Kerala
വിരമിച്ച ജീവനക്കാരുടെ പെൻഷൻ നൽകാതെ ചുമട്ടുതൊഴിലാളി ക്ഷേമ ബോർഡിൽ നിന്ന് കടമെടുക്കാനുള്ള നീക്കം ഉപേക്ഷിക്കണം: എംപ്ലീയീസ് ഫോറം
കൊല്ലം: വിരമിച്ച ജീവനക്കാർക്ക് പെൻഷൻ നൽകാതെ ഇടതു സർക്കാർ ചുമട്ടു തൊഴിലാളി ക്ഷേമ ബോർഡിൽ നിന്നും 1200 കോടി രൂപ കടമെടുക്കുന്നത് അംബന്ധമാണെന്ന് കേരള ഹെഡ് ലോഡ് വർക്കേഴ്സ് വെൽഫയർ ബോർഡ് റിട്ടയേർഡ് എംപ്ലീയീസ് ഫോറം പ്രസിഡന്റ് എസ്. ഷാജികുമാറും സെക്രട്ടറി എം അബ്ദുൽ നാസ്സറു കുറ്റപ്പെടുത്തി. ചുമട്ടു തൊഴിലാളി ക്ഷേമനിധിയിലേക്ക് ആവശ്യമായ ഫണ്ട് സ്വരൂപിക്കുന്നതിനും ബോര്ഡിന്റെ പ്രവർത്തനം കാര്യക്ഷമമായി നോക്കി നടത്തിയവരുമായ മുൻ ജീവനക്കാരെ പട്ടിണിക്കിട്ടു കൊണ്ടാണ് സർക്കാരിന്റെ ധൂർത്ത്.
30 വർഷത്തോളം ബോർഡിനു കീഴിൽ ജോലി ചെയ്ത 125 ഓളം ജീവനക്കാരുടെ ക പെൻഷൻ അനുവദിക്കുന്നതിനുള്ള
നടപടി സ്വീകരിക്കാൻ സർക്കാർ സന്നദ്ധത കാണിക്കണമെന്ന് ഫോറം ഭാരവാഹികൾ ആവശ്യപ്പെട്ടു.
റിട്ടയർ ചെയ്ത് ഒരു വ്യാഴവട്ടക്കാലം കഴിഞ്ഞിട്ടും മന്ത്രിസഭാ തീരുമാനം ഉണ്ടായി നിയമസഭാ ബിൽ പാസ്സാക്കിയിട്ടും രാഷ്ട്രീയ തീരുമാനം ഇല്ല എന്നുപറഞ്ഞു തൊഴിൽ മന്ത്രിയുടെ ഓഫീസിൽ ഫയൽ തടഞ്ഞു വെച്ചിട്ടു 2 വർഷം പിന്നിടുകയാണ്. റിട്ടയർ ചെയ്ത ജീവനക്കാർ എണീറ്റ് നടക്കാൻ പോലും കഴിയാതെ കഷ്ടത്തിലായിരിക്കുമ്പോഴാണ് സർക്കാർ ഈ നിധിയിൽ നിന്നും വീണ്ടും കടമെടുക്കുന്നത്.
സിഐടിയു നേതാവായ ബോർഡ് ചെയർമാനും IAS കിട്ടുമെന്ന് പ്രതീക്ഷ പുലർത്തുന്നു ബോർഡ് സിഇഓയും മറ്റു സർക്കാർ മൂട് താങ്ങികളായ ബോർഡ് മെംമ്പർ മാരും ചേർന്ന് നടത്തുന്ന ഈ തീവെട്ടി കൊള്ള കേരളത്തിലെ ലക്ഷത്തോളം വരുന്ന ചുമട്ടു തൊഴിലാളികളുടെ കഞ്ഞിയിൽ പാറ്റ ഇടാനും 36 വർഷം കൊണ്ട് ബോർഡിനെ ഇപ്പോഴത്തെ നിലയിൽ എത്തിച്ച ജീവനക്കാരെ വഞ്ചിക്കുന്നതുമാണെന്ന് ഫോറം കുറ്റപ്പെടുത്തി.
