Connect with us
inner ad

Featured

തൊഴിലുറപ്പ് കൊണ്ടുവന്നത്
കോണ്‍ഗ്രസ് സര്‍ക്കാര്‍

എട്ടുകാലി മമ്മൂഞ്ഞ് ‘ പോലെ ഇന്ത്യയില്‍ തൊഴില്‍ ഉറപ്പ് ‘ഞമ്മളാണ്’ കൊണ്ടു വന്നത് എന്ന തരത്തില്‍ സിപിഎം നടത്തുന്ന അവകാശ വാദം അടിസ്ഥാനരഹിതമാണ്.

Avatar

Published

on

കോണ്‍ഗ്രസ് പാര്‍ട്ടിയുടെ 2004 ലെ മാനിഫെസ്റ്റോയില്‍ തൊഴില്‍ ചെയ്യാനുള്ള അവകാശം ഉറപ്പ് വരുത്തുമെന്ന് പറഞ്ഞതനുസരിച്ചു 2005 ലാണ് തൊഴില്‍ ഉറപ്പ് നിയമം പാസ്സാക്കിയത്. മഹാത്മ ഗാന്ധി തൊഴിലുറപ്പ് നിയമം പാസാക്കിയത് മന്‍മോഹന്‍ സിങിന്റെ നേതൃത്വത്തിലുള്ള യുപിഎ സര്‍ക്കാരാണ്.
തൊഴിലുറപ്പ് നിയമവും വിവരാവകാശനിയമവും അതുപോലെ പഞ്ചായത്ത് രാജ് നിയമവും കോണ്‍ഗ്രസ് പാര്‍ട്ടി നയിച്ച സര്‍ക്കാരുകള്‍ നടപ്പാക്കിയ വലിയ മാറ്റങ്ങളാണ്.


എഐസിസി 1931 ലെ കറാച്ചി പ്രമേയത്തില്‍ തൊഴില്‍ ചെയ്യാനുള്ള അവകാശത്തെക്കുറിച്ച് (റൈറ്റ് ടു വര്‍ക്ക്) കൃത്യമായി പറയുന്നുണ്ട്. അന്ന് ഇന്ത്യയില്‍ കമ്യൂണിസ്റ്റ് പാര്‍ട്ടി എന്നത് മൈക്രോസ്‌കോപ് വച്ചു നോക്കിയാല്‍പോലും ഇല്ലായിരുന്നു. കേരളത്തില്‍ കമ്യൂണിസ്റ്റ് പാര്‍ട്ടി ഉണ്ടായത് 1939 ലാണ്. 2004 ലെ കോണ്‍ഗ്രസ് പ്രകടനപത്രികയില്‍ പറഞ്ഞതാണ് മന്‍മോഹന്‍ സിങ് സര്‍ക്കാര്‍ നടപ്പിലാക്കിയത്. അതില്‍ സിപിഎമ്മിന് ഒരു റോളും ഇല്ല. സിപിഎമ്മിന്റെ 2004 ലെ മാനിഫെസ്റ്റോയിലും ഇക്കാര്യമില്ല. സിപിഎം ഭരിച്ച ബംഗാളിലും ത്രിപുരയിലുമല്ല തുടങ്ങിയത്; കോണ്‍ഗ്രസ് ഭരിച്ച മഹാരാഷ്ട്രയിലാണ്.

ആരാണ് തൊഴില്‍ ഉറപ്പ് പദ്ധതി കൊണ്ടുവന്നത്?

യുപിഎ സര്‍ക്കാര്‍ കൊണ്ടുവന്ന തൊഴിലുറപ്പ് പദ്ധതി ഇടതുപക്ഷത്തിന്റെ പ്രേരണയാലാണ് നടപ്പാക്കിയതെന്നാണ് സിപിഎം അവകാശപ്പെടുന്നത്. ഇത് വസ്തുതാവിരുദ്ധമാണ്. 2004 ലെ കോണ്‍ഗ്രസ് മാനിഫെസ്റ്റോയില്‍ വാഗ്ദാനം ചെയ്ത തൊഴിലുറപ്പ് പദ്ധതി എന്ന ആശയം അതിനൊക്കെ മുമ്പ് തന്നെ കോണ്‍ഗ്രസ് നടപ്പാക്കിയതാണ്.
തൊഴിലുറപ്പ് ‘റൈറ്റ് ടു വര്‍ക്ക്’ എന്നതിന്റെ ക്യാമ്പയിന്‍ നടത്തിയതുപോലും അരുണറോയിയും, (Jean Dreaz) ഈ ലേഖകന്‍ ഉള്‍പ്പെടെയുള്ള സിവില്‍ സമൂഹ നെറ്റ്‌വര്‍ക്കാണ്. അതിന്റെ ഭാഗമായി പ്രവര്‍ത്തിച്ചതുകൊണ്ട് നാള്‍വഴികള്‍ വളരെ കൃത്യമായി അറിയാം.
എന്‍ആര്‍ഇജിഎയുടെ യഥാര്‍ത്ഥ ഉത്ഭവം മഹാരാഷ്ട്രയിലെ ഇജിഎസില്‍ (Employment Guarantee scheme) നിന്നാണ്. വരള്‍ച്ചയെ നേരിടാന്‍ അന്നത്തെ കോണ്‍ഗ്രസ് സര്‍ക്കാര്‍ ഗാന്ധിയന്‍ ആശയമായ റൈറ്റ് ടു വര്‍ക്ക് എന്ന ആശയത്തെയും ഭരണഘടനയില്‍ ആര്‍ട്ടിക്കിള്‍ 21, ആര്‍ട്ടിക്കിള്‍ 39 (മ), ആര്‍ട്ടിക്കിള്‍ 41 എന്നിവ വിഭാവനം ചെയ്ത ഇജിഎസ് തുടങ്ങിയത് 1972 ലാണ്. ആ ആശയം കൊണ്ടുവന്നതും നടപ്പാക്കിയതും മഹാരാഷ്ട്രയിലെ കോണ്‍ഗ്രസ് സര്‍ക്കാര്‍. അത് നിയമമായത് 1978 ലാണ്. ഇന്ദിരഗാന്ധി 1980 ല്‍ കൊണ്ടുവന്ന ദേശീയ ഗ്രാമീണ തൊഴിലുറപ്പ് പദ്ധതി (എന്‍ആര്‍ഇപി) 1980-89, ദേശീയ ഗ്രാമീണ ഭൂരഹിത തൊഴിലുറപ്പ് പദ്ധതി (ആര്‍എല്‍ഇജിപി) 1983-89, അത് കഴിഞ്ഞു വന്ന ജവഹര്‍ റോസ്ഗാര്‍ യോജന (ജെആര്‍വൈ) 1989-99, തൊഴിലുറപ്പ് സ്‌കീം (ഇഎഎസ്) 1993-99 എന്നിവയുടെ തുടര്‍ച്ചയായിട്ടാണ് എംഎന്‍ആര്‍ഇജിഎ നടപ്പാക്കിയത്.


