Cinema
സ്ത്രീ കഥാപാത്രത്തിനു പ്രാധാന്യം; ആത്മീയാരാജൻ കേന്ദ്ര കഥാപാത്രമാകുന്നു
*സിനിമയിൽ സ്ത്രീകഥാപാത്രങ്ങൾക്കു പ്രാധാന്യം കുറഞ്ഞുവരുന്ന സാഹചര്യത്തിൽ നവാഗതനായ ഉണ്ണിദാസ് കൂടത്തിൽ പൂർണ്ണമായും ഒരു സ്ത്രി പക്ഷ നിനിമയുമായി കടന്നു വരുന്നു.’ഇനിയും പേരു നൽകിയിട്ടില്ലാത്ത ഈ ചിത്രം എറണാകുളം, മുളന്തുരുത്തിക്കടു ത്തുള്ള പൈങ്ങാരപ്പിള്ളി. യിൽനടന്നു വരുന്നു.ഒരു തറവാടിനെ പ്രധാന പശ്ചാത്തലമാക്കിയുള്ള ഒരു കഥയാണ് ഈ ചിത്രത്തിൻ്റേത്.നല്ല സിനിമയുടെ ബാനറിൽ ഫയാസ് മുഹമ്മദ്,ഫറാസ് മുഹമ്മദ് എന്നിവർഈ ചിത്രം നിർമ്മിക്കുന്നു.എക്സിക്കുട്ടീവ് പ്രൊഡ്യൂസർ- അഷ്ന റഷീദ്ഈ ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത് ആത്മീയാരാജനാണ്. കലാപരമായും, സാമ്പത്തികമായും ഏറെ വിജയം വരിച്ചു ജോസഫ് എന്ന ചിത്രത്തിലൂടെ പ്രേഷകർക്കിടയിൽ ഏറെ അംഗീകാരം നേടിയ നടിയാണ് ആത്മീയ ‘അതിനു ശേഷം മലയാളത്തിലും തമിഴിലുമായി ഏതാനും ചിത്രങ്ങളിലും ആത്മീയ മികച്ച കഥാപാത്രങ്ങളെ അവതരിപ്പിക്കുകയുണ്ടായി.വീണ്ടും ശക്തമായ ഒരു കഥാപാത്രവുമായി അതും. ചിത്രത്തിലെ കേന്ദ്ര കഥാപാത്രമായി ആത്മീയ എത്തുകയാണ്. ഇതിലെ ജാനകി എന്ന ജാനു ആത്മീയയെ മുൻനിരയിലേക്ക് ഉയർത്താൻ ഏറെ സഹായകരമായിരിക്കും.താരപ്പൊലിമയേക്കാൾ കാമ്പുള്ള ഒരു കഥയും അതിന് അനുസരിച്ചുള്ള അഭിനേതാക്കളേയും ഉൾപ്പെടുത്തിയാണ് ഈ ചിത്രത്തിൻ്റെ അവകരണം.ഒരു പെൺകുട്ടി വിവാഹിതയായി പുതിയൊരു തറവാട്ടിലേക്ക് കടന്നുവരുന്നത് വലിയ സ്വപ്നങ്ങളുമായിട്ടാണ്.ജാനകി എന്ന ജാനു വിവാഹിതയായി പുരാതനമായ ഒരു തറവാട്ടിലേക്കു കടന്നു വരുന്നതോടെയാണ്.ചിത്രത്തിൻ്റെ കഥാവികസനം. പുതിയ ജീവിതം. പുതിയ വീട്.. പുതിയ ബന്ധുക്കൾ….അതുവരെ യുള്ള ജീവിതത്തിൽ നിന്നും തികച്ചും വ്യത്യസ്ഥമായ ജീവിത സാഹചര്യങ്ങളാണ് വിവാഹിതയായി എത്തുന്ന ഓരോ പെൺകുട്ടിയും നേരിടേണ്ടത്.ജാനകിയെ നമുക്ക് അവരുടെ പ്രതിനിധിയായി കാണാം.കുടുംബജീവിതത്തെക്കുറിച്ച് ഏറെ ബോദ്ധ്യവും ഒപ്പം തന്നെ ഉറച്ച തീരുമാനങ്ങളുമുള്ള ജാനകിയുടെ പിന്നിടുള്ള ജീവിതത്തിൽ അരങ്ങേറുന്ന സംഭവങ്ങളുടെ ചലച്ചിത്രാവിഷ്ക്കാരണ മാണീച്ചിത്രം.ശക്തമായ ഒരു കുടുംബകഥ ത്രില്ലർ മൂഡിൽ അവതരിപ്പിക്കുകയാണ് ഈ ചിത്രത്തിലൂടെപുതുമുഖം ഫഹദ് സിദ്ദിഖ് ആണ് ഈ ചിത്രത്തിലെ നായകൻ.ശ്രീജിത്ത് രവി, സെന്തിൽ കൃഷ്ണ. കുടശ്ശനാട് കനകം, വീണാ നായർ, രാജേഷ് കണ്ണൂർ, ഋതു മന്ത്ര, എന്നിവരും പ്രധാന വേഷങ്ങളിലുണ്ട്.സംവിധായകനും ഛായാഗ്രാഹകനുമായ രാജീവ് രവിയുടെ നേതൃത്ത്വത്തിലുള്ള കൊച്ചിൻ മീഡിയാ ഇൻസ്റ്റിട്യൂട്ടിൽ നിന്നും പരിശീലനം പൂർത്തിയാക്കിയ മൂന്നു പേർ ഈ ചിത്രത്തിൻ്റെ അണിയറയിൽ പ്രവർത്തിക്കുന്നുണ്ട്. സംവിധായകൻ ഉണ്ണിദാസ് കൂടത്തിൽ, എഡിറ്റർ- അഖിൽ ദാസ്.. ഛായാഗ്രാഹകൻ – ശ്രീരാഗ് മാങ്ങാട് എന്നിവരാണിവർ. അവരുടെ കൂട്ടായ സംരംഭം കൂടിയാണ് ഈ ചിത്രം.സംവിധായകൻ്റേതു തന്നെയാണ് ഈ ചിത്രത്തിൻ്റെ തിരക്കഥയും.ഗാനങ്ങൾ വിനായക് ശശികുമാർ.സംഗീതം – ഡെൻസൺ ഡൊമിനിക്.കലാസംവിധാനം – അനീസ് നാടോടി.മേക്കപ്പ് – റോണി വെള്ളത്തൂവൽകോസ്റ്റ്യും ഡിസൈൻ- അരുൺ മനോഹർ.ഫിനാൻസ് കൺട്രോളർ -വിജയൻ ഉണ്ണി.പ്രൊഡക്ഷൻ എക്സിക്കുട്ടീവ് – പ്രവീൺ എടവണ്ണപ്പാറപ്രൊഡക്ഷൻ കൺട്രോളർ – ബിനു മണമ്പൂർമുളന്തുരുത്തിയും പരിസരങ്ങളിലുമായി ഈ ചിത്രത്തിൻ്റെ ചിത്രീകരണം പുരോഗമിക്കുന്നു.വാഴൂർ ജോസ്.ഫോട്ടോ നിധിൻ
കൊച്ചി: ഹേമ കമ്മിറ്റി റിപ്പോര്ട്ടില് സര്ക്കാറിനോട് കടുത്ത ചോദ്യവുമായി ഹൈക്കോടതി. ഹേമ കമ്മിറ്റി റിപ്പോര്ട്ടുമായി ബന്ധപ്പെട്ട ഹര്ജികള് പ്രത്യേക ബെഞ്ച് പരിഗണിച്ചപ്പോഴായിരുന്നു കോടതി ചോദ്യങ്ങളുയര്ത്തിയത്. എന്തുകൊണ്ട് റിപ്പോര്ട്ടില് അടിയന്തര നടപടിയെടുത്തില്ലെന്നും മൂന്ന് വര്ഷം എന്തെടുക്കുകയായിരുന്നെന്നും ജസ്റ്റിസ് എ.കെ. ജയശങ്കരന് നമ്പ്യാര്, ജസ്റ്റിസ് സി.എസ്. സുധ എന്നിവരടങ്ങുന്ന ഡിവിഷന് ബെഞ്ച് ചോദിച്ചു. ഹേമ കമ്മിറ്റി റിപ്പോര്ട്ടിന്റെ പൂര്ണരൂപം മുദ്രവെച്ച കവറില് സര്ക്കാര് ഹൈക്കോടതിയില് നല്കിയിരുന്നു. ഇത് സിനിമ മേഖലയിലെ ലൈംഗികാതിക്രമ പരാതികള് അന്വേഷിക്കുന്ന പ്രത്യേക പൊലീസ് സംഘത്തിന് കൈമാറാന് ഹൈകോടതി നിര്ദേശം നല്കി.
ഹേമ കമ്മിറ്റി റിപ്പോര്ട്ടിന്റെ പൂര്ണരൂപം അന്വേഷണ സംഘത്തിന് ലഭിക്കുന്നതോടെ കൂടുതല് നടപടികള് കൈക്കൊള്ളേണ്ടിവരും. നേരത്തെ, മൊഴി നല്കിയവരുടെ സ്വകാര്യത സംരക്ഷിക്കണമെന്ന വാദം മുന്നിര്ത്തി ഏതാനും ഭാഗങ്ങള് ഒഴിവാക്കിയാണ് സര്ക്കാര് ഹേമ കമ്മിറ്റി റിപ്പോര്ട്ട് പുറത്തുവിട്ടിരുന്നത്.
റിപ്പോര്ട്ടില് സര്ക്കാര് എന്ത് നടപടി സ്വീകരിച്ചെന്ന് കോടതി ചോദിച്ചു. പ്രത്യേക അന്വേഷണ സംഘത്തെ നിയോഗിച്ചെന്നും വിവിധ സ്റ്റേഷനുകളിലായി 23 കേസുകള് രജിസ്റ്റര് ചെയ്തെന്നുമാണ് സര്ക്കാറിന് വേണ്ടി അഡ്വക്കറ്റ് ജനറല് മറുപടി നല്കിയത്. സിനിമ മേഖലയിലെ പ്രശ്നങ്ങള് പഠിക്കാന് വേണ്ടിയാണ് സമിതിയെ നിയോഗിച്ചതെന്ന ബാലിശമായ വാദം സര്ക്കാര് കോടതിയിലുയര്ത്തി. 2021ല് റിപ്പോര്ട്ട് ഡി.ജി.പിക്ക് ലഭിച്ചിരുന്നതല്ലേയെന്നും എന്തുകൊണ്ടാണ് നടപടി സ്വീകരിക്കാതിരുന്നതെന്നും കോടതി ചോദിച്ചു.
സര്ക്കാരിന്റേത് അതിശയിപ്പിക്കുന്ന നിഷ്ക്രിയത്വമാണ്. കോടതിക്ക് നിഷ്ക്രിയമായി ഇരിക്കാനാകില്ല. റിപ്പോര്ട്ടില് ബലാത്സംഗം, പോക്സോ കേസുകള് റജിസ്റ്റര് ചെയ്യാനുള്ള വസ്തുതയുണ്ട് -കോടതി ചൂണ്ടിക്കാട്ടി.
ഹേമ കമ്മിറ്റി റിപ്പോര്ട്ട് പുറത്തുവിടുന്നതിനെതിരെ നിര്മാതാവ് സജിമോന് പാറയില് നല്കിയ അപ്പീല് ഹരജി, ആരോപണ വിധേയരായവര്ക്കെതിരെ കേസെടുക്കണമെന്നാവശ്യപ്പെട്ട് പൊതുപ്രവര്ത്തകനായ പായിച്ചിറ നവാസ് നല്കിയ പൊതുതാല്പര്യ ഹരജി, കുറ്റകൃത്യങ്ങള് ചെയ്തവര്ക്കെതിരെ ക്രിമിനല് നടപടി സ്വീകരിക്കാത്തതിനെതിരെ മുന് എം.എല്.എ ജോസഫ് എം. പുതുശേരി ഫയല് ചെയ്ത ഹരജി തുടങ്ങിയവയാണ് ബെഞ്ച് പരിഗണിച്ചത്. ഹേമ കമ്മിറ്റി റിപ്പോര്ട്ട് പുറത്തുവിടുരുതെന്ന ഹരജിക്ക് ഇനി പ്രസക്തിയില്ലെന്ന് കോടതി ചൂണ്ടിക്കാട്ടി.
