Connect with us
48 birthday
top banner (1)

Ernakulam

ഹൈക്കോടതി കളമശ്ശേരിയിലേയ്ക്ക്: സ്ഥല പരിശോധന 17ന്

Avatar

Published

on

കൊച്ചി: എറണാകുളം നഗരത്തിരക്കില്‍ നിന്ന് കളമശേരിയിലെ വിശാലമായ പ്രദേശത്തേക്ക് ഹൈക്കോടതി മാറ്റി സ്ഥാപിക്കാന്‍ ധാരണ. പ്രവര്‍ത്തനം നിലച്ച എച്ച്. എം.ടിയില്‍ നിന്ന് സംസ്ഥാന സര്‍ക്കാര്‍ തിരിച്ചെടുത്ത ഭൂമിയിലെ 27ഏക്കര്‍ സ്ഥലം ജുഡിഷ്യല്‍ സിറ്റിയായി വികസിപ്പിച്ചാണ് ഹൈക്കോടതിയും അനുബന്ധ സ്ഥാപനങ്ങളും മാറ്റുന്നത്. സീപോര്‍ട്ട്- എയര്‍പോര്‍ട്ട് റോഡിനോട് ചേര്‍ന്നാണ് എച്ച്.എം.ടി ഭൂമി. എറണാകുളം നഗരത്തില്‍ പ്രവേശിക്കാതെ അതിവേഗം എത്തിച്ചേരാനാകും.മുഖ്യമന്ത്രി പിണറായി വിജയനും ഹൈക്കോടതി ചീഫ് ജസ്റ്റിസ് എ.ജെ. ദേശായിയും പങ്കെടുത്ത ഉന്നതതല യോഗത്തിലാണ് ധാരണയായത്. തുടര്‍നടപടികള്‍ക്ക് യോഗം രൂപം നല്‍കിയതായി മുഖ്യമന്ത്രി അറിയിച്ചു.ആവശ്യമെങ്കില്‍ കൂടുതല്‍ ഭൂമി കണ്ടെത്തും.

മറൈന്‍ഡ്രൈവിലെ ഇപ്പോഴത്തെ ഹൈക്കോടതിയില്‍ നിന്ന് 15 കിലോമീറ്റര്‍ അകലെയാണ് പുതിയ സ്ഥലം.ഹൈക്കോടതി ജഡ്ജിമാര്‍, സംസ്ഥാന മന്ത്രിമാര്‍ എന്നിവരുടെ സാന്നിദ്ധ്യത്തിലുള്ള സ്ഥല പരിശോധന ഈ മാസം 17ന് നടക്കും. അതിനുശേഷമേ രൂപരേഖ തയ്യാറാക്കി പദ്ധതി തുക നിശ്ചയിക്കൂ. നിയമമന്ത്രി പി. രാജീവ്, റവന്യൂ മന്ത്രി കെ. രാജന്‍, ഹൈക്കോടതി ജഡ്ജിമാരായ എ.കെ. ജയശങ്കരന്‍ നമ്പ്യാര്‍, എ. മുഹമ്മദ് മുഷ്താഖ്, ബെച്ചു കുര്യന്‍ തോമസ് എന്നിവരും ഉന്നതോദ്യോഗസ്ഥരും യോഗത്തില്‍ പങ്കെടുത്തു

