Kuwait
ഇന്ത്യാ – കുവൈറ്റ് നിക്ഷേപ സാധ്യതാമീറ്റ് കുവൈറ്റിൽ നടന്നു!
കുവൈറ്റ് സിറ്റി : ഇന്ത്യൻ ബിസിനസ് & പ്രൊഫഷണൽ കൗൺസിലു (ഐ.ബി.പി.സി.) മായി സഹകരിച്ച് ഇന്ത്യൻ എംബസി കുവൈറ്റ് ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി (കെ.സി.സി.ഐ.), യൂണിയൻ ഓഫ് ഇൻവെസ്റ്റ്‌മെന്റ് കമ്പനീസ് (യൂ.ഐ സി ) എന്നിവയുടെ പിന്തുണയോടെ നിക്ഷേപ സമ്മേളനം സംഘടിപ്പിച്ചു. കുവൈറ്റ് സിറ്റിയിലെ ഫോർ സീസൺ സ് ഹോട്ടൽ അൽ മുർഖബ് ബോൾറൂംമിലായിരുന്നു ഈ മീറ്റിംഗ്. ഡിപ്പാർട്ട്‌മെന്റ് ഫോർ പ്രൊമോഷൻ ഓഫ് ഇൻഡസ്ട്രി ആൻഡ് ഇന്റേണൽ ട്രേഡ്, ഇൻവെസ്റ്റ് ഇന്ത്യ, നാഷണൽ ഇൻവെസ്റ്റ്‌മെന്റ് ആൻഡ് ഇൻഫ്രാറ്റ്‌സ്‌ട്രക്ചർ ഫണ്ട് (എൻ.ഐ.ഐ.എഫ്.), കോൺഫെഡറേഷൻ ഓഫ് ഇന്ത്യൻ ഇൻഡസ്ട്രി (സി.ഐ.ഐ.) എന്നിവയിൽ നിന്നുള്ള ഉന്നത ഉദ്യോഗസ്ഥർ നിക്ഷേപ സമ്മേളനത്തിൽ പങ്കെടുത്തു.
ഇന്ത്യൻ അംബാസഡർ ഡോ. ആദർശ് സ്വൈക, പരമ്പരാഗത സൗഹൃദത്തിന്റെയും സമ്പർക്കത്തിന്റെയും ശക്തമായ അടിസ്ഥാനത്തിൽ കുവൈറ്റിൽ നിന്ന് ഇന്ത്യയിലേക്കുള്ള നിക്ഷേപങ്ങളുടെ അപാരമായ സാധ്യതകളെക്കുറിച്ച് സംസാരിച്ചു. വിഷൻ 2035 ലക്ഷ്യത്തോടെ ലോകത്തെ അതിവേഗം വളരുന്ന പ്രധാന സമ്പദ്‌വ്യവസ്ഥയും രാജ്യവും തമ്മിലുള്ള വ്യാപാര വൈവിധ്യവൽക്കരണത്തിന്റെയും നിക്ഷേപ സഹകരണത്തിന്റെയും സമന്വയം കണ്ടെത്തേണ്ടതിന്റെ ആവശ്യകത അദ്ദേഹം ഊന്നിപ്പറഞ്ഞു.
ബഹു: വാണിജ്യ-വ്യവസായ മന്ത്രാലയത്തിന്റെ അണ്ടർ സെക്രട്ടറി ശ്രീ. മുഹമ്മദ് അനീസി, ബഹു: വാണിജ്യ, വ്യവസായ മന്ത്രി മുഹമ്മദ് ഒത്മാൻ മുഹമ്മദ് അൽ-ഐബാനെ പ്രതിനിധീകരിച്ച് പങ്കെടുക്കുകയും മുഖ്യ പ്രഭാഷണം നടത്തുകയും ചെയ്തു. കുവൈറ്റ് ഇൻവെസ്റ്റ്‌മെന്റ് അതോറിറ്റി മാനേജിംഗ് ഡയറക്ടർ ഘനേം അൽ ഗെനൈമാൻ, യൂണിയൻ ഓഫ് ഇൻവെസ്റ്റ്‌മെന്റ് കമ്പനീസ് (യുഐസി) ചെയർമാൻ സലേഹ് സാലിഹ് അൽ-സെൽമി, കുവൈറ്റ് ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി (കെസിസിഐ) ബോർഡ് അംഗം ദിരാർ അൽ ഗാനേം തുടങ്ങിയവർ സമ്മേളനത്തെ അഭിസംബോധന ചെയ്തു. കുവൈറ്റിൽ നിന്നുള്ള കൂടുതൽ സാധ്യതയുള്ള വ്യാപാരത്തിനും നിക്ഷേപത്തിനും ഇന്ത്യ നൽകുന്ന അവസരങ്ങളെ എല്ലാ കുവൈറ്റ് പ്രസംഗകരും അഭിനന്ദിച്ചു. കിയാ യുടെ മാനേജിംഗ് ഡയറക്ടർ ശ്രീ ഗാനേം അൽ ഗെനൈമാൻ, കുവൈറ്റ് – ഇന്ത്യ ഇൻവെസ്റ്റ്‌മെന്റ് കോൺഫറൻസിൽ കിയാ – യ്ക്ക് ഇന്ത്യൻ സ്ഥാപനങ്ങളുമായി ഉള്ള അടുത്ത പങ്കാളിത്തത്തെക്കുറിച്ച് സംസാരിച്ചു. ഇന്ത്യയുമായുള്ള ബന്ധം കൂടുതൽ ശക്തിപ്പെടുത്തുന്നതിന് കിയാ യുടെ താൽപ്പര്യം മാനേജിംഗ് ഡയറക്ടർ ഊന്നിപ്പറഞ്ഞു .
നാഷണൽ ഇൻവെസ്റ്റ്‌മെന്റ് ആൻഡ് ഇൻഫ്രാസ്ട്രക്ചർ ഫണ്ട്, എഫ്.ഡി. ഐ . നിക്ഷേപസാധ്യത കളുടെ അവതരണം ബന്ധപ്പെട്ടവർ നടത്തി. ഇന്ത്യയിലെ ഹോസ്പിറ്റാലിറ്റി മേഖലയിലെ ഏഷ്യ ഇൻവെസ്റ്റ്‌മെന്റ്‌സിന്റെ സി.ഇ.ഒ. ദാരി അൽ ബദറും അൽഗാനിം ഇൻഡസ്ട്രീസ് കോർപ്പറേറ്റ് കമ്മ്യൂണിക്കേഷൻസ് മേധാവി അബ്ദുൾ ലത്തീഫ് അൽ ഷാരിഖും ഇന്ത്യയിലെ വളരെ നല്ല നിക്ഷേപ അനുഭവം പങ്കുവെച്ചു. ഇന്ത്യയുടെ – കുവൈറ്റ് നിക്ഷേപ അവസരങ്ങളുടെ മുഴുവൻ സാധ്യതകളും അനാവരണം ചെയ്യുന്നതിനെ കുറിച്ച് ഇരു രാജ്യങ്ങളുടെയും പ്രമുഖരായ പ്രഭാഷകർ തമ്മിലുള്ള ഒരു പാനൽ ചർച്ചയും നടന്നു.
ഉയർന്ന നിലയിലുള്ള നിക്ഷേപക സമ്മേളനത്തിന് കുവൈറ്റിലെ പ്രമുഖ ബിസിനസ് സ്ഥാപനങ്ങളിൽ നിന്നുമുള്ള 200 ഓളം പ്രമുഖരും മുതിർന്ന സർക്കാർ ഉദ്യോഗസ്ഥരും, മാധ്യമങ്ങൾ, ഇന്ത്യൻ ബിസിനസ് പ്രൊഫഷണൽ കമ്മ്യൂണിറ്റി അംഗങ്ങൾ തുടങ്ങിയവരും സജ്ജീവമായി പങ്കെടുത്തു. ബഹു; ഇന്ത്യൻ അംബാസഡർ ഡോ. ആദർശ് സ്വൈക, വാണിജ്യ – രാഷ്ട്രീയ വിഭാഗം ഫസ്ററ് സെക്രട്ടറി ശ്രീമതി സ്മിതാ പാട്ടീൽ തുടങ്ങിയവരുമായി കുവൈറ്റി വ്യാപാര പ്രമുഖർ പ്രത്യക കൂടിക്കാഴ്ചകളും നടത്തി
