Business
ഇസാഫ് ബാങ്കും എഡൽവെയിസ് ടോക്കിയോ ലൈഫും ബാങ്കഷ്വറൻസ് പങ്കാളിത്തത്തിന് ധാരണയിൽ
കൊച്ചി: ഉപഭോക്താക്കൾക്ക് കുടുതൽ സാമ്പത്തിക സേവനങ്ങൾ ലഭ്യമാക്കുന്നതിന്റെ ഭാഗമായി ഇസാഫ് സ്മോൾ ഫിനാൻസ് ബാങ്കും എഡൽവെയിസ് ടോക്കിയോ ലൈഫും ബാങ്കഷ്വറൻസ് സഹകരണത്തിന് ധാരണയിലെത്തി. ഈ പങ്കാളിത്തത്തിലൂടെ രാജ്യത്തുടനീളമുള്ള ഇസാഫ് ബാങ്ക് ഉപഭോക്താക്കൾക്ക് ലൈഫ് ഇൻഷൂറൻസ് സേവനങ്ങൾ ലഭിക്കും. ഉപഭോക്താക്കളുടെ ആവശ്യങ്ങൾക്കനുസരിച്ച് സേവനങ്ങൾ വൈവിധ്യവൽക്കരിക്കുകയും ഇവ സാമ്പത്തിക സേവനങ്ങൾ ലഭ്യമല്ലാത്ത പ്രദേശങ്ങളിലേക്കും ജനങ്ങളിലേക്കുമെത്തിക്കുകയും അവരുടെ സാമ്പത്തിക സുരക്ഷയ്ക്ക് പിന്തുണ ഉറപ്പാക്കുകയുമാണ് ഈ സഹകരണത്തിലൂടെ ഇസാഫ് ബാങ്ക് ലക്ഷ്യമിടുന്നത്.
“എഡൽവെയിസ് ടോക്കിയോ ലൈഫ് ഇൻഷുറൻസുമായി കൈകോർക്കുന്നതിൽ സന്തോഷമുണ്ട്. എല്ലാവരേയും ഉൾക്കൊള്ളുന്ന സാമ്പത്തിക സുരക്ഷിതത്വ ത്തിലേക്കുള്ള ഒരു സുപ്രധാന ചുവടുവെപ്പാണിത്. ഇതിലൂടെ ലൈഫ് ഇൻഷുറൻസ് ലഭ്യത താഴെത്തട്ടിലുള്ള സമൂഹത്തിലേക്കും എത്തിക്കാൻ സാധിക്കും,” ഇസാഫ് സ്മോൾ ഫിനാൻസ് ബാങ്ക് എംഡിയും സിഇഒയുമായ കെ. പോൾ തോമസ് പറഞ്ഞു.
എല്ലാവർക്കും ഇൻഷുറൻസ് എന്ന ഐആർഡിഎഐയുടെ ലക്ഷ്യം സാക്ഷാത്കരിക്കുന്നതിനുള്ള ശ്രമങ്ങളുടെ ഭാഗമായി രാജ്യത്തുടനീളം ലൈഫ് ഇൻഷുറൻസ് വിതരണം ഞങ്ങൾ മെച്ചപ്പെടുത്തി വരികയാണ്. ദക്ഷിണേന്ത്യയിൽ ഞങ്ങൾക്ക് ശക്തമായ സാന്നിധ്യമുണ്ട്. ഇസാഫ് ബാങ്കുമായുള്ള പങ്കാളിത്തം ഇത് കൂടുതൽ ശക്തിപ്പെടുത്താനും ഉപഭോക്തൃ ധാരണ മെച്ചപ്പെടുത്താനും സഹായിക്കും,’ എഡൽവെയിസ് ടോക്കിയോ ലൈഫ് ഇൻഷുറൻസ് എംഡിയും സിഇഒയുമായ സുമിത് റായ് പറഞ്ഞു.
