Connect with us
48 birthday
top banner (1)

Ernakulam

‘കളമശേരിയിലെ സ്ഫോടനം ഞെട്ടിക്കുന്നത് സാമൂഹ്യ മാധ്യമങ്ങളിലെ പ്രതികരണങ്ങളിൽ ജാഗ്രത പുലർത്തണം’; ഉമാ തോമസ് എംഎൽഎ

Avatar

Published

on

കൊച്ചി: കളമശേരിയിലെ കണ്‍വന്‍ഷന്‍ സെന്‍ററില്‍ ഉണ്ടായ സ്ഫോടനം ഏറെ ഞെട്ടൽ ഉളവാക്കുന്നതാണെന്ന് ഉമാ തോമസ് എംഎൽഎ. സ്ഫോടനത്തിന്റെ പശ്ചാത്തലത്തിൽ സംസ്ഥാനത്ത് കനത്ത ജാഗ്രതാ നിർദ്ദേശമാണ് പുറപ്പെടുവിച്ചിട്ടുള്ളത്. ബോംബ് സ്ഫോടനം എന്ന് ഡിജിപി സ്ഥിരീകരിച്ച സ്ഥിതിയ്ക്ക് സമഗ്രമായ അന്വേഷണം നടത്തേണ്ടതുണ്ടെന്നും അവർ പറഞ്ഞു.

സാമൂഹ്യ മാധ്യമങ്ങളിലെ പ്രതികരണങ്ങളിൽ ജാഗ്രത പാലിക്കണമെന്നും ആധികാരികമല്ലാത്ത ഒരു വിവരവും പ്രചരിപ്പിക്കരുതെന്നും ഉമാ തോമസ് അഭ്യർത്ഥിച്ചു. എൻഐഎ, ഇന്റലിജൻസ് ബ്യൂറോ ഉൾപ്പടെയുള്ള കേന്ദ്ര ഏജൻസികൾ വസ്തുതകൾ അന്വേഷിച്ചു കണ്ടെത്തി കുറ്റക്കാരെ കണ്ടെത്തും എന്നാണ് പ്രതീക്ഷ.
സംഭവ സ്ഥലം സന്ദർശിയ്ക്കുന്നതിനൊപ്പം പരുക്കേറ്റ് ചികിത്സയിൽ കഴിയുന്നവരുള്ള കളമശേരി മെഡിക്കൽ കോളേജിലും എത്തി സ്ഥിതിഗതികൾ വിലയിരുത്തി.
കളമശേരിയിൽ 36 പേരാണ് ചികിത്സയിലുള്ളത്.
ചികിത്സയ്ക്ക് ആവശ്യമായ എല്ലാ സംവിധാനങ്ങളും ഉറപ്പ് വരുത്തിയിട്ടുണ്ട്.
ആസ്റ്റർ ഉൾപ്പടെയുള്ള സ്വകാര്യ ആശുപത്രികളുടെ സഹായവും ആവശ്യമെങ്കിൽ വിനിയോഗിക്കാൻ സജ്ജമാക്കിയിട്ടുണ്ട് വലിയ ജാഗ്രതയോടെ നാം ഈ സങ്കടത്തെ നേരിടുക.പരിക്കേറ്റവർ എത്രയും പെട്ടെന്ന് സുഖം പ്രാപിക്കട്ടെ ഉമാ തോമസ് എംഎൽഎ പറഞ്ഞു.

Advertisement
inner ad

Ernakulam

എയര്‍ ഇന്ത്യ എക്സ്പ്രസില്‍ പുകവലിച്ച യുവാവ് അറസ്റ്റില്‍

Published

on

കൊച്ചി: എയര്‍ ഇന്ത്യ എക്സ്പ്രസ് വിമാനത്തിനുള്ളില്‍ പുകവലിച്ച യുവാവ് അറസ്റ്റില്‍. എറണാകുളം കടമക്കുടി സ്വദേശി ജോബ് ജെറിനാണ് അറസ്റ്റിലായത്. അബുദാബിയില്‍ നിന്നുള്ള എയര്‍ ഇന്ത്യ എക്സ്പ്രസ് വിമാനത്തിലെ യാത്രക്കാരനായിരുന്നു ഇദ്ദേഹം.

