Sports
കെ എല് രാഹുല് വിദഗ്ധ പരിശോധനക്കായി താരം ലണ്ടനിലേക്ക്

ഇന്ത്യന് സൂപ്പര്താരം കെ.എല്. രാഹുല് പരിക്കുമാറി ടീമിലേക്ക് മടങ്ങിയെത്തുന്ന കാര്യത്തില് ആശയക്കുഴപ്പം തുടരുന്നു. വിദഗ്ധ പരിശോധനക്കായി താരം ലണ്ടനിലേക്ക് പോയിരിക്കുകയാണ്. ഇതോടെ ധരംശാലയില് ഇംഗ്ലണ്ടിനെതിരായ പരമ്പരയിലെ അഞ്ചാമത്തെയും അവസാനത്തെയും ടെസ്റ്റില് താരം കളിക്കുന്ന കാര്യം സംശയത്തിലാണ്.
ഹൈദരാബാദിലെ ആദ്യ ടെസ്റ്റിനുശേഷമാണ് താരത്തെ പരിക്ക് അലട്ടാന് തുടങ്ങിയത്. തുടര്ന്ന് വിശാഖപട്ടണത്തെ രണ്ടാം ടെസ്റ്റില് താരത്തെ കളിപ്പിച്ചില്ല. ഇതിനിടെ 90 ശതമാനം ഫിറ്റ്നസ് താരം വീണ്ടെടുത്തതായി റിപ്പോര്ട്ടുകളും പുറത്തുവന്നു. എന്നാല് മൂന്ന്, നാല് ടെസ്റ്റുകളിലും താരത്തിന് കളിക്കാനായില്ല. ധരംശാലയില് മാര്ച്ച് ഏഴിന് അഞ്ചാം ടെസ്റ്റ് ആരംഭിക്കാനിരിക്കെയാണ് താരം വിദഗ്ധ പരിശോധനക്കായി ലണ്ടനിലേക്ക് പോയത്.
കഴിഞ്ഞ വര്ഷം ശസ്ത്രക്രിയ നടന്ന കാലില് തന്നെയാണ് ഇപ്പോഴും പരിക്ക് അലട്ടുന്നത്. ഇന്ത്യ ഇതിനകം പരമ്പര 3-1ന് സ്വന്തമാക്കിയതിനാല് താരത്തെ തിരക്കിട്ട് കളിപ്പിക്കേണ്ടതില്ലെന്നും ട്വന്റി20 ലോകകപ്പ് കൂടി കണക്കിലെടുത്ത് പരിക്കില്നിന്ന് മോചിതനാകാന് കൂടുതല് സമയം അനുവദിക്കാനുമാണ് സെലക്ടര്മാരുടെ തീരുമാനം. ടെസ്റ്റില് ബാസ്ബാള് നടപ്പാക്കിയശേഷം ഇംഗ്ലണ്ട് ആദ്യമായാണ് ഒരു പരമ്പര തോല്ക്കുന്നത്.
ഇന്ത്യക്കെതിരായ ടെസ്റ്റ് പരമ്പര തോറ്റതില് ഇംഗ്ലണ്ട് ലജ്ജിക്കേണ്ടതില്ലെന്നാണ് മുന് ഇംഗ്ലീഷ് നായകന് നാസര് ഹുസൈന് പ്രതികരിച്ചത്. രോഹിത് ശര്മയും സംഘവും അര്ഹിച്ച വിജയമാണ് നേടിയതെന്നും അദ്ദേഹം പറഞ്ഞിരുന്നു. റാഞ്ചിയില് അഞ്ചു വിക്കറ്റിന്റെ ജയവുമായാണ് ഇന്ത്യ ടെസ്റ്റ് പരമ്പര സ്വന്തമാക്കിയത്.
Featured
കേരളം രഞ്ജിട്രോഫി സെമിയില്