ആദ്യമായി ഈ നിയമം നിര്‍ദേശിച്ചത് 1991 ല്‍ നരസിംഹറാവു സര്‍ക്കാരിന്റെ കാലത്താണ്. 1993 ഒക്ടോബറിലാണ് തൊഴിലുറപ്പ് പദ്ധതി (ഇഎഎസ്) നടപ്പാക്കിയത്. കാര്‍ഷിക മേഖലയില്‍ തൊഴില്‍ ഇല്ലാത്ത സമയത്തു തൊഴില്‍ നല്‍കാനുള്ളതാണ് സോഷ്യല്‍ പ്രൊട്ടക്ഷന്‍ പ്രോഗ്രാം. അതുകഴിഞ്ഞു ഇഎഎസ് 2001ല്‍ സമ്പൂര്‍ണ ഗ്രാമീണ റോസ്ഗാര്‍ യോജനയുമായി ലയിച്ചു.
ആ സാഹചര്യത്തിലാണ് തൊഴില്‍ ഉറപ്പ് നിയമം വേണമെന്ന ക്യാമ്പയിന്‍ തുടങ്ങിയത്. അതിലൊന്നും സിപിഎമ്മിനു ഒരു പങ്കുമില്ലായിരുന്നു.
2002 ല്‍ സോണിയ ഗാന്ധിയാണ് കോണ്‍ഗ്രസ് ഭരണത്തില്‍ വന്നാല്‍ നാഷണല്‍ റൂറല്‍ എംപ്ലോയ്മെന്റ് ആക്ട് നടപ്പാക്കുമെന്ന് പറഞ്ഞത്. അങ്ങനെയാണ് 2004 ലെ കോണ്‍ഗ്രസ് മാനിഫെസ്റ്റോയുടെ ഭാഗമാക്കാം എന്ന് സോണിയാജി ഉറപ്പ് തരുന്നത്. അതുപോലെ തന്നെ വിവരവകാശ നിയമവും. തെരഞ്ഞെടുപ്പിന് ശേഷം അതു യുപിഎ കോമണ്‍ മിനിമം പ്രോഗ്രാമില്‍ ഉള്‍പ്പെടുത്തിയതും യുപിഎ ചെയര്‍പേഴ്‌സണായിരുന്ന സോണിയ ഗാന്ധിയാണ്.
യുപിഎ ഭരണത്തിലേറിയ ഉടനെ സോണിയ ഗാന്ധിയുടെ നേതൃത്വത്തില്‍ ദേശീയ ഉപദേശക സമിതി രൂപീകരിച്ചു. അതില്‍ അരുണ റോയി (ഖലമി ഉൃലമ്വ), എന്‍ സി സക്‌സേന ഉള്‍പ്പെടെയുള്ളവര്‍ ഉണ്ടായിരുന്നു. ആ കമ്മറ്റിയാണ് തൊഴില്‍ ഉറപ്പ് നിയമത്തിന്റെ ഡ്രാഫ്റ്റ് തയാറാക്കുന്നതിന് സഹായിച്ചത്.
അങ്ങനെയാണ് 2005 ഓഗസ്റ്റ് 23ന് നാഷണല്‍ റൂറല്‍ എംപ്ലോയ്മെന്റ് ആക്ട് നിലവില്‍ വന്നത്. അന്നത്തെ പ്രധാനമന്ത്രി മന്‍മോഹന്‍ സിങ് ആയിരുന്നു. 1991 ല്‍ ദാരിദ്ര്യനിര്‍മാര്‍ജനത്തിന് ആദ്യമായി ഇത് നിര്‍ദേശിച്ച സര്‍ക്കാരില്‍ മന്‍മോഹന്‍ സിങ് ധനകാര്യ മന്ത്രിയായിരുന്നു. മഹാത്മഗാന്ധി നാഷണല്‍ റൂറല്‍ എംപ്ലോയ്മെന്റ് ആക്ട് (എന്‍ആര്‍ഇജിഎ) നടപ്പിലായത് 2009 ലാണ്. അതും കോണ്‍ഗ്രസ് പ്രകടന പത്രികയില്‍ ഉണ്ടായിരുന്നു. അതിനു വേണ്ടി ആദ്യമായി ആവശ്യങ്ങള്‍ ഉന്നയിച്ചതും സിവില്‍ സൊസൈറ്റി കാമ്പൈനാണ്.
ഒന്നാം യുപിഎ സര്‍ക്കാര്‍ നടപ്പാക്കിയ എല്ലാ പുരോഗമന നിയമനിര്‍മാണങ്ങളും നയരൂപീകരണവും ഇടതുപക്ഷ പാര്‍ട്ടികളുടെ ശ്രമംമൂലമാണ് എന്ന് ചിലര്‍ വാദിക്കുന്നതുകൊണ്ടാണ് ഇത്രയും എഴുതിയത്. ഈ കാമ്പൈയ്‌നിന്റെയെല്ലാം ഭാഗമായി സജീവമായി ഉണ്ടായിരുന്ന ഈ ലേഖകന്‍, തൊഴിലുറപ്പ് നിയമങ്ങള്‍ക്കായുള്ള സിവില്‍ സൊസൈറ്റി പ്രവര്‍ത്തനങ്ങളെ ആധാരമാക്കി ഗവേഷണം നടത്തുകയും എന്‍സിഎഎസ് അത് പ്രസിദ്ധീകരിക്കുകയും ചെയ്തിട്ടുണ്ട്. ഇതിനെ ആധാരമാക്കിയാണ് ഡോക്യുമെന്റേഷന്‍ പൂര്‍ത്തീകരിച്ചത്. ‘എട്ടുകാലി മമ്മൂഞ്ഞ് ‘ പോലെ ഇന്ത്യയില്‍ തൊഴില്‍ ഉറപ്പ് ‘ഞമ്മളാണ്’ കൊണ്ടു വന്നത് എന്ന തരത്തില്‍ സിപിഎം നടത്തുന്ന അവകാശ വാദം അടിസ്ഥാനരഹിതമാണ്.

