Connect with us
inner ad

Fashion

സിദ്ധാർത്ഥന്റെ മരണത്തിൽ പ്രതിഷേധം ശക്തം; ക്യാമ്പസിലേക്ക് ഇന്ന് കെ.എസ്.യു മാർച്ച്

Avatar

Published

on

വയനാട്: സിദ്ധാർത്ഥന്റെ മരണവുമായി ബന്ധപ്പെട്ട് അറസ്റ്റിലായ എസ്എഫ്ഐ നേതാക്കളായ പ്രതികൾക്ക് മേൽ കൊലക്കുറ്റം ചുമത്തുക, ഡീൻ ഉൾപ്പെടെയുള്ള യൂണിവേഴ്സിറ്റി അധികൃതരെ കൂടി പ്രതി പട്ടികയിൽ ഉൾപ്പെടുത്തുക തുടങ്ങിയ ആവശ്യങ്ങൾ ഉന്നയിച്ച് കെ എസ് യുവിന്റെ നേതൃത്വത്തിൽ ഇന്ന് ക്യാമ്പസിലേക്ക് പ്രതിഷേധ മാർച്ച് നടത്തും. വയനാട് ജില്ലാ കമ്മിറ്റിയുടെ നേതൃത്വത്തിൽ നിലവിൽ നിരാഹാര സമരം പുരോഗമിക്കുകയാണ്. ജില്ലാ പ്രസിഡന്റ് ഗോകുൽദാസിന്റെ നേതൃത്വത്തിൽ ആരംഭിച്ച നിരാഹാര സമരം അഞ്ചു ദിവസങ്ങൾ പിന്നിട്ടിരിക്കുകയാണ്. സിദ്ധാർത്ഥന്റെ മരണവും എസ്എഫ്ഐയുടെ പങ്കും പുറംലോകത്തേക്ക് എത്തിച്ചത് കെഎസ്‌യുവായിരുന്നു. യൂത്ത് ലീഗിന്റെ നേതൃത്വത്തിൽ ഉപവാസ സമരവും ഇന്ന് ആരംഭിക്കും.

അതേസമയം, യുവജന-വിദ്യാർത്ഥി-മഹിളാ വിഭാഗങ്ങളെ ഉൾപ്പെടുത്തിയുള്ള കടുത്ത പ്രതിഷേധത്തിലേക്കാണ് കോൺഗ്രസ് നീങ്ങുന്നത്. പ്രതിഷേധ രീതി ഉൾപ്പെടെ പ്രഖ്യാപിക്കുന്നതിനായി ഇന്ന് രാവിലെ 11 മണിക്ക് കെഎസ്‌യു, യൂത്ത്കോൺഗ്രസ്, മഹിളാ കോൺഗ്രസ് സംസ്ഥാന പ്രസിഡന്റുമാരുടെ സംയുക്ത വാർത്താസമ്മേളനം നടക്കും. കെഎസ്‌യു സംസ്ഥാന പ്രസിഡന്റ് അലോഷ്യസ് സേവ്യർ, മഹിളാ കോൺഗ്രസ് സംസ്ഥാന പ്രസിഡന്റ് ജെബി മേത്തർ എംപി, യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ തുടങ്ങിയവർ വാർത്താസമ്മേളനത്തിൽ പങ്കെടുക്കും.

