_{കുവൈറ്റ് സിറ്റി / കാസർഗോഡ് : സമൂഹത്തിലെ സങ്കടപ്പെടുന്നവരെ കണ്ടെത്തി ,അവരുടെ സങ്കടങ്ങൾ മറക്കാനും ചിരിക്കാനും പഠിപ്പിച്ച വ്യക്തിയായിരിന്നു സഗീർ തൃക്കരിപ്പൂരെന്നും മനുഷ്യനെ സ്നേഹിക്കാത്ത പ്രത്യയശാസ്ത്രങ്ങൾ സഗീറിനെ സംബന്ധിച്ച് അന്യമായിരുന്നുവെന്നും ശ്രീ രാജ്‌മോഹൻ ഉണ്ണിത്താൻ എംപി പറഞ്ഞു. കുവൈറ്റ് കേരളമുസ്ലിം അസോസിയേഷൻ പ്രസിഡണ്ടായിരുന്ന മണ്മറഞ്ഞ സാമൂഹ്യ പ്രവർത്തകൻ സഗീർ തൃക്കരിപ്പൂരിൻ്റെ നാമധേയത്തിൽ കെയർ ഫൗണ്ടേഷൻ കാസർഗോഡ് ജില്ലയിലെ പടന്നയിൽ സ്ഥാപിച്ച സഗീർ തൃക്കരിപ്പൂർ കിഡ്നി ഡയാലിസിസ് ആൻഡ് റിസർച്ച് സെൻ്റർ (കെ ഡി ർ സി ) ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. പടന്ന ജമാത്ത് കമ്മിറ്റി ലീസിനു അനുവദിച്ച സ്ഥലത്തു കെയർ ഫൗണ്ടേഷനാണ് ഈ സെന്റർ സ്ഥാപിച്ചത്. കെയർ ഫൗണ്ടേഷൻ ചെയർമാൻ കെ. സിദ്ധീഖ് അദ്ധ്യക്ഷനായിരുന്നു. വൈ. ചെയർമാൻ അക്ബർ സിദ്ദീഖ് പദ്ധതിയെ കുറിച്ച് വിശദീകരിച്ചു. ശ്രീ എം. രാജഗോപാലൻ എം.എൽ.എ, എ.കെ.എം അഷ്റഫ് എം.എൽ.എ, പടന്ന ജമാഅത്ത് പ്രസിഡണ്ട് കെ. സി മുഹമ്മദ് കുഞ്ഞി ഹാജി, വൈ. പ്രസിഡൻ്റ് വി കെ പി ഹമീദലി സാഹിബ്, ഡോക്ടർ പി.സി അൻവർ ( ഡയറക്ടർ ഇഖ്‌റ ഹോസ്പിറ്റൽ കോഴിക്കോട്), മണ്ഡലം മുസ്‌ലിം ലീഗ് പ്രസിഡൻ്റ് പി.സി റഊഫ് ഹാജി, സാലിഹ് ബാത്ത, എ.കെ. മുഹമ്മദ് പാന്നൂർ, സലാം വളഞ്ചേരി,ബഷീർ ആറങ്ങാടി തുടങ്ങിയവർ ആശംസകൾ നേർന്ന് സംസാരിച്ചു. കെയർ ഫൗണ്ടേഷൻഎന്ന മഹത്തായ ഈ സംരംഭത്തിന് സാമ്പത്തിക വിഹിതം കെസി മുഹമ്മദ് കുഞ്ഞി ഹാജി ചെയർമാൻ സിദ്ദിഖിന് നൽകിക്കൊണ്ട് നിർവഹിച്ചു. റഷീദ് തക്കാര (തക്കാര ഗ്രൂപ് കുവൈറ്റ്), എസ് എ പി ആസാദ് (സിറ്റി ക്ലിനിക്ക് കുവൈറ്റ് ), കെയർ ഫൗണ്ടേഷൻ കുവൈറ്റ് ചാപ്റ്റർ, കാട്ടിക്കുണ്ടിൽ ഫാമിലി, സി മുഹമ്മദ്, അൽ റസുക്വി ഫാമിലി, ഖിദ്മത്തുൽ ഇസ്‌ലാം സംഘം പടന്ന, അയ്യൂബ് കീച്ചേരി (ഗ്രാൻഡ് ഹൈപ്പർ കുവൈത്ത്), മുനീർ പാട്ടില്ലത്ത് അൽ ഐൻ, സി ഹാമിദ് &ഫാമിലി, ടി കെ മൊയ്‌ദീൻ @ഫാമിലി എന്നിവരിൽ നിന്നും അവരുടേതായ സാമ്പത്തിക വിഹിതങ്ങൾ കെയർ ഫൗണ്ടേഷൻ ഭാരവാഹികൾ ഏറ്റുവാങ്ങി.}

