വേണു​ഗോപാൽ നയിക്കുന്ന ജനജാ​ഗരൺ പദയാത്ര ഡിസംബർ നാലിനും അഞ്ചിനും

തിരുവനന്തപുരം: വിലക്കയറ്റത്തിനും നാണയപ്പെരുപ്പത്തിനുമെതിരെ എഐസിസി ആഹ്വാനം അനുസരിച്ച് തലസ്ഥാന ജില്ലയിൽ എഐസിസി ജനറൽ സെക്രട്ടറി കെ.സി.വേണുഗോപാൽ എം.പി നയിക്കുന്ന പദയാത്ര ഡിസംബർ 4, 5 തീയതികളിൽ നടക്കും. ഡിസംബർ 4ന് വൈകുന്നേരം 3.30ന്- കല്ലറ ജംഗ്ഷൻ- പ്രതിപക്ഷ നേതാവ് വിഡി സതീശൻ പദയാത്ര ഫ്ലാഗ് ഓഫ് ചെയ്യും.

വൈകുന്നേരം 3.35ന് -കല്ലറ-പാങ്ങോട് രക്തസാക്ഷി മണ്ഡപത്തിൽ പുഷ്പാർച്ചന. പദയാത്ര ആദ്യദിവസ ഭരതന്നൂരിൽ സമാപിക്കും. ക്യാപ്റ്റനടക്കമുള്ളവർ അന്ന് ഭരതന്നൂരിൽ താമസിക്കും. രണ്ടാം ദിവസമായ ഡിസംബർ 5ന് രാവിലെ 7ന് പ്രഭാതഭേരിയോടെ ജനസമ്പർക്കം നടത്തും.
ആദിവാസി-ദളിത് വിഭാ​ഗത്തിലെ ജനങ്ങളുമായി ആശയ വിനിമയം നടത്തും. അവർക്കൊപ്പമാണു പ്രഭാത ഭക്ഷണം. രാവിലെ 9.30 ന്ജി ല്ലയിലെ മലയോര പ്രദേശത്തെ 200ൽപരം ഗിരിവർ​ഗ സെറ്റിൽമെന്റുകളിൽ നിന്നായി 350 പ്രതിനിധികൾ ആദിവാസി സംഗമത്തിൽ പങ്കെടുക്കും.
ഡിസിസി പിരസിഡന്റ് പാലോട് രവി, ജില്ലയിൽ നിന്നുള്ള കെപിസിസി ഭാരവാഹികൾ, പോഷക സംഘനടാ നേതാക്കൾ തുടങ്ങിയവർ പദയാത്രയിൽ പങ്കെടുക്കും.

Related posts

Leave a Comment