Advertisement
1000x200 PX MALAYALI DCTR MDX-02-02

Fashion

ബോണ്ടിനു പൂട്ടിട്ട്
സുപ്രീം കോ‌ടതി

Published

on

  • പിൻ പോയിന്റ്
    ഡോ. ശൂരനാട് രാജശേഖരൻ

ഒരാഴ്ചയ്ക്കിടെ വീണ്ടും ഇലക്റ്ററൽ ബോണ്ടിനെക്കുറിച്ചു തന്നെ എഴുതാനെടുത്ത തീരുമാനത്തിനു കാരണം ഈ വിഷയത്തിന്റെ രാഷ്ട്രീയ ​ഗൗരവം തന്നെയാണ്. സ്വതന്ത്ര ഇന്ത്യ കണ്ടിട്ടുള്ളതിൽ വച്ച് ഏറ്റവും വലിയ അഴിമതിയാണ് ഇലക്റ്ററൽ ബോണ്ട് അഥവാ തെരഞ്ഞെടുപ്പ് കടപ്പത്ര കച്ചവടത്തിലൂടെ നടന്നതെന്നാണ് രാജ്യത്തെ മുതിർന്ന അഭിഭാഷകരും നിയമജ്ഞരും ഒരു പോലെ പറയുന്നത്. കേന്ദ്ര സർക്കാരിന്റെ നിയന്ത്രണത്തിലുള്ള 3.7 ലക്ഷം കോടിയുടെ കരാറുകൾ ബിജെപിക്കു സംഭാവന നൽകിയ കമ്പനികൾക്കു ലഭിച്ചെന്ന് ഈ കേസിൽ ഹാജരായ മുതിർന്ന അഭിഭാഷകൻ പ്രശാന്ത് ഭൂഷൺ വെളിപ്പെടുത്തിയിരിക്കുന്നു. കേന്ദ്ര ഏജൻസികൾ പരിശോധിച്ച 41 സ്ഥാപനങ്ങളിൽ 33 എണ്ണത്തിനും അവരുടെ ഷെൽ കമ്പനികൾക്കും കോഴയുടെ പ്രതിഫലമായി പാരിതോഷികങ്ങൾ ലഭിച്ചു.
ഇലക്റ്ററൽ ബോണ്ട് വഴി ബിജെപിക്കു 2,471 കോടി രൂപ സംഭാവന നൽകിയ 41 കമ്പനികൾക്കെതിരേ വിവിധ കേന്ദ്ര ഏജൻസികൾ അന്വേഷണം തുടങ്ങിയിരുന്നു. ബിജെപിയുടെ അക്കൗണ്ടിൽ പണമെത്തിയപ്പോൾ ഇവർക്കെതിരായ അന്വേഷണം ആവിയായിപ്പോയെന്ന് കേസിൽ കക്ഷിയായിരുന്ന അസോസിയേഷൻ ഫോർ ഡെമോക്രാറ്റിക് റീഫോംസ് ചൂണ്ടിക്കാട്ടി. കടപ്പത്രം വഴിയുള്ള സംഭാവനകൾക്കു പ്രതിഫലമായി 172 കരാറുകൾ വിവിധ സ്ഥാപനങ്ങൾക്കു ലഭിച്ചു.


ഇലക്റ്ററൽ ബോണ്ട് പണമാക്കാനുള്ള സമയപരിധി കഴിഞ്ഞിട്ടും ബിജെപിയുടെ സംഭാവനദാതാക്കൾക്ക് എസ്ബിഐ എല്ലാ സഹായവും ചെയ്തു കൊടുത്തു. ഈ കൊടിയ കൊള്ളയ്ക്കു കൂട്ടു നിന്ന എസ്ബിഐയോടു രേഖകൾ ഹാജരാക്കാൻ സുപ്രീം കോടതി ആവശ്യപ്പെട്ടപ്പോൾ മൂന്നു മാസത്തെ കാലാവധി ആവശ്യപ്പെടുകയാണ് രാജ്യത്തെ ഏറ്റവും വലിയ ബാങ്ക് ചെയ്തത്. നെറ്റ്ബാങ്കിം​ഗ് സൗകര്യം ആ​ഗോളതലത്തിൽ വ്യാപകമായ സാഹചര്യത്തിൽ, ഇടപാടുകാരെക്കുറിച്ച് വിവരം നൽകാൻ മൂന്നു മാസത്തെ സാവകാശം തേടിയ എസ്ബിഐയെ സുപ്രീം കോടതി വരച്ച വരയിൽ നിർത്തി ശ്വാസം മുട്ടിച്ചു. 24 മണിക്കൂറുകൾക്കുള്ളിൽ രേഖകൾ ഹാജരാക്കണമെന്ന കർശന നിർദേശം അനുസരിക്കുകയല്ലാതെ ബാങ്കിന് വേറൊരു വഴിയുമില്ലായിരുന്നു. ഇലക്റ്ററൽ ബോണ്ടിന്റെ വിശദാംശങ്ങളും ഇടപാടുകാരെ കുറിച്ചുള്ള വിവരങ്ങളുംഅതോടെയാണു പുറത്തു വന്നത്.


