Connect with us
48 birthday
top banner (1)

News

തൃശൂർ നഗരത്തെ ഇളക്കി മറിച്ച് ഐഎൻടിയുസി മഹാറാലി

Avatar

Published

on

തൃശൂർ: സംഘടിത തൊഴിലാളി വർഗത്തിന്റെ കരുത്തറിയിച്ച് ലീഡർ കെ കരുണാകരന്റെ തട്ടകത്തിൽ ഐഎൻടിയുസി തൊഴിലാളികളുടെ പടു കൂറ്റൻ റാലി. വിവിധ ജില്ലകളിൽ നിന്നെത്തിയ പതിനായിരങ്ങൾ പങ്കെടുത്ത റാലി ഒരു പോയിന്റ് കടക്കാൻ മണിക്കൂറുകളെടുത്തു. വാദ്യഘോഷങ്ങളും കലാരൂപങ്ങളും പുലികളും തിരുവാതിരയും ഗാനമേളയുമൊക്കെയായി പൂരനഗരിയെ ഉത്സവപ്പറമ്പാക്കിയാണ് സമ്മേളനം സമാപിച്ചത്.ശക്തൻ ബസ് സ്റ്റാൻഡിനു മുന്നിൽ വച്ച് ഐഎൻടിയുസി പതാക പ്രതിപക്ഷ നേതാവ് വി.ഡി. സതീശൻ പ്രസിഡന്റ് ആർ ചന്ദ്രശേഖരനു കൈമാറി. ഡിസിസി പ്രസിഡന്റ് ജോസ് വെള്ളൂർ, ഐഎൻടിയുസി സംസ്ഥാന ഭാരവാഹികൾ, ജില്ലാ പ്രസിഡന്റുമാർ, വനിതാ- യൂത്ത് വിഭാഗം നേതാക്കൾ തുടങ്ങിയവർ അണിനിരന്നു.വൈകുന്നേരം തേക്കിൻകാട് മൈതാനത്തെ വിദ്യാർഥി കോർണറിൽ നടന്ന സമ്മേളനത്തിൽ അഖിലേന്ത്യാ പ്രസിഡന്റ് ഡോ. സഞ്ജീവ റെഡ്ഡി ഭദ്ര ദീപം തെളിയിച്ചു. പ്രസിഡന്റ് ആർ. ചന്ദ്രശേഖരൻ അധ്യക്ഷത വഹിച്ചു. രാജ്യത്തെ തൊഴിലാളികൾക്ക് സുരക്ഷ ഒരുക്കുന്നതിൽ കോൺഗ്രസ് ഗവണ്മെന്റുകൾ സ്വീകരിച്ച നടപടികൾ അദ്ദേഹം എടുത്തു പറഞ്ഞു. എന്നാൽ ഇപ്പോഴത്തെ നരേന്ദ്ര മോദി സർക്കാർ അതെല്ലാം പാടേ അട്ടിമറിച്ചു.മഹാത്മാ ഗാന്ധി ഗ്രാമീണ തൊഴിലുറപ്പ് പദ്ധതി പോലും അട്ടിമറിക്കപ്പെടുകയാണെന്ന് അദ്ദേഹം ചൂണ്ടിക്കാട്ടി. കൊടിക്കുന്നിൽ സുരേഷ് എംപി, ബെന്നി ബഹന്നാൻ എംപി, രമ്യ ഹരിദാസ് എംപി, ടി.എൻ. പ്രതാപൻ എംപി, യുഡിഎഫ് കൺവീനർ എം.എം. ഹസൻ, പി.സി. വിഷ്ണു നാഥ് എംഎൽഎ തുടങ്ങിയവർ പ്രസംഗിച്ചു. സ്വാഗത സംഘം കൺവീനറും ജില്ലാ പ്രസിഡന്റുമായ സുന്ദരൻ കുന്നത്തുള്ളി സ്വാഗതം പറഞ്ഞു. നാളെ രാവിലെ 10നു നടക്കുന്ന പ്രതിനിധി സമ്മേളനത്തോടെ സമ്മേളനം സമാപിക്കും.

