കൃഷ്ണൻ കടലുണ്ടി

കുവൈറ്റ് സിറ്റി : നാലു പ്രാവശ്യം സംസ്ഥാന മുഖ്യമന്ത്രിയായിരുന്ന കേരള രാഷ്ട്രീയത്തിലെ ‘ഭീഷ്മാചാര്യർ’ ലീഡർ കെ. കരുണാകരൻറെ പേരിലുളള പുരസ്കാരം തികഞ്ഞ അഭിമാനബോധത്തോടെയാണ്ഏറ്റുവാങ്ങുന്നതെന്ന് എൻകെ പ്രേമചന്ദ്രൻ എംപി. വർത്തമാനകാല കേരള രാഷ്ട്രീയത്തിന് ലീഡറുടെ ജീവിതത്തിൽ നിന്ന് പഠിക്കാനുളളപാഠങ്ങൾ ഏറെയാണ്. അദ്ദേഹത്തിൻറെ നേതൃഗുണവും രാഷ്ട്രീയ കരുനീക്കങ്ങളും കോൺഗ്രസ്സിൻറെയും യുഡിഎഫിൻറെയും പുനരുജ്ജീവനത്തിന് വഴി തെളിയിച്ചു. കുവൈറ്റ് ഒഐസിസി ആലപ്പുഴ ജില്ലാകമ്മിറ്റി ഏർപ്പെടുത്തിയ മികച്ച പാർലമെൻറേറിയനുളള പ്രഥമ ലീഡർ കെ കരുണാകരൻ കർമ്മ പുരസ്‌കാരം ഏറ്റുവാങ്ങിസംസാരിക്കുകയായിരുന്നു അദ്ദേഹം.

Advertisement

head

തീക്ഷണമായ രാഷ്ട്രീയ സംവാദ വേളകളിലൊക്കെ അദ്ദേഹത്തിൻറെ രാഷ്ട്രീയത്തേയും നിലപാടുകളെയും പ്രത്യാക്രമിക്കുമ്പോഴും കെ.കരുണാകരൻ എന്ന രാഷ്ട്രീയ വിസ്മയത്തെ മനസ്സ് കൊണ്ട് ആദരിക്കപ്പെടാതിരുന്നിട്ടില്ല. വിമർശനങ്ങളെ അവഗണിച്ചുകൊണ്ട് കേരളത്തിന്റെ വളർച്ചക്ക് നിദാനമായ ഒട്ടേറെ പദ്ധതികൾ ദീർഘവീക്ഷണത്തോടെ നടപ്പിലാക്കിയ നേതാവായിരുന്നു അദ്ദേഹം . അദ്ദേഹത്തിൻറെ അഭാവം ഇന്ത്യൻ രാഷ്ട്രീയത്തിന് പൊതുവെയും സംസ്ഥാന രാഷ്ട്രീയത്തിന് പ്രത്യേകിച്ചും അപരിഹാര്യമായനഷ്ടമാണ്. ആ വിടവ് നികത്താൻ എല്ലാ അഭിപ്രായ വൈജാത്യങ്ങളെയും മാറ്റിവച്ച് കോൺഗ്രസ്സ് നേതൃത്വവും പ്രസ്ഥാനവും ഐക്യപ്പെടേണ്ടത് കാലഘട്ടത്തിൻറെ അനിവാര്യതയാണ്.

കോവിഡ് കാലത്ത് ഒഐസിസി കെഎംസിസി തുടങ്ങിയ പ്രവാസി സംഘടനകളുടെ സേവനം സർക്കാരുകൾക്ക് ചെയ്യാൻ കഴിയുന്നതിന്റെ നൂറിരട്ടിയായിരുന്നു എന്ന് എൻ കെ പ്രേമചന്ദ്രൻ എം പി പറഞ്ഞു . സർക്കാർ സംവിധാനങ്ങൾ നോക്ക് കുത്തി ആയിരുന്നപ്പോൾ തന്നെ പോലെയുള്ള ജനപ്രതിനിധികളുടെ നിരവധി സഹായാഭ്യര്ഥനകളോട് സ്വജീവൻ തൃണവൽഗണിച്ചും ഈ പ്രസ്ഥാങ്ങൾ കാരുണ്യ ഹസ്തങ്ങളായിനിലകൊണ്ടു. ഈ സംഘടനകളുടെ ഇത്തരത്തിലുള്ള വിലമതിക്കാനാവാത്ത കാരുണ്യ സേവനങ്ങളെ ഉദാഹരണ സഹിതം അദ്ദേഹം വിശദീകരിച്ചു.