ചരിത്രത്തിൽ ആദ്യമായി ഒരു മുഖ്യമന്ത്രിയെ അറസ്റ്റ് ചെയ്ത് കസ്റ്റഡി റിമാൻഡിലാക്കിയ ഡൽഹി മദ്യനയക്കേസിൽ, നേരത്തേ അറസ്റ്റിലായ വേറൊരു പ്രതി ബിജെപിക്കു സംഭാവന നല്കിയപ്പോൾ വിശുദ്ധനായെന്ന് എഐസിസി ജനറൽ സെക്രട്ടറി കെ.സി. വേണു ​ഗോപാൽ ചൂണ്ടിക്കാട്ടിയത് വളരെ പ്രസക്തവും പ്രധാനവുമാണ്. ഹൈദരാബാദ് ആസ്ഥാനമായ അരബിന്ദോ ഫാർമയുടെ ഡയറക്റ്റർ പി. ശരത് ചന്ദ്ര റെഡ്ഡിയെയാണ് ബിജെപിക്കു പണം കൊടുത്ത് മാപ്പ് സാക്ഷിയാക്കിയത്. ഈ ഇളവിന് റെഡ്ഡി പലപ്പോഴായി ബിജെപിക്കു കൈമാറിയത് 34 കോടി രൂപ! 2022 നവംബർ പത്തിന് അറസ്റ്റിലായ റെഡ്ഡി അഞ്ചു ദിവസങ്ങൾക്കുള്ളിൽ ഒരു കോടി രൂപ വീതം മുഖവിലയുള്ള അഞ്ച് ബോണ്ടുകൾ വാങ്ങി. പിന്നീട് 25 കോടിയുടെ കടപ്പത്രം കൂടി വാങ്ങിയതോടെയാണ് റെഡ്ഡി മാപ്പ് സാക്ഷിയായത്. എല്ലാം കൂടി 54 കോടിയോളം രൂപ റെഡ്ഡി ബിജെപിക്കു നല്കി. ഈ പണം കൈപ്പറ്റിയ ബിജെപി പ്രസിഡന്റ് ജെ.പി നഡ്ഡയാണ് കേസിലെ മുഖ്യപ്രതിയെന്ന് ആം ആദ്മി പാർട്ടി നേതാക്കൾ പറയുന്നു.
ഇന്ത്യാ സഖ്യത്തിലെ കക്ഷികളെയാണ് അറസ്റ്റും ജയിലും കാണിച്ച് മോദി ഭയപ്പെടുത്തുന്നത്. ഇഡിയെയും സിബിഐയെയും ഉപയോ​ഗിച്ചു നരേന്ദ്ര മോദിയും ബിജെപിയും എത്രയെത്ര പ്രതിപക്ഷ നേതാക്കളെ കൂറുമാറ്റി ബിജെപിയിലെത്തിച്ചു. മറ്റു കക്ഷികളിൽ നിൽക്കുമ്പോൾ അഴമിതിക്കാരും ബിജെപിയിലെത്തിയാൽ വിശുദ്ധരുമാകുന്ന ചെപ്പടി വിദ്യയാണ് മോദി പയറ്റുന്നത്. ഹിമന്ത ബിശ്വ ശർമ, സുവേന്ദു അധികാരി, അശോക് ചവാൻ, ദി​ഗംബർ കാമത്ത്, അജിത്ത് പവാർ, ഛ​ഗൻ ഭുജ്ബെൽ, നാരായൺ റാണെ, പ്രഭുൽ പട്ടേൽ തുടങ്ങി എത്രയെത്ര പേരേ അഴിമതി കേസുകളിൽ കുടുക്കുകയും കൂറുമാറ്റി സ്വന്തം ചേരിയിലെത്തിച്ച ശേഷം വിശുദ്ധരായി പ്രഖ്യാപിക്കുകയും ചെയ്തു!
അടിമുടി അഴിമതിയാണ് ബിജെപിയുടെ മുഖമുദ്ര. 2019ലെ ലോക്സഭാ തെരഞ്ഞെടുപ്പിൽ അം​ഗീകൃത രാഷ്ട്രീയ പാർട്ടികളെല്ലാം കൂടി ചെലവാക്കിയത് 50,000 കോടി രൂപയാണെന്ന് കണക്കാക്കപ്പെടുന്നു. അതിന്റെ നേർ പകുതിയും (25,000 കോടി) ചെലവാക്കിയത് ഭരണപ്പാർട്ടിയായ ബിജെപി ആയിരുന്നു എന്നാണ് അസോസിയേഷൻ ഫോർ ഡെമോക്രാറ്റിക് റീഫോംസ് കണ്ടെത്തിയത്. ഇവിടെ മറ്റൊന്നു കൂടി മനസിലാക്കണം. തെരഞ്ഞെടുപ്പിൽ ഏറ്റവും കൂടുതൽ പണം ചെലവാക്കുന്നവർ തന്നെയാണ് ഏറ്റവും കൂടുതൽ അഴിമതി നടത്തുന്നതും അതിനു കൂട്ടു നിൽക്കുന്നതും. അതുകൊണ്ടു തന്നെ അഴമിതിക്കു തടയിടാനാണ് ഇലക്റ്ററൽ ബോണ്ടുകൾ കൊണ്ടുവന്നതെന്ന മോദിയുടെ വാദം നിലനിൽക്കുന്നതല്ല. 2019 ഏപ്രിലിനും 2024 ജനുവരിക്കുമിടയിൽ 12,769 കോടി രൂപയുടെ ഇലക്റ്ററൽ ബോണ്ടുകൾ സ്റ്റേറ്റ് ബാങ്ക് ഓഫ് ഇന്ത്യ വിറ്റഴിച്ചു എന്നാണ് സുപ്രീം കോടതിയിൽ വെളിവാക്കപ്പെട്ടത്. അതിൽ ബിജെപിക്ക് മാത്രം ലഭിച്ചത് എണ്ണായിരത്തിൽപ്പരം കോടി രൂപ!