കൊച്ചി: ലൈംഗികാതിക്രമം സംബന്ധിച്ച് ബംഗാളി നടിയുടെ പരാതിയില് സംവിധായകനും ചലച്ചിത്ര അക്കാദമി മുന് ചെയര്മാനുമായ രഞ്ജിത്തിനെ പ്രത്യേക അന്വേഷണ സംഘം (എസ്.ഐ.ടി) ചോദ്യംചെയ്തു. എറണാകുളം മറൈന്ഡ്രൈവിലെ തീരദേശ ഐ.ജിയുടെ ഓഫിസില് നടന്ന ചോദ്യംചെയ്യല് രണ്ടര മണിക്കൂറോളം നീണ്ടു. എ.ഐ.ജി പൂങ്കുഴലിയുടെ നേതൃത്വത്തില് നടന്ന ചോദ്യംചെയ്യലില് പ്രത്യേക അന്വേഷണ സംഘത്തിലെ ഡിവൈ.എസ്.പിമാരടക്കം പങ്കെടുത്തു.
വ്യാഴാഴ്ച രാവിലെ 11ഓടെയാണ് രഞ്ജിത്ത് ചോദ്യംചെയ്യലിന് ഹാജരായത്. ‘പാലേരി മാണിക്യ’ത്തില് അഭിനയിക്കാന് വിളിച്ചുവരുത്തിയ തനിക്കുനേരെ ചിത്രത്തിന്റെ സംവിധായകനായ രഞ്ജിത്ത് കൊച്ചിയിലെ ഫ്ലാറ്റില് വെച്ച് ലൈംഗികാതിക്രമം നടത്തിയെന്നാണ് പരാതി. ഈ കേസില് ചുമത്തിയ കുറ്റങ്ങള് ജാമ്യം ലഭിക്കുന്നതാണെന്ന് പ്രോസിക്യൂഷന് അറിയിച്ചതിനെത്തുടര്ന്ന് മുന്കൂര് ജാമ്യാപേക്ഷ ഹൈകോടതി തീര്പ്പാക്കിയിരുന്നു. സിനിമയില് അവസരം വാഗ്ദാനംചെയ്ത് ബംഗളൂരുവില് വെച്ച് പീഡിപ്പിച്ചെന്ന പരാതിയുമായി കോഴിക്കോട് സ്വദേശിയായ യുവാവും രംഗത്തെത്തിയിരുന്നു. ഈ കേസില് കോഴിക്കോട് പ്രിന്സിപ്പല് ജില്ല കോടതി മുന്കൂര് ജാമ്യം അനുവദിച്ചിട്ടുണ്ട്.
അന്വേഷണ സംഘം വിളിച്ചിട്ടാണ് വന്നതെന്ന് മാത്രമാണ് രഞ്ജിത്ത് മാധ്യമങ്ങളോട് പ്രതികരിച്ചത്. ചോദ്യംചെയ്യല് കഴിഞ്ഞ് പുറത്തിറങ്ങിയപ്പോഴും പ്രതികരിക്കാന് തയാറായില്ല. പരാതിക്കാരുടെ മൊഴിയെടുക്കല് പൂര്ത്തിയായാല് കുറ്റാരോപിതരെ ചോദ്യംചെയ്തു തുടങ്ങുമെന്ന് പ്രത്യേക അന്വേഷണ സംഘം നേരത്തേ അറിയിച്ചിരുന്നു.
Ernakulam
അജ്ഞാത വാഹനമിടിച്ച് അത്യാസന്ന നിലയില് കഴിയുന്ന ഒമ്പതുകാരി: ഹൈക്കോടതി സര്ക്കാരിന്റെ വിശദീകരണം തേടി
കൊച്ചി: അജ്ഞാത വാഹനമിടിച്ച് അത്യാസന്നനിലയില് കഴിയുന്ന ഒമ്പതു കാരിയുടെ ചികിത്സയുമായി ബന്ധപ്പെട്ട് േൈഹക്കാടതി സര്ക്കാരിന്റെ വിശദീകരണം തേടി. കണ്ണൂര് മേലെ ചൊവ്വ വടക്കന്കോവില് സുധീറിന്റെയും സ്മിതയുടെയും മകളായ ദൃഷാനയാണ് വടകര ചോറോട് ദേശീയപാതയിലുണ്ടായ അപകടത്തില് പരിക്കേറ്റ് കോഴിക്കോട് മെഡിക്കല് കോളജ് ആശുപത്രിയില് ചികിത്സയില് കഴിയുന്നത്.