_{കെട്ടിട നിർമ്മാണത്തിൽ നേത്രത്വം നൽകിയ, എഞ്ചിനീയർ അഷ്റഫ് പറമ്പത്ത്, ആർക്കിടെക്ട് താഹ, എഞ്ചിനീയർ വി. പി. പി.മുത്തലിബ്, നിയാസ് വെള്ളൂർ, സുധീർ, പ്ലാൻ്റുകൾ ക്രമീകരിച്ച, മൊബീഷ്, തമീം, എന്നിവർക്ക് മൊമെൻ്റോകൾ നൽകി ആദരിച്ചു. സെന്റർ നിർമ്മാണ പ്രവർത്തനത്തിന് ഏറ്റവും കൂടുതൽ പിന്തുണ നൽകിയ ഹനീഫ പടന്നയെയും സ്ഥലം ലീസിനു നൽകിയതടക്കമുള്ള എല്ലാ വിധ പിന്തുണയ്ക്ക് ജമാഅത് കമ്മറ്റിയെയും നന്ദി അറിയിച്ചു അവർക്കു മൊമെന്റോ നൽകി ആദരിച്ചു. ജമാഅത് പ്രസിഡന്റ് കെ. സി .മുഹമ്മദ് കുഞ്ഞിഹാജി കമ്മിറ്റിക്കു വേണ്ടി മൊമെന്റോ സ്വീകരിച്ചു. കെയർ ഫൗണ്ടേഷൻ ട്രഷറർ അബ്ദുൽ ഫത്താഹ് തയ്യിൽ പരിപാടികൾ ക്രോഡീകരിച്ചു. ജനറൽ സെക്രട്ടറി എൻ എ മുനീർ സ്വാഗതവും, കെ. കെ. എം. എ. ചെയർമാൻ എ പി അബ്ദുൽ സലാം നന്ദിയും പറഞ്ഞു. ഹാഫിള് ആഷിർ അബ്ദുല്ല ഖിറാഅത്ത് നടത്തി. സംസ്ഥാന പ്രസിഡൻ്റ് കെ കെ കുഞ്ഞബ്ദുല്ല, ജന: സിക്രട്ടറി അബ്ദുൽ റസാഖ് മേലടി, ഹനീഫ് പടന്ന, സി.എച് ഹമീദ് ഹാജി, ഇസ്ഹാഖ് കണ്ണൂർ, സുബൈർ ഹാജി, ദിലിപ് കോട്ടപ്പുറം, ശുക്കൂർ മണിയനൊടി, പാലക്കി അബ്ദുൽ റഹിമാൻ, എ ജി അബ്ദല്ല, ടി കെ പി ശാഫി, പി മുഹമ്മദ് കുഞ്ഞി ഹാജി, അബ്ദു കുറ്റിച്ചിറ, അഷ്‌റഫ്‌ ആലപ്പുഴഎന്നിവരും വിവിധ ജില്ലാ കമ്മിറ്റി നേതാക്കളും നേതൃത്വം നൽകി. കേരളത്തിലെ വിവിധ ജില്ലകളിൽ നിന്നുമുള്ള നൂറുക്കണക്കിന് കെ. കെ. എം എ പ്രവർത്തകർ കുടുംബസമേതം പങ്കെടുത്ത പരിപാടിയിൽ പടന്നയിലും പരിസര പ്രദേശങ്ങളിലുള്ളവരുമായ നൂറുക്കണക്കിന് സ്ത്രീ- പുരുഷന്മാർ പങ്കെടുത്തതിൽ സംഘാടകർ സന്തോഷം പ്രകടിപ്പിച്ചു}.