കടപ്പാടിന്റെ പത്രമായി ഇലക്റ്ററൽ ബോണ്ടുകൾ മാറിയെന്നതാണ് വാസ്തവം.
രാഷ്ട്രീയ കക്ഷികൾക്കു സംഭാവന നൽകാനുള്ള വ്യവസ്ഥാപിത സംവിധാനമാണ് ഇലക്റ്ററൽ ബോണ്ടുകൾ. വ്യവസ്ഥകളുണ്ടെന്നു കരുതി എല്ലാം കഴിഞ്ഞു എന്നു കരുതരുതെന്നാണ് സുപ്രീം കോടതി അടിവരയിട്ടു പറഞ്ഞത്. നിയമപരമായ രീതിയിൽ പണം നൽകുമ്പോഴും വാങ്ങുമ്പോഴും കടപ്പാടിന്റെ ഒരു ബോണ്ടുകൂടി സ്ഥാപിക്കപ്പെടുന്നു. കൊടുക്കുന്നവർക്ക് പ്രത്യുപകാര പ്രതീക്ഷയും വാങ്ങുന്നവർക്ക് ആ പ്രതീക്ഷ സഫലമാക്കി കൊടുക്കാനുള്ള ബാധ്യതയുമുണ്ട്. കണക്കിൽ പെടാത്ത പണം കള്ളപ്പണമായി വാങ്ങുന്നതു പോലെ തന്നെ അഴിമതിയാണ് കണക്കിലുള്ള പണം നിയമപരമായി വാങ്ങി അഴിമതി നടത്തുന്നതും.
ഞാൻ ശരിയാണെന്ന് പറയുന്നതിൽ തെറ്റില്ല. പക്ഷേ, ഞാൻ മാത്രമാണു ശരിയെന്നും മറ്റുള്ളവരെല്ലാം കള്ളന്മാരാണെന്നുമാണ് നരേന്ദ്ര മോദി കരുതുന്നത്. അതുകൊണ്ടാണ് കള്ളപ്പണമുണ്ടെന്നു പറഞ്ഞ് പ്രതിപക്ഷ പാർട്ടികളുടെ ഓഫീസിലേക്കും നേതാക്കന്മാരുടെ വീടുകളിലേക്കുമൊക്കെ ഇഡി, സിബിഐ, തുടങ്ങിയ അന്വേഷണ ഏജൻസികളെ പറഞ്ഞുവിട്ട് റെയ്ഡും അറസ്റ്റും ഒക്കെ നടത്തുന്നത്. അതിന്റെ അവസാനത്തെ ഇരയാണ് ഡൽഹി മുഖ്യമന്ത്രിയും ആം ആദ്മി പാർട്ടി നേതാവുമായ അരവിന്ദ് കേജരിവാൾ. കോൺ​ഗ്രസുമായി ചേർന്ന് ഇന്ത്യാ സഖ്യത്തിൽ ഉറച്ചു നിൽക്കുന്ന അരവിന്ദ് കേജരിവാളിനെ ഒരു തെളിവുമില്ലാതെ 40 കോടിയുടെ കോഴ ആരോപിച്ച് ഇഡി കസ്റ്റഡിയിലെടുത്തിരിക്കുകയാണ്. ഇത് ജനാധിപത്യത്തെ അട്ടിമറിക്കാനുള്ള ബിജെപി നീക്കത്തിന്റെ ഭാ​ഗമാണെന്ന് എഐസിസി ജനറൽ സെക്രട്ടറി കെ.സി. വേണു​ഗോപാൽ പറയുന്നു. തെരഞ്ഞെടുപ്പ് കാലത്ത് കോൺ​ഗ്രസിന് ചില്ലിക്കാശ് പോലും ചെലവഴിക്കാൻ കഴിയാത്ത സാഹചര്യമാണെന്നും വേണു​ഗോപാൽ ചൂണ്ടിക്കാട്ടി. 18 സംസ്ഥാനങ്ങളിൽ ബിജെപിക്കു ഭരണമുണ്ട്. അവിടങ്ങളിൽ ഒരിടത്തും ഒരു അഴിമതിയും നടക്കാത്തതു കൊണ്ടല്ല ഇഡിയും സിബിഐയുമൊക്കെ അങ്ങോട്ടു പോകാത്തത്. അവിടങ്ങളിലെ അഴിമതി സ്ഥാപനവൽക്കരിക്കപ്പെട്ട് സംരക്ഷിക്കാൻ കേന്ദ്ര സർക്കാരിന്റെ പരിപൂർണ പിന്തുണ ഉള്ളതുകൊണ്ടു മാത്രമാണ്.

