Featured
ജനതാദളിനെ പിന്തുണച്ച സിപിഎമ്മും വെട്ടില്
ദേവഗൗഡയ്ക്ക് ബിജെപി പ്രണയം: മന്ത്രി കൃഷ്ണന്കുട്ടിയുടെ നെഞ്ചിലാകെ തീ
കോഴിക്കോട്: ലോക്സഭാ തെരഞ്ഞെടുപ്പിന് മുന്നോടിയായി രൂപപ്പെടുന്ന പ്രതിപക്ഷ ഐക്യത്തോട് മുഖംതിരിക്കുകയും ബിജെപിയുമായ് അടുക്കാന് ശ്രമിക്കുകയും ചെയ്യുന്ന മുന് പ്രധാനമന്ത്രി എച്ച്.ഡി ദേവഗൗഡയുടെ നിലപാട് എല്ഡിഎഫ് രാഷ്ട്രീയത്തില് കാറുംകോളും വിതറുന്നു. ഗൗഡ ബിജെപിയുമായ് സഖ്യത്തിലേര്പ്പെട്ടാല് അദ്ദേഹത്തിന്റെ ജനതാദള്-എസിന്റെ കേരളഘടകവും മന്ത്രി കെ.കൃഷ്ണന്കുട്ടിയും വെട്ടിലാവും. ബിജെപിയുമായ് സഖ്യത്തിലേര്പ്പെട്ട പാര്ട്ടിയുടെ ഭാഗമായ് കേരളത്തില് പ്രവര്ത്തിക്കാന് സാധിക്കാത്ത സാഹചര്യം ഉണ്ടാവും. ദേവഗൗഡയുടെ പാര്ട്ടിയില് തുടര്ന്നാല് കൃഷ്ണന്കുട്ടിയും പാര്ട്ടിയും മുന്നണിയില് നിന്നും മന്ത്രിസഭയില് നിന്നും പുറത്തിരിക്കേണ്ടി വരും. ഗൗഡയുമായ് ബന്ധം വിച്ഛേദിച്ച് പുതിയ പാര്ട്ടി ഉണ്ടാക്കിയാല് പഴയ വിലപേശല് ശക്തി കിട്ടുകയുമില്ല.
19 സീറ്റിലേക്ക് ചുരുങ്ങിയ കര്ണാടകയിലെ ദയനീയ തോല്വിയോടെയാണ് ജനതാദള്-എസ് ബിജെപിയുമായ് അടുക്കാന് ശ്രമിക്കുന്നത്. പുതിയ പാര്ലമെന്റ് മന്ദിരത്തിന്റെ ഉദ്ഘാടനത്തില് നിന്ന് പ്രതിപക്ഷം ഒറ്റക്കെട്ടായി വിട്ടുനിന്നപ്പോള് ഗൗഡയും പാര്ട്ടിയും മോദിയ്ക്കൊപ്പം പങ്കെടുത്തിരുന്നു. ഇതിന് പിന്നാലെ അമിത്ഷായുമായ് ഗൗഡ കൂടിക്കാഴ്ച നടത്തുമെന്നും റിപ്പോര്ട്ടുകളുണ്ട്. ഈ നീക്കങ്ങളാണ് മന്ത്രി കൃഷ്ണന്കുട്ടിയെ ആശങ്കപ്പെടുത്തുന്നത്. കര്ണാടകയില് ജനതാദള്-എസിന് പിന്തുണ നല്കിയ സിപിഎമ്മും പുതിയ നീക്കത്തില് അസ്വസ്ഥരാണ്. സിപിഎമ്മിന് വിജയ സാധ്യത അവകാശപ്പെട്ട ബാഗേപ്പള്ളിയില് ജനതാദള് തിരിച്ചും പിന്തുണയും നല്കിയിരുന്നു. എന്നാല് ജനതാദളിന്റെ മതേതര നിലപാടില് സംശയമുള്ള സിപിഐ കോണ്ഗ്രസിനെയാണ് പിന്തുണച്ചത്.
