Connect with us
48 birthday
top banner (1)

Kerala

വേദികളുടെ അകലം വലയ്ക്കുമ്പോൾ

Avatar

Published

on

കൊല്ലം: സംസ്ഥാന സ്കൂൾ കലോത്സവം മൂന്ന് ദിവസങ്ങൾ പിന്നിടുമ്പോൾ കൊല്ലം നഗരം പൂർണ്ണമായും കലോത്സവ ലഹരിയിൽ തന്നെയാണ്. സംസ്ഥാനത്തിന്റെ വിവിധ ഭാഗങ്ങളിൽ നിന്നും പതിനാലായിരത്തോളം കുട്ടി കലാപ്രതിഭകളാണ് കലോത്സവത്തിനായി കൊല്ലം നഗരത്തിൽ എത്തിയിരിക്കുന്നത്. കുട്ടികൾക്ക് പുറമേ രക്ഷകർത്താക്കളും അധ്യാപകരും ഒക്കെയായി വലിയ സംഘമാണ് കഴിഞ്ഞ മൂന്ന് ദിവസങ്ങളായി കൊല്ലത്തുള്ളത്. കുട്ടികളും രക്ഷകർത്താക്കളും അധ്യാപകരും എല്ലാം തികഞ്ഞ കലോത്സവ ലഹരിയിൽ ആണെങ്കിലും അവരെ വലയ്ക്കുന്ന ചിലതും ഉണ്ട്. അതിൽ ഏറ്റവും പ്രധാനപ്പെട്ടത് വേദികളുടെ അകലം ആണ്. 24 വേദികളിലായാണ് കലോത്സവ മത്സരങ്ങൾ നടക്കുന്നത്. പ്രശസ്ത കവി ഒഎൻവി കുറുപ്പിന്റെ പേരിലുള്ള ആശ്രമം മൈതാനിയിലെ ഒന്നാം വേദിയാണ് കലോത്സവത്തിന്റെ പ്രധാന വേദി. കലോത്സവത്തിന്റെ ഉദ്ഘാടനം നടന്നതും സമാപന സമ്മേളനവും നടക്കുവാൻ പോകുന്നതും ഇതേ വേദിയിൽ തന്നെയാണ്. ഏറ്റവും അധികം കാഴ്ചക്കാർക്ക് ഇരിക്കുവാനുള്ള ഇടങ്ങൾ ഒരുക്കിയിരിക്കുന്നതും ഇതേ വേദിയിൽ തന്നെയാണ്. മറ്റു വേദികൾ എല്ലാം തന്നെ നഗരത്തിലെ മറ്റു സ്കൂളുകൾ, സി കേശവൻ സ്മാരക ടൗൺ ഹാൾ, എസ്ആർവി ഓഡിറ്റോറിയം, സോപാനം ഓഡിറ്റോറിയം, ബാലഭവൻ, ആശ്രമം ശ്രീകൃഷ്ണസ്വാമി ക്ഷേത്രം തുടങ്ങിയ ഇടങ്ങളിലാണ്. ഇതിൽ ചുരുക്കം ചില വേദികൾ മാത്രമാണ് പരസ്പരം അടുത്തുള്ളത്. ഒന്നാം വേദിക്ക് ഏറ്റവും അടുത്തുള്ള മറ്റൊരു വേദി ആശ്രമം ശ്രീകൃഷ്ണസ്വാമി ക്ഷേത്രത്തിലെ വേദിയാണ്. ഇവിടെ നടക്കുന്നതാകട്ടെ ചുരുക്കം വിദ്യാർത്ഥികൾ മാത്രം മത്സരിക്കുന്ന മത്സര ഇനങ്ങളും ആണ്. പള്ളിമുക്ക് എസ്ആർവി ഓഡിറ്റോറിയത്തിലെ വേദിയും വിമലഹൃദയ സ്കൂളിലെ വേദിയും രണ്ട് കിലോമീറ്ററിന് പുറത്താണ്. പലപ്പോഴും ട്രാഫിക് ബ്ലോക്ക് ഉണ്ടാകുന്നത് കാരണം ഇവിടങ്ങളിലേക്ക് പോകാറുള്ള വിദ്യാർത്ഥികൾ വഴിയിൽ പെടുന്ന സാഹചര്യമുണ്ട്. അതുകൊണ്ടുതന്നെ ദൂരെയുള്ള വേദികളിൽ മത്സരത്തിന് പോകുന്ന കുട്ടികൾ മുൻപെ കൂട്ടിയാണ് പോകാറുള്ളത്. വേദികൾ പരസ്പരം ദൂരെ ആയപ്പോൾ ഏറ്റവുമധികം വലയുന്നത് ഒന്നിലേറെ മത്സരയിനങ്ങളിൽ പങ്കെടുക്കുന്ന കുട്ടികളാണ്. കഴിഞ്ഞ വർഷം 28 വേദികളാണ് സംസ്ഥാന കലോത്സവത്തിന് ഉണ്ടായിരുന്നത്. ഇത്തവണ വേദികളുടെ എണ്ണം കുറഞ്ഞത് കലോത്സവത്തെ പ്രതികൂലമായാണ് ബാധിച്ചത്. കൂടുതൽ മത്സരങ്ങൾ ഓരോ വേദിയിലും കുത്തിനിറയ്ക്കപ്പെടുന്ന സാഹചര്യമുണ്ടായി. ഇതുമൂലം വേദികളിൽ വലിയ തിരക്കും രൂപപ്പെടുന്നുണ്ട്. ഒന്നാം വേദിയിൽ നിന്നും അര കിലോമീറ്റർ അപ്പുറമാണ് ഭക്ഷണശാല സജ്ജമാക്കിയിരിക്കുന്നത്. പൊരിവെയിലത്ത് ഇവിടേക്ക് നടന്നു പോവുകയെന്നത് കഠിനം തന്നെയാണ്. അതേസമയം, വേദികളിൽ നിന്ന് ഭക്ഷണശാലയിലേക്കും തിരിച്ചും വിദ്യാർത്ഥികൾക്കും അധ്യാപകർക്കും രക്ഷകർത്താക്കൾക്കുമായി സൗജന്യ വാഹന സൗകര്യമുണ്ട്. ഇതിനുപുറമെ വിവിധ സന്നദ്ധ സംഘടനകളും കുട്ടികൾക്കായി സൗജന്യ വാഹനങ്ങൾ ഏർപ്പെടുത്തിയിട്ടുണ്ട്.