2019 തെരഞ്ഞെടുപ്പിൽ 25,000 കോടി രൂപ ചെലവിട്ട നരേന്ദ്ര മോദി 2024ൽ എത്ര കോടി ചെലവാക്കുമെന്ന് ഊഹിക്കാവുന്നതേയുള്ളൂ. അങ്ങനെയൊരു പാർട്ടിയാണ് അഞ്ചു വർഷം മുൻപ് ആദായ നികുതി വകുപ്പിന് കണക്ക് കൊടുത്തില്ലെന്നു പറഞ്ഞ് കോൺ​ഗ്രസിന്റെ അക്കൗണ്ടുകൾ മരവിപ്പിച്ച് 135 കോടി രൂപ കൊള്ളയടിച്ചത്. ഒരു രാജ്യം ഒരു തെരഞ്ഞെടുപ്പ് എന്നതല്ല മോദിയുെ ലക്ഷ്യം. ഒരു രാജ്യം ഒരു പാർട്ടി എന്നു തന്നെയാണ്. അതിനു വേണ്ടി ദൃഢനിശ്ചയം ചെയ്ത ഒരു ഏകാധിപതിയുടെ കുടില തന്ത്രങ്ങൾക്കാണു താൽക്കാലികമായെങ്കിലും സുപ്രീം കോടതി തടയിട്ടത്. അതിനു കൂട്ടു നിന്നവരെ വരച്ച വരയിൽ നിർത്തി കണക്ക് പറയിച്ചത്. ഭരണഘടനാ സ്ഥാപനങ്ങളെ ഓരോന്നായി വരുതിയിലാക്കുമ്പോഴും അതിനു മീതേ ഇന്ത്യയുടെ നീതിപീഠങ്ങൾക്കു നിലനിൽക്കാൻ കഴിയുമെന്ന വലിയ പാഠവും പ്രതീക്ഷയുമാണ് ഇലക്റ്ററൽ ബോണ്ട് കേസിൽ സുപ്രീം കോടതി കാണിച്ച അനന്യമായ ആർജവം.

