_{കുവൈത്ത് സിറ്റി: കുവൈത്ത് കേരള ഇസ്‌ലാമിക് കൗൺസിൽ (കെ.ഐ.സി) കേന്ദ്ര കമ്മിറ്റി സംഘടിപ്പിക്കുന്ന ’മുഹമ്മദ് നബി (സ) മാനവ മൈത്രിയുടെ മഹൽ സ്വരൂപം’ എന്ന പ്രമേയത്തിൽ മുഹബ്ബത്തെ റസൂൽ(സ)’24 സമ്മേളനം ‘പ്രവാസത്തിലും പ്രഭ പരത്തിയ കാൽനൂറ്റാണ്ട്’ എന്ന പ്രമേയത്തിലുള്ള സിൽവർ ജൂബിലി സമാപന സമ്മേളനം അടുത്ത വ്യാഴം – വെള്ളി ദിവസങ്ങളിൽ നടക്കും . സെപ്റ്റംബർ 12,13 വ്യാഴം, വെള്ളി തീയതികളിൽ അബ്ബാസിയ്യ സെൻട്രൽ സ്കൂളിലാണ് ഗംഭീരമായ സുന്നി സമ്മേളനങ്ങൾക്ക് വേദിയാവുക. സമസ്ത കേരള ജംഇയ്യത്തുൽ ഉലമ പ്രസിഡന്റ് ബഹു. സയ്യിദ് ജിഫ്രി മുത്തുക്കോയ തങ്ങൾ, എസ് കെ എസ് എസ് എഫ് പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങൾ, സമസ്ത ജനറൽ സെക്രട്ടറി ശൈഖുൽ ജാമിഅ: ആലിക്കുട്ടി മുസ്‌ലിയാർ, സമസ്ത ട്രഷറർ കൊയ്യോട് ഉമർ മുസ്‌ലിയാർ, അൻവർ മുഹ്‌യിദ്ദീൻ ഹുദവി ആലുവ എന്നിവർ ഈ സമ്മേളനത്തിന് എത്തിച്ചേരും. കുവൈത്തിലെ രാഷ്ട്രീയ സാംസ്കാരിക വാണിജ്യ വ്യക്തിത്വങ്ങളും സംബന്ധിക്കും.}

Advertisement

inner ad

_{ആദ്യ ദിനത്തിൽ മജ്‌ലിസുന്നൂർ ആത്മീയ മജ്‌ലിസും ‘അൽ-മഹബ്ബ 2024’ സ്പെഷ്യൽ സുവനീർ പ്രകാശനവും മെമ്പർഷിപ് ക്യാമ്പയിൻ ഉദ്ഘാടനവും നേതാക്കളുടെ വിവിധ വിഷയങ്ങളിലുള്ള പ്രഭാഷണവും ഉണ്ടായിരിക്കും. ‘മുഹമ്മദ് നബി (സ) മാനവ മൈത്രിയുടെ മഹൽ സ്വരൂപം’ എന്ന പ്രമേയത്തിൽ അൻവർ മുഹിയദ്ധീൻ ആലുവ മുഖ്യ പ്രഭാഷണം നടത്തും. രണ്ടാം ദിനത്തിൽ ‘പ്രവാസത്തിലും പ്രഭ പരത്തിയ കാൽ നൂറ്റാണ്ട്’ എന്ന പ്രമേയത്തിൽ കഴിഞ്ഞ രണ്ടര വർഷമായി ജീവകാരുണ്യ മേഖലകളിൽ നടത്തി വരുന്ന ഇരുപത്തിയഞ്ചിന കർമ്മ പദ്ധതികളുടെ സമാപന സമ്മേളനവും ബുർദ മജ്‌ലിസ്, ഗ്രാൻഡ് മൗലൂദും സംഘടിപ്പിക്കും. രണ്ട് ദിനങ്ങളിലായി സംഘടിപ്പിക്കുന്ന ഐതിഹാസികമായ മഹാ സമ്മേളനങ്ങളിൽ നാലായിരത്തോളം ആളുകൾ പങ്കെടുക്കുമെന്ന് സ്വാഗത സംഘ കമ്മിറ്റി നേതാക്കൾ അറിയിച്ചു. കുവൈത്തിൻറെ വിവിധ ഭാഗത്ത് നിന്നും വാഹന സൗകര്യം ഏർപ്പെടുത്തത്തിയിട്ടുണ്ടെന്ന് നേതാക്കൾ കൂട്ടിച്ചേർത്തു. ഇത് സംബന്ധിച്ച് കെ ഐ സി നേതാക്കൾ സംഘടിപ്പിച്ച പത്ര സമ്മേളനത്തിൽ ഉസ്താത് ശംസുദ്ധീൻ ഫൈസി, പ്രസിഡന്റ് അബ്ദുൽ ഗഫൂർ, ജന സെക്രട്ടറി ആബിദ് ഫൈസി , മീഡിയ സെക്രട്ടറി മുനീർ പെരുമുഖം , ഇ എസ് അബ്ദുൾറഹ്മാൻ ഹാജി തുടങ്ങിയവർ സന്നിഹിതരായിരുന്നു.}