പുകവലിക്കരുതെന്ന് എയര്‍ഹോസ്റ്റസ് നിര്‍ദേശിച്ചിട്ടും ഇയാള്‍ അനുസരിച്ചില്ല. തുടര്‍ന്ന് പൈലറ്റ് വിമാനത്താവളത്തിലെ സുരക്ഷാവിഭാഗത്തിന് രേഖാമൂലം പരാതി നല്‍കിയതിനെത്തുടര്‍ന്നാണ് നെടുമ്പാശേരി പോലീസ് എത്തി അറസ്റ്റ് ചെയ്തത്.

Advertisement
inner ad
Continue Reading

Ernakulam

സൂര്യനെല്ലി പീഡനക്കേസിലെ അതിജീവിതയുടെ വ്യക്തിവിവരങ്ങള്‍ വെളിപ്പെടുത്തി:സിബി മാത്യൂസിനെതിരെ കേസെടുക്കാന്‍ ഹൈക്കോടതി ഉത്തരവിട്ടു

Published

on

കൊച്ചി: സൂര്യനെല്ലി പീഡനക്കേസിലെ അതിജീവിതയുടെ വ്യക്തിവിവരങ്ങള്‍ വെളിപ്പെടുത്തിയ മുന്‍ ഡിജിപി സിബി മാത്യൂസിനെതിരെ കേസെടുക്കാന്‍ ഹൈക്കോടതി ഉത്തരവിട്ടു. സിബി മാത്യൂസിന്റെ ‘നിര്‍ഭയം-ഒരു ഐപിഎസ്. ഓഫീസറുടെ അനുഭവക്കുറിപ്പുകള്‍’ എന്ന പുസ്തകത്തിലാണ് ഇരയുടെ വിവരങ്ങള്‍ പരാമര്‍ശിച്ചിട്ടുള്ളത്.

പുസ്തകത്തില്‍ പറഞ്ഞിട്ടുള്ള കാര്യങ്ങളില്‍നിന്നും അതിജീവിത ആരാണെന്ന് വ്യക്തമാകുമെന്നു ചൂണ്ടിക്കാട്ടിയാണു ജസ്റ്റിസ് എ.ബദറുദീന്‍ ഐപിസി 228എ പ്രകാരം സിബി മാത്യൂസിനെതിരെ കേസെടുക്കാന്‍ ഉത്തരവിട്ടത്. ”അതിജീവിതയുടെ പേര് നേരിട്ടു പറഞ്ഞിട്ടില്ലെങ്കിലും മാതാപിതാക്കളുടെ പേരും അവര്‍ താമസിക്കുന്ന സ്ഥലവും അതിജീവിത പഠിച്ച സ്‌കൂളിന്റെ പേരുമെല്ലാം വിശദമായി പുസ്തകത്തില്‍ രേഖപ്പെടുത്തിയിട്ടുണ്ട്. ഇത് 228എ വകുപ്പിന്റെ ലംഘനമാണെന്ന് പ്രാഥമികമായി വെളിപ്പെടുന്നു”കോടതി ചൂണ്ടിക്കാട്ടി.

