Ernakulam
ഹാദിയ നിയമവിരുദ്ധ തടങ്കലില് അല്ല’; അച്ഛന് നല്കിയ ഹേബിയസ് കോര്പസ് ഹര്ജി നടപടികള് അവസാനിപ്പിച്ച് ഹൈക്കോടതി
കൊച്ചി: ഹാദിയയെ കാണാനില്ലെന്നും മകളെ കണ്ടെത്താന് നടപടി വേണമെന്നുമാവശ്യപ്പെട്ട് അച്ഛന് അശോകന് നല്കിയ ഹേബിയസ് കോര്പ്പസ് ഹര്ജി ഹൈക്കോടതി അവസാനിപ്പിച്ചു. ഹാദിയ നിയമ വിരുദ്ധതടങ്കലില് അല്ലെന്ന് ബോധ്യമായതിനെ തുടര്ന്നാണ് കോടതി നടപടി. ഹാദിയ അമ്മയുമായി ഫോണില് സംസാരിക്കാറുണ്ടെന്നും സ്വന്തം ഇഷ്ടപ്രകാരം പുനര്വിവാഹം ചെയ്തെന്നും പോലീസ് കോടതിയെ അറിയിച്ചിരുന്നു.
മലപ്പുറത്ത് ക്ലിനിക് നടത്തുകയായിരുന്ന മകളെ ഏതാനും ആഴ്ചകളായി കാണാനില്ലെന്നും മൊബൈല് ഫോണ് അടക്കം സ്വിച്ച് ഓഫ് ചെയ്ത നിലയിലാണെന്നും ചൂണ്ടികാട്ടിയാണ് അച്ഛന് അശോകന് ഹൈക്കോടതിയെ സമീപിച്ചത്. സത്യസരണി ഭാരവാഹിയായ സൈനബ അടക്കമുള്ളവര് മകളെ തടങ്കലിലാക്കിയെന്ന് സംശയമുണ്ടെന്നും ഹര്ജിയില് ആരോപിച്ചിരുന്നു. എന്നാല് ഹാദിയ തടങ്കലിലല്ലെന്നായിരുന്നു പോലീസ് റിപ്പോര്ട്ട്. മലപ്പുറം സ്വദേശിയുമായുള്ള ആദ്യ വിവാഹ ബന്ധം വേര്പ്പെടുത്തി സ്വന്തം ഇഷ്ടപ്രകാരം മറ്റൊരു വിവാഹം കഴിച്ച് തിരുവനന്തപുരത്ത് കുടുംബവുമായി ജീവിക്കുകയാണെന്നും പോലീസ് കോടതിയെ അറിയിച്ചിരുന്നു. മാത്രമല്ല അമ്മയുമായി ഹാദിയ ഫോണില് സംസാരിക്കാറുണ്ടെന്നും പോലീസ് വ്യക്തമാക്കി. ഫോണ്വിളി വിശദാംശത്തിന്റെ രേഖകളും കോടതിയില് ഹാജരാക്കി.
ഹാദിയയുടെ മൊഴിയില് തന്റെ സ്വകാര്യത തകര്ക്കാനാണ് ഹര്ജിയെന്നും ആരോപിച്ചിട്ടുണ്ട്. ഹര്ജിയിലൂടെ കോടതിയെ തെറ്റിദ്ധരിപ്പിക്കുകയാണെന്നും പോലീസ് അറിയിച്ചു. ഇക്കാര്യങ്ങള് പരിശോധിച്ചാണ് ഹര്ജിയില് കഴന്പില്ലെന്ന് ബോധ്യമായി കേസ് അവസാനിപ്പിക്കാന് കോടതി തീരുമാനിച്ചത്. തമിഴ്നാട്ടില് മെഡിക്കല് വിദ്യാര്ത്ഥിനി ആയിരിക്കെ ഇസ്ലാം മതം സ്വീകരിക്കുകയും മലപ്പുറം സ്വദേശിയെ വിവാഹം ചെയ്തതിലൂടെയുമാണ് ഹാദിയ വിഷയം നേരത്തെ നിയപ്രശ്നത്തിലേക്ക് നീണ്ടത്. പിന്നീട് സുപ്രീം കോടതിയാണ് ആദ്യ വിവാഹം ശരിവെച്ചത്.
