Connect with us
head

BOOK REVIEW

കോട്ടയം ചെല്ലപ്പൻ പുനർജനിക്കുന്നു, മകളുടെ പുസ്തകത്തിലൂടെ

Avatar

Published

on

കൊല്ലം: നാ‌ടക- ചലച്ചിത്ര വേദികളിൽ മായാത്ത മുദ്രണം ചാർത്തിയ അനശ്വര നടൻ കോട്ടയം ചെല്ലപ്പൻ പുനർജനിക്കുന്നു, ജന്മശതാബ്ദി വർഷത്തിൽ പ്രിയ പുത്രി ഷീലാ സന്തോഷിന്റെ പുസ്തകത്തിലൂടെ. “കോട്ടയം ചെല്ലപ്പൻ എന്റെ അച്ഛൻ” എന്ന ആത്മകഥാംശപരമായ ഈ കൃതി അച്ഛന്റെ മാത്രം ഓർമയല്ലെന്നു പത്രപ്രവർത്തക കൂടിയായ ഷീല പറയുന്നു. ഒരു കാലഘട്ടത്തിലെ കലാകുടുംബങ്ങളുടെ പവിത്രമായ സ്നേഹ ബന്ധങ്ങളുടെ കൂടി തിരശീലയാണ് ഇതിലൂടെ ഉയർത്തുന്നത്. കെപിഎസിയുടെ ‘പുതിയ ആകാശം, പുതിയ ഭൂമി’ എന്ന നാടകത്തിലൂടെ അരങ്ങത്തെത്തിയ ചെല്ലപ്പൻ കോട്ടയത്തു ജനിച്ച് നാടകക്കളരിയായ കൊല്ലത്തിലൂടെ വളർന്ന് കേരളമാകെ പടർന്നു പന്തലിച്ച കലാവൃക്ഷമാണ്. നാടകങ്ങളും ചലച്ചിത്രങ്ങളും അദ്ദേഹത്തിനു വഴങ്ങി. കലാ കേരളത്തിന്റെ ആധുനിക നാടക സങ്കേതങ്ങളെല്ലാം വശത്താക്കിയ കോട്ടയം ചെല്ലപ്പൻ കൈ വയ്ക്കാത്ത മേഖലകളും വിരളം.
കുഞ്ചാക്കോ, കെ.എസ്. സേതുമാധവൻ, പി. ഭാസ്കരൻ, രാമു കാര്യാട്ട്, എം. കൃഷ്ണൻ നായർ തുടങ്ങിയവരുടെ നിരവധി ചലച്ചിത്രങ്ങളിൽ ഒട്ടേറെ അനശ്വര കഥാപാത്രങ്ങൾക്കു ജന്മം നൽകി.

കോട്ടയം ചെല്ലപ്പനും ഭാര്യ നളിനിയും

തങ്കശേരി കല്ലുപണ്ടകശാല കേശവൻ മുതലാളിയുടെ മകൾ നളിനിയെ വിവാഹം കഴിച്ചു കൊല്ലത്തിന്റെ മരുമകനായി. ഈ ദമ്പതികൾക്ക് ഏഴു മക്കൾ. അഞ്ചാമത്തെ മകളാണ് ഷീല. മുതിർന്ന മാധ്യമ പ്രവർത്തകൻ സന്തോഷ് എസ് കുമാറിന്റെ ഭാര്യ.
“കോട്ടയം ചെല്ലപ്പൻ എന്റെ അച്ഛൻ” എന്ന കൃതി കൊല്ലം രചന പബ്ലിക്കേഷൻസ് ആണു പ്രസിദ്ധപ്പെടുത്തുന്നത്. കൊല്ലം എസ്എൻ വനിതാ കോളെജ് പൂർവ വിദ്യാർഥി സംഘടനയുടെ നേതൃത്വത്തിലാണ് പ്രകാശന കർമം. എസ്എൻ വനിതാ കോളെജ് ഓഡിറ്റോറിയത്തിൽ നവംബർ 10നു രാവിലെ 10.30ന് പുസ്തകം എഴുത്തുകാരനും പ്രഭാഷകനുമായ പ്രൊഫ. സി.ആർ. ഓമനക്കുട്ടൻ പ്രകാശനം ചെയ്യും. ​ഗായിക ‍ഡോ. ബി. അരുന്ധതി ആദ്യ പ്രതി ഏറ്റവാങ്ങും. ഡോ. ജാജി മോൾ അധ്യക്ഷത വഹിക്കും. ഡോ. എം.എസ്. നൗഫൽ പുസ്തകം പരിചയപ്പെടുത്തും. ഡോ. ആർ സുനിൽ കുമാർ, ഡോ. ഭാവന രാധാകൃഷ്ണൻ ഷീലാ സന്തോഷ്, കെ. ഭാസ്കരൻ, ഡോ. ശില്പാ ശശാങ്കൻ എന്നിവർ പ്രസം​ഗിക്കും.

Advertisement
head
Continue Reading
Advertisement
head
Click to comment

You must be logged in to post a comment Login

Leave a Reply

BOOK REVIEW

ഇടശ്ശേരി പുരസ്ക്കാരം ഷീജ വക്കം രചിച്ച ‘ശിഖണ്ഡിനി’ക്ക്

Published

on

മലപ്പുറം : ഈവർഷത്തെ ഇടശ്ശേരി പുരസ്ക്കാരം ഷീജ വക്കം രചിച്ച ഖണ്ഡകാവ്യമായ ‘ശിഖണ്ഡിനി’ക്ക്. അൻപതിനായിരം രൂപയും പ്രശസ്തിഫലകവും അടങ്ങുന്നതാണ് പുരസ്കാരം. ഇടശ്ശേരി സാംസ്കാരിക സമിതിയാണ് പുരസ്കാരം നൽകുന്നത്. അടുത്ത മാസം പൊന്നാനിയിൽ വെച്ച് നടക്കുന്ന ഇടശ്ശേരി അനുസ്മരണ പരിപാടിയിൽ പുരസ്കാരം നൽകും.

ഡോ. കെപി മോഹനൻ, കെസി. നാരായണൻ, വിജു നായരങ്ങാടി, സമിതി പ്രസിഡന്റ് പ്രൊഫ.കെവി. രാമകൃഷ്‌ണൻ എന്നിവരടങ്ങുന്ന ജൂറിയാണ് പുരസ്‌കാരത്തിനർഹമായ കൃതി തിരഞ്ഞെടുത്തത്.

Advertisement
head
Continue Reading

BOOK REVIEW

മിയോയും കാത്തുവും ചേർന്ന് ‘ചോട്ടുവും മീട്ടുവും’ പ്രകാശനം ചെയ്തു

Published

on

എറണാകുളം: തന്റെ കയ്യിൽ പിടിപ്പിച്ച പുസ്തകം കണ്ടപ്പോൾ കാത്തു ഒന്ന് പരിഭ്രമിച്ചു . മിയോയ്ക്ക് കൂസലുണ്ടായില്ല. പ്രിയപ്പെട്ട പപ്പയും മമ്മിയും കൂടെയുള്ളപ്പോൾ ആരെ ഭയക്കാൻ എന്ന മട്ടിൽ അവർ ആ പുസ്തകം ഏറ്റുവാങ്ങി. ബാലസാഹിത്യകാരനും രാമമംഗലം ഹൈസ്കൂൾ അധ്യാപകനുമായ ഹരീഷ് ആർ നമ്പൂതിരിപ്പാട് കുട്ടികൾക്കായ് രചിച്ച നാൽപ്പത്തിയൊമ്പതാമത്തെ പുസ്തകം ചോട്ടുവും മീട്ടുവും പേർഷ്യൻ പൂച്ച ദമ്പതികളായ മിയോയും കാത്തുവും കുഞ്ഞുങ്ങളും ചേർന്ന് നടത്തി. പാമ്പാക്കുട പുള്ളിയിൽ ഫാദർ ഡോ.വർഗീസ് പി വർഗീസിന്റെ വസതിയിലാണ് വേറിട്ട ഈ പുസ്തക പ്രകാശനം നടന്നത്

