Connect with us
inner ad

Featured

കൂടുതൽ സംഭാവന നൽകിയത് സാന്റിയാ​ഗോ മാർട്ടിൻ,
പണ്ട് കൊടുത്തത് ദേശാഭിമാനിക്ക്

Avatar

Published

on

ന്യൂഡൽഹി: ഇലക്റ്ററൽ ബോണ്ട് വഴി രാഷ്‍ട്രീയ കക്ഷികൾക്ക് ഏറ്റവും കൂടുതൽ സംഭാവനകൾ നൽകിയത് ഒറ്റനമ്പർ ലോട്ടറി രാജാവ് സാൻഡിയാ​ഗോ മാർട്ടിൻ. ഇദ്ദേഹമാണ് പണ്ട് സിപിഎം മുഖപത്രമായ ദേശാഭിമാനിക്കു വഴിവിട്ട് സഹായം ചെയ്തു വിവാ​ദമുണ്ടാക്കിയിരുന്നു. ലോട്ടറി രാജാവ് എന്നു വിശേഷിപ്പിക്കപ്പെടുന്ന സാന്റിയാഗോ മാർട്ടിനിൽ നിന്നും ദേശാഭിമാനി ദിനപത്രം രണ്ടു കോടി രൂപ നിക്ഷേപമായി സ്വീകരിച്ചു എന്നായിരുന്നു ആരോപണം. ദേശാഭിമാനി ദിനപത്രത്തിന്റെ ജനറൽ മാനേജരായിരുന്ന ഇ.പി. ജയരാജൻ ആണ് ഈ തുക കൈപ്പറ്റിയത്. ഇതിനെതിരേ വി.എസ് അച്യുതാനന്ദൻ അന്നു അതിരൂക്ഷമായാണു പ്രതികരിച്ചത്.
മാർട്ടിന്റെ ഉടമസ്ഥതയിലുള്ള പ്രമുഖ ലോട്ടറി കമ്പനിയായ ഫ്യൂച്ചർ ഗെയിമിംഗ് ആൻഡ് ഹോട്ടൽ സർവീസസ് പ്രൈവറ്റ് ലിമിറ്റഡാണ് ഇലക്റ്ററൽ ബോണ്ട് പട്ടികയിൽ ഒന്നാം സ്ഥാനത്തെന്നു തെരഞ്ഞെടുപ്പ് കമ്മിഷൻ പുറത്തു വിട്ട രേഖയിൽ പറയുന്നു. ലോട്ടറി രാജാവെന്ന് അറിയപ്പെടുന്ന സാൻ്റിയാഗോ മാർട്ടിൻ്റെ കമ്പനി 1,368 കോടി രൂപയാണ് സംഭാവന നൽകിയിരിക്കുന്നത്. സോജില ടണൽ പോലുള്ള സുപ്രധാന പ്രോജക്ടുകളിൽ പങ്കാളിത്തത്തിന് പേരുകേട്ട ഹൈദരാബാദ് ആസ്ഥാനമായുള്ള ഇൻഫ്രാസ്ട്രക്ചർ ഭീമനായ മേഘ എഞ്ചിനീയറിംഗ് ആൻഡ് ഇൻഫ്രാസ്ട്രക്ചേഴ്സ് ലിമിറ്റഡ് ആണ് രണ്ടാമത്. കൃഷ്ണ റെഡ്ഡിയുടെ നേതൃത്വത്തിൽ 966 കോടി രൂപയുടെ സംഭാവനകൾ നൽകിയെന്നാണ് കണക്ക്. 2019 മുതൽ 2024 വരെയുള്ള ഇലക്ടറൽ ബോണ്ട് വിശദാംശങ്ങളാണ് തിരഞ്ഞെടുപ്പ് കമ്മീഷൻ പുറത്തുവിട്ടത്.

ഇലക്ടറൽ ബോണ്ടുകൾ വഴി 410 കോടി രൂപ സംഭാവന ചെയ്ത ലോജിസ്റ്റിക് സ്ഥാപനമായ മുംബൈയിലെ ക്വിക്ക് സപ്ലൈ ചെയിൻ പ്രൈവറ്റ് ലിമിറ്റഡാണ് മൂന്നാം സ്ഥാനത്ത്. യഥാക്രമം 400 കോടി രൂപയും 377 കോടി രൂപയും സംഭാവന നൽകിയ മൈനിംഗ് ഭീമൻ വേദാന്ത ലിമിറ്റഡും ആർപി-സഞ്ജീവ് ഗോയങ്ക ഗ്രൂപ്പിൻ്റെ ഹാൽദിയ എനർജിയും ആദ്യത്തെ പത്ത് ദാതാക്കളിൽ ഉൾപ്പെടുന്നു.

Advertisement
1000x200 PX MALAYALI DCTR MDX-02-02

ഇന്ത്യയിലെ ഏറ്റവും വലിയ കമ്പനികളിലൊന്നായ ഭാരതി എയർടെൽ ഗ്രൂപ്പും മറ്റൊരു ഖനന ഭീമനായ എസ്സൽ മൈനിംഗ് ആൻഡ് ഇൻഡസ്ട്രീസ് ലിമിറ്റഡും ഗണ്യമായ സംഭാവനകൾ നൽകിയിട്ടുണ്ട്. ഉരുക്ക് വ്യവസായിയായ ലക്ഷ്മി നിവാസ് മിത്തൽ 35 കോടി രൂപ ഇലക്ടറൽ ബോണ്ടുകളിലേക്ക് സംഭാവന നൽകി.

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Choonduviral

പിണറായിയുടെ സ്ഥാനാർത്ഥി ആനിയോ സുരേന്ദ്രനോ…? രേവന്ത് റെഡ്ഡി

Published

on

കൽപ്പറ്റ: വയനാട്ടിൽ പിണറായിയുടെ സ്ഥാനാർഥി ആനി രാജയാണോ അതോ കെ.സുരേന്ദ്രനാണോയെന്ന് തെലങ്കാന മുഖ്യമന്ത്രി രേവന്ത് റെഡ്ഡി. വയനാട്ടിൽ പിണറായി വിജയനാണ് കെ സുരേന്ദ്രന്റെ സ്ഥാനാർത്ഥിത്വത്തിനു പിന്നിലെന്നാണ് ഞാൻ മനസിലാക്കുന്നത്. തന്റെയും കുടുംബത്തിന്റെയും അഴിമതികേസുകളിൽ നിന്ന് രക്ഷപ്പെടാൻ പിണറായി വിജയൻ മോദിയുമായി സന്ധി ചെയ്‌തിരിക്കുകയാണെന്ന് തെലങ്കാന മുഖ്യമന്ത്രി രേവന്ത് റെഡ്ഡി പറഞ്ഞു.
യു.ഡി.എഫിന്റ വിവിധ തെരഞ്ഞെടുപ്പ് യോഗങ്ങളിൽ സംസാരിക്കുകയായിരുന്നു അദ്ദേഹം. പിണറായി വിജയൻറെ മകൾ പോലും അഴിമതിയിൽ പങ്കാളിയാകുന്നതാണ് നമ്മൾ കാണുന്നത്.

പിണറായിയും കുടുംബവും സ്വർണ്ണക്കടത്ത് കേസിൽ വരെ പങ്കാളികളാണ്. എന്നാൽ ഇ ഡി യും ആദായ നികുതി വകുപ്പും പിണറായിയെ തൊടാത്തത് എന്തുകൊണ്ടാണെന്ന് അദ്ദേഹം ചോദിച്ചു. സ്വന്തം അണികളെ വഞ്ചിക്കുന്ന പിണറായിയെ ജനങ്ങൾ എങ്ങനെ വിശ്വസിക്കും. പിണറായി വിജയൻ കമ്മ്യൂണിസ്റ്റ് ലീ ഡറല്ലെന്നും ‘കമ്മ്യൂണലിസ്റ്റ്’ ലീഡറാണെന്നും അദ്ദേഹം ആരോപിച്ചു.

Advertisement
1000x200 PX MALAYALI DCTR MDX-02-02

തെലങ്കാനയിലെ 17 സിറ്റുക ളിൽ 14ലും ഇൻഡ്യ മുന്നണി വിജയിക്കുമെന്ന് തെലുങ്കാന മുഖ്യമന്ത്രിയെന്ന നിലയിൽ ഉറപ്പു നൽകുകയാണെന്നും അദ്ദേഹം പറഞ്ഞു. മേപ്പാടിയിൽ അഡ്വ. ടി സിദ്ദിഖ് എംഎൽഎ നയിക്കുന്ന ‘മൊഹബത്ത് കി ദു ഖാൻ’ തെരഞ്ഞെടുപ്പ് പ്രചരണ ജാഥയിൽ യുഡിഎഫ് കൽപ്പറ്റ നിയോജക മണ്ഡലം തെര ഞ്ഞെടുപ്പ് കമ്മിറ്റി ചെയർമാൻ ടി. ഹംസ അധ്യക്ഷനായിരുന്നു. ടി. സിദ്ദിഖ് എംഎൽഎ. ഡിസിസി പ്രസിഡൻ്റ് എൻഡി അപ്പച്ചൻ, മണ്ഡലം തെരഞ്ഞെടുപ്പ് കമ്മിറ്റി കൺവീനർ പിപി ആലി, മുസ്ലിംലീഗ് മണ്ഡലം ജനറൽസെക്രട്ടറി സലിം മേമന, കോൺഗ്രസ് ബ്ലോക്ക് പ്രസിഡന്റ് ബി സുരേഷ്, കൽപ്പറ്റ നഗരസഭ ചെയർമാൻ ടി ജെ ഐസക്ക്, യൂത്ത് ലീഗ് ജില്ലാ പ്രസിഡൻ്റ് എം.പി നവാസ്. പി.കെ അഷ്റഫ്. പോൾസൻ പൂവക്കൽ സംസാരിച്ചു.