സംഭവത്തില് സ്വമേധയാ കേസെടുത്താണ് ജസ്റ്റിസ് അനില് കെ. നരേന്ദ്രന്, ജസ്റ്റിസ് പി.ജി. അജിത് കുമാര് എന്നിവരടങ്ങുന്ന ഡിവിഷന് ബെഞ്ച് വിശദീകരണം തേടിയത്.കഴിഞ്ഞ ഫെബ്രുവരി 17ന് രാത്രി 10ഓടെ ദേശീയപാത മുറിച്ചുകടക്കുമ്പോള് കാറിടിച്ചുണ്ടായ അപകടത്തില് ദൃഷാനയുടെ മുത്തശ്ശി ബേബി തല്ക്ഷണം മരിച്ചിരുന്നു.
ദൃഷാനയുടെ ചികിത്സക്ക് വലിയ തുക നിര്ധന കുടുംബത്തിന് ചെലവായി. ദൃഷാനക്ക് എന്തെങ്കിലും സഹായം ലഭ്യമാക്കാനുമായിട്ടില്ല. ദൃഷാനയുടെ ദുരവസ്ഥയില് ജസ്റ്റിസ് ദേവന് രാമചന്ദ്രന്റെ ഇടപെടലിനെത്തുടര്ന്നാണ് സ്വമേധയാ കേസെടുത്തത്. കോഴിക്കോട് ജില്ല ലീഗല് സര്വിസ് അതോറിറ്റിയുടെയും വിക്ടിം റൈറ്റ്സ് സെന്ററിന്റെയും റിപ്പോര്ട്ടും പരിഗണിച്ചാണ് ഡിവിഷന് ബെഞ്ച് സര്ക്കാറിന്റെയടക്കം വിശദീകരണം തേടിയത്. ഹരജി വെള്ളിയാഴ്ച വീണ്ടും പരിഗണിക്കും.
കൊല്ലം: കൊല്ലം ഡിസിസി വൈസ് പ്രസിഡന്റും പതാരം സര്വീസ് സഹകരണ സംഘം പ്രസിഡന്റും കെഎസ്ആര്ടിസി റിട്ടയേര്ഡ് അസിസ്റ്റന്റ് ഡയറക്റ്ററുമായ കെ. കൃഷ്ണന് കുട്ടിനായര് (71) അന്തരിച്ചു. സംസ്കാരം ഇന്നുച്ച കഴിഞ്ഞു മൂന്നിന് പതാരത്തിനു സമീപം തൃക്കുന്നപ്പുഴവടക്ക് പെരുമന പടിഞ്ഞാറ്റതില് വീട്ടു വളപ്പില്. ഭാര്യ: ദേവമ്മ പിള്ള. മക്കള്: ജയകൃഷ്ണന് (ഡെപ്യൂട്ടി ഡയറക്റ്റര്, സഹകരണ വകുപ്പ്, പെരുന്തല്മണ്ണ), ഹരികൃഷ്ണന് (കാസ്കാര്ഡ് ബാങ്ക്) ജയന്തി കൃഷ്ണന് (റൂറല് ഹൗസിംഗ് സൊസൈറ്റി, കുണ്ടറ). മരുമക്കള്: അനില്കുമാര് (കാനറ ബാങ്ക്, മംഗലാപുരം), വീണ (കെഎന്എന്എം എച്ച്എസ്എസ്, പവിത്രേശ്വരം), ഇനു കൃഷ്ണന്.
-
Featured1 month agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News3 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business1 month agoസംസ്ഥാനത്ത് കോഴി വില കുത്തനെ കുറഞ്ഞു
-
Business3 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News4 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login