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

Ernakulam

ശംമ്പളം മുടക്കം
സർക്കാരിന് തുടരാൻ അർഹതയില്ല :കെ പി എസ് ടി എ

Published

on

കൊച്ചി: കേരളത്തിൻ്റെ ചരിത്രത്തിലാദ്യമായി സ്വന്തം ജീവനക്കാർക്ക് ശംബളം നൽകാനാകാനാവാത്ത നിലയിലേക്ക് കേരളത്തിൻ്റെ സാമ്പത്തിക സ്ഥിതിയെ മാറ്റിയ പിടിപ്പുകെട്ട സർക്കാരായി ഇടതു സർക്കാർ മാറിയെന്നും ഒരു നിമിഷം പോലും അധികാരത്തിൽ തുടരാനുള്ള ധാർമ്മികത ഇല്ലെന്നും കെ പി എസ് ടി എ സംസ്ഥാന സെക്രട്ടറിയേറ്റ് പ്രസ്താവിച്ചു. സാമ്പത്തിക പ്രതിസന്ധി ഒരു വശത്ത് പറയുമ്പോഴും മറുവശത്ത് മുഖ്യമന്ത്രിയും മന്ത്രിമാരും ധൂർത്തിൻ്റെ പര്യായമായി മാറുന്നു. ജീവനക്കാരോടോ ജനങ്ങളോടൊ പ്രതിബദ്ധധയില്ലാത്ത സർക്കാർ സ്വന്തം കുടുംബത്തിൻ്റെയും പാർട്ടിക്കാരുടെയും മാത്രം സേവകരും സംരക്ഷകരുമായി മാറുന്നത് കേരളത്തിന് അപമാനമാണ്. അണികളെ കൊണ്ട് എന്ത് ക്രൂരതയും ചെയ്യിക്കാമെന്നുള്ള ധിക്കാരമാണ് ജനകീയ ആവശ്യങ്ങളോടുളള സർക്കാരിൻ്റെ സമീപനം വ്യക്തമാക്കുന്നത്. സമീപകാല ചരിത്രങ്ങൾ അത് സത്യപ്പെടുത്തുന്നു. പാടത്ത് പണിയെടുത്താൽ വരമ്പത്ത് കൂലിയെന്ന മുദ്രാവാക്യവുമായി കേരളത്തിൽ പ്രചാരണം നടത്തി അധികാരത്തിലേറിയ സർക്കാർ തങ്ങൾക്കു വേണ്ടി സേവനം ചെയ്യുന്ന ജീവനക്കാർക്ക് ശംബളം നൽകാൻ സാധിക്കുന്നില്ലെങ്കിൽ സ്വയം അധികാരത്തിൽ നിന്നും ഒഴിഞ്ഞു പോകണമെന്നും കെ പി എസ് ടി എ സംസ്ഥാന കമ്മറ്റി പ്രസ്താവനയിൽ ആവശ്യപ്പെട്ടു. സംസ്ഥാന പ്രസിഡൻ്റ് കെ അബ്ദുൽ മജീദ് അധ്യക്ഷത വഹിച്ചു. ജനറൽ സെക്രട്ടറി പി കെ അരവിന്ദൻ, ട്രഷറർ വട്ടപ്പാറ അനിൽകുമാർ ഭാരവാഹികളായ ഷാഹിദ റഹ്മാൻ, എൻ രാജ്മോഹൻ , കെ രമേശൻ, ബി സുനിൽകുമാർ, ബി ബിജു, അനിൽ വെഞ്ചാറമൂട്, ടി.യു. സാദത്ത്, പി എസ് ഗിരീഷ്കുമാർ, സാജു ജോർജ്, പി വി ജ്യോതി, എം.കെ അരുണ, ജി.കെ. ഗിരീഷ്, ബി ജയചന്ദ്രൻപിള്ള വർഗീസ് ആൻ്റണി ജോൺ ബോസ്ക്കോ, പി.വിനോദ്കുമാർ, പി.എസ് മനോജ് പിഎം നാസർ എന്നിവർ സംസാരിച്ചു

Advertisement
VKSHNM NWS KWT 1000 x 180 PX-01
Continue Reading

Ernakulam

വീട് പൂട്ടി മകൾ പുറത്തുപോയി; വയോധികയ്ക്ക് രക്ഷയായത് ഉമ തോമസ് എംഎൽഎയുടെ ഇടപെടൽ

Published

on

കൊച്ചി: വീട്ടിൽ നിന്നും മകൾ പുറത്താക്കിയ വയോധികയ്ക്ക് രക്ഷയായത് ഉമ തോമസ് എംഎൽഎയുടെ ഇടപെടൽ. തൈക്കൂടം എ.കെ.ജി. റോഡിൽ കരേപ്പറമ്പിൽ സരോജിനിക്കാണ് (78) ദുരവസ്ഥയുണ്ടായത്. സരോജിനിയെ വീട്ടിൽ പ്രവേശിപ്പിക്കാനുള്ള ആർ.ഡി.ഒ.യുടെ ഉത്തരവുണ്ടായിട്ടും നടപ്പാക്കാതെ പോലീസ് പിൻവാങ്ങിയെന്നാരോപിച്ച് പ്രതിഷേധവുമായി നാട്ടുകാരും രംഗത്തെത്തി. നേരത്തേ ഉമ തോമസ് എം.എൽ.എ. അടക്കമുള്ള ജനപ്രതിനിധികളുടെ നേതൃത്വത്തിൽ രാത്രി ഒൻപതുമണിയോടെ ഗേറ്റിന്റെ താഴുതകർത്ത് അമ്മയെ വീടിന്റെ വരാന്തയിൽ പ്രവേശിപ്പിച്ചിരുന്നു. പിന്നീട് രാത്രി പതിനൊന്നേകാലോടെ നാട്ടുകാരുടെ പിന്തുണയോടെ വാതിൽ കുത്തിത്തുറന്ന് സരോജിനി അകത്ത് പ്രവേശിക്കുകയായിരുന്നു.