Advertisement

head

കേന്ദ്ര സർക്കാരിന്റെ പ്രഭാവലയത്തിൽ ദേശീയ മാധ്യമങ്ങൾ അവഗണിച്ചിട്ടും രാഹുൽ ഗാന്ധി നയിക്കുന്നഭാരത് ജോഡോ യാത്ര ഇന്ത്യയിൽ ആകാമാനമുള്ള ജനഹൃദയങ്ങളെ കവർന്നു കൊണ്ട് മുന്നേറുകയാണ്. അത് ശ്രീനഗറിൽ എത്തുന്നതോടെ ഭാരതത്തിന്റെ മണ്ണിൽ പുതിയൊരു യുഗപുരുഷന്റെ പിറവിയായിരിക്കും ചരിത്രത്തിന്റെതാളുകളിൽ രാജിക്കപ്പെടുക. അപ്രതീക്ഷിത കേന്ദ്രങ്ങളിൽ നിന്നുപോലും അത്രമാത്രം സ്വീകാര്യതയാണ് ജോടോയാത്രക്ക് ലഭിച്ചുകൊണ്ടിരിക്കുന്നത് .

ഒ.ഐ.സി.സി. ദേശീയ പ്രസിഡൻറ് വർഗ്ഗീസ് പുതുകുളങ്ങര പുരസ്കാര വിതരണ സമ്മേളനം ഉദ്ഘാടനംചെയ്തു. ആരോഗ്യപരമായ കാരണങ്ങളാൽ നീണ്ട ഇടവേളക്കു ശേഷം ഒഐസിസി വേദിയിലെത്തിയ വർഗ്ഗീസ് പുതുകുളങ്ങരയുടെ വികാര നിർഭരമായ ഉദ്‌ഘാടന പ്രസംഗം ഹര്ഷാരവങ്ങളോടെയാണ് സാൽമിയ ഇന്ത്യൻ കമ്മ്യുണിറ്റി സ്‌കൂൾ ഓഡിറ്റോറിയത്തിൽ തിങ്ങി നിറഞ്ഞ ഒഐസിസി പ്രവർത്തകർ സ്വീകരിച്ചത്. സംഘടനാ പ്രവർത്തനവുമായി നടക്കുന്നത് കൊണ്ട് എന്ത്നേടി എന്ന് ചോദിച്ചവരോട് എന്റെ പ്രസ്ഥാനവും ഈ അണികളും ജാതി-മത-വർഗ്ഗ വ്യത്യാസമെന്യേ പള്ളികളിലും ദേവാലയങ്ങളിലും ക്ഷേത്രങ്ങളിലും പ്രാർത്ഥിച്ചതിന്റെ ഫലമാണ് തന്റെ പുനർജ്ജന്മം എന്ന് വിളിക്കാവുന്ന ഈ ജീവിതമെന്നു ഉറക്കെ പറയാൻ മടിയില്ലെന്ന് അദ്ദേഹംപറഞ്ഞു. ഭാവിയിൽ പ്രവാസികൾക്ക് കൂട്ടായി സംഘടനാ രംഗത്ത് തന്റെ സേവനം തുടരുമെന്നും അദ്ദേഹംതുടർന്ന് പറഞ്ഞു.

Advertisement

head

ഒഐസിസി ആലപ്പുഴ ജില്ലാ കമ്മിറ്റി ജന. സെക്രട്ടറി ബിനോയ് ചന്ദ്രൻ സ്വാഗതം പറഞ്ഞ ചടങ്ങിൽപ്രസിഡന്റ് വിപിൻ മാങ്ങാട് അധ്യക്ഷനായിരുന്നു. കെഎംസിസി പ്രസിഡന്റ് ശറഫുദ്ധീൻ കണ്ണേത്ത്, ദേശീയകമ്മിറ്റി വൈസ് പ്രസിഡന്റ് സാമുവേൽ ചാക്കോ, സംഘടനാ ചുമതലയുള്ള സെക്രട്ടറി ബി എസ് പിള്ള, ദേശീയകമ്മിറ്റി സെക്രട്ടറി വർഗ്ഗീസ് ജോസഫ് മാരാമൺ തുടങ്ങിയവരും ആശംസകളർപ്പിച്ച് സംസാരിച്ചു.
രാജീവ് നാടുവിലേമുറി, മനോജ് ചണ്ണപ്പേട്ട, ബിനു ചെമ്പാലയം, മാത്യു ചെന്നിത്തല ഷിബു ചെറിയാൻ തുടങ്ങിയവരും വേദിയിൽ സന്നിഹിതരായിരുന്നു. പ്രോഗ്രാം കൺവീനർ മനോജ് ജോയ് കൃതജ്ഞതരേഖപ്പെടുത്തി . ലഹരി ഉപയോഗത്തിന്നെതിരെ അവബോധമുണർത്തുന്ന ഫ്ലാഷ് മോബോ അടക്കം നിരവധി കലപരിപാടികളും അരങ്ങേറി.