കൊച്ചി/ ആലപ്പുഴ: കൊച്ചി കടവന്ത്രയില് നിന്ന് കാണാതായ സുഭദ്രയെ കൊന്ന് കുഴിച്ച് മൂടിയതായി സംശയം. സംഭവത്തില് ഒരാളെ പൊലീസ് കസ്റ്റഡിയിലെടുത്തു. കഴിഞ്ഞ മാസം ഏഴാം തിയ്യതിയാണ് 73 വയസുകാരിയായ സുഭദ്രയെ കാണാനില്ലെന്ന് കടവന്ത്ര പൊലീസില് പരാതി ലഭിച്ചത്. തുടര്ന്ന് നടത്തിയ അന്വേഷണത്തില് സുഭദ്ര കലവൂര് എത്തിയതായി കണ്ടെത്തി.
ആലപ്പുഴ കലവൂരില് പൊലീസ് പരിശോധന നടത്തുകയാണ്. കടവന്ത്ര സ്വദേശിനിയായ സുഭദ്രയെ കഴിഞ്ഞ നാലാം തീയതിയാണ് കാണാതായത്. ഏഴാം തീയതിയാണ് സുഭദ്രയുടെ മകന് കടവന്ത്ര പൊലീസില് പരാതി നല്കിയത്. അന്വേഷണത്തില് സുഭദ്ര ആലപ്പുഴ കാട്ടൂര് കോര്ത്തശ്ശേരിയില് എത്തിയ വിവരം ലഭിച്ചു. സുഭദ്രയെ കൊന്ന് കുഴിച്ചുമൂടിയതാണെന്നാണ് സംശയം. സ്ഥലത്ത് കുഴി എടുത്ത് പരിശോധന നടത്തുകയാണ് പൊലീസ്.
കൊച്ചി: ഹേമ കമ്മിറ്റി റിപ്പോര്ട്ടില് സര്ക്കാറിനോട് കടുത്ത ചോദ്യവുമായി ഹൈക്കോടതി. ഹേമ കമ്മിറ്റി റിപ്പോര്ട്ടുമായി ബന്ധപ്പെട്ട ഹര്ജികള് പ്രത്യേക ബെഞ്ച് പരിഗണിച്ചപ്പോഴായിരുന്നു കോടതി ചോദ്യങ്ങളുയര്ത്തിയത്. എന്തുകൊണ്ട് റിപ്പോര്ട്ടില് അടിയന്തര നടപടിയെടുത്തില്ലെന്നും മൂന്ന് വര്ഷം എന്തെടുക്കുകയായിരുന്നെന്നും ജസ്റ്റിസ് എ.കെ. ജയശങ്കരന് നമ്പ്യാര്, ജസ്റ്റിസ് സി.എസ്. സുധ എന്നിവരടങ്ങുന്ന ഡിവിഷന് ബെഞ്ച് ചോദിച്ചു. ഹേമ കമ്മിറ്റി റിപ്പോര്ട്ടിന്റെ പൂര്ണരൂപം മുദ്രവെച്ച കവറില് സര്ക്കാര് ഹൈക്കോടതിയില് നല്കിയിരുന്നു. ഇത് സിനിമ മേഖലയിലെ ലൈംഗികാതിക്രമ പരാതികള് അന്വേഷിക്കുന്ന പ്രത്യേക പൊലീസ് സംഘത്തിന് കൈമാറാന് ഹൈകോടതി നിര്ദേശം നല്കി.
ഹേമ കമ്മിറ്റി റിപ്പോര്ട്ടിന്റെ പൂര്ണരൂപം അന്വേഷണ സംഘത്തിന് ലഭിക്കുന്നതോടെ കൂടുതല് നടപടികള് കൈക്കൊള്ളേണ്ടിവരും. നേരത്തെ, മൊഴി നല്കിയവരുടെ സ്വകാര്യത സംരക്ഷിക്കണമെന്ന വാദം മുന്നിര്ത്തി ഏതാനും ഭാഗങ്ങള് ഒഴിവാക്കിയാണ് സര്ക്കാര് ഹേമ കമ്മിറ്റി റിപ്പോര്ട്ട് പുറത്തുവിട്ടിരുന്നത്.
റിപ്പോര്ട്ടില് സര്ക്കാര് എന്ത് നടപടി സ്വീകരിച്ചെന്ന് കോടതി ചോദിച്ചു. പ്രത്യേക അന്വേഷണ സംഘത്തെ നിയോഗിച്ചെന്നും വിവിധ സ്റ്റേഷനുകളിലായി 23 കേസുകള് രജിസ്റ്റര് ചെയ്തെന്നുമാണ് സര്ക്കാറിന് വേണ്ടി അഡ്വക്കറ്റ് ജനറല് മറുപടി നല്കിയത്. സിനിമ മേഖലയിലെ പ്രശ്നങ്ങള് പഠിക്കാന് വേണ്ടിയാണ് സമിതിയെ നിയോഗിച്ചതെന്ന ബാലിശമായ വാദം സര്ക്കാര് കോടതിയിലുയര്ത്തി. 2021ല് റിപ്പോര്ട്ട് ഡി.ജി.പിക്ക് ലഭിച്ചിരുന്നതല്ലേയെന്നും എന്തുകൊണ്ടാണ് നടപടി സ്വീകരിക്കാതിരുന്നതെന്നും കോടതി ചോദിച്ചു.
