Kerala
പെരുവഴിയിലായി സർക്കാർ ഉദ്യോഗസ്ഥർ ; ശമ്പള വിതരണം നേരെയാക്കാന് മൂന്ന് ദിവസം എടുക്കുമെന്ന് സര്ക്കാര്
തിരുവനന്തപുരം: സാമ്പത്തിക പ്രതിസന്ധി കാരണം ശമ്പളവിതരണം മുടങ്ങിയ സാഹചര്യത്തിൽ മൂന്ന് ദിവസമെങ്കിലും നേരെയാക്കാന് എടുക്കുമെന്ന് സര്ക്കാര്. ജീവനക്കാര് പല ഓഫീസുകളിലും സെക്രട്ടറിമാര്ക്കും വകുപ്പ് മേധാവികള്ക്കും പരാതികള് നല്കി തുടങ്ങി. നിയമസഭാ സെക്രട്ടേറിയറ്റിലെ ജീവനക്കാര് ശമ്പളം ആവശ്യപ്പെട്ട് സ്പീക്കര്ക്ക് കത്ത് നൽകുകയും ചെയ്തു.
വെറും നാല്പ്പത് ശതമാനം ജീവനക്കാര്ക്ക് മാത്രമാണ് ഇന്നലെവരെ ശമ്പളം കിട്ടിയതെന്നാണ് സംഘടനകള് ചൂണ്ടിക്കാട്ടുന്നത്. റവന്യൂ വകുപ്പില് സെക്രട്ടറിക്കും മന്ത്രിക്കും ജീവനക്കാര് കൂട്ടത്തോടെ കത്ത് നല്കിയിരിക്കുകയാണ്. അധ്യാപകര്ക്കും ശമ്പളം ലഭിച്ചിട്ടില്ല. അവരും പ്രതിഷേധത്തിലാണ്. ശമ്പളം കിട്ടിയവര്ക്ക് 50,000 രൂപയാണ് കിട്ടുന്നത്. ട്രഷറിയില് നിന്ന് ദിവസങ്ങള് കഴിഞ്ഞ് മാത്രമേ പിന്വലിക്കൂ എന്ന ഓപ്ഷന് എടുത്തവര്ക്ക് മുഴുവന് ശമ്പളവും ക്രെഡിറ്റ് ആയിട്ടുണ്ട്. പൊലീസ്, റവന്യൂ, എക്സൈസ്, രജിസ്ട്രേഷന്, ഗതാഗതം , നികുതി തുടങ്ങിയ വകുപ്പുകളിലെ ജീവനക്കാര്ക്ക് ഇന്നലെ ശമ്പളം ലഭിക്കേണ്ടതായിരുന്നെകിലും പലര്ക്കും കിട്ടിയിട്ടില്ല.
സെക്രട്ടേറിയറ്റ് ജീവനക്കാരുടെ ശമ്പളവിതരണം വൈകുന്നേരത്തോടെ കഴിഞ്ഞപ്പോഴാണ് ആക്ഷന് കൗണ്സില് നിരാഹാര സമരം അവസാനിപ്പിച്ചത്ത് . സാമ്പത്തിക പ്രതിസന്ധിയുടെ പേരില് സംസ്ഥാനം സുപ്രീം കോടതിയില് നല്കിയ കേസ് ഇന്ന് പരിഗണിക്കും. കേസില് തീര്പ്പുണ്ടായില്ലെങ്കിലും ഇടക്കാല ഉത്തരവുണ്ടാകുമെന്നാണ് കരുതുന്നത്. സാമൂഹ്യ സുരക്ഷാകമ്പനിയും കിഫ്ബിയും എടുത്ത വായ്പ സംസ്ഥാനത്തിന്റെ പൊതു വായ്പയില് പെടുത്തിയതും വായ്പ ലഭ്യത വെട്ടിക്കുറച്ചതുമാണ് സംസ്ഥാനം കോടതിയില് ചോദ്യം ചെയ്തിരിക്കുന്നത്.
Kerala
പാലക്കാട് ആർടിഒ ചെക്ക് പോസ്റ്റുകളില് റെയ്ഡ് നടത്തി വിജിലൻസ്
അഞ്ച് ചെക്ക്പോസ്റ്റുകളില് നിന്നായി പിടികൂടിയത് 1.77 ലക്ഷം രൂപ
പാലക്കാട്: പാലക്കാട്ടെ ആർടിഒ ചെക്ക് പോസ്റ്റുകളില് വീണ്ടും റെയ്ഡ് നടത്തി വിജിലൻസ്. അഞ്ച് ചെക്ക്പോസ്റ്റുകളില് നിന്നായി 1.77 ലക്ഷം രൂപയാണ് വിജിലൻസ് പിടികൂടിയത്.വാളയാർ, ഗോവിന്ദാപുരം, ഗോപാലപുരം, നടുപുണി ചെക്ക്പോസ്റ്റുകളിലാണ് പരിശോധന നടന്നത്.
കഴിഞ്ഞ 10-ാം തീയതി രാത്രി 11 മണി മുതലാണ് വിജിലൻസ് റെയ്ഡ് നടത്തി തുടങ്ങിയത്. തുടർന്ന് ചെക്ക് പോസ്റ്റിലെ ഉദ്യോഗസ്ഥർ കൈക്കൂലി വാങ്ങുന്നതായും വിജിലൻസ് കണ്ടെത്തിയിരുന്നു.
ജില്ലാ അതിർത്തിയിലെ വിവിധ മോട്ടോർ വാഹന ചെക്ക് പോസ്റ്റുകള് വഴി ഉദ്യോഗസ്ഥർ കൈക്കൂലി വാങ്ങുന്നുവെന്നുളള രഹസ്യ വിവരത്തിന്റെ അടിസ്ഥാനത്തിലായിരുന്നു വിജിലൻസിന്റെ പരിശോധന.
സന്നിധാനം: ശബരിമല മകരവിളക്ക് മഹോത്സവത്തിന്റെ ഒരുക്കങ്ങൾ പൂര്ത്തിയായതായി തിരുവിതാംകൂര് ദേവസ്വം ബോര്ഡ് പ്രസിഡന്റ് പി.എസ്.പ്രശാന്ത്. മകരവിളക്കിന് രണ്ട് ലക്ഷത്തോളം ഭക്തരെയാണ് പ്രതീക്ഷിക്കുന്നതെന്നും സുരക്ഷാ ഒരുക്കം പൂര്ത്തിയായെന്നും അദ്ദേഹം വാർത്താസമ്മേളനത്തില് പറഞ്ഞു.
പോലീസ്, വനം വകുപ്പ്, റാപ്പിഡ് ആക്ഷൻ ഫോഴ്സ് തുടങ്ങിയവര് ശക്തമായ സുരക്ഷയാണ് ശബരിമലയില് ഒരുക്കിയിട്ടുള്ളത്. ഭക്തരുടെ സുരക്ഷ, അവരുടെ അടിസ്ഥാന ആവശ്യങ്ങള് എന്നിവയ്ക്ക് സുസജ്ജമായ ക്രമീകരണങ്ങളാണ് ഒരുക്കിയിട്ടുള്ളത്.
തിരക്ക് നിയന്ത്രിക്കുന്നതിന്റെ ഭാഗമായി ചൊവ്വാഴ്ച രാവിലെ പത്ത് മുതല് നിലക്കലില് നിന്ന് പമ്ബയിലേക്ക് കെഎസ്ആര്ടിസി സര്വീസ് ഉണ്ടാകില്ല. ഉച്ചയ്ക്ക് 12 മുതല് വൈകിട്ട് 5.30വരെ പമ്ബയില് നിