പ​രി​സ്ഥി​തി ആ​വാ​സ വ്യ​വ​സ്ഥ​യു​ടെ സം​ര​ക്ഷ​ക​രാ​ണ്​ ക​ണ്ട​ലു​ക​ള്‍. തീ​ര​ശോ​ഷ​ണം ത​ട​യാ​ന്‍ ക​ണ്ട​ലു​ക​ള്‍ക്കു ക​ഴി​യും. കൊ​ടു​ങ്കാ​റ്റ്, സൂ​നാ​മി, വെ​ള്ള​പ്പൊ​ക്കം എ​ന്നി​വ​യി​ൽ​നി​ന്ന്​ തീ​ര​ത്തി​ന്​ സം​ര​ക്ഷ​ണ​മേ​കുകയെന്ന വലിയ ഉത്തരവാദിത്വം കണ്ടൽക്കാടുകൾ നിർവഹിക്കുന്നുണ്ട്. ഉ​പ്പു​വെ​ള്ള​ത്തെ വ​ലി​ച്ചെ​ടു​ത്ത്​ ശു​ദ്ധ​ജ​ല​മാ​ക്കാ​നുള്ള കഴിവ് ഇവയ്ക്കുണ്ട്. തീ​ര​ദേ​ശ​ങ്ങ​ളി​ല്‍ ക​ണ്ട​ൽ​ചെ​ടി​ക​ള്‍ ​വെച്ചു​പി​ടി​പ്പി​ക്കു​ന്ന​ത്​ സ​മീ​പ​ത്തെ കി​ണ​റു​ക​ളി​ലെ ഉ​പ്പു​ക​ല​ര്‍ന്ന വെ​ള്ളം ശു​ദ്ധീ​ക​രി​ക്കാ​ന്‍ സ​ഹാ​യി​ക്കും. വി​വി​ധ​ത​രം മ​ത്സ്യ​ങ്ങ​ൾ​ക്കും മറ്റും ആ​വാ​സ വ്യ​വ​സ്ഥ ഉറപ്പുവരുത്തുന്ന ഇ​വ​യെ പ്ര​കൃ​തി​യു​ടെ ന​ഴ്സ​റി എ​ന്നാ​ണ് വി​ളി​ക്കു​ന്ന​ത്‌. മ​രം, കു​റ്റി​ച്ചെ​ടി, വ​ള്ളി​ച്ചെ​ടി വി​ഭാ​ഗ​ത്തി​ൽ​പെ​ട്ട ക​ണ്ട​ൽ​വ​ന​മു​ണ്ട്. ഇത് സാധാരണയായി ഉഷ്ണമേഖലാ പ്രദേശങ്ങളിലും ഉപ ഉഷ്ണമേഖലാ പ്രദേശങ്ങളിലും സുരക്ഷിതമായ തീരപ്രദേശങ്ങളിൽ കാണപ്പെടുന്നു.

ആഗോളതലത്തിൽ, കണ്ടൽക്കാടുകൾ എല്ലാ ഉഷ്ണമേഖലാ വനങ്ങളുടെയും 1% ൽ താഴെയും മൊത്തം വന എസ്റ്റേറ്റിന്റെ 0.4% ൽ താഴെയുമാണ്. കാലാവസ്ഥാ വ്യതിയാനത്തിനെതിരായ പോരാട്ടത്തിൽ കണ്ടൽക്കാടുകൾ യോദ്ധാക്കളാണ്. കരയിലെ വനങ്ങളേക്കാൾ അഞ്ചിരട്ടി കാർബൺ അവർ അന്തരീക്ഷത്തിൽ നിന്ന് പുറത്തെടുക്കുന്നു. 2016 ജൂലൈ 26 നാണ് ആദ്യത്തെ ലോക കണ്ടൽ ദിനം ഔദ്യോഗികമായി ആചരിച്ചത്. 2015 നവംബർ 6ന്, പാരീസിൽ നടന്ന ജനറൽ കോൺഫറൻസിന്റെ 38-ാം സെഷനിൽ, യുഎൻ എജ്യുക്കേഷണൽ, സയന്റിഫിക് ആൻഡ് കൾച്ചറൽ ഓർഗനൈസേഷൻ (യുനെസ്കോ) എല്ലാ വർഷവും ജൂലൈ 26, ഇക്വഡോറിന്റെ അഭ്യർത്ഥന മാനിച്ച്, കണ്ടൽക്കാടുകളുടെ ആവാസവ്യവസ്ഥയുടെ അന്താരാഷ്ട്ര സംരക്ഷണ ദിനമായി ഔദ്യോഗികമായി പ്രഖ്യാപിച്ചു. കേരളത്തിൽ 10 ജില്ലകളിലാണ് കണ്ടൽക്കാടുകളുള്ളത്. വയനാട്, പാലക്കാട്, ഇടുക്കി, പത്തനംതിട്ട എന്നിവയാണ് കണ്ടൽ വനങ്ങളില്ലാത്ത ജില്ലകൾ. കവ്വായി കുഞ്ഞിമംഗലം, കടലുണ്ടി, മംഗളവനം ഇവയാണ് കേരളത്തിലെ പ്രധാന കണ്ടൽ ഉദ്യാനങ്ങൾ. കേരളത്തിലെ ആദ്യത്തെ കണ്ടൽ കമ്മ്യൂണിറ്റി റിസർവ് കടലുണ്ടിയിലാണ്. കേരളത്തിൽ ഏറ്റവും കൂടുതൽ കണ്ടൽക്കാടുകൾ ഉള്ള ജില്ലയാണ് കണ്ണൂർ. കേരളത്തിലെ പ്രധാനപ്പെട്ട കണ്ടൽ സസ്യങ്ങൾ ഉപ്പട്ടി, പ്രാന്തൻ കണ്ടൽ, കണ്ണാമ്പൊട്ടി, നക്ഷത്രക്കണ്ടൽ, പൂക്കണ്ടൽ, ചക്കരക്കണ്ടൽ, കുറ്റിക്കണ്ടൽ, ചെറു ഉപ്പട്ടി, ചെറു കണ്ടൽ, വള്ളിക്കണ്ടൽ, മരക്കണ്ടൽ, ചുള്ളിക്കണ്ടൽ തുടങ്ങിയവയാണ്. പരിസ്ഥിതി സന്തുലനം നിലനിർത്തുന്നതിൽ അതിപ്രധാനമായ പങ്കുവഹിക്കുന്ന കണ്ടൽക്കാടുകൾ സംരക്ഷിക്കേണ്ടത് അനിവാര്യതയാണ്.

Advertisement

inner ad