കേരള ആരോഗ്യ സർവകലാശാല യൂണിവേഴ്സിറ്റി യൂണിയൻ ജനറൽ കൗൺസിൽ തിരഞ്ഞെടുപ്പിൽ ചരിത്രത്തിൽ ആദ്യമായി 8 ൽ 7 സീറ്റിലും വിജയിച്ച് കെ.എസ്.യു – എം.എസ്.എഫ് മുന്നണി കരുത്തുകാട്ടി. മോഡേൺ മെഡിസിൻ വിഭാഗത്തിൽ കൃഷ്ണ പ്രസാദ് (കെ.എസ്.യു), ഇന്ത്യൻ സിസ്റ്റം ഓഫ് മെഡിസിൻ -മുഹമ്മദ് മുസമ്മിൽ (എം.എസ്.എഫ്),നഴ്സിംഗ് – സനീം ഷാഹിദ് (എം.എസ്.എഫ്)ഫർമസി ജനറൽ – മുഹമ്മദ് സൂഫിയൻ യു (എം.എസ്.എഫ്),ഫർമാസി വുമൺ റിസേർവ്ഡ് – സഫാ നസ്രിൻ അഷ്‌റഫ് (എം.എസ്.എഫ്),മെമ്പർ അദർ സബ്ജെക്ട് -മുഹമ്മദ് അജ്മൽ റോഷൻ (കെ.എസ്.യു),മെമ്പർ അദർ സബ്ജെക്ട് വുമൺ റിസേർവ്ഡ് -അഹ്സന എൻ (കെ.എസ്.യു) എന്നിവരാണ് വിജയിച്ചത്എസ്.എഫ്.ഐ ഏകാധിപത്യ കോട്ടകൾ തകരുന്നതിൻ്റെ തുടർച്ചയാണ് ആരോഗ്യ സർവ്വകലാശാല ജനറൽ കൗൺസിൽ ഇലക്ഷൻ ഫലമെന്നും, കെ.എസ്.യു മുന്നണിയെ പിന്തുണച്ച വോട്ടർമാർക്ക് നന്ദി രേഖപ്പെടുത്തുന്നതായും കെ.എസ്.യു സംസ്ഥാന പ്രസിഡൻ്റ് അലോഷ്യസ് സേവ്യർ പറഞ്ഞു.

ആലുവ: വർഷങ്ങളായി പൊട്ടിപ്പൊളിഞ്ഞു സഞ്ചാരയോഗ്യമല്ലാതായിരുന്ന പൈപ്പുലൈൻ റോഡിന്റെ നിർമ്മല സ്കൂൾ മുതൽ കുന്നത്തേരി ഷാപ്പുംപടി വരെയുള്ള ഭാഗം ഇന്റർലോക്ക് ടൈൽ വിരിച്ചു പുനരുദ്ധരിക്കുന്നതിനായി ധനകാര്യ വകുപ്പിന്റെ പ്രത്യേകാനുമതി വാങ്ങി അൻവർ സാദത്ത് എം.എൽ.എയുടെ 2023 -24 വർഷത്തെ ആസ്തി വികസന ഫണ്ടിൽ നിന്നും 99 .99 ലക്ഷം രൂപ അനുവദിച്ച് ഭരണാനുമതി ലഭിച്ചിരുന്നു. വാട്ടർ അതോറിറ്റിയുടെ അധീനതയിലുള്ള പൈപ്പുലൈൻ റോഡ് സഞ്ചാരയോഗ്യമാക്കണ മെന്നാവശ്യപ്പെട്ട് വകുപ്പുമന്ത്രിയോടും വകുപ്പിനോടും ചൂർണ്ണിക്കര പഞ്ചായത്ത് ഭരണസമിതിയും, എം.എൽ.