Connect with us
48 birthday
top banner (1)

Business

ഇന്ത്യയുടെ കമനീയ വസ്ത്ര വൈവിധ്യം കൺമുന്നിൽ

Avatar

Published

on

തൈക്കാട് പോലീസ് ഗ്രൗണ്ടിൽ സ്ത്രീകളുടെ തിരക്ക്

തിരുവനന്തപുരം: രാജ്യത്തിന്റെ വസ്ത്ര സംസ്കാരം ലോകത്തിന് പരിചയപ്പെടുത്തുന്ന ആവാധ് ഗ്രാമോദ്യോഗ സമിതി കേരളത്തിലാദ്യമായി അവതരിപ്പിക്കുന്ന വസ്ത്ര പ്രദർശന മേളയ്ക്ക് തലസ്ഥാന നഗരിയിൽ തുടക്കമായി.

Advertisement
inner ad

ഇന്ത്യയിലെ 22 സംസ്ഥാനങ്ങളിൽ നിന്നുള്ള 99-ഓളം വസ്ത്രോൽപാദകരെ അണിനിരത്തി കോട്ടൺ ഫാബ് എന്ന പേരിലാണ് മേള സംഘടിപ്പിച്ചിരിക്കുന്നത്. കോട്ടൺ, സെമി സിൽക്ക് വസ്ത്രങ്ങളുടെ ശേഖരം, സമ്പൽപ്പൂരി, ചന്ദേരി, കാശി, ബംഗാൾ കാന്ത്, ഗുജറാത്ത് ആജാരക്, രാജസ്ഥാനിലെ പുത്താന തുണിത്തരങ്ങൾ, സാരി, ഡ്രസ് മെറ്റീരിയൽസ്, കുർത്തി, സൽവാർ കമ്മീസ്, ഗൃഹോപകരണങ്ങൾ, അലങ്കാര വസ്തുക്കൾ തുടങ്ങിയവയെല്ലാം ഒരു കുടക്കീഴിൽ ലഭ്യമാക്കിയിരിക്കുന്ന മേളയിൽ സ്ത്രീകളുടെ നല്ല തിരക്കാണ് അനുഭവപ്പെടുന്നത്. തൈക്കാട് പോലീസ് ഗ്രൗണ്ടിൽ 20,000 അടി വിസ്തീർണ്ണത്തിൽ സജ്ജീകരിച്ചിരിക്കുന്ന സ്റ്റാളുകളിൽ ഉൽപാദകരിൽ നിന്ന് തുച്ഛമായ വിലയിൽ കമനീയമായ വസ്ത്രശേഖരം നേരിട്ടു വാങ്ങാൻ അവസരമുണ്ട്. രാവിലെ പത്തു മണിക്ക് ആരംഭിക്കുന്ന മേള രാത്രി പത്തര വരെ നീളും. പ്രവേശനം സൗജന്യമാണ്.
ബീഹാറിലെ പാടലീപുത്രയിൽ നിന്നുള്ള വസ്ത്രോല്പാദകർ വൈൽഡ് സിൽക്ക് വിഭാഗത്തിലുള്ള തുണിത്തരങ്ങളാണ് എത്തിച്ചിരിക്കുന്നത്. പ്രകൃതിദത്തമായ നിറങ്ങൾ ചേർന്ന അസം വീവ്‌സ്, തെലങ്കാന പോച്ചംപള്ളി, ആന്ധ്രയുടെ കലംകാരി മംഗളഗിരി തുണിത്തരങ്ങൾ മേളയുടെ ആകർഷണങ്ങളാണ്.
മധ്യപ്രദേശിലെ മഹേശ്വരി, രാജസ്ഥാൻ കോട്ടധോരിയ, പശ്ചിമ ബംഗാളിലെ ധാക്കയ് ജംദാനി, മണിപ്പൂരി സാരി തുടങ്ങിയ പരമ്പരാഗത വസ്ത്ര ശ്രേണികളും കോട്ടൺ ഫാബ് മേളയിലുണ്ട്. ബ്രൈറ്റ് നിറങ്ങളും മിറർ വർക്കുകളുമുള്ള ഗുജറാത്തിൽ നിന്നുള്ള ബന്ധെജ്, കച്ച് എംബ്രോയിഡറി, ലഖ്‌നൗവിലെ ചിക്കൻ എംബ്രോയ്ഡറിയുള്ള കാശിധാരി, കാശ്മീരിൽ നിന്നുള്ള വസ്ത്രോൽപാദകർ മേളയിലെത്തിച്ചിരിക്കുന്നത് സൂചിയിൽ നൂൽകോർത്ത് കൈകൊണ്ട് തുന്നിയെടുത്ത കാശിത, ഇലകൾ ഉപയോഗിച്ചുള്ള ചിനാർകി പാട്ടി, കാശ്മീർ താഴ് വരയിൽ നിന്നുള്ള പൂക്കൾ ഉപയോഗിച്ച് ഉണ്ടാക്കിയ ഗടി കെ ഫൂൽ എന്നിവയാണ്. ഈ തുണിത്തരങ്ങൾ കാണാനും വാങ്ങാനും തിരക്കുണ്ട്.
എല്ലാ പ്രായത്തിലുമുള്ളവർക്ക് അനുയോജ്യമായ കണ്ടംപററി ഡിസൈൻ, നിറങ്ങൾ എന്നിവയിൽ ഇവ ലഭ്യമാണ്. ഹാൻഡ്‌ലൂം കോട്ടൺ, സിൽക്ക് തുണിത്തരങ്ങളുടെ വ്യത്യസ്തമാർന്ന മോഡലുകളും വിൽപ്പനയ്‌ക്കെത്തിച്ചിട്ടുണ്ട്. ഒക്ടോബർ മൂന്നുവരെയാണ് പ്രദർശനം.