കുവൈറ്റ് സിറ്റി : വേനൽ നിലാവ് – 2024 എന്ന പേരിൽ കുവൈത്തിലെ വയനാട് അസോസിയേഷൻ അംഗങ്ങൾക്കായി പിക്നിക് സംഘടിപ്പിച്ചു. ഏപ്രിൽ ൧൮ -19 വ്യാഴം വെള്ളി ദിവസങ്ങളിൽ കബദ് റിസോർട്ടിൽ കുഞ്ഞു കുട്ടികൾ മുതൽ പ്രായമായവർക് വരെ മറക്കാൻ കഴിയാത്ത ഒരു അനുഭൂതി ഉണർത്തികൊ നടൻ പിക്നിക് അരങ്ങേറിയത്. വയനാടിന്റെ ശീതളിമയാർന്ന അന്തരീക്ഷം പോലെ ഈ മരുഭൂവിലും ഏവരുടെയും മനസിനുള്ളിൽ ചെറു ചാറ്റൽ മഴയുടെ നനവ് പടർത്തി ഒരു രാവും പകലും നീളുന്ന ആഘോഷങ്ങൾ നടന്നു. ഇടവേളകളില്ലാതെ വൈവിധ്യവും,വ്യത്യസ്തതയുമാർന്ന ഗെയിമുകളും, പ്രോഗ്രാമുകളുമായി പങ്കെടുത്ത എല്ലാവരും ആടിയും പാടിയും തിമിർത്തു. ഉള്ളിലൊതുക്കിയ ജോലി ഭാരത്തിന്റെയും മറ്റുമുള്ള മാനസിക പിടിമുറുക്കങ്ങൾക്ക് അയവ് വരുത്താൻ കിട്ടിയ അവസരംഏവരും വിനിയോഗിച്ചു.
പ്രസിഡണ്ട് ശ്രീ ജിനേഷ് ജോസും മറ്റു കമ്മിറ്റിഅംഗങ്ങളും നേതൃത്വം നൽകി. സെക്രട്ടറി ശ്രീ മെനിഷ് വാസ് സ്വാഗതം പറഞ്ഞു. രക്ഷാധികാരി ശ്രീ ബാബുജി ബത്തേരി, മീഡിയ കൺവീനർ മുബറാക് കമ്പ്രതത്, എന്നിവരെ കൂടാതെ മറ്റ് സംഘടന ഭാരവാഹികളും ആശംസകൾ അറിയിച്ചു. ട്രഷറർ ശ്രീ അജേഷ് സെബാസ്റ്റ്യൻ നന്ദിപറഞ്ഞു. കൺവീനർ ശ്രീ ജിജിൽ മാത്യുവിന്റെ നേതൃത്വത്തിൽ നടന്ന വിവിധയിനം ഗെയിംമുകളും മറ്റു പ്രോഗ്രാമുകളും നടക്കുന്നതിനിടെ കൃത്യമായ ഇടവേളകളിൽ നാടൻ വിഭവങ്ങളടങ്ങിയ ഭക്ഷണങ്ങളുംകൂടിയായപ്പോൾ പങ്കെടുത്തവരെല്ലാം ഉന്മേഷഭരിതരായി. എക്സികുട്ടീവ് അംഗങ്ങളും, പിക്നിക് കമ്മിറ്റി അംഗങ്ങളും ആദ്യാവസാനം പ്രോഗ്രാമിന്റെ വിജയത്തിനായി പ്രവർത്തിച്ചു. അഡ്വൈസറി ബോർഡ് അംഗങ്ങളും മുൻ ഭാരവാഹികളും ആദ്യാവസാനം സജ്ജീവമായിരുന്നു.
കുവൈറ്റ് സിറ്റി : ഒഐസിസി കുവൈറ്റ് ആലപ്പുഴ ജില്ലാ കമ്മിറ്റിയുടെ നേതൃത്വത്തിൽ പ്രവർത്തകരോടൊപ്പം അബ്ബാസിയയിൽ കെ സി വേണുഗോപാലിന്റെയും കൊടിക്കുന്നിൽ സുരേഷിന്റെയും വിജയത്തിനായി ഭവന സന്ദർശനം നടത്തി. നാഷണൽ കമ്മിറ്റി പ്രസിഡന്റ് ശ്രീ വര്ഗീസ് പുതുക്കുളങ്ങര തിരഞ്ഞെടുപ്പ് പ്രകടനപത്രിക നൽകി ഉദ്ഘാടനം ചെയ്തു.