_{കുവൈത്ത് സിറ്റി : സമൂഹത്തിൽ വിവിധ തുറകളിലുള്ള വരെ സംഘടനായുമായി അടുപ്പിക്കുക എന്ന ലക്ഷ്യത്തോടെ രൂപം നൽകിയ കണക്ട് ടു കെ കെ എം എ പരിപാടിക്ക് ഓപചാരികമായ തുടക്കം. ഖൈത്താൻ രാജധാനി ഓഡിറ്റോറിയത്തിൽ വച്ച് കേന്ദ്ര പ്രസിഡന്റ് കെ.ബഷീർ ന്റെ അധ്യക്ഷതയിൽ ചേർന്ന പരിപാടി കെ കെ എം എ രക്ഷാധികാരി പി കെ അക്ബർ സിദ്ദിഖ് ഉൽഘാടനം ചെയ്തു. നേതൃത്വം ഇസ്ലാമിക വീക്ഷണത്തിൽ എന്ന വിഷയത്തിൽ പ്രമുഖ പ്രഭാഷകൻ, ഡോ. അലിഫ് ശുകൂർ ക്ലാസ്സെടുത്തു. സംഘടനയുടെ ഈ വർഷത്തെ മെമ്പർഷിപ് പ്രചാരണത്തിന്റെ ഭാഗമായി മികച്ച പ്രവർത്തനം നടത്തിയ പ്രവർത്തകരെയും, ബ്രാഞ്ചുകളെയും സോണൽ കമ്മിറ്റികളെയും ചടങ്ങിൽ ആദരിച്ചു.}

Advertisement

inner ad

_{സംഘടനയുടെ നവീകരിച്ച ഔദ്യോഗിക വെബ്സൈറ്റ് ഉത്‌ഘാടനം വൈസ് ചെയർമാൻ ഇബ്രാഹിം കുന്നിൽ നിർവഹിച്ചു. ഭാവി പ്രവർത്തനങ്ങളെ ഏകോപിപ്പിക്കുന്ന കണക്ട് ടു കെ.കെ.എം.എ എന്ന വിഷയത്തെ കുറിച്ച് എഞ്ചിനിയർ നവാസ് പ്രസന്റേഷൻ അവതരിപ്പിച്ചു. കെ കെ എം എ മൈൽസ്റ്റോൺ വിഡിയോ പ്രസന്റേഷൻ മുൻ പ്രസിഡന്റ്‌ അബ്ദുൽ ഫത്താഹ് തയ്യിലും, സംഘടനയുടെ നിലവിലെ സ്ട്രക്ച്ചർ പ്രസന്റേഷൻ എ ടി നൗഫലും അവതരിപ്പിച്ചു. കെ കെ എം എ കേന്ദ്ര ചെയർമാൻ എ.പി അബ്ദുൽ സലാം, പി.എം.ടി മെമ്പർ എൻ.എ മുനീർ എന്നിവർ ആശംസകൾ നേർന്നു സംസാരിച്ചു. മികച്ച പ്രവർത്തനം കാഴ്ചവെച്ച ബ്രാഞ്ചുകൾക്കും സോനലുകൾക്കുമുള്ള കപ്പ്‌ രക്ഷധികാരി പി കെ അക്ബർ സിദ്ധിഖ് ചെയർമാൻ എ പി അബ്ദുൽ സലാം പ്രസിഡണ്ട്‌ കെ ബഷീർ എന്നിവർ വിതരണം ചെയ്തു. കേന്ദ്ര അഡ്മിൻ സെക്രട്ടറി സുൽഫികർ എം പി പരിപാടി ക്രോഡീകരിച്ചു. വർക്കിംഗ് പ്രെസിഡന്റുമാരായ കെ.സി റഫീഖ്, ഒ.പി ശറഫുദ്ധീൻ, സംസം റഷീദ്, സെക്രട്ടറിമാരായ കെ.സി. അബ്ദുൽ കരീം, കേന്ദ്ര വി.പി മാരായ മെമ്പർഷിപ് ടീം വൈസ് പ്രസിഡന്റ്‌ ഒ.എം ഷാഫി, പി.എം ജാഫർ, ലത്തീഫ് എടയൂർ, നിസാം നാലകത്ത്, ടി. ഫിറോസ്, അസ്‌ലം ഹംസ, അഷ്‌റഫ് മാങ്കാവ്, അബ്ദുൽ കലാം മൗലവി, പി എം ഷെരീഫ്,പി എം ഹാരിസ്, ഹമീദ് മുൽക്കി, പി പി പി സലീം, സിറ്റി സോൺ ആക്ഡിങ് പ്രസിഡന്റ്‌ ജാഫർ എന്നിവർ പരിപാടിക്ക് നേത്ര്വതം നൽകി. ജനറൽ സെക്രട്ടറി ബി.എം. ഇക്ബാൽ സ്വാഗതവും ട്രെഷറർ മുനീർ കുണിയ നന്ദിയും പറഞ്ഞു.}

