകർ ഇരുചക്രവാഹനങ്ങളിൽ അകമ്പടിയേകി. തേവര, രവിപുരം മേഖലകളിൽ വൻ ജനക്കൂട്ടമാണ് ഹൈബി ഈഡനെ സ്വീകരിക്കാനെത്തിയത്. മുപ്പതോളം കേന്ദ്രങ്ങളിൽ സ്വീകരണം ഏറ്റുവാങ്ങിയശേഷമാണ് ഉച്ചവരെയുള്ള പ്രചാരണം എറണാകുളം സൗത്തിൽ സമാപിച്ചത്. ഉച്ചയ്ക്ക് ശേഷം മനോരമ ജംഗ്‌ഷനിൽ നിന്ന് സ്‌ഥാനാർഥി പര്യടനം പുനഃരാരംഭിക്കുമ്പോഴും പ്രവർത്തകരും സ്‌ഥാനാർഥിയും ഉന്മേഷവാന്മാരായിരുന്നു.

ഇന്ത്യയെ വീണ്ടെടുക്കാൻ വോട്ട് വിനിയോഗിക്കണമെന്നും എംപി എന്ന നിലയിലുള്ള പ്രവർത്തനങ്ങളും മണ്ഡലത്തിൽ തുടക്കമിട്ട നൂതനമായ പദ്ധതികളും വിലയിരുത്തണമെന്നും വോട്ടർമാരോട് സ്‌ഥാനാർഥിയുടെ അഭ്യർഥന. സംസ്‌ഥാന സർക്കാർ തുടർച്ചയായി ജനങ്ങളെ വെല്ലുവിളിക്കുകയാണെന്നും ഹൈബി കുറ്റപ്പെടുത്തി. പൂക്കളും ഷാളുകളുമൊക്കെയായി എത്തിയ പ്രവർത്തകരുടെയും അമ്മമാരുടെയും കുട്ടികളുടേയുമെല്ലാം സ്വീകരണം ഏറ്റുവാങ്ങിയാണ് ഹൈബി ഈഡൻ ഓരോ സ്വീകരണ കേന്ദ്രവും പിന്നിട്ടത്. പുല്ലേപ്പടിയിലും കതൃക്കടവിലുമെല്ലാം വാദ്യ മേളങ്ങളോടെയാണ് സ്‌ഥാനാർഥിയെ നാട്ടുകാർ സ്വീകരിച്ചത്. പത്മ ജംഗ്‌ഷനിലും നോർത്ത് ഓട്ടോ സ്റ്റാൻഡിലുമെല്ലാം ഓട്ടോറിക്ഷ തൊഴിലാളികളടക്കം ഹൈബി ഈഡന് പിന്തുണ പ്രഖ്യാപിച്ചെത്തി. കതൃക്കടവിൽ സ്വീകരണ യോഗം സമാപിക്കുമ്പോഴേക്കും ഉത്‌സവ പ്രതീതിയിലായിരുന്നു നാട്ടുകാരും പ്രവർത്തകരും

Advertisement
1000x200 PX MALAYALI DCTR MDX-02-02
Continue Reading

Choonduviral

ഷാഫി പറമ്പിലിനെതിരെ സൈബർ അധിക്ഷേപം; സിപിഎം പ്രാദേശിക നേതാവിനെതിരെ കേസ്

Published

on

കോഴിക്കോട്: വടകരയിലെ യുഡിഎഫ് സ്ഥാനാര്‍ത്ഥി ഷാഫി പറമ്പിലിനെതിരെ സൈബര്‍ അധിക്ഷേപം നടത്തിയതിന്‍റെ പേരില്‍ സിപിഎം പ്രാദേശിക നേതാവിനെതിരെ പൊലീസ് കേസ്. യൂത്ത് ലീഗ് പ്രവര്‍ത്തകൻ അനസ് നല്‍കിയ പരാതിയില്‍ സിപിഎം ലോക്കൽ കമ്മിറ്റി അംഗവും ഡിവൈഎഫ്ഐ മുൻ സംസ്ഥാന കമ്മിറ്റി അംഗവുമായ പികെ അജീഷിനെതിരെയാണ് കേസ്. പേരാമ്പ്ര പോലീസാണ് കേസെടുത്തിരിക്കുന്നത്. കലാപാഹ്വാനം അടക്കമുള്ള വകുപ്പുകൾ ചുമത്തിയാണ് കേസ്. ഷാഫി പറമ്പിലിനെതിരെ മാത്രമല്ല, മുസ്ലിം സമുദായത്തിനെതിരായ അധിക്ഷേപ പരാമര്‍ശവും അജീഷ് നടത്തിയെന്നാണ് പരാതി. ഫേസ്ബുക്കിലെ കുറിപ്പാണ് കേസിനാധാരമായത്. കെകെ ശൈലജയെ അപകീര്‍ത്തിപ്പെടുത്തുംവിധത്തിലുള്ള വീഡിയോ പ്രചരിപ്പിച്ചുവെന്നാരോപിച്ച് ഷാഫി പറമ്പിലിനെതിരെ സമൂഹമാധ്യമങ്ങളില്‍ വിമര്‍ശനവും ആക്രമണങ്ങളുമുയര്‍ന്നിരുന്നു. ഈയൊരു പശ്ചാത്തലത്തില്‍ തന്നെയാണ് ഷാഫിക്കെതിരെ അജീഷ് ഫേസ്ബുക്ക് പോസ്റ്റിട്ടിരിക്കുന്നത്.

Continue Reading

Featured