വിവിധ സംസ്ഥാനങ്ങളിൽ ഗ്രാമീണ മേഖലയിലുള്ള ഇസാഫ് ബാങ്കിന്റെ ശക്തമായ സാന്നിധ്യം നൂതന ലൈഫ് ഇൻഷുറൻസ് ഉൽപ്പന്നങ്ങളുടെ ലഭ്യത കൂടുതൽ വിപുലീകരിക്കാൻ സഹായകമാകും. എഡൽവെയിസ് ടോക്കിയോ ലൈഫിന്റെ സമഗ്ര മൾട്ടി-ചാനൽ വിതരണ തന്ത്രത്തിൽ ഇസാഫുമായുള്ള പങ്കാളിത്തം പ്രധാന പങ്കുവഹിക്കും. ഉപഭോക്താക്കളുടെ ആവശ്യങ്ങളറിഞ്ഞ് ഇഷ്ടാനുസരണം രൂപകൽപ്പന ചെയ്തതും പ്രസക്തവുമായ ലൈഫ് ഇൻഷുറൻസ് പദ്ധതികളാണ് ഈ പങ്കാളിത്തത്തിലൂടെ വിപണിയിലെത്തുന്നത്.
സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ഇന്നലത്തെ വിലയിൽ മാറ്റമില്ലാതെ തുടരുകയാണ്. ഒരുഗ്രാം സ്വര്ണത്തിന് 7450 രൂപയും പവന് 59600 രൂപയുമെന്ന നിലയിൽ തുടരുകയാണ്. 18 കാരറ്റ് സ്വര്ണത്തിനും വിലയില് മാറ്റമൊന്നുമില്ല. ഗ്രാമിന് 6140 രൂപയാണ് ഇന്നത്തെ വിപണി നിരക്ക്. വെള്ളിവിലയിലും മാറ്റമൊന്നും ഉണ്ടായിട്ടില്ല. ഗ്രാമിന് 99 രൂപയ്ക്കുതന്നെ വ്യാപാരം തുടരുന്നു. അന്താരാഷ്ട്ര സ്വര്ണവിലയില് മാറ്റമുണ്ട്. ഔണ്സിന് 2725 ഡോളറിലേക്ക് ഉയര്ന്നു.
സ്വർണവിലയിൽ വർധനവ്. ഗ്രാമിന് 15 രൂപ വര്ധിച്ച് 7450 രൂപയും പവന് 120 രൂപ വര്ധിച്ച് 59600 രൂപയായും സ്വര്ണവില ഉയര്ന്നു. 18 കാരറ്റ് സ്വര്ണത്തിനും വില ഉയര്ന്നു. ഗ്രാമിന് 10 രൂപ വര്ധിച്ച് 6140 എന്നവിലയ്ക്കാണ് ഇന്ന് വ്യാപാരം പുരോഗമിക്കുന്നത്. അതേസമയം വെള്ളിവിലയില് വ്യത്യാസമുണ്ടായില്ല. ഗ്രാമിന് 99 രൂപ എന്നതാണ് ഇന്നത്തെ വിപണിവില.