Business

സംസ്ഥാനത്ത് സ്വർണവിലയിൽ വർദ്ധനവ്

Published

on

തിരുവനന്തപുരം: സംസ്ഥാനത്ത് ഇന്ന് സ്വർണവില വർധിച്ചു. ഒരു പവൻ സ്വർണത്തിന് 240 രൂപയാണ് ഇന്ന് ഉയർന്നത്. ഇന്നലെ 120 രൂപ വർധിച്ചിരുന്നു. ഒരു പവൻ സ്വർണത്തിന്റെ ഇന്നത്തെ വിപണി വില 52,920 രൂപയാണ്.

Advertisement
inner ad
Continue Reading

Business

സ്വർണവിലയിൽ നേരിയ വർധനവ്; പവന് 120 രൂപ കൂടി

Published

on

സംസ്ഥാനത്ത് സ്വർണവില കൂടി. പവന് 120 രൂപ വർധിച്ച് 52,680 രൂപയായി. ഗ്രാമിന് 15 രൂപ വർധിച്ച് 6585 രൂപയാണ് ഒരു ഗ്രാം സ്വർണത്തിന്റെ വില. ഒരു ഗ്രാം 22 കാരറ്റ്‌ സ്വർണത്തിന്റെ വില ഗ്രാമിന് 6,585 രൂപയാണ് വില. ഒരു ഗ്രാം 18 കാരറ്റ്‌ സ്വർണത്തിന്റെ വില 5,480 രൂപയായി.

വെള്ളിയാഴ്ച 54,080 രൂപയായി ഉയർന്ന് സ്വർണവില സമീപകാലത്തെ ഏറ്റവും ഉയർന്ന വിലയിൽ എത്തിയിരുന്നു. ശനിയാഴ്ച 1500 രൂപ കുറഞ്ഞ് 52,560 രൂപയിലേക്ക് താഴ്ന്നിരുന്നു. നാലുദിവസത്തിനിടെ പവന് രണ്ടായിരം രൂപ കുറഞ്ഞ ശേഷം ഏറിയുംകുറഞ്ഞും നിന്ന സ്വർണവില കഴിഞ്ഞയാഴ്ചയാണ് 54,000 കടന്നത്.

Advertisement
inner ad
Continue Reading

Business

മാറ്റമില്ലാതെ സ്വർണ വില

Published

on

സംസ്ഥാനത്ത് മൂന്ന് ദിവസമായി ഗ്രാമിന് 6,570 രൂപയിലും പവന് 52,560 രൂപയിലുമാണ് വ്യാപാരം നടക്കുന്നത്. ഈ
കഴിഞ്ഞ ശനിയാഴ്ചയാണ് സ്വർണം ഈ നിരക്കിലെത്തിയത്. സംസ്ഥാനത്തെ വെള്ളിയുടെ വിലയിലും മാറ്റമില്ല. മൂന്നുദിവസമായി ഗ്രാമിന് 96 രൂപ നിരക്കിൽ വ്യാപാരം തുടരുന്നു.
വൻ ഇടിവിലാണ് ശനിയാഴ്ച സ്വർണ വില രേഖപ്പെടുത്തിയത്. ഗ്രാമിന് 190 രൂപയും പവന് 1,520 രൂപയുമാണ് അന്ന് ഇടിഞ്ഞത്. ചരിത്രത്തിൽ ആദ്യമായാണ് ഒരു ദിവസം ഇത്രയും ഇടിവിൽ വ്യാപാരം നടക്കുന്നത്. ഇതിന് മുൻപ് 1,200 രൂപ വരെ കുറഞ്ഞിട്ടുണ്ട്.
രാജ്യാന്തര വിപണിയിൽ 18 മാസത്തെ ഇടവേളയ്ക്ക് ശേഷം ചൈന കൂടുതൽ സ്വർണ ശേഖരം വാങ്ങുന്നത് നിർത്തിവെച്ചു എന്ന വാർത്ത പുറത്തുവന്നതോടെ രാജ്യാന്തര സ്വർണവില 2.5% ൽ അധികം ഇടിഞ്ഞ് 2385 ഡോളറിൽ നിന്നും 2323 ഡോളറിലേക്ക് കുറഞ്ഞതാണ് വിലയിടിവിന് പിന്നിൽ. വില കുറഞ്ഞിരിക്കുന്ന സമയത്ത് സ്വർണം വാങ്ങുന്നതും ബുക്കിങ് ചെയ്യുന്നതും പ്രയോജനം ചെയ്യും.
വില വലിയ തോതിൽ കുറഞ്ഞതോടെ കഴിഞ്ഞ രണ്ട് ദിവസങ്ങളായി കേരളത്തിലെ റീടെയിൽ വിൽപന ഉയർന്നതായി വ്യാപാരികൾ പ്രതികരിച്ചു. അതേസമയം നിലവിൽ വിലകുറഞ്ഞിരിക്കുന്നു എങ്കിലും രാജ്യാന്തര വിപണിയുടെ ചലനങ്ങൾക്ക് അനുസരിച്ച് വിലയിൽ മാറ്റം വരും.

Advertisement
inner ad
Continue Reading

Featured