Advertisement
1000x200 PX MALAYALI DCTR MDX-02-02
Continue Reading

Fashion

പഴമയില്‍ വെറൈറ്റി ലുക്കുകള്‍

Published

on

വെസ്റ്റേണ്‍ വേഷങ്ങളോടൊപ്പം ട്രഡീഷണല്‍ ജ്വല്ലറി അണിയുന്ന രീതി ഇപ്പോള്‍ ഫാഷനായി കൊണ്ടിരിക്കുന്നത്.ഇന്ന് പലര്‍ക്കും വളരെ വിപുലമായി മേക്കപ്പിടാന്‍ ഒന്നും സമയം കിട്ടി എന്ന് വരില്ല. ഈ സാഹചര്യത്തില്‍ സുന്ദരിയാകാന്‍ ഒരു എളുപ്പ വിദ്യയുണ്ട്. വെസ്റ്റേണ്‍ വിയര്‍ന്നോടൊപ്പം ഒരു ട്രഡീഷണല്‍ ജ്വല്ലറി പീസ് അണിയുക.

ട്രഡീഷണല്‍ ആഭരണങ്ങള്‍ വെസ്റ്റേണ്‍ വേഷത്തിനൊപ്പം അണിയുന്ന രീതിയെ സ്റ്റേ്‌മെന്റ് ജുവല്ലറി എന്നാണ് പറയുന്നത്. ഇത് പെണ്‍കുട്ടികള്‍ക്ക് പുത്തന്‍ ലുക്ക് പകരും.ഇന്ന് പലര്‍ക്കും വളരെ വിപുലമായി മേക്കപ്പിടാന്‍ ഒന്നും സമയം കിട്ടി എന്ന് വരില്ല. ഈ സാഹചര്യത്തില്‍ സുന്ദരിയാകാന്‍ ഒരു എളുപ്പ വിദ്യയുണ്ട്. വെസ്റ്റേണ്‍ വിയര്‍ന്നോടൊപ്പം ഒരു ട്രഡീഷണല്‍ ജ്വല്ലറി പീസ് അണിയുക.

Advertisement
1000x200 PX MALAYALI DCTR MDX-02-02

ബ്ലാക്ക് ടീഷര്‍ട്ട് ജീന്‍സിനൊപ്പം ട്രഡീഷണല്‍ മാല, വീതിയേറിയ വള, മിഞ്ചി തുടങ്ങിയവ എലഗന്റ് ലുക്ക് പകരും. . ഹെവി ആഭരണങ്ങളില്‍ ചോക്കര്‍ നെക്ലസ് സാരി, സല്‍വാര്‍ കമ്മീസിനോടൊപ്പം അനുയോജ്യമായിരിക്കും. ഉദാഹരണത്തിന്മു ത്തുകള്‍ പതിപ്പിച്ച ഇയര്‍ റിംഗ് വെസ്റ്റേണ്‍ ഔട്ട്ഫിറ്റ്‌നൊപ്പം ഗ്ലാമറസ് ലുക്ക് നല്‍കും.

ജീന്‍സ്, ടീഷര്‍ട്ട്, പലാസോ പാന്റ്, ഫ്രോക്ക്, സ്‌കര്‍ട്ട് തുടങ്ങിയവയ്ക്ക് ഒപ്പം ലോംഗ് ചെയിന്‍ അല്ലെങ്കില്‍ നെക്ക് പീസ് സ്മാര്‍ട്ട് ലുക്ക് പകരും. വളരെ ട്രഡീഷണല്‍ ആയ ആഭരണമാണ് മൂക്കുത്തി. മുഖ സൗന്ദര്യം കൂട്ടുന്ന ഈ ആഭരണം ഗൗണ്‍, ലോംഗ് സ്‌കര്‍ട്ട്, ജീന്‍സ്, ടീഷര്‍ട്ട് എന്നിവയ്‌ക്കൊപ്പം അണിയാം. അതുപോലെ മുത്തു പതിപ്പിച്ച മൂക്കുത്തിയും വെസ്റ്റേണ്‍ വിയറിന് മാച്ചിംഗ് ആയിരിക്കും.

Advertisement
1000x200 PX MALAYALI DCTR MDX-02-02

ജീന്‍സ്, ടീഷര്‍ട്ട്, പലാസോ പാന്റ്, ഫ്രോക്ക്, സ്‌കര്‍ട്ട് തുടങ്ങിയവയ്ക്ക് ഒപ്പം ലോംഗ് ചെയിന്‍ അല്ലെങ്കില്‍ നെക്ക് പീസ് സ്മാര്‍ട്ട് ലുക്ക് പകരും. വളരെ ട്രഡീഷണല്‍ ആയ ആഭരണമാണ് മൂക്കുത്തി. മുഖ സൗന്ദര്യം കൂട്ടുന്ന ഈ ആഭരണം ഗൗണ്‍, ലോംഗ് സ്‌കര്‍ട്ട്, ജീന്‍സ്, ടീഷര്‍ട്ട് എന്നിവയ്‌ക്കൊപ്പം അണിയാം. അതുപോലെ മുത്തു പതിപ്പിച്ച മൂക്കുത്തിയും വെസ്റ്റേണ്‍ വിയറിന് മാച്ചിംഗ് ആയിരിക്കും.