Kasaragod

പുതുതായി അനുവദിച്ച പ്ലസ് വൺ ബാച്ചുകൾ ഇല്ലാതാക്കാൻ ശ്രമിച്ചാൽ ശക്തമായി നേരിടും: അഡ്വ. ജവാദ് പുത്തൂർ

Published

on

കാസർഗോഡ്: കാസർഗോഡ് ജില്ലയിൽ 18 പുതിയ പ്ലസ് വൺ ബാച്ചുകൾ ആണ് അനുവദിച്ചത്. എന്നാൽ ഇത് അനുവദിച്ച സ്കൂളുകളിൽ മതിയായ സൗകര്യങ്ങൾ ഇല്ലെന്ന മുടന്തൻ ന്യായങ്ങൾ പറഞ്ഞ് ബാച്ചുകൾ സ്വീകരിക്കാൻ സാധിക്കില്ലെന്ന് വരുത്തിത്തീർക്കാൻ ശ്രമിക്കുകയാണ്. ഇത്തരം മുടന്തൻ ന്യായങ്ങളുടെ പേരിൽ വിദ്യാർത്ഥികളുടെ പഠിക്കാനുള്ള അവകാശത്തെ ഇല്ലായ്മ ചെയ്യാൻ ശ്രമിച്ചാൽ വിദ്യാർത്ഥികളെയും രക്ഷിതാക്കളെയും ഒരുമിപ്പിച്ചുകൊണ്ട് ശക്തമായ പ്രതിഷേധ പരിപാടികളുമായി കെഎസ്‌യു സമരരംഗത്തേക്ക് ഇറങ്ങുമെന്ന് കാസർഗോഡ് കെഎസ്‌യു ജില്ലാ പ്രസിഡന്റ് അഡ്വ. ജവാദ് പുത്തൂർ പറഞ്ഞു.

കാഞ്ഞങ്ങാട് മണ്ഡലത്തിനകത്ത് വരുന്ന ഹോസ്ദുർഗ് ഹയർ സെക്കൻഡറി സ്കൂൾ അധികൃതർ പറയുന്നത് പുതിയ ബാച്ച് എടുക്കാനുള്ള സൗകര്യം ഇല്ലെന്നാണ്. എന്നാൽ കൂടിയാലോചന നടത്താതെയാണ് ഇത്തരം ഒരു തീരുമാനത്തിലെത്തിയതെന്നും നിലവിൽ സൗകര്യങ്ങൾ ഉണ്ടെന്നാണ് പിടിഎ ഭാരവാഹികളും സമീപവാസികളും പറയുന്നത്. സർക്കാരിന്റെയും അധ്യാപകരുടെയും നേതൃത്വത്തിലുള്ള ഈ ഒളിച്ചുകളി തുടരുകയും പ്രഖ്യാപിക്കപ്പെട്ട ബാച്ചുകൾ ഇല്ലാതാക്കാനുള്ള സാഹചര്യം ഉണ്ടാവുകയും ചെയ്‌താൽ അതിശക്തമായ സമരപരിപാടികളുമായി മുന്നോട്ടു പോകുമെന്നും ജവാദ് പുത്തൂർ കൂട്ടിച്ചേർത്തു.