_{കുവൈറ്റ് സിറ്റി : ട്രേഡ് പ്രൊമോഷൻ കൌൺസിൽ ഓഫ് ഇന്ത്യ കുവൈറ്റിലെ ഇന്ത്യൻ എംബസി യുടെ സഹകരണത്തോടെ ബയർ – സെല്ലർ മീറ്റ് സംഘടിപ്പിച്ചു. ഇന്ത്യയിൽ നിന്നുള്ള ഉൽപ്പന്നങ്ങൾക്ക് കൂടുതൽ വിപണി ലക്ഷ്യമിട്ട് കുവൈറ്റ് സിറ്റിയിലെ ഗ്രാൻഡ് മജസ്റ്റിക് ഹോട്ടലിന്റെ അൽ അനൗദ് ബാൾറൂമിലാണ് ഫുഡ് & ബിവറേജസ് മേഖലയിലെ വാങ്ങുന്നയാൾ – വിൽക്കുന്ന ആൾ സംഗമം നടന്നത്. ബഹു ഇന്ത്യൻ അംബാസിഡർ ഡോ: ആദർശ് സ്വൈക ഉദ്‌ഘാടനം ചെയ്ത മീറ്റ്ന് ടി പി സി ഐ ഡയറക്ടർ അശോക് സേഥി സ്വാഗതം ആശംസിച്ചു. ഇന്ത്യയിലെ വിവിധ ഭക്ഷ്യ പാനീയ ഉൽപ്പാദകരും കുവൈറ്റിലെ വിതരണക്കാ രുടെ പ്രതിനിധികളും ഉൾപ്പെടെ വിവിധ മേഖലയിൽ നിന്നുള്ള പ്രമുഖ കമ്പനികൾ അവരുടെ മൂല്യ വർധിത നൂതന ഉൽപ്പന്നങ്ങൾ പ്രദർശിപ്പിച്ചു. ഇന്ത്യൻ സമൂഹത്തിലെ വൻകിട ബിസ്സിനെസ്സ് കാരും മറ്റു സാമൂഹിക പ്രവർത്തകരും തല്പരകക്ഷികളും ബായർ – സെല്ലെർ മീറ്റ് സന്ദര്ശിക്കാനെത്തി.}

_{ഇന്ത്യൻ എംബസിയുടെ നേതൃത്വത്തിൽ ഫെഡറേഷൻ ഓഫ് ഇന്ത്യൻ എക്സ്സ്‌പോർട് ഓർഗനൈസഷന്റെയും കുവൈറ്റ് ചേംബർ ഓഫ് കോമേഴ്‌സ് ആൻഡ് ഇൻഡസ്ടറിയുടെയും സഹകരണത്തോടെ കുവൈറ്റിലെ ചേംബർ ഓഫ് കോമേഴ്‌സ് ആൻഡ് ഇൻഡസ്ടറി ഓഡിറ്റോറിയത്തിൽ ഭക്ഷ്യ – കാർഷിക മേഖലയിലെ 30 പ്രമുഖ കമ്പനിയുമായുള്ള മീറ്റും സപ്‌ത. 9 ,10 തിയ്യതികളിലായി സംഘടിപ്പിച്ചിട്ടുണ്ട്. രാവിലെ 10 മുതൽ ഉച്ചക്ക് 2 .30 വരെയാണ് പ്രസ്തുത മീറ്റ് നടക്കുക. ഭക്ഷ്യ ദാന്യങ്ങൾ , വിവിധ മാംസ ഉൽപ്പന്നങ്ങൾ , ഭക്ഷ്യ എണ്ണകൾ , നിത്യോപയോഗ വസ്തുക്കൾ , റോസ്‌റ്ററി, ചോക്ലേയ്റ്റസ് തുടങ്ങിയ വിവിധ ബ്രാന്ഡുകളുമായി കമ്പനി പ്രതിനിധികൾ ആനി നിരക്കും.}