കോൺഗ്രസ് എന്നും ഒരു വികാരമാണ്, ഇന്ത്യയുടെ മതേതരത്വം സംരക്ഷിക്കാൻ ജനാധിപത്യം നിലനിർത്താൻ ഭരണഘടന സംരക്ഷിക്കാൻ കോൺഗ്രസ് പ്രസ്ഥാനത്തിനേ സാധ്യമാകൂ. അതിനായി രാഹുൽ ഗാന്ധിയുടെ നേതൃത്വത്തിൽ ഒരു മതേതര സർക്കാർ രാജ്യത്ത് വരേണ്ടതുണ്ട്. രാജ്ജ്യം കാക്കാൻ “കൈ ” അടയാളത്തിൽ ജാതിമത വർഗ്ഗ വർണ്ണ ഭേദമില്ലാതെ ഏവരുടെയും വിലയേറിയ വോട്ടുകൾ യുഡിഎഫ് സ്ഥാനാർത്ഥികൾക്ക് നൽകി വിജയിപ്പിക്കണമെന്നും ചിഹ്നം കാക്കാൻ നിൽക്കുന്നവരെയല്ല ഇന്ന് പരിഗണിക്കേണ്ടത് ശ്രീ വര്ഗീസ് പുതുക്കുളങ്ങര ഓർമ്മിപ്പിച്ചു.
ഒഐസിസി നാഷണൽ കമ്മിറ്റി വൈസ് പ്രസിഡന്റ് സാമുവേൽ ചാക്കോ, ജനറൽ സെക്രട്ടറി ബിനു ചെമ്പാലയം, ആലപ്പുഴ ജില്ലാ കമ്മിറ്റി പ്രസിഡന്റ് വിപിൻ മങ്ങാട്ട്, ജനറൽ സെക്രട്ടറി ബിനോയ് ചന്ദ്രൻ, യൂത്ത് വിങ് ജില്ലാ പ്രസിഡന്റ് മനോജ് റോയ്, തോമസ് പള്ളിക്കൽ, ബിജി പള്ളിക്കൽ, സാബു തോമസ്, നൈനാൻ ജോൺ തുടങ്ങിയവർ നേതൃത്വം നൽകി.
കുവൈറ്റ് സിറ്റി : ഗ്രാൻഡ് ഹൈപ്പർമാർക്കറ്റിൻ്റെ ജലീബ് ഔട്ട്‌ലെറ്റിൽ ഇനി കൂടുതൽ സൗകര്യങ്ങൾ. ജലീബ് അൽ ഷുയൂഖ് ബ്ലോക്ക് -1ലെ ഗ്രാൻഡ് ഹൈപ്പർ വിശാലമായ സൗകര്യങ്ങളോടെ റീ ലോഞ്ച് ചെയ്തു. ഉപഭോക്താക്കളുടെയും അഭ്യുദയകാക്ഷികളുടെയും സാന്നിദ്ധ്യത്തിൽ ശൈഖ് ദാവൂദ് സൽമാൻ അസ്സബാഹ്, ജാസിം മുഹമ്മദ് ഖാമിസ് അൽ ഷറാഹ് എന്നിവർ ചേർന്ന് റീലോഞ്ച് കർമ്മം നിർവഹിച്ചു. ജമാൽ അൽ ദോസരി, ഗ്രാൻഡ് ഹൈപ്പർ റീജിയണൽ ഡയറക്ടർ അയൂബ് കച്ചേരി, സി.ഇ.ഒ മുഹമ്മദ് സുനീർ, സി.ഒ.ഒ മുഹമ്മദ് അസ്ലം ചേലാട്ട്, അമാനുള്ള എന്നിവർക്ക് പുറമെ മറ്റ് മാനേജ്‌മെന്റ് പ്രതിനിധികളും പ്രത്യേക ക്ഷണിതാക്കളും പ്രമുഖ വ്യക്തിത്വങ്ങളും പങ്കെടുത്തു.
മലയാളികൾ തിങ്ങിപ്പാർക്കുന്ന അബ്ബാസിയയിൽ വ്യത്യസ്തമായ ഷോപ്പിംഗ് അനുഭവമാണ് ഗ്രാൻഡ് ഹൈപ്പർ ജലീബിന്റെ പുതുക്കിയ ശാഖയിൽ ലഭിക്കുക. ഉപഭോക്താക്കൾക്കായി തുറന്ന് കൊടുത്തു. എല്ലാ തരം ഭക്ഷണപ്രിയരെയും ആകർഷിക്കുന്നതിനായി നവീകരിച്ച വിശാലമായ ഫുഡ് കോർട്ടും വിവിധ ബ്രാൻഡുകളുടെ പിൻബലത്തോടെ സജ്ജീകരിച്ചിട്ടുണ്ട്. കുട്ടികൾക്കുള്ള കളിസഥലവും മറ്റൊരു പ്രത്യേകതയാണ്. ഷോപ്പിങിനൊപ്പം ഭക്ഷണവും കുട്ടികളുടെ വിനോദവും കൂടി ജലീബ് ഔട്ട്‌ലെറ്റിൽ സാധ്യമാക്കാം. നവീകരിച്ച പഴം – പച്ചക്കറി, മൽസ്യ- മാംസ, ഇലക്ട്രോണിക്സ്, വസ്ത്ര – പാദരക്ഷ ഡിപ്പാർട്മെന്റുകളും മികച്ച നിലവാരത്തിലാണ് ക്രമീകരിച്ചിരിക്കുന്നത് .