Advertisement
head

കൊച്ചുകുട്ടികൾ ഏറെ ഇഷ്ടപ്പെടുന്ന പൂച്ചകൾ കഥാപാത്രങ്ങളായി വരുന്ന ചോട്ടുവും മീട്ടുവും എന്ന പ്രധാന കഥ ഉൾപ്പെടെ 25 കഥകളാണ് ഈ പുസ്തകത്തിലുള്ളത്. പ്രധാന കഥാപാത്രങ്ങൾ പൂച്ചകളായതിനാൽ ഫാദർ വർഗീസ് അനു പൗലോസ് ദമ്പതികൾ ഓമനിച്ചു വളർത്തുന്ന പൂച്ചകൾക്കരികിലാണ് പ്രകാശനം നടത്തിയത് കാത്തുവിന്റെ രണ്ടാമത്തെ പ്രസവത്തിൽ ഉണ്ടായ നാല് കുസൃതിക്കുരുന്നുകളും കൂടെയുണ്ടായിരുന്നു. രണ്ടര വർഷക്കാലത്തിലേറെയായി കഥ പറയാം കേൾക്കൂ എന്ന പേരിൽ
വാട്സ്ആപ്പ് വഴി പങ്കുവെച്ച കഥകളിലെ തെരഞ്ഞെടുത്തവയുടെ സമാഹാരമാണിത് .


പുസ്തക പ്രകാശനം എന്നും വേറിട്ട രീതിയിൽ നടത്തുന്ന ഹരി മാഷ് ആന കുപ്പായം എന്ന പുസ്തക പ്രകാശനം നടത്തിയത് ഗുരുവായൂർ ആനക്കോട്ടയിൽ ഗുരുവായൂർ പത്മനാഭൻ എന്ന ആനയെ കൊണ്ടാണ്.അമ്മുവിന്റെ കുഞ്ഞു മാളു എന്ന പുസ്തക പ്രകാശനം ആട്ടിൻ കൂട്ടിലാണ് നടന്നത്.തക്കാളി കല്യാണം എന്ന പുസ്തകം പച്ചക്കറി മാർക്കറ്റിലെ തക്കാളി ചന്തയിലാണ് നടന്നത് എന്ന കൗതുകവും ഉണ്ട് . ഇത്തരം പ്രകാശനങ്ങളുടെ തുടർച്ചയാണ് കഥാപാത്രങ്ങളായ പൂച്ചകളെ കൊണ്ട് തന്നെ നടത്തിയത്. ആനുകാലികങ്ങളിൽ കുട്ടികൾക്ക് വേണ്ടി കഥകളും കവിതകളും എഴുതുന്ന മാഷിന്റെ ശബ്ദരൂപത്തിലുള്ള കഥകൾ കേരളത്തിനകത്തും പുറത്തും വിദേശരാജ്യങ്ങളിലും ഉള്ള വാട്സ്ആപ്പ് കൂട്ടായ്മകളിൽ തരംഗമായി മാറിയിരിക്കുകയാണ്.
രാമമംഗലം ഹൈസ്കൂൾ അധ്യാപകനായ അനൂബ് ജോൺ ,പോൾ വർഗീസ്, പ്രിൻസ്ഡാലിയ ,അരുൺ വി.ഡി. എസ്തർ അനൂബ്, എഫ്രോൺ തുടങ്ങിയവർ പങ്കെടുത്തു

Advertisement
head
Continue Reading

BOOK REVIEW

പുസ്തകം പ്രകാശനം ചെയ്തു

Published

on

കൊല്ലം : SNDP യോഗത്തെക്കുറിച്ചും NSS നെക്കുറിച്ചും മുതിർന്ന പത്രപ്രവർത്തകൻ വെച്ചൂച്ചിറ മധു രചിച്ച് രചനാ ബുക്സ് പ്രസിദ്ധീകരിച്ച”പീതപതാകയും സ്വർണ്ണപതാകയും’ എന്ന പുസ്തകം SNDP യോഗം ജനറൽ സെക്രട്ടറി വെള്ളാപ്പള്ളി നടേശൻ പ്രകാശനം ചെയ്തു. ഹിന്ദുസ്ഥാൻ ലാറ്റക്സ് മുൻ ചെയർമാൻ ജി.രാജ്മോഹൻ ആദ്യപ്രതി ഏറ്റുവാങ്ങി. രചനാബുക്സ് മേധാവി കെ.ഭാസ്കരൻ, പ്രസ്സ് ക്ലബ്ബ് പ്രസിഡന്റ് ജി. ബിജു എന്നിവർ പ്രസം​ഗിച്ചു.

Continue Reading

Featured