കൊച്ചി: ക്ലിയോസ്പോര്ട്സിന്റെ ആഭിമുഖ്യത്തില് നടക്കുന്ന മൂന്നാമത് ഫെഡറല് ബാങ്ക് കൊച്ചി മാരത്തോണിന്റെ ഓദ്യോഗിക മെഡിക്കല് പാര്ട്ണറായി ആസ്റ്റര് മെഡ്സിറ്റിയെ പ്രഖ്യാപിച്ചു. തുടര്ച്ചയായി മൂന്നാം തവണയാണ് ആസ്റ്റര് മെഡ്സിറ്റി മാരത്തോണിന്റെ ഔദ്യോഗിക മെഡിക്കല് പാര്ട്ണറാകുന്നത്. ഫെബ്രുവരി ഒമ്പതിന് മറൈന് ഡ്രൈവില് നടക്കുന്ന മാരത്തോണിന്റെ മെഡിക്കല് ഡയറക്ടറായി ആസ്റ്റര് മെഡ്സിറ്റി എമര്ജന്സി മെഡിസിന് വിഭാഗം മേധാവി ഡോ. ജോണ്സണ് കെ. വര്ഗീസ് പ്രവര്ത്തിക്കും. സര്ക്കുലര് ഇക്കോണമിയുടെ പ്രോത്സാഹനം ലക്ഷ്യമാക്കിയുള്ള ഫെഡറല് ബാങ്ക് കൊച്ചി മാരത്തോണിന്റെ മൂന്നാം പതിപ്പില് സഹകരിക്കാനാകുന്നതില് സന്തോഷമുണ്ടെന്ന് ആസ്റ്റര് മെഡ്സിറ്റി എമര്ജന്സി മെഡിസിന് വിഭാഗം മേധാവി ഡോ. ജോണ്സണ് കെ. വര്ഗീസ് പറഞ്ഞു.
കഴിഞ്ഞ രണ്ട് സീസണുകളില് തയാറാക്കിയപോലെ, മാരത്തോണ് ആരംഭിക്കുന്ന സ്ഥലത്ത് മെഡിക്കല് ബേസ് ക്യാമ്പും കടന്നുപോകുന്ന മറ്റു പ്രധാന പ്രദേശങ്ങളില് സബ്-മെഡിക്കല് സ്റ്റേഷനുകളും ക്ലിയോസ്പോര്ട്സുമായി ചേര്ന്ന് കൊണ്ട് സജ്ജീകരിക്കും. മാലിന്യ തോത് കുറച്ചുകൊണ്ട് പരിസ്ഥിതി സംരക്ഷണവും സുസ്ഥിര വികസനവും ഉറപ്പാക്കുന്നതിന് സര്ക്കുലര് ഇക്കോണമിയുടെ പ്രോത്സാഹനം അനിവാര്യമാണെന്നും അദ്ദേഹം പറഞ്ഞു. ഫെഡറല് ബാങ്ക് കൊച്ചി മാരത്തോണിന്റെ മെഡിക്കല് പങ്കാളിയായി മൂന്നാം തവണയും ആസ്റ്റര് മെഡ്സിറ്റി എത്തുന്നതില് ഏറെ അഭിമാനമുണ്ടെന്ന് ക്ലിയോസ്പോര്ട്സ് ഭാരവാഹികളായ ശബരി നായര്, ബൈജു പോള്, അനീഷ് പോള്, എം.ആർ.കെ ജയറാം എന്നിവര് പറഞ്ഞു. ഓട്ടക്കാര്ക്ക് പരിക്കുകള് സംഭവിച്ചാല് ഉടനടി കൃത്യമായ ചികിത്സ നല്കുവാനും മാരത്തോണിന്റെ സുഗമമായ നടത്തിപ്പിനും മെഡിക്കല് പങ്കാളി അനിവാര്യമായ ഘടകമാണ്. ആസ്റ്റര് മെഡ്സിറ്റിയുടെ സാന്നിധ്യം ഓട്ടക്കാര്ക്ക് സുരക്ഷിതത്വം ഉറപ്പാക്കുന്നതിന് ഏറെ സഹായകമാകുമെന്നും സംഘാടകര് പറഞ്ഞു. അത്ലറ്റിക് ഫെഡറേഷന് ഓഫ് ഇന്ത്യയുടെ അംഗീകാരത്തോടെ നടക്കുന്ന മാരത്തോണില് പങ്കെടുക്കാന് താത്പര്യമുള്ളവര്ക്ക് www.kochimarathon.in എന്ന ലിങ്കിലൂടെ രജിസ്റ്റര് ചെയ്യാം.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
News3 days agoപണിമുടക്ക് നോട്ടീസ് നൽകി
You must be logged in to post a comment Login