മൂന്ന് വിജയികൾക്ക് ഹാവേൽ കാറുകൾ, പത്തു വിജയികൾക്ക് ഐഫോൺ 15പ്രൊമാക്സ്, ഇരുനൂറ് പേർക്ക് അമ്പത് കുവൈറ്റ് ദിനാർ ഗിഫട് വൗച്ചർ തുടങ്ങി ആകർഷണീയ സമ്മാനങ്ങലുമായി ലോഞ്ച് ചെയ്തിട്ടുള്ള ഗ്രാൻഡ് ഹൈപ്പർ ഷോപ്പിങ് ഫെസ്റ്റിവലിന്റെ ലോഗോ പ്രകാശനവും ചടങ്ങിൽ നടന്നു. ശൈഖ് ദാവൂദ് അൽ സൽമാൻ അൽ സബാഹ്‌ ഗ്രാൻഡ് ഹൈപ്പർ റീജിയണൽ ഡയറക്ടർ അയ്യൂബ് കച്ചേരിക്ക് നൽകി പ്രകാശനം നിർവഹിച്ചു . ജൂൺ 28 വരെ നീണ്ടുനിൽക്കുന്ന ‘ഗ്രാൻഡ് ഷോപ്പിങ് ഫെസ്റ്റിവലിൽ’ അഞ്ചുദിനാറിനോ അതിനു മുകളിലോ ഗ്രാൻഡ് ഹൈപ്പറിന്റെ ശാഖകളിൽ നിന്നും പർച്ചേസ് ചെയ്യന്നവരിൽ നിന്ന് തിഞ്ഞെടുക്കുന്ന വിജയികളാണ് സമ്മങ്ങൾക്ക് അർഹരാകുന്നത്.
-
Kerala2 months ago39 മാസത്തെ ഡിഎ കുടിശ്ശിക കവർന്നെടുത്തു, സർക്കാരിനെതിരെ പ്രതിഷേധവുമായി, സെക്രട്ടേറിയറ്റ് ആക്ഷൻ കൗൺസിൽ
-
Kerala2 months agoക്ഷാമബത്ത കുടിശ്ശിക നൽകാത്ത സർക്കാർ ഉത്തരവിൽ പ്രതിഷേധവുമായി കെജിഒയു
-
Kerala2 months agoഡിഎ കുടിശ്ശിക, ഇടതു സർക്കാർ ജീവനക്കാരെ വഞ്ചിച്ചിരിക്കുന്നു ; കെ പി എസ് ടി എ
-
Service news1 month ago
ലീവ് സറണ്ടർ സർക്കാർ വീണ്ടും കബളിപ്പിക്കുന്നുവെന്ന് സെക്രട്ടേറിയറ്റ് ആക്ഷൻ കൗൺസിൽ
-
Special2 months agoഊരൂട്ടമ്പലം സഹകരണ ബാങ്കില് വായ്പാ തട്ടിപ്പ്: പരാതി ഉയര്ന്നതോടെ പ്യൂണിനെ ബലിയാടാക്കി ഭരണസമിതി
-
Education2 months agoഎഞ്ചിനീയറിങ് വിദ്യാര്ത്ഥികള്ക്ക് സൗജന്യ ത്രിദിന ചിപ്പ് ഡിസൈന് ശില്പ്പശാല
-
Kerala4 weeks agoസർക്കാർ ജീവനക്കാരുടെ ശമ്പളം ഔദാര്യമല്ല; തിരുവഞ്ചൂർ രാധാകൃഷ്ണൻ
-
Business2 months agoസ്പോര്ട്സ് ആരാധകരെ ലക്ഷ്യമിട്ട് ആപ്പിൾ
You must be logged in to post a comment Login