എ അടക്കമുള്ള ജനപ്രതിനിധികളും നിരന്തരം ആവശ്യപ്പെട്ടിട്ടുള്ളതാണ്. ആവശ്യമായ ഫണ്ടനുവദിച്ച് റോഡ് പുനരുദ്ധാരണം നടത്താമെന്ന് പലവട്ടം വാട്ടർ അതോറിറ്റി സമ്മതിച്ചിട്ടും, പദ്ധതി നടപ്പാക്കാതെ ഒഴിഞ്ഞുമാറിയ ഘട്ടത്തിലാണ് പ്രദേശവാസികളുടേയും, യാത്രക്കാരുടേയും അഭ്യർത്ഥന മാനിച്ച് അൻവർ സാദത്ത് എം.എൽ.എ തന്റെ വികസന ഫണ്ടിൽ നിന്നും ആവശ്യമായ തുക അനുവദിച്ച് റോഡ് നിർമ്മാണത്തിന് ഭരണാനുമതി ലഭ്യമാക്കിയത്. ഈ പദ്ധതിയുടെ നിർമ്മാണോത്‌ഘാടനം 2024 നവംബർ 30 ശനിയാഴ്ച രാവിലെ 9 മണിക്ക് അൻവർ സാദത്ത് എം.എൽ.എ നിർവ്വഹിച്ചു. ചൂർണ്ണിക്കര പഞ്ചായത്തു പ്രസിഡന്റ് രാജി സന്തോഷ് അദ്ധ്യക്ഷത വഹിച്ച ചടങ്ങിൽ വൈസ് പ്രസിഡന്റ് ബാബു പുത്തനങ്ങാടി, വാട്ടർ അതോറിറ്റി എക്‌സി.എഞ്ചിനീയർ ബി.പ്രിയദർശനി, സ്ഥിരംസമിതി അദ്ധ്യക്ഷന്മാരായ മുഹമ്മദ് ഷെഫീക്, റൂബി ജിജി, ബ്ലോക്ക് പഞ്ചായത്തുമെമ്പർ സതി ഗോപി, പഞ്ചായത്തുമെമ്പർമാരായ രാജേഷ് പുത്തനങ്ങാടി, കെ.കെ ശിവാനന്ദൻ, രമണൻ ചേലാക്കുന്ന്, ലൈല അബ്ദുൾ ഖാദർ, പി.വി വിനീഷ്, പി.എസ് യൂസഫ്, ഷെമീർ ലാല, സഹകരണ ബാങ്ക് പ്രസിഡന്റ് കെ .കെ ജമാൽ, വൈസ് പ്രസിഡന്റ് മനോഹരൻ തറയിൽ എന്നിവർ ആശംസകൾ പറഞ്ഞു. വാട്ടർ അതോറിറ്റി ഫണ്ടനുവദിക്കാതിരുന്നത് കൊണ്ടാണ് പദ്ധതി നടപ്പിലാക്കുന്നത് നീണ്ടുപോയത്. പൈപ്പ് ലൈൻ റോഡിൻറെ നിർമ്മാണം പൂർത്തിയാകുന്നതോടെ എറണാകുളം, മെഡിക്കൽ കോളേജ് എന്നീ ഭാഗത്തേക്ക് ചെറു വാഹനങ്ങൾക്ക് എളുപ്പത്തിൽ എത്തി ചേരുവാൻ സാധിക്കുമെന്നും, വർഷങ്ങളായി ഇതുവഴി യാത്ര ചെയ്തിരുന്നവരും, പ്രദേശവാസികളും അനുഭവിച്ചിരുന്ന യാത്രാ ക്‌ളേശത്തിനവസാനമാകുമെന്നും അൻവർ സാദത്ത് എം.എൽ.എ പറഞ്ഞു.