കോഴിക്കോട്∙ സംവിധായകൻ അരവിന്ദനെയും സുരാസുവിനെയുമൊക്കെ കുട്ടിക്കാലംതൊട്ട് കണ്ടുവളർന്ന ഒരാൾ. എഴുപതാംവയസ്സിൽ അദ്ദേഹം ഒരു മ്യൂസിക്കൽ വിഡിയോയിൽ ക്യാമറയ്ക്കു മുന്നിലെത്തിയത് നായകനായാണ്. അഭിനയിക്കുമ്പോൾ അദ്ദേഹമോർത്തത് അരവിന്ദൻ പണ്ടു പറഞ്ഞുകേട്ട വാക്കുകളാണ്…‘‘ക്യാമറാമാന്റെ കയ്യിലെ മെറ്റീരിയലാണ് അഭിനേതാവ്. സ്വാഭാവികമായിരിക്കണം പെരുമാറ്റം.’’കഴിഞ്ഞ ദിവസം പുറത്തിറങ്ങിയ ‘മഴയേ’ എന്ന മ്യൂസിക്കൽ വിഡിയോയിലാണ് വെങ്കിടേഷ് മനോഹർ എന്ന എഴുപതുകാരൻ നായകനായെത്തിയത്.
1954 ഓഗസ്റ്റ് ഏഴിനു ജനിച്ചയാളാണ് വെങ്കിടേഷ്.കുട്ടിക്കാലത്ത് കോഴിക്കോട് നഗരത്തിൽ പാരഗൺ ഹോട്ടലിനു സമീപത്താണ് മനോഹറും കുടുംബവും താമസിച്ചിരുന്നത്. അന്ന് പാരഗൺ ഹോട്ടലിനുമുകളിൽ ലോഡ്ജുണ്ട്. മനോഹറിന് പത്തുപന്ത്രണ്ടു വയസ്സുള്ള കാലത്ത് അവിടെയാണ് സംവിധായകൻ അരവിന്ദൻ താമസിച്ചിരുന്നത്. അരവിന്ദന്റെ മുറിയിൽ ആർടിസ്റ്റ് നമ്പൂതിരിയും സുരാസുവുമടക്കമുള്ള കലാകാരൻമാർ ഒത്തുകൂടുമായിരുന്നു. ഉത്തരായണം പോലുള്ള സിനിമകളുടെ ചിന്ത പിറന്നത് ഈ മുറിയിൽവച്ചാണ്. അന്ന് ആ മുറിയിലെ സന്ദർശകനായിരുന്ന വെങ്കിടേഷ് മനോഹർ ഇവരെല്ലാവരുമായും സൗഹൃദമുണ്ടാക്കിയിരുന്നു.പിൽക്കാലത്ത് സംവിധായകൻ ജോൺ ഏബ്രഹാമിന്റെ അമ്മ അറിയാൻ എന്ന സിനിമയുടെ ചിത്രീകരണം നടക്കുമ്പോൾ അഭിനേതാവായെത്തിയ ഹരിയുടെ സഹായിയായി വെങ്കിടേഷ് മനോഹറും കൂടെയുണ്ടായിരുന്നു. അന്നുംഇന്നും നല്ല സിനിമകളെ ഏറെ ഇഷ്ടപ്പെടുന്നയാളാണ് മനോഹർ. പല ഭാഷകളിലുള്ള കലാമൂല്യമുള്ള സിനിമകൾ കാണുന്നയാളാണ്. നല്ല വായനക്കാരനുമാണ്.മുതിർന്നപ്പോൾ പൈ ബുക്സിൽ ജീവനക്കാരനായി. അക്കാലത്ത് കുഞ്ഞുണ്ണി മാഷും പുനത്തിൽ കുഞ്ഞബ്ദുല്ലയുമടക്കമുള്ളവരുമായി സൗഹൃദത്തിലായി. മൾബറി ബുക്സ് ഉടമയും കവിയുമായ ഷെൽവിയടക്കമുള്ളവരുമായി അടുത്ത സൗഹൃദം സൂക്ഷിച്ചിരുന്നു. നിലവിൽ മലയാള മനോരമയുടെ സർക്കുലേഷൻ വിഭാഗത്തിലാണ് മനോഹർ ജോലി ചെയ്യുന്നത്.
മഴയുടെ പശ്ചാത്തലത്തിൽ മേഘമൽഹാർ രാഗത്തിൽ ഒരുക്കിയ ചെറിയൊരു ആൽബം സോങ്ങാണ് ‘മഴയേ’. വിരഹം സൃഷ്ടിക്കുന്ന ശൂന്യതയാണ് പാട്ടിൽ കേൾവിക്കാരനെ കാത്തിരിക്കുന്നത്.കോഴിക്കോട് മുഖദാർ സ്വദേശിയായ യുവ ഗായകൻ അഹമ്മദ് ജംഷീദാണ് പാട്ട് പാടിയത്. വിവിധ മ്യൂസിക്കൽ ആൽബങ്ങളിലൂടെ ശ്രദ്ധേയനാണ് അഹമ്മദ് ജംഷീദ്.മാധ്യമപ്രവർത്തകനും ഗാനരചയിതാവുമായ മിത്രൻ വിശ്വനാഥാണ് പാട്ടെഴുതിയത്. കോഴിക്കോട് സിറ്റിപൊലീസിലെ പൊലീസുകാരനും സംഗീതജ്ഞനുമായ പ്രശാന്ത് മൽഹാറാണ് സംഗീതസംവിധാനം നിർവഹിച്ചത്. തൃശൂർ സ്വദേശിയായ സംഗീതജ്ഞൻ എഡ്വിൻ ജോൺസണാണ് പാട്ടിന് പശ്ചാത്തല സംഗീതമൊരുക്കിയത്. പൂർണമായും സാംസങ് എ 53 എന്ന മൊബൈൽഫോണിൽ ചിത്രീകരിച്ചതാണ് മഴയേ എന്ന പാട്ട്.
തൊടുപുഴ: ഷൂട്ടിങ് ലൊക്കേഷനിൽ നടൻ ജയസൂര്യ അപമാനിച്ചെന്ന കേസിൽ പരാതിക്കാരിയായ നടി തൊടുപുഴ പൊലീസ് സ്റ്റേഷനിൽ എത്തി. നടിയുടെ രഹസ്യമൊഴി രേഖപ്പെടുത്തി. തിരുവനന്തപുരം കരമന പൊലീസ് എടുത്ത കേസ് തൊടുപുഴ പൊലീസിനു കൈമാറുകയായിരുന്നു. 2013ൽ തൊടുപുഴയിൽ ചിത്രീകരിച്ച ‘പിഗ്മാൻ’ സിനിമയുടെ സെറ്റിൽ വച്ച് ജയസൂര്യ ലൈംഗിക അതിക്രമം കാണിച്ചുവെന്നായിരുന്നു നടിയുടെ പരാതി. ജയസൂര്യ കടന്നുപിടിച്ചെന്നാണ് നടി അന്വേഷണ ചുമതലയുള്ള ഐജി ജി. പൂങ്കുഴലിക്ക് മൊഴി നൽകിയത്. ഇതിന്റെ അടിസ്ഥാനത്തിലാണ് കരമന പൊലീസ് കേസെടുത്തത്. ഇതിന്റെ എഫ്ഐആർ തൊടുപുഴ പൊലീസിനു കൈമാറുകയായിരുന്നു. നേരത്തേ, സെക്രട്ടേറിയറ്റിൽ ‘ദേ ഇങ്ങോട്ട് നോക്കിയേ’ സിനിമയുടെ ഷൂട്ടിങ്ങിനിടെ ജയസൂര്യ കടന്നുപിടിച്ചെന്ന ആലുവ സ്വദേശിനിയായ നടിയുടെ പരാതിയിൽ കന്റോൺമെന്റ് പൊലീസ് കേസെടുത്തിരുന്നു.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News3 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News4 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login