Continue Reading
Advertisement
inner ad
Click to comment

You must be logged in to post a comment Login

Leave a Reply

Death

സാമ്പത്തിക ബുധിമുട്ടിനെ തുടർന്ന് അച്ഛനും മകനും വിഷം കഴിച്ചു; അച്ഛൻ മരിച്ചു

Published

on

പാലക്കാട്: കൊല്ലങ്കോട് അച്ഛനും മകനും വിഷം കഴിച്ചു. അച്ഛൻ മരിച്ചു. എലവഞ്ചേരി പെരുങ്ങോട്ടുകാവ് കാവുങ്ങൽ വീട്ടിൽ എം. വേലൻകുട്ടി (89) ആണ് മരിച്ചത്‌. മകൻ ഉണ്ണിക്കൃഷ്ണൻ (58) ജില്ലാ ആശുപത്രിയിൽ തീവ്രപരിചരണ വിഭാഗത്തിലാണ്. വിഷം കഴിക്കുന്ന സമയത്ത് വീട്ടിൽ ആരുമില്ലായിരുന്നുവെന്നാണു സൂചന. വെള്ളിയാഴ്ച രാത്രിയിലാണ് ഇരുവരെയും വിഷം കഴിച്ച് അവശനിലയിൽ ബന്ധുക്കൾ കാണുന്നത്.

Advertisement
inner ad

മരിച്ച വേലൻകുട്ടിയുടെ അസുഖവും സാമ്പത്തിക പ്രയാസങ്ങളും കാരണമാണ് ഇരുവരും വിഷം കഴിച്ചതെന്നാണ് കൊല്ലങ്കോട് പൊലീസ് പറയുന്നത്. വേലൻകുട്ടി കഴുത്തിൽ അർബുദ ബാധിതനായതിനെ തുടർന്നു വീട്ടിൽ വിശ്രമത്തിലായിരുന്നു. ഉണ്ണികൃഷ്ണൻ ലോറി ഡ്രൈവറാണ്. വേലൻകുട്ടിയുടെ മൃതദേഹം ജില്ലാ ആശുപത്രി മോർച്ചറിയിൽ.

Advertisement
inner ad
Continue Reading

Kerala

തൃശൂരിൽ മാത്രമല്ല പാലക്കാടും നേരിയ ഭൂചലനം

Published

on

പാലക്കാട്: തൃശ്ശൂരിൽ മാത്രമല്ല പാലക്കാടും നേരിയ ഭൂചലനം അനുഭവപെട്ടു. ഭൂചലനം അനുഭവപ്പെട്ടത്. പാലക്കാട് ജില്ലയുടെ പടിഞ്ഞാറൻ മേഖലയിൽ ഇന്ന് രാവിലെയാണ് ഭൂചലനമുണ്ടായത്. ഇന്നു രാവിലെ എട്ടു മണിക്കുശേഷം തിരുമിറ്റക്കോട്, കക്കാട്ടിരി, ചാലിശ്ശേരി, നാഗലശ്ശേരി, കോട്ടപ്പാടം, കോതച്ചിറ, എഴുമങ്ങാട്, കപ്പൂർ, മതുപ്പുള്ളി, കുമരനെല്ലൂർ തുടങ്ങിയ സ്ഥലങ്ങളിലാണ് ഭൂമിക്കടിയിൽനിന്ന് മുഴക്കം അനുഭവപ്പെട്ടത്. വീടുകളുടെ ജനച്ചില്ലുകൾക്ക് കുലുക്കം അനുഭവപ്പെട്ടു. ഇതോടെ ആളുകൾ പരിഭ്രാന്തരായി.

Advertisement
inner ad
Continue Reading

Accident

ചൂണ്ടയിടാൻ പോയ കുട്ടികൾ മുങ്ങിമരിച്ചു

Published

on

കോട്ടയം: കുളത്തിൽ ചൂണ്ടയിടാൻ പോയ രണ്ടുകുട്ടികൾ കുളത്തിൽ വീണു മരിച്ചു. കോട്ടയം തൃക്കൊടിത്താനത്താണ് അപകടമാണ്ടായത്. കുറിച്ചി സ്വദേശി അഭിനവ് (12) മാടപ്പള്ളി സ്വദേശി ആദർശ് (15) എന്നിവരാണ് മരിച്ചത്.

Advertisement
inner ad
Continue Reading

Featured