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

Featured

സെക്രട്ടേറിയറ്റിലെ സിപിഎം സംഘടനാ ഭാരവാഹികള്‍ തമ്മില്‍ കൂട്ടത്തല്ല് 

Published

on

By

തിരുവനന്തപുരം: സെക്രട്ടേറിയറ്റിലെ ഭരണാനുകൂല സംഘടനാ ഭാരവാഹികള്‍ തമ്മില്‍ വാക്കേറ്റവും കയ്യാങ്കളിയും. സെക്രട്ടേറിയറ്റിലെ സിപിഎം സര്‍വീസ് സംഘടനയായ കേരള സെക്രട്ടേറിയറ്റ് എംപ്ലോയിസ് അസോസിയേഷനിലെ നേതാക്കന്‍മാര്‍ തമ്മിലുള്ള വാക്കേറ്റമാണ് കയ്യാങ്കളിയിലേക്ക് പോയത്. പ്രസിഡന്റിന്റെ വിഭാഗവും ജനറല്‍ സെക്രട്ടറി വിഭാഗവും തമ്മിലാണ് പോരടിച്ചത്. ഏതാനും മാസങ്ങളായി ഇരുവിഭാഗവും രൂക്ഷമായ അഭിപ്രായ വ്യത്യാസത്തിലായിരുന്നു. ജനറല്‍ സെക്രട്ടറി ചീഫ് എഡിറ്ററായ മാഗസീനില്‍ എതിര്‍ വിഭാഗത്തിലെ ഭാരവാഹികളുടെ ഫോട്ടോ ചെറുതായതാണ് ഇന്നലെ ഭാരവാഹികള്‍ തമ്മില്‍ വാക്കേറ്റം നടന്നത്. കാന്റീന്‍ മാനേജിംഗ് കമ്മിറ്റി അംഗത്തിന്റെ ഫോട്ടോ മുഖ മാസികയായ സെക്രട്ടേറിയറ്റ് സര്‍വ്വീസില്‍ അപ്രധാനമായി കൊടുത്തതിനെ കാന്റീന്‍ മാനേജിംഗ് കമ്മിറ്റി അംഗം പത്രാധിപകരായ നിര്‍വ്വാഹക സമിതി അംഗത്തോട് ചോദിച്ചതാണ് സംഭവങ്ങളുടെ തുടക്കം. വര്‍ഷങ്ങളായി പ്രസിഡന്റ് സ്ഥാനത്ത് തുടരുന്ന ഹണി ആ സ്ഥാനത്ത് നിന്ന് മാറണമെന്നാവശ്യവും ശക്തമാണ്. എന്നാല്‍ ഇതിനോടെന്നും ഹണി അനുകൂലികള്‍ യോജിച്ചിരുന്നില്ല. ജനറല്‍ സെക്രട്ടറിയുടെ പക്ഷക്കാരനായ സെക്രട്ടറിയെ മര്‍ദ്ദിച്ചെന്നുവെന്നാണ് റിപ്പോര്‍ട്ട്. ഇന്നലെ രാവിലെ സംഘടന ഹാളില്‍ വച്ചായിരുന്നു വാക്കേറ്റം തുടങ്ങിയത്. ഇരുപക്ഷവും നടന്ന ചര്‍ച്ച അടിയിലേക്ക് കലാശിക്കുകയായിരുന്നു.