Advertisement

head

കൃഷ്ണൻ കടലുണ്ടി

കുവൈറ്റ് സിറ്റി :  ഹോം ഡെലിവറി ലളിതവും സുഗമമവും ആക്കി വിൽപ്പന വർദ്ധനവ് ലക്‌ഷ്യം വെച്ച് പ്രമുഖ ഡെലിവറി ശൃഖലയായ തലബാത്തുമായി കരാറിൽ ഒപ്പുവെച്ച് ലുലു ഹൈപ്പർമാർക്കറ്റ്. ഇത് വഴി ലുലു ഹൈപ്പർ മാർക്കറ്റ് ഉൽപ്പന്നങ്ങൾ എളുപ്പത്തിൽ ഉപഭോക്താക്കൾക്ക് ലഭ്യമാവും. ഇത് സംബന്ധിച്ച അൽ റായ് ലുലുവിൽ നടന്ന ചടങ്ങിൽ ലുലു ഹൈപ്പർ മാർക്കറ്റ് ഡയറക്ടർ മുഹമ്മദ് ഹാരിസും തലബാത്ത്‌ കുവൈറ്റ് മാനേജിങ് ഡയറക്ടർ ബദർ അൽഗാനിം വും തമ്മിൽ ധാരണാപത്രങ്ങൾ കൈമാറി. തലബാത്ത്‌ മുഖേനയുള്ള ആദ്യ ഓർഡർ സ്വീകരിച്ച് ഉൽപ്പന്നങ്ങളുടെ ഡെലിവറി ഫ്ലാഗ് ഓഫ്  എന്നിവ നടന്നു.

 കുവൈറ്റിൽ എവിടെയും ഉപഭോക്താക്കൾക്ക് ലളിതമായും  അതിവേഗത്തിലും ലുലു ഹൈപ്പർ മാർക്കറ്റ് ശൃഖലകളുടെ ഉൽപ്പന്നങ്ങൾ എതിത്തിക്കുന്നതിനുള്ള സജ്ജീകരണങ്ങൾ ഒരുക്കിയിട്ടുണ്ടെന്ന് ലുലു മാനേജ്‍മെന്റ് അറിയിച്ചു

Advertisement

head

മുന്‍ മുഖ്യമന്ത്രി ലീഡർ കെ കരുണാകരന്റെ സ്മരണയ്ക്കായി ഒഐസിസി കുവൈറ്റ് ആലപ്പുഴ ജില്ലാ കമ്മിറ്റി ഏര്‍പ്പെടുത്തിയ ‘ലീഡർ കെ കരുണാകരൻ കർമ്മ പുരസ്‌കാരം’ എൻ കെ പ്രേമചന്ദ്രൻ എം പിക്ക് സമ്മാനിക്കും.

 ജനുവരി 20  വെള്ളിയാഴ്ച്ച വൈകുന്നേരം 4 മണിക്ക് സാൽമിയ ഇന്ത്യൻ കമ്മ്യൂണിറ്റി സീനിയർ സ്കൂൾ ഓഡിറ്റോറിയത്തിൽ വച്ച് നടക്കുന്ന പുരസ്‌കാര സന്ധ്യ ഒഐസിസി കുവൈറ്റ് നാഷണൽ കമ്മിറ്റി പ്രസിഡന്റ് വര്ഗീസ് പുതുക്കുളങ്ങര ഉത്‌ഘാടനം ചെയ്യും.. ചടങ്ങിൽ കുവൈറ്റിലെ സാമൂഹിക സാംസ്‌കാരിക, ബിസിനസ് മേഖലയിലെ പ്രമുഖർ പങ്കെടുക്കും.

തുടർന്ന് ഗാനമേള, നാടൻ പാട്ട്, നൃത്തനൃത്യങ്ങൾ തുടങ്ങിയ വിവിധയിനം കലാപരിപാടികളും അരങ്ങേറുംഎന്ന് സംഘാടകർ അറിയിച്ചു . കൂടുതല്‍ വിവരങ്ങള്‍ക്ക്   67068720 /65558404/97806973  നമ്പറുകളിൽ ബന്ധപ്പെടാവുന്നതാണ്.

Advertisement

head