Advertisement
1000x200 PX MALAYALI DCTR MDX-02-02
Continue Reading

Cinema

നയൻതാരയ്ക്ക് മികച്ച നടിയ്ക്കുള്ള ദാദാ സാഹെബ് ഫാൽകെ പുരസ്കാരം

Published

on

മുംബൈ: ജവാൻ എന്ന ചിത്രത്തിലെ അഭിനയമികവിന് മലയാളി താരം നയൻതാരയ്ക്ക് മികച്ച നടിയ്ക്കുള്ള ദാദാ സാഹെബ് ഫാൽകെ ഇന്റർനാഷണൽ ഫിലിം ഫെസ്റ്റിവൽ പുരസ്‌കാരം. പുരസ്‌കാരം സ്വീകരിച്ചതിന് ശേഷം സന്തോഷം പങ്കുവച്ച് താരം സോഷ്യൽ മീഡിയയിൽ എത്തി.
‘താഴ്മയോടെ, നന്ദിയോടെ, അനുഗ്രഹീതയായി. ഈ അംഗീകാരത്തിന് നന്ദി’ എന്നാണ് നയൻതാര കുറിച്ചത്. അതേസമയം ഷാരൂഖ് ഖാനാണ് മികച്ച നടൻ. ജവാനിലെ പ്രകടനത്തിലാണ് താരത്തിനും പുരസ്‌കാരം. റാണി മുഖർജി, ബോബി ഡിയോൾ എന്നിവർക്കും പുരസ്‌കാരങ്ങൾക്ക് ലഭിച്ചു. സന്ദീപ് റെഡ്ഡി വങ്കയാണ് മികച്ച സംവിധായകൻ. അനിമൽ എന്ന ചിത്രത്തിനാണണ് പുരസ്‌കാരം. ചലച്ചിത്ര സമഗ്ര സംഭാവന പുരസ്‌കാരം മൗഷുമി ചാറ്റർജിക്കും സംഗീതത്തിനുള്ള സമഗ്ര സംഭാവന പുരസ്‌കാരം കെ.ജെ. യേശുദാസിനും ലഭിച്ചു.
പത്തനംതിട്ട ജില്ലയിലെ തിരുവല്ലയിലുള്ള ഒരു ഓർത്തഡോക്സ് സിറിയൻ ക്രിസ്ത്യൻ കുടുംബത്തിലാണ് ഡയാന മറിയം കുര്യൻ എന്ന നയൻതാര ജനിച്ചത്. തിരുവല്ല ബാലികാമഠം ഹൈസ്കൂളിലും മാർത്തോമ കോളേജിലുമായി വിദ്യാഭ്യാസം പൂർത്തിയാക്കി. ഇംഗ്ലീഷ് സാഹിത്യത്തിലാണ് ഇവർ ബിരുദം നേടിയത്.
മനസ്സിനക്കരെ എന്ന മലയാളചലച്ചിത്രത്തിലൂടെ ചലച്ചിത്രലോകത്തെത്തിയ നയൻതാര തമിഴ്, തെലുങ്ക് എന്നീ ഭാഷകളിലെ ചിത്രങ്ങളിലും അഭിനയിച്ചിട്ടുണ്ട്. മനസ്സിനക്കരെ എന്ന ചലച്ചിത്രത്തിനുപുറമേ തമിഴ് ചലച്ചിത്രങ്ങളായ ചന്ദ്രമുഖി, ഗജിനി, ബില്ല, യാരടീ നീ മോഹിനി, ഇരുമുഖൻ തുടങ്ങിയ ചിത്രങ്ങൾ നയൻതാരയുടെ വിജയചിത്രങ്ങളിൽ ചിലതാണ്. രാജ്യത്തു തന്നെ ഏറ്റവും ഉയർന്ന പ്രതിഫലം നേടുന്ന നടിമാരിൽ ഒരാളാണ് നയൻ താര.

Continue Reading

Featured