ഗൗഡയും മകന് എച്ച്.ഡി കുമാരസ്വാമിയും ബിജെപിയുമായ് അടുക്കുമെന്ന് മുന്കൂട്ടി കണ്ട് ജനതാദളുമായുള്ള ലയനശ്രമത്തില് നിന്ന് ലോകതാന്ത്രിക് ജനതാദള് പിന്മാറിയിരുന്നു. നിലവില് എല്ഡിഎഫില് ജനതാദളിന് രണ്ട് എംഎല്എമാരാണുള്ളത്. ഗൗഡ ബിജെപിക്ക് പിന്തുണ പ്രഖ്യാപിച്ചാല് ഇവരെ തള്ളിപ്പറയാന് സിപിഎം നിര്ബന്ധിതരാവും. അങ്ങനെ വന്നാല് ജനതാദള്-എസ് കേരള ഘടകം പുതിയ പാര്ട്ടിയായ് മാറാനുള്ള സാധ്യതയാണ് തുറക്കപ്പെടുന്നത്. എന്നാല് ദേശീയ നേതൃത്വത്തിന്റെ ഭാഗമല്ലാതെ നില്ക്കുമ്പോള് മുന്നണിയില് തഴയപ്പെടുമെന്ന് പാര്ട്ടി അണികള് ഭയക്കുന്നു. അതേസമയം ലാലുപ്രസാദ് യാദവ് നേതൃത്വം നല്കുന്ന രാഷ്ട്രീയ ജനതാദളില് ലയിക്കാനുള്ള നീക്കങ്ങള് എം.വി ശ്രേയാംസ്കുമാര് വിഭാഗം ഊര്ജിതമാക്കിയതോടെ അണികള് ചേരി മാറിമോ എന്ന ഭീതിയും ജനതാദള്-എസ് കേരള ഘടകത്തിനുണ്ട്.
ആലപ്പുഴ: കാലാവസ്ഥാ വ്യതിയാനം മൂലം അന്തരീക്ഷ ഊഷ്മാവ് ക്രമാതീതമായി ഉയരുന്ന സാഹചര്യത്തില് ചൂട് മൂലമുണ്ടാകുന്ന ആരോഗ്യ പ്രശ്നങ്ങള് ഉണ്ടാകാന് സാധ്യതയുള്ളതിനാല് ഏറെ ശ്രദ്ധിക്കണമെന്ന് ആരോഗ്യ വകുപ്പ്. അന്തരീക്ഷതാപം ഒരു പരിധിക്കപ്പുറം ഉയര്ന്നാല് മനുഷ്യ ശരീരത്തിലെ താപനിയന്ത്രണ സംവിധാനങ്ങള് തകരാറിലാകാന് സാധ്യതയുണ്ട്.
ദാഹം തോന്നിയില്ലെങ്കിലും ധാരാളം വെള്ളം കുടിക്കണം. പ്രായമുള്ളവര്, ശിശുക്കള്, കുട്ടികള്, ഗര്ഭിണികള് എന്നിവരും പോഷകാഹാര കുറവ് ഉള്ളവര്, പ്രമേഹം, വൃക്കരോഗങ്ങള്, ഹൃദ്രോഗം മുതലായവയുള്ളവരും ശ്രദ്ധിക്കണം. ചൂട് കുരു, സൂര്യാഘാതം, സൂര്യാതപം, പേശി വലിവ്, ചര്മ്മ രോഗങ്ങള്, വയറിളക്ക രോഗങ്ങള്, നേത്ര രോഗങ്ങള്, ചിക്കന്പോക്സ്, മഞ്ഞപ്പിത്തം തുടങ്ങിയ രോഗങ്ങള് ചൂട് കാലത്ത് കൂടുതലായി കാണപ്പെടാറുണ്ട്. കുട്ടികളിലെ ക്ഷീണം, തളര്ച്ച, അമിതമായ കരച്ചില്, ഭക്ഷണം കഴിക്കാന് മടികാണിക്കുക, മൂത്രത്തിന്റെ അളവ് കുറഞ്ഞ് കണ്ണുകള് കുഴിഞ്ഞതായി കാണപ്പെടുക എന്നിവ വേനല് ചൂട് മൂലമുള്ള ആരോഗ്യ പ്രശ്നങ്ങള് കൊണ്ടാകാം. അതിനാല് ഈ ലക്ഷണങ്ങള് പ്രകടമായാല് വൈദ്യ പരിശോധയ്ക്ക് വിധേയമാക്കുക. ചൂടുകാലത്ത് കൂടുതലായി ഉണ്ടാകുന്ന വിയര്പ്പിനെ തുടര്ന്ന് ശരീരം ചൊറിഞ്ഞ് തടിക്കുന്നതിനെയാണ് ചൂട് കുരു എന്ന് പറയുന്നത്. കുട്ടികളെയാണ് ഇത് കൂടുതല് ബാധിക്കുന്നത്. ഇങ്ങനെയുള്ളവര് അധികം വെയില് ഏല്ക്കാതിരിക്കുകയും തിണര്പ്പ് ബാധിച്ച ശരീരഭാഗങ്ങള് എപ്പോഴും ഈര്പ്പരഹിതമായി സൂക്ഷിക്കുകയും വേണം.
