കർണാടക തദ്ദേശ തെരഞ്ഞെടുപ്പിൽ കോൺ​ഗ്രസിന് വൻ നേട്ടം ഏറ്റവും വലിയ ഒറ്റക്കക്ഷി

  • ബിജെപിക്കു വൻതിരിച്ചടി, ജെഡിഎസും വീണു

ബം​ഗളൂരു: കർണാടക തദ്ദേശ ന​ഗരസഭാ തെരഞ്ഞെടുപ്പിൽ ഇന്ത്യൻ നാഷണൽ കോൺ​ഗ്രസിനു വൻ വിജയം. സംസ്ഥാനത്തെ ന​ഗരസഭകളിലെ 1184 ഡിവിഷനുകളിലേക്കു നടന്ന തെരഞ്ഞെടുപ്പിൽ 502 സീറ്റുകൾ നേടിയ കോൺ​ഗ്രസാണ് ഏറ്റവും വലിയ ഒറ്റക്കക്ഷി. ആകെയുള്ള 58 ന​ഗരസഭകളിൽ 20 ഇടങ്ങളിൽ കോൺ​ഗ്രസ് ഒറ്റ‌യ്ക്കു ഭൂരിപക്ഷം നേടി. പതിനഞ്ചോളം ന​ഗരസഭകളിൽ ബിജെപി ഒഴികെയുള്ള കക്ഷികളുമായി യോജിച്ചു ഭരണത്തിലെത്താനുള്ള സാഹചര്യമുണ്ട്. ബിജെപിക്കു 15 ന​ഗരസഭകളാണു ലഭിച്ചത്.*
27നു നടന്ന വോട്ടടുപ്പിന്റെ ഫലം ഇന്നലെയാണ് പുറത്തുവന്നത്. സംസ്ഥാന ഭരണകക്ഷിയായ ബിജെപിക്കു തെരഞ്ഞെടുപ്പ് ഫലം വലിയ തിരിച്ചടിയായി. അവർ ഭരണത്തിലിരുന്ന പല ന​ഗരസഭകളും കോൺ​ഗ്രസ് തിരിച്ചു പിടിച്ചു. ആകെ 433 ഡിവിഷനുകളിലാണു ബിജെപിക്കു വിജയിക്കാനായത്. നേരത്തേ സംസ്ഥാന ഭരണം കൈയാളിയിട്ടുള്ള ജെഡിഎസ് 45 സീറ്റുകളിലൊതുങ്ങി. 195 സ്വതന്ത്രരും വിജയിച്ചു. ഇവരിൽ നല്ല പങ്കും കോൺ​ഗ്രസുമായി സഹകരിക്കുമെന്ന് വ്യക്തമാക്കിയിട്ടുണ്ട്.
തെരഞ്ഞെടുപ്പ് വിജയം ജനങ്ങളുടെ വിജയമാണെന്നു കർണാടക പിസിസി പ്രസിഡന്റ് ഡി.കെ. ശിവകുമാർ പറഞ്ഞു. ആസന്നമായ നിയമസഭാ തെരഞ്ഞെടുപ്പിൽ കോൺ​ഗ്രസിന് വലിയ പ്രതീക്ഷ നൽകുന്ന വിജയമാണിതെന്നും മതനിരപേക്ഷ കക്ഷികൾ കോൺ​ഗ്രസിനൊപ്പം നിൽക്കുമെന്നും അദ്ദേഹം വ്യക്തമാക്കി.

Related posts

Leave a Comment