സര്ക്കാരിന്റേത് അതിശയിപ്പിക്കുന്ന നിഷ്ക്രിയത്വമാണ്. കോടതിക്ക് നിഷ്ക്രിയമായി ഇരിക്കാനാകില്ല. റിപ്പോര്ട്ടില് ബലാത്സംഗം, പോക്സോ കേസുകള് റജിസ്റ്റര് ചെയ്യാനുള്ള വസ്തുതയുണ്ട് -കോടതി ചൂണ്ടിക്കാട്ടി.
ഹേമ കമ്മിറ്റി റിപ്പോര്ട്ട് പുറത്തുവിടുന്നതിനെതിരെ നിര്മാതാവ് സജിമോന് പാറയില് നല്കിയ അപ്പീല് ഹരജി, ആരോപണ വിധേയരായവര്ക്കെതിരെ കേസെടുക്കണമെന്നാവശ്യപ്പെട്ട് പൊതുപ്രവര്ത്തകനായ പായിച്ചിറ നവാസ് നല്കിയ പൊതുതാല്പര്യ ഹരജി, കുറ്റകൃത്യങ്ങള് ചെയ്തവര്ക്കെതിരെ ക്രിമിനല് നടപടി സ്വീകരിക്കാത്തതിനെതിരെ മുന് എം.എല്.എ ജോസഫ് എം. പുതുശേരി ഫയല് ചെയ്ത ഹരജി തുടങ്ങിയവയാണ് ബെഞ്ച് പരിഗണിച്ചത്. ഹേമ കമ്മിറ്റി റിപ്പോര്ട്ട് പുറത്തുവിടുരുതെന്ന ഹരജിക്ക് ഇനി പ്രസക്തിയില്ലെന്ന് കോടതി ചൂണ്ടിക്കാട്ടി.
കൊച്ചി: മലയാളികളുടെ ദേശീയ ഉത്സവമായ ഓണത്തിന് തുടക്കം കുറിച്ചുകൊണ്ട് തൃപ്പൂണിത്തുറയില് വര്ണാഭായ അത്തച്ചമയ ഘോഷയാത്ര ആരംഭിച്ചു. നാടന് കലാരൂപങ്ങളും നിശ്ചല ദൃശ്യങ്ങളും അണിനിരന്നുകൊണ്ടുള്ള വര്ണ്ണാഭമായ ഘോഷയാത്രയാണ് തൃപ്പൂണിത്തുറയില് നടക്കുന്നത്. തൃപ്പൂണിത്തുറയിലെ അത്തം നഗറില് സ്പീക്കര് എഎന് ഷംസീര് നിലവിളക്ക് കൊളുത്തി അത്തച്ചമയ ആഘോഷങ്ങള് ഉദ്ഘാടനം ചെയ്തു. ഫ്രാന്സിസ് ജോര്ജ് എംപി ഉള്പ്പെടെയുള്ള ജനപ്രതിനിധികളും ഉദ്ഘാടന ചടങ്ങില് പങ്കെടുത്തു. അത്തം നഗറില് സ്പീക്കര് എഎന് ഷംസീര് പതാക ഉയര്ന്നതോടെ സംസ്ഥാനത്തെ ഔദ്യോഗിക ഓണാഘോഷ പരിപാടികള്ക്കും തുടക്കമായി. ലോക പ്രശസ്തമായ തൃപ്പൂണിത്തുറ അത്തച്ചമയ ആഘോഷങ്ങളോടെ കേരള നാട് ഓണാവേശത്തിലേക്ക് കടക്കുകയാണ്.