തിരുവനന്തപുരം: ഷാരോണ് വധക്കേസില് പ്രതിയാണെന്ന് കോടതി കണ്ടെത്തിയതോടെ ഗ്രീഷ്മയെ അട്ടകുളങ്ങര വനിതാ ജയിലിലേക്ക് മാറ്റി. ഫോര്ട്ട് ആശുപത്രിയില് വൈദ്യപരിശോധനയ്ക്ക് വിധേയമാക്കിയതിന് ശേഷമാണ് ജയിലിലേക്ക് മാറ്റിയത്. ജാമ്യം ലഭിക്കുന്നത് വരെ ഗ്രീഷ്മയെ പാര്പ്പിച്ചിരുന്നത് അട്ടകുളങ്ങര വനിത ജയിലില് ആയിരുന്നു. നാളെ കോടതി ശിക്ഷാ വിധി പറയും.
ഒന്നാം പ്രതി ഗ്രീഷ്മയും മൂന്നാം പ്രതി അമ്മാവനും കുറ്റക്കാരെന്നായിരുന്നു കോടതി വിധി. രണ്ടാം പ്രതിയായ ഗ്രീഷ്മയുടെ അമ്മ സിന്ധുവിനെ കോടതി വെറുതെ വിട്ടു. മതിയായ തെളിവില്ലെന്ന കണ്ടെത്തലിലാണ് സിന്ധുവിനെ വെറുതെ വിട്ടത്. കൊലപാതകം നടന്ന് രണ്ട് വര്ഷത്തിന് ശേഷമാണ് വിധി വന്നിരിക്കുന്നത്. നെയ്യാറ്റിന്കര അഡീഷണല് സെഷന്സ് കോടതിയുടേതാണ് വിധി. 2022 ഒക്ടോബറിലാണ് കേസിനാസ്പദമായ സംഭവം നടന്നത്.
അതേസമയം ഗ്രീഷ്മ കുറ്റക്കാരിയെന്ന് പ്രഖ്യാപിച്ച കോടതി വിധിയില് തൃപ്തരാണെന്ന് ഷാരോണിന്റെ മാതാപിതാക്കള് പ്രതികരിച്ചു. പരമാവധി ശിക്ഷ ഗ്രീഷ്മയ്ക്ക് കൊടുക്കണം. എന്റെ പൊന്നുജീവനെയാണ് അവള് കൊന്നുകളഞ്ഞതെന്ന് ഷാരോണിന്റെ മാതാവ് പ്രതികരിച്ചു. അമ്മയെ വെറുതെ വിട്ടതിനെതിരെയും മാതാപിതാക്കള് പ്രതികരിച്ചു.