Advertisement
VKSHNM NWS KWT 1000 x 180 PX-01

മാതാപിതാക്കളുടെയും മുതിർന്ന പൗരൻമാരുടെയും ക്ഷേമത്തിനുള്ള ഫോർട്ട്കൊച്ചി മെയിന്റനൻസ് ട്രിബ്യൂണലിൽ വീട്ടിലെ പ്രശ്നങ്ങൾ ചൂണ്ടിക്കാണിച്ച് സരോജിനി പരാതി നൽകിയിരുന്നു. വീട് തുറന്ന് സരോജിനിയെ സ്വന്തം വീട്ടിൽ താമസിപ്പിക്കുന്നതിന് മരട് പോലീസിന് ട്രിബ്യൂണൽ ഉത്തരവ് നൽകിയിരുന്നു.

ഈ ഉത്തരവുമായാണ് വെള്ളിയാഴ്ച വൈകുന്നേരം ആറുമണിയോടെയാണ് സരോജിനി വീട്ടിലെത്തിയത്. വീട് അടച്ചിട്ടിരിക്കുന്നതു കണ്ട് പോലീസിനെ അറിയിച്ചു. പോലീസ് സ്ഥലത്തെത്തിയെങ്കിലും ശനിയാഴ്ച തുറന്നുതരാം എന്നുപറഞ്ഞ് ഉത്തരവ് നടപ്പാക്കാതെ മടങ്ങിപ്പോവുകയായിരുന്നുവെന്ന് സരോജിനി പറയുന്നു.

Advertisement
VKSHNM NWS KWT 1000 x 180 PX-01
Continue Reading

Ernakulam

തൃപ്പൂണിത്തുറ സ്ഫോടന കേസ്; നാല് പ്രതികൾ കീഴടങ്ങി

Published

on

കൊച്ചി: തൃപ്പൂണിത്തുറ സ്ഫോടന കേസിലെ ഒളിവിലായിരുന്ന നാല് പ്രതികൾ കീഴടങ്ങി. പുതിയകാവ് ക്ഷേത്ര ഭാരവാഹികളായ നാലു പേരാണ് കീഴടങ്ങിയത്. ഹിൽപാലസ് പൊലീസ് സ്റ്റേഷനിൽ കീഴടങ്ങിയ പ്രതികളെ ഇന്നു തന്നെ കോടതിയിൽ ഹാജരാക്കും.തൃപ്പൂണിത്തുറ, പുതിയകാവ് അമ്പലത്തിലെ താലപ്പൊലിയോടനുബന്ധിച്ചുള്ള വെടിക്കെട്ടിനായി എത്തിച്ച പടക്കം പൊട്ടിത്തെറിക്കുകയായിരുന്നു. ഫെബ്രുവരി 12 ന് രാവിലെയായിരുന്നു സ്ഫോടനം നടന്നത്. സംഭവത്തില്‍ രണ്ടുപേർക്ക് ജീവന്‍ നഷ്ടമായിരുന്നു. 25 വീടുകൾക്ക് ഭാഗികമായോ പൂർണമായോ തകര്‍ന്നു. നാല് വീടുകളുടെ മേൽക്കൂര തകർന്നു. വാഹനത്തിൽ നിന്ന് പടക്കം ഷെഡ്ഡിലേക്ക് മാറ്റുന്നതിനിടെ വാഹനത്തിൽ നിന്നുണ്ടായ തീപ്പൊരിയിൽ നിന്ന് പടക്കം പൊട്ടിത്തെറിക്കുകയും ഇത് ഷെഡ്ഡിലേക്ക് വ്യാപിക്കുകയുമായിരുന്നു.

Continue Reading

Featured