പൂന: കേരളം രഞ്ജി ട്രോഫി സെമിയില്. ജമ്മു കശ്മീരുമായുള്ള ക്വാർട്ടർ ഫൈനല് മത്സരം മനിലയില് കലാശിച്ചതോടെയാണ് കേരളം സെമിയിലേക്ക് മുന്നേറിയത്. ആദ്യ ഇന്നിങ്സില് നേടിയ ഒരു റണ്ണിൻ്റെ ലീഡാണ് മത്സരത്തില് കേരളത്തിന് നിർണ്ണായകമായത്. രണ്ടാം ഇന്നിങ്സില് കേരളം ആറ് വിക്കറ്റിന് 295 റണ്സെടുത്ത് നില്ക്കെയാണ് മത്സരം സമനിലയിലായത്. സെമിയിൽ കേരളം ഗുജറാത്തിനെ നേരിടും. കേരള ക്രിക്കറ്റിനെ സംബന്ധിച്ച് വലിയൊരു നേട്ടമാണ് സെമിഫൈനല് പ്രവേശനം. ഇതിന് മുൻപ് ഒരു തവണ മാത്രമാണ് കേരളം രഞ്ജി ട്രോഫിയുടെ സെമിയിലെത്തിയിട്ടുള്ളത്. രണ്ടാം ഇന്നിംഗ്സിൽ സൽമാൻ നിസാറും മുഹമ്മദ് അസ്ഹറുദ്ദീനും തീർത്ത പ്രതിരോധമാണ് കേരളത്തിനു കരുത്തായത്. സ്കോർ: ജമ്മു കാഷ്മീർ 280, 399-9. കേരളം- 281, 295-6.
399 റൺസ് വിജയലക്ഷ്യം പിന്തുടരുന്ന കേരളം അവസാന ദിനം ആറുവിക്കറ്റ് നഷ്ടത്തിൽ 295 റൺസെടുത്തു. 162 പന്തിൽ 44 റൺസുമായി സൽമാൻ നിസാറും 118 പന്തിൽ 67 റൺസുമായി മുഹമ്മദ് അസ്ഹറുദ്ദീനും നങ്കൂരമിട്ടത് കാശ്മീരിന് തിരിച്ചടിയായി. 183 പന്തിൽ 48 റൺസെടുത്ത അക്ഷയ് ചന്ദ്രനും 162 പന്തിൽ 48 റൺസെടുത്ത നായകൻ സച്ചിൻ ബേബിയും മികച്ച പ്രകടനം കാഴ്ചവച്ചു. രോഹൻ കുന്നുമ്മൽ 36 റൺസും ജലജ് സക്സേന 18 റൺസും നേടി യിരുന്നു.
2018-19 സീസണിലാണ് കേരളം അവസാനമായി രഞ്ജി ട്രോഫി സെമി ഫൈനല് കളിച്ചത്. അന്ന് സെമിയില് വിദർഭയോട് തോല്വി വഴങ്ങുകയായിരുന്നു. എന്നാല് ഇത്തവണ കർണ്ണാടക, മധ്യപ്രദേശ്,ഉത്തർപ്രദേശ്, ബംഗാള്, തുടങ്ങിയ കരുത്തരായ ടീമുകളെ മറികടന്നാണ് കേരളം നോക്കൌട്ടിലേക്ക് യോഗ്യത നേടിയത്. മുംബൈ, ബറോഡ തുടങ്ങിയ കരുത്തരെ തോല്പിച്ചെത്തിയ കശ്മീരിനെയാണ് ക്വാർട്ടറില് കേരളം മറികടന്നത്. ദുഷ്കരമായ സാഹചര്യങ്ങളില് നിന്ന് പൊരുതിക്കയറാനുള്ള ആത്മവിശ്വാസമാണ് ഇത്തവണത്തെ ടീമിനെ വേറിട്ട് നിർത്തുന്നത്.ഫോമിലുള്ള ബാറ്റിങ് – ബൌളിങ് നിരകള്ക്കൊപ്പം വാലറ്റം വരെ നീളുന്ന ബാറ്റിങ്ങും കേരളത്തിൻ്റെ മുന്നേറ്റത്തില് നിർണ്ണായകമായി.
Sports
അണ്ടര് 19 ലോകകപ്പ് വിജയം നേടിയ ഇന്ത്യന് ടീമിന് 5 കോടി രൂപ പാരിതോഷികം

ക്വലാലംപുര്: അണ്ടര് 19 വനിതാ ടി20 ലോകകപ്പ് ജേതാക്കളായ ഇന്ത്യന് ടീമിന് അഞ്ച് കോടി രൂപ പാരിതോഷികം പ്രഖ്യാപിച്ച് ബി.സി.സി.ഐ.
ഞായറാഴ്ച നടന്ന ഫൈനലില് ദക്ഷിണാഫ്രിക്കയെ ഒമ്പത് വിക്കറ്റിന് പരാജയപ്പെടുത്തിയാണ് ഇന്ത്യ വിജയ കിരീടം ചൂടിയത്. ടീമിനെ അഭിനന്ദിച്ച് നിരവധിപ്പേരാണ് രംഗത്തെത്തിയത്. ടീമിന് അഭിനന്ദനങ്ങൾ നൽകുന്നുവെന്നും വനിതാ ക്രിക്കറ്റിന്റെ വളര്ച്ചയുടെ വിജയമാണിതെന്നും ബി.സി.സി.ഐ പ്രസിഡന്റ് റോജര് ബിന്നി പറഞ്ഞു. അഭിമാനകരമായ നേട്ടമാണ് സ്വന്തമാക്കിയതെന്ന് ബി.സി.സി.ഐ വൈസ് പ്രസിഡന്റ് രാജീവ് ശുക്ല പറഞ്ഞു.
News
ദേശീയ ഗെയിംസ്; കേരളത്തിന് മൂന്നാം സ്വര്ണം

ഉത്തരാഖണ്ഡിൽ നടക്കുന്ന ദേശീയ ഗെയിംസില് കേരളത്തിന് മൂന്നാം സ്വര്ണം. വുഷുവില് കെ.മുഹമ്മദ് ജാസിലാണ് തൗലു നാന്ഗുണ് വിഭാഗത്തില് കേരളത്തിനായി സ്വര്ണം നേടിയത്. ദേശീയ ഗെയിംസില് വുഷുവില് ആദ്യമായാണ് സ്വര്ണം നേടുന്നത്. കഴിഞ്ഞ ദേശീയ ഗെയിംസില് കേരളത്തിന് വുഷുവില് വെങ്കലമാണ് നേടിയത്. ഇതോടെ മൂന്നു സ്വര്ണവും ഒരു വെള്ളിയും മൂന്ന് വെങ്കലവുമായി കേരളത്തിന്റെ ആകെ മെഡല് നേട്ടം ഏഴായി.
-
Kerala2 months ago
ജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News2 months ago
ക്ഷാമബത്ത കേസില് ഇടക്കാല ഉത്തരവ്
-
News3 months ago
ക്ഷാമ ബത്ത കേസിൽ ഇടക്കാല ഉത്തരവ്
-
News2 weeks ago
സംസ്ഥാനത്ത് സാമ്പത്തിക പ്രതിസന്ധി: കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം
-
News3 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News4 weeks ago
പണിമുടക്ക് നോട്ടീസ് നൽകി
-
News2 months ago
സര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Thiruvananthapuram6 days ago
ജീവനക്കാരെ പറ്റിച്ച ബജറ്റ്: സെ ക്രട്ടറിയേറ്റ് ആക്ഷൻ കൗൺസിൽ
You must be logged in to post a comment Login