നെയ്യാറ്റിന്കര: പാറശ്ശാല ഷാരോണ് വധക്കേസില് പ്രതി ഗ്രീഷ്മ കുറ്റക്കാരിയെന്ന് കോടതി. നെയ്യാറ്റിന്കര അഡീഷണല് സെഷന്സ് കോടതിയാണ് വിധി പ്രസ്താവിച്ചത്.രണ്ടാം പ്രതി അമ്മ സിന്ധുവിനെ വെറുതെ വിട്ടു. തെളിവുകളുടെ അപര്യാപ്തതയാണ് കാരണം. മൂന്നാം പ്രതി അമ്മാവന് കുറ്റക്കാരന്. തെളിവ് നശിപ്പിച്ചു എന്ന കുറ്റം. കൊലപാതകം നടന്ന് രണ്ട് വര്ഷം കഴിയുമ്പോഴാണ് വിധി. 2022 ഒക്ടോബറിലാണ് കേസിനാസ്പദമായ സംഭവം നടന്നത്.
ഷാരോണും ഗ്രീഷ്മയും വര്ഷങ്ങളായി പ്രണയത്തിലായിരുന്നു. ഇതിനിടെ ഗ്രീഷ്മയ്ക്ക് മറ്റൊരു വിവാഹാലോചന വരികയും ഇത് ഉറപ്പിക്കുകയും ചെയ്തു. ഷാരോണിനെ ഒഴിവാക്കാന് ഗ്രീഷ്മയും കുടുംബവും പ്ലാന് തയ്യാറാക്കി. ഇതിന്റെ ഭാഗമായി ഷാരോണിനെ വീട്ടിലേക്ക് വിളിച്ചുവരുത്തുകയും വിഷം ചേര്ത്ത കഷായം നല്കുകയുമായിരുന്നു. കഷായം കഴിച്ച ശേഷം വീട്ടിലെത്തിയ ഷാരോണ് അവശനിലയിലായി. തുടര്ന്ന് വീട്ടുകാര് ഷാരോണിനെ ആശുപത്രിയില് പ്രവേശിപ്പിക്കുകയായിരുന്നു. പതിനൊന്ന് ദിവസം ചികിത്സയില് കഴിഞ്ഞ ശേഷമാണ് ഷാരോണ് മരണത്തിന് കീഴടങ്ങുന്നത്.
ഗ്രീഷ്മ നല്കിയ കഷായം കുടിച്ചിരുന്നതായി മജിസ്ട്രേറ്റിന് മുന്നില് മരണമൊഴി നല്കുന്നതിനിടെ ഷാരോണ് പറഞ്ഞിരുന്നു. എന്നാല് ഗ്രീഷ്മ തന്നെ അപായപ്പെടുത്തുമെന്ന് കരുതുന്നില്ലെന്നും ഷാരോണ് മൊഴി നല്കി. ഇതാണ് കേസില് അന്വേഷണ സംഘത്തിന് തുമ്പായത്. ഷാരോണിന്റെ മരണശേഷം നിയോഗിച്ച പ്രത്യേക സംഘത്തിന് ഫോറന്സിക് ഡോക്ടര് കൈമാറിയ ശാസത്രീയ തെളിവുകളും കേസില് നിര്ണായകമായി. പൊലീസ് വിളിച്ചു വരുത്തി ചോദ്യം ചെയ്തപ്പോള് ഗ്രീഷ്മ കുറ്റം സമ്മതിച്ചിരുന്നു. തെളിവുകള് നശിപ്പിച്ചതിന് ഗ്രീഷ്മയുടെ അമ്മ സിന്ധു, അമ്മാവന് നിര്മലകുമാരന് നായരെയും പ്രതി ചേര്ത്തിരുന്നു
ശാസ്താംകോട്ട തടാക സംരക്ഷണം: സർക്കാരും എംഎൽഎയും ഉത്തരവാദിത്വം കാട്ടണം: പി എസ് അനുതാജ്
ലോറിയില് നിന്ന് മരം ഇറക്കുന്നതിനിടെ ദേഹത്ത് വീണ് ലോഡിങ് തൊഴിലാളി മരിച്ചു
കഞ്ചിക്കോട് മദ്യനിര്മാണ ശാല: ടെണ്ടര് പോലും വിളിക്കാതെ എന്തു ചട്ടമാണ് പാലിച്ചതെന്ന് രമേശ് ചെന്നിത്തല
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured4 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login