Advertisement
inner ad
Continue Reading

Accident

തിരുവനന്തപുരത്ത് തോട് വൃത്തിയാക്കാനിറങ്ങിയ തൊഴിലാളിയെ കാണാതായി; തിരച്ചില്‍ തുടരുന്നു

Published

on

തിരുവനന്തപുരത്ത് തോട് വൃത്തിയാക്കാൻ ഇറങ്ങിയ തൊഴിലാളിയെ കാണാനില്ല. മാരായമുട്ടം സ്വദേശി ജോയിയെയാണ് കാണാതായത്. കോര്‍പറേഷന്റെ താല്‍ക്കാലിക തൊഴിലാളിയാണ്. തിരച്ചില്‍ തുടരുന്നു. തമ്പാനൂർ റെയില്‍വേ സ്റ്റേഷനടുത്ത് വലിയ തോതില്‍ മാലിന്യങ്ങള്‍ അടിഞ്ഞിരുന്നത് വൃത്തിയാക്കുന്നതിനിടെയാണ് അപകടം. മാലിന്യക്കൂമ്ബാരത്തിനുള്ളില്‍ പെട്ടതാണോ എന്നാണു സംശയിക്കുന്നത്. അഗ്നിരക്ഷാസേനയും സ്‌കൂബാ സംഘവുമാണു രക്ഷാപ്രവര്‍ത്തനം നടത്തുന്നത്. ഇന്ന് രാവിലെ മുതല്‍ തിരുവനന്തപുരത്ത് ശക്തമായ മഴ പെയ്യുന്നുണ്ട്. ജോയി ഒഴുക്കില്‍പ്പെട്ടതാവാം എന്നതാണ് അഗ്നിശമനസേനയുടെ പ്രാഥമിക നിഗമനം.

Continue Reading

Featured

വിഴിഞ്ഞം പദ്ധതി യാഥാർത്ഥ്യമായതിന്റെ ആഘോഷം പങ്കുവെച്ച് യുഡിഎഫ്

Published

on

തിരുവനന്തപുരം : വിഴിഞ്ഞം പദ്ധതി യാഥാർത്ഥ്യമായതിന്റെ സന്തോഷം പങ്കുവെച്ച് പ്രതിപക്ഷ നേതാവ് വി ഡി സതീശൻ. വിജയാഘോഷത്തിന്റെ ഭാഗമായി വി ഡി സതീശൻ കേക്ക് മുറിച്ച് മുൻതുറമുഖ വകുപ്പ് മന്ത്രിയായിരുന്ന കെ ബാബുവിന് മധുരം നൽകി ആഘോഷിച്ചു. ഉമ്മൻചാണ്ടിയുടെ സ്വപ്ന പദ്ധതി അദ്ദേഹത്തിന്റെ നിച്ഛയദാർഢ്യത്തിന്റെ ഫലമാണെന്നും വി ഡി സതീശൻ പറഞ്ഞു. തന്റെ ഫേസ്ബുക്ക് പോസ്റ്റിലൂടെ ആണ് വി ഡി സതീശൻ കുറിപ്പ് പങ്കുവെച്ചത്.

വി ഡി സതീശന്റെ ഫേസ്ബുക്ക് കുറിപ്പ്

Advertisement
inner ad

വിഴിഞ്ഞം എന്ന സ്വപ്നം യാഥാർഥ്യമാകുമ്പോൾ വികസനത്തിൻ്റെ കപ്പിത്താനായി നിൽക്കുന്നത് ഉമ്മൻ ചാണ്ടിയാണ്. ഉമ്മൻ ചാണ്ടി എന്ന പേര് പറയാതെ വിഴിഞ്ഞം പദ്ധതി പൂർത്തിയാകുന്നത് എങ്ങനെ?

മുഖ്യമന്ത്രി പിണറായി വിജയനും CPMനും ഉമ്മൻചാണ്ടിയെ മറക്കാം പക്ഷേ കേരളം ഉമ്മൻ ചാണ്ടിയെ മറക്കില്ല.

Advertisement
inner ad

കെ. ബാബുവിൻ്റെ പേര് കൂടി പറയാതെ വിഴിഞ്ഞം പൂർണമാകുന്നത് എങ്ങനെ? തുറമുഖ മന്ത്രി എന്ന നിലയിൽ കെ. ബാബുവിൻ്റെ കഠിനാധ്വാനത്തിൻ്റെ ഫലം കൂടിയാണ് വിഴിഞ്ഞം. വാഴ്ത്തപ്പെടാതെ പോയ ഹീറോയാണ് കെ. ബാബു.

Advertisement
inner ad
Continue Reading

Featured