Advertisement
VKSHNM NWS KWT 1000 x 180 PX-01

സംഘടന ഹാളില്‍ അടി നടക്കുന്ന വിവരം അറിഞ്ഞ് ഹണി അനുകൂലിയായ സിപിഎം സര്‍വീസ് സൊസൈറ്റി പ്രസിഡന്റ് ഹാളില്‍ എത്തിയപ്പോഴേക്കും വാക്കേറ്റം രൂക്ഷമായി. ഹാളില്‍ നിന്ന് ഇരുപക്ഷത്തേയും ഇറക്കിവിട്ടു. തുടര്‍ന്ന് ചേരിതിരിഞ്ഞ് സെക്രട്ടേറിയറ്റ് ക്യാമ്പസിന്റെ വിവിധ ഭാഗങ്ങളില്‍ തര്‍ക്കങ്ങളുമുണ്ടായി. ജീവനക്കാരുടെ വാട്ട്‌സ് അപ്പ് ഗ്രൂപ്പില്‍ ഇവരുടെ ചേരിതിരിഞ്ഞുള്ള അടി ചര്‍ച്ചയായതോടെയാണ് സംഭവം പുറം ലോകമറിഞ്ഞത്. ജൂണ്‍ മാസമാണ് സംഘടനയുടെ വാര്‍ഷിക യോഗം. തെരഞ്ഞെടുപ്പ് കാലത്തെ ചേരിതിരിഞ്ഞുള്ള അടി സിപിഎം ഗൗരവമായി എടുത്തിരിക്കുകയാണ്. പ്രസിഡന്റും ജനറല്‍ സെക്രട്ടറിയുമായി പുതിയ ആളുകള്‍ സംഘടനയെ നയിക്കാന്‍ വരട്ടെയെന്ന നിലപാടാണ് സിപിഎം പാര്‍ട്ടി സെക്രട്ടറിയുടേത്.

Advertisement
VKSHNM NWS KWT 1000 x 180 PX-01
Continue Reading

Featured

വേനൽ മഴ കനക്കുന്നു; കേരള തീരത്ത് മത്സ്യബന്ധനത്തിന് വിലക്ക്

Published

on

തിരുവനന്തപുരം: ‌ കേരള തീരത്ത് മത്സ്യബന്ധനത്തിന് വിലക്ക്. തെക്കൻ കേരളത്തിൽ വേനൽമഴ കനക്കുമെന്ന് മുന്നറിയിപ്പ് വന്നതിന് പിന്നാലെ കേന്ദ്ര കാലാവസ്ഥാ വകുപ്പിന്റേതാണ് നി‍ർദ്ദേശം. ഉയർന്ന തിരമാലയ്ക്കും കടലാക്രമണത്തിനും സാധ്യതയെന്നും മുന്നറിയിപ്പുണ്ട്. 0.5 മുതൽ 1.4 മീറ്റർ വരെ ഉയർന്ന തിരമാലയ്ക്ക് സാധ്യതയുണ്ട്. കർണാടക- ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു. കേരള തീരത്ത് മണിക്കൂറിൽ 55 കിലോമീറ്റർ വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്നാണ് മുന്നറിയിപ്പ്.

വേനൽ ചൂടിന് ആശ്വാസമായി തിരുവനന്തപുരത്ത് കനത്ത മഴയാണ് പെയ്യുന്നത്. നാല് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, ആലപ്പുഴ, പത്തനംതിട്ട ജില്ലകളിലാണ് യെല്ലോ അലേർട്ട്.

Advertisement
VKSHNM NWS KWT 1000 x 180 PX-01
Continue Reading

Featured

കേരളത്തിൽ ആംആദ്മി പിന്തുണ യുഡിഎഫിന്

Published

on

തിരുവനന്തപുരം: ലോക്‌സഭ തെരഞ്ഞെടുപ്പില്‍ കേരളത്തിലെ ആംആദ്മി പാര്‍ട്ടി യുഡിഎഫിനെ പിന്തുണക്കും. ഇന്‍ഡ്യ മുന്നണിയിലെ ഏറ്റവും വലിയ ഒറ്റക്കക്ഷിയെ പിന്തുണക്കാനാണ് പാര്‍ട്ടി തീരുമാനിച്ചതെന്ന് ആംആദ്മി പാര്‍ട്ടി സംസ്ഥാന പ്രസിഡന്റ് വിനോദ് മാത്യു വില്‍സന്‍, ജനറല്‍ സെക്രട്ടറി എ അരുണ്‍ എന്നിവര്‍ പറഞ്ഞു. ദേശീയതലത്തില്‍ ഇന്‍ഡ്യ മുന്നണിയുടെ ഭാഗമാണ് ആംആദ്മി പാര്‍ട്ടി.

Continue Reading

Featured