കുവൈറ്റ് സിറ്റി : കുവൈറ്റിലെ കൊല്ലം ജില്ലാ നിവാസികളുടെ കൂട്ടായ്മയായ കൊല്ലം ജില്ലാ പ്രവാസി സമാജം പതിനെഴാമത് വാർഷികാഘോഷം കൊല്ലം ഫെസ്റ്റ് 2023 ‘ സ്നേഹ നിലാവ്’ എന്ന പേരിൽ ഒക്ടോബർ പതിമൂന്നിന് അബ്ബാസിയ ഇന്ത്യൻ സെൻട്രൽ സ്കൂൾ ഓഡിറ്റോറിയത്തിൽ നടക്കും . പ്രശസ്ത മോട്ടിവേഷൻ സ്പീക്കറും ഡിഫറന്റ് ആർട്ട് സെന്റർ ഡയറക്ടറുമായ പ്രോഫസർ ഗോപിനാഥ് മുതുകാട് ആണ് മുഖ്യാതിഥി. ഉച്ചയ്ക്ക് 01.30 മുതൽ 02. 30pm വരെ കുവൈറ്റിലെ വിവിധ ഇന്ത്യൻ സ്കൂളിലെ 8 മുതൽ +2 ക്ലാസ് വരെയുള്ള കുട്ടികൾക്കായി മോട്ടിവേഷൻ ക്ലാസ്സും ഉണ്ടായിരിക്കും. പ്രൊഫസർ ഗോപിനാഥ് മുതുകാട് നയിക്കുന്ന ഈ സൗജന്യ ക്ലാസിൽ പങ്കെടുക്കുവാൻ താല്പര്യമുള്ളവർ ക്ക് ഭാരവാഹികളുമായി ബന്ധപ്പെടാവുന്നതാണ്. ഉച്ചക്ക് 3 മണി മുതൽ സമാജം അംഗങ്ങളുടെ വിവിധ കല പരിപാടികൾ അരങ്ങേറും. തുടർന്നു നടക്കുന്ന പൊതു സമ്മേളനത്തിൽ പ്രൊഫസർ ഗോപിനാഥ് മുതുകാട്, ഇന്ത്യൻ എംബസി പ്രതിനിധി, മലയാള സംസാരത്തിലൂടെ പ്രശസ്തയായ കുവൈറ്റി വനിത മറിയം അൽ-ഖബന്ദിഎന്നിവരെ കൂടാതെ കുവൈറ്റിലെ സാമൂഹ്യ സാംസ്കാരിക, വ്യാപാര രംഗത്തെ പ്രമുഖരും പങ്കെടുക്കും. കഴിഞ്ഞ പത്താം ക്ലാസ് പരീക്ഷയിൽ ഉന്നത വിജയം നേടിയ സമാജം അംഗങ്ങളുടെ കുട്ടികളെ സമ്മേളനത്തിൽ അനുമോദിക്കും.

സമ്മേളനാനന്തരം പ്രശസ്ത ചലച്ചിത്രപിന്നണി ഗായകരായ അപർണ രാജീവ്, സജീവ് സ്റ്റാൻലി, വയലിൻ – മന്ത്രികം കേരളത്തിൽ തരംഗമായ അപർണ ബാബു,എന്നിവർ ഓർക്കസ്ട്ര ഒരുക്കും. കോമഡി താരങ്ങളായ മണിക്കുട്ടൻ – മായാ കൊമ്പോയുടെ ചിരി അരങ്ങും കലാ പരിപാടികൾക്ക് മേമ്പൊടി യായി ഉണ്ടാവും. കുവൈറ്റിലെ മലയാളികൾ ഹൃയത്തിലേറ്റിയ ഡി കെ ഡാൻസ്, ജാസ് ഡാൻസ് അക്കാഡമി, നാടൻപാട്ട് കൂട്ടം “ജടായു ബീറ്റ്‌സ് ” എന്നിവരുടെ പ്രകടനവും കൊല്ലം ഫെസ്റ്റിന് മിഴിവേകും എന്ന് സമാജം ഭാരവാഹികൾ പത്രസമ്മേളനത്തിൽ അറിയിച്ചു. പ്രസിഡന്റ്‌ അലക്സ് മാത്യു, ജനറൽ സെക്രട്ടറി ബിനിൽ ടി ഡി, ട്രെഷറർ തമ്പി ലൂക്കോസ്, പ്രോഗ്രാം ജനറൽ കൺവീനർ ശശി കർത്താ, മീഡിയാ സെക്രട്ടറി പ്രമീൾ പ്രഭാകർ, വനിതാ വേദി ചെയർ പേഴ്സൺ രഞ്ജനാ ബിനിൽ എന്നിവർ സാന്നിഹിതർ ആയിരുന്നു.

Advertisement

inner ad