എള്ളോളമില്ല പൊളിവചനം എന്നു പറയാന് ഇന്ന് മലയാളിക്ക് കഴിയില്ലെന്ന് ഉദ്ഘാടന ചടങ്ങില് സ്പീക്കര് എഎന് ഷംസീര് പറഞ്ഞു. പരസ്പരം പഴിചാരാതെയും കുറ്റപ്പെടുത്താതെയും മുന്നോട്ടു പോകാന് മലയാളിക്ക് കഴിയണം. മത വര്ഗീയ ചിന്തകള് ഇല്ലാത്ത നാടാണ് കേരളമെന്നും എഎന് ഷംസീര് പറഞ്ഞു.രാവിലെ മഴ പെയ്തെങ്കിലും അത്തച്ചമയ ആഘോഷത്തിന്റെ ആവേശം കുറഞ്ഞില്ല. ഘോഷയാത്ര ആരംഭിക്കുമ്പോള് മഴ മാറി നിന്നതും ആശ്വാസമായി. ബാന്ഡ് മേളത്തിന്റെയും ചെണ്ടമേളത്തിന്റെയും ശിങ്കാരി മേളത്തിന്റെയും അകമ്പടിയോടെയാണ് വര്ണാഭമായ ഘോഷയാത്ര നടക്കുന്നത്.
സാംസ്കാരിക കലാരൂപങ്ങള്, വര്ണക്കുടകള്, പുലിക്കളി, കാവടിയാട്ടം, കരകാട്ടം എന്നിവയെല്ലാം ഘോഷയാത്രയ്ക്ക് നിറം പകര്ന്നു. ആയിരകണക്കിന് പേരാണ് തൃപ്പൂണിത്തുറയില് അത്തച്ചമയ ഘോഷയാത്രയില് പങ്കെടുക്കാനായി എത്തിയിട്ടുള്ളത്. വയനാട് ദുരന്തത്തിന്റെ പശ്ചാത്തലത്തില് അത്തച്ചമയത്തിന്റെ ഭാഗമായുള്ള ചില പരിപാടികള് വെട്ടിക്കുറച്ചെങ്കിലും ഘോഷയാത്ര അടക്കം ഉള്ള ആചാരങ്ങള്ക്ക് മുടക്കമില്ല.
തിരുവോണത്തിന്റെ വരവറിയിച്ചാണ് ഇന്ന് അത്തം പിറന്നത്. അത്തം എത്തിയതോടെ മലയാളികള് ഓരോരുത്തരും ഓണത്തെ വരവേല്ക്കാനുളള തിരക്കുകളിലേക്കുളള കടന്നു കഴിഞ്ഞു. അവസാനത്തെ ഓണപരീഷകള് കൂടി തീര്ത്താല് കുട്ടികളും ഓണാഘോഷത്തിന്റെ പൂര്ണാവേശത്തിലെത്തും. വീട്ടുമുറ്റത്തെ ചെമ്പരത്തിയും പനിനീര്പ്പൂവും വിപണിയില് നിന്നെത്തുന്ന പല നിറ പൂക്കളും കൂടിയാകുമ്പോള് പൂക്കളത്തിന് ചന്തമേറെയാണ്.
അത്തം മുതല് പത്തു ദിവസം പ്രാതലിനൊരുക്കുന്ന പഴനുറുക്കിന്റെയും കാച്ചിയ പപ്പടത്തിന്റെയും മണം കൂടിയാണ് ഓണം. മലയാളികളുടെ ആസ്വാദന ശീലവും താത്പര്യങ്ങളും മാറി. എങ്കിലും തനി മലയാളിയാക്കാന് മലയാളി ഒരു ചെറിയ ശ്രമം നടത്തുന്ന സമയം കൂടിയാണ് ഓണക്കാലം.
അതേസമയം, വയനാട് ദുരന്തത്തിന്റെ പശ്ചാത്തലത്തില് സെക്രട്ടറിയേറ്റിലെ ഓണാഘോഷങ്ങള്ക്ക് നിയന്ത്രണമേര്പ്പെടുത്തിയിരിക്കുകയാണ് സര്ക്കാര്. സെക്രട്ടേറിയറ്റില് ഓണാഘോഷ പരിപാടികള് ഉണ്ടാവില്ല. ജീവനക്കാരുടെ മത്സരങ്ങളും നടത്തില്ലെങ്കിലും എല്ലാ വകുപ്പുകളിലും മത്സരമില്ലാതെ അത്തപ്പൂക്കളം ഇടാന് അനുമതിയുണ്ട്. സെക്രട്ടറിയേറ്റ് എംപ്ലോയ് അസോസിയേഷന്റെ ഓണം സുവനിയറും ഇറക്കുന്നതും നിലവില് പ്രതിസന്ധിയിലാണ്. സംസ്ഥാനത്താകെ ഓണാഘോഷ പരിപാടികളില് നിയന്ത്രണമേര്പ്പെടുത്തിയിട്ടുണ്ട്.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
News3 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
You must be logged in to post a comment Login