Advertisement
inner ad

കെ.കെ.ജോഷ്വ എന്നയാളാണ് സിബി മാത്യസിന് എതിരെ കേസെടുക്കണമെന്ന് ആവശ്യപ്പെട്ട് ഹൈക്കോടതിയെ സമീപിച്ചത്. ആദ്യം മണ്ണന്തല പൊലീസിനും തിരുവനന്തപുരം ജില്ലാ പൊലീസ് മേധാവിക്കും പരാതി നല്‍കിയെങ്കിലും നടപടിയൊന്നും ഉണ്ടായില്ല. തുടര്‍ന്നാണ് ഹൈക്കോടതിയെ സമീപിച്ചത്. പരാതി പരിശോധിക്കാന്‍ കോടതി പൊലീസിന് നിര്‍ദേശം നല്‍കി. എന്നാല്‍ കൂടുതല്‍ നടപടികള്‍ കേസില്‍ ഉണ്ടാകാതെ വന്നതോടെ പരാതിക്കാരന്‍ വീണ്ടും ഹൈക്കോടതിയെ സമീപിക്കുകയായിരുന്നു.

സിബി മാത്യൂസിന്റെ പുസ്തകത്തിലെ വിവരങ്ങള്‍ വച്ച് അതിജീവിതയെ തിരിച്ചറിയാന്‍ പറ്റുമെന്ന് പരാതിക്കാരന്റ അഭിഭാഷകന്‍ വാദിച്ചു. ഇത്തരത്തില്‍ വിവരങ്ങള്‍ പുറത്തുവിട്ടാല്‍ കേസെടുക്കണമെന്നു സുപ്രീംകോടതി തന്നെ വ്യക്തമാക്കിയിട്ടുണ്ട്. എന്നാല്‍ പുസ്തകം പുറത്തിറങ്ങി 2 വര്‍ഷം കഴിഞ്ഞു മാത്രമാണ് പരാതിപ്പെട്ടതെന്നും എഫ്‌ഐആര്‍ റജിസ്റ്റര്‍ ചെയ്യുന്നതിനു പകരം പ്രാഥമികാന്വേഷണം മതിയെന്നും സിബി മാത്യൂസിന്റെ അഭിഭാഷകനും വാദിച്ചു. 2017 മേയിലാണ് പുസ്തകം പുറത്തു വന്നത്. പരാതി നല്‍കിയത് 2019 ഒക്ടോബറിലും.

Advertisement
inner ad
Continue Reading

Ernakulam

വാഹനാപകടത്തിൽ അച്ഛനും മകനും ദാരുണാന്ത്യം

Published

on

കൊച്ചി: കാർ സ്കൂട്ടറിൽ ഇടിച്ച് അച്ഛനും മകനും ദാരുണാന്ത്യം. ഇളംകുളം സ്വദേശി ഡെന്നി റാഫേലും മകൻ ഡെന്നിസൺ ഡെന്നിയുമാണ് മരിച്ചത്. ഇവർ സഞ്ചരിച്ച സ്കൂട്ടർ സ്കോർപിയോ കാറുമായി ഇടിച്ചാണ് അപകടം ഉണ്ടായത്. സംഭവത്തിൽ കാർ ഡ്രൈവർ പാലക്കാട് സ്വദേശി സുജിത്തിനെ പൊലീസ് അറസ്റ്റ് ചെയ്തു.

മദ്യ‌ലഹരിയിലായിരുന്നു ഇയാൾ വാഹനമോടിച്ച് സ്കൂട്ടർ ഇടിച്ചുതെറിപ്പിച്ചതായാണ് വിവരം. ഇയാൾക്കെതിരെ 304 എ വകുപ്പ് പ്രകാരം കേസെടുത്തിട്ടുണ്ട്. അർദ്ധരാത്രി കഴിഞ്ഞ് വൈറ്റില പൊന്നുരുന്നി റെയിൽവെ മേൽപ്പാലത്തിലാണ് അപകടം നടന്നത്. അപകടത്തിൽ സ്കൂട്ടർ പൂർണമായി തകർന്നു. ഭാര്യ സോണിയ, മകൾ ഡെൻസിയ. ഡെന്നിസൺ പൊന്നുരുന്നി സി കെ സി ഹൈസ്കൂളിലെ ആറാം ക്ലാസ്സ് വിദ്യാർത്ഥിയാണ്.

Advertisement
inner ad
Continue Reading

Featured