Advertisement
1000x200 PX MALAYALI DCTR MDX-02-02
Continue Reading

Featured

കർണാടകയിൽ ബിജെപി എംപി കോൺഗ്രസിൽ ചേർന്നു

Published

on

ബംഗ്ലൂരു: കർണാടകയിൽ ബിജെപി സിറ്റിംഗ് എംപി കോൺഗ്രസിൽ ചേർന്നു. കൊപ്പാല്‍ മണ്ഡലത്തില്‍ നിന്നുള്ള ബി.ജെ.പി എം.പി കാരാഡി സങ്കണ്ണ അമരപ്പയും സഹപ്രവർത്തകരും ബുധനാഴ്ച കോണ്‍ഗ്രസില്‍ ചേർന്നു.മുഖ്യമന്ത്രി സിദ്ധാരാമയ്യ, ഉപമുഖ്യമന്ത്രി ഡി.കെ. ശിവകുമാർ എന്നിവർ ത്രിവർണ പതാക കൈമാറി അവരെ കോണ്‍ഗ്രസിലേക്ക് സ്വാഗതം ചെയ്തു.

കൊപ്പല്‍ ജില്ല ചുമതലയുള്ള മന്ത്രി ശിവരാജ് തങ്കഡഗി, എം.എല്‍.എമാരായ കെ. രാഘവേന്ദ്ര ഹിത്നല്‍, ബസവരാജ് റായറെഡ്ഢി, ഹമ്ബനഗൗഡ ബദർളി, ലക്ഷ്മണ്‍ സവാദി, ഡി.സി.സി പ്രസിഡന്റ് അമരേ ഗൗഡ ബയ്യപൂർ, മുൻ മന്ത്രി എച്ച്‌.എം. രേവണ്ണ, കെ.പി.സി.സി ഭാരവാഹികള്‍ എന്നിവർ പങ്കെടുത്തു

Advertisement
1000x200 PX MALAYALI DCTR MDX-02-02
Continue Reading

Featured

കേരളത്തില്‍ പിണറായി വിരുദ്ധ തരംഗമെന്ന് എംഎം ഹസ്സന്‍

Published

on

കല്‍പ്പറ്റ: കേരളത്തില്‍ ആഞ്ഞടിക്കുക പിണറായി വിരുദ്ധ തരംഗമാണെന്ന് കെ പി സി സി ആക്ടിംഗ് പ്രസിഡന്റ് എം എം ഹസ്സന്‍. യു ഡി എഫ് 20 സീറ്റുകളിലും വിജയിക്കും. ഈ തെരഞ്ഞെടുപ്പ് ഇടതുമുന്നണിയുടെ എട്ടുവര്‍ഷത്തെ ഭരണത്തിന്റെ വിലയിരുത്തലായി കണക്കാക്കാന്‍ മുഖ്യമന്ത്രിയും. എം വി ഗോവിന്ദനും തയ്യാറുണ്ടോയെന്നും വയനാട് ജില്ലാകോണ്‍ഗ്രസ് കമ്മിറ്റി ഓഫീസില്‍ നടത്തിയ വാര്‍ത്താസമ്മേളനത്തില്‍ അദ്ദേഹം ചോദിച്ചു. പ്രധാനമന്ത്രി മുഖ്യമന്ത്രിയുടെയും മകളുടെയും പേരെടുത്ത് സംസാരിച്ചിട്ടും ഈ നിമിഷം വരെ മറുപടി പറയാന്‍ പിണറായി വിജയന്‍ തയ്യാറായിട്ടില്ല. ആ മറുപടി കേള്‍ക്കാന്‍ കേരളത്തിലെ വോട്ടര്‍മാര്‍ അഗ്രഹിക്കുന്നുണ്ട്. മുഖ്യമന്ത്രിയുടെ ധൈര്യവും ശൗര്യവും എവിടെപ്പോയെന്നും ഹസന്‍ ചോദിച്ചു. വോട്ടര്‍പട്ടികയിലെ ഇരട്ടിപ്പ് തടഞ്ഞില്ലെങ്കില്‍ സ്വാഭാവികമായി കള്ളവോട്ട് നടക്കും. ആറ്റിങ്ങല്‍ ഉള്‍പ്പെടെയുള്ള മണ്ഡലങ്ങളില്‍ യു ഡി എഫ് പരാതിയുമായി മുന്നോട്ടുപോകുകയാണ്. യു ഡി എഫ് വോട്ടര്‍പട്ടികയിലെ ക്രമക്കേട് ആവര്‍ത്തിച്ചുപറയുമ്പോഴും ബി ജെ പി ഇക്കാര്യത്തില്‍ മൗനം പാലിക്കുകയാണെന്നും ഹസ്സന്‍ കുറ്റപ്പെടുത്തി. 85 വയസു കഴിഞ്ഞവര്‍ക്ക് വീട്ടില്‍ വോട്ട് ചെയ്യാനുള്ള നടപടികള്‍ ആരംഭിച്ചു കഴിഞ്ഞിട്ടുണ്ട്. വടകര ഉള്‍പ്പെടെയുള്ള മണ്ഡലങ്ങളില്‍ എല്‍ ഡി എഫ് അനുഭാവികളായ ഉദ്യോഗസ്ഥരെയാണ് ഇതിനായി നിയോഗിച്ചിട്ടുള്ളത്.

ഇക്കാര്യം ചൂണ്ടിക്കാട്ടി തെരഞ്ഞെടുപ്പ് കമ്മീഷന് പരാതി നല്‍കിയിട്ടുണ്ട്. കര്‍ശന നടപടിയെടുക്കുമെന്നാണ് തെരഞ്ഞെടുപ്പ് കമ്മീഷന്‍ അറിയിച്ചിട്ടുള്ളത്. ഇത്തരത്തിലുള്ള രണ്ട് ലക്ഷം വോട്ടുകളാണുള്ളത്. ഇത് അട്ടിമറിക്കാനാണ് നീക്കമെങ്കില്‍ കോടതിയെ സമീപിക്കേണ്ടി വരുമെന്നും ഹസന്‍ പറഞ്ഞു. ദി സെന്‍ട്രല്‍ ഫോര്‍ സ്റ്റഡീസ് ഡെവലപ്പ്‌മെന്റ് സൊസൈറ്റീസ് നടത്തിയ സര്‍വെയില്‍ രാജ്യത്തെ ജനങ്ങളില്‍ ഭൂരിപക്ഷവും പറഞ്ഞത് തൊഴിലില്ലായ്മ, പാര്‍പ്പിടം എന്നിങ്ങനെയുള്ള അടിസ്ഥാന ജീവിതപ്രശ്‌നങ്ങളായിരുന്നു. ഈ അജണ്ട തന്നെയാണ് കോണ്‍ഗ്രസ് പ്രകടനപത്രികയിലൂടെ മുന്നോട്ടുവെക്കുന്നത്. ഭാരത് ജോഡോ യാത്രയിലൂടെ ജനങ്ങളുടെ ആവശ്യങ്ങള്‍ മനസിലാക്കിയ രാഹുല്‍ഗാന്ധി തന്നെയാണ് ഈ തെരഞ്ഞെടുപ്പ് പത്രിക തയ്യാറാക്കുന്നതിന് പ്രധാന പങ്കുവെച്ചത്. കഴിഞ്ഞ 10 വര്‍ഷമായി മുമ്പ് പറഞ്ഞതൊന്നും പാലിക്കാത്ത മോദിയാണ് വീണ്ടും ഗ്യാരണ്ടിയുമായി എത്തിയിരിക്കുന്നതെന്നും അദ്ദേഹം ചൂണ്ടിക്കാട്ടി. ഇന്ത്യാമുന്നണി അധികാരത്തില്‍ വരുമെന്ന് മോദി ഭയക്കുന്നതിന്റെ തെളിവാണ് കെജ്‌രിവാളിന്റെയും, ഹേമന്ത് സോറന്റെയും അറസ്റ്റ്. മാത്രമല്ല, കോണ്‍ഗ്രസ് പാര്‍ട്ടിയുടെ അക്കൗണ്ടുകള്‍ മരവിപ്പിച്ചതും ഇതിന്റെ ഭാഗമാണ്. എല്ലാവരും ഇന്ന് വിശ്വാസമര്‍പ്പിച്ചിരിക്കുന്നത് രാഹുല്‍ഗാന്ധിയിലാണ്. മതേതരത്വത്തിന്റെയും ജനാധിപത്യത്തിന്റെയും കാവലാളായി നില്‍ക്കുന്ന രാഹുല്‍ഗാന്ധിക്കല്ലാതെ വയനാട്ടിലെ ജനങ്ങൾക്ക് മാറ്റാർക്കാണ് വോട്ടു ചെയ്യാൻ കഴിയുകയെന്നും ഹസന്‍ ചോദിച്ചു. ഡി സി സി പ്രസിഡന്റ് എന്‍ ഡി അപ്പച്ചനും വാര്‍ത്താസമ്മേളനത്തില്‍ പങ്കെടുത്തു.

Advertisement
1000x200 PX MALAYALI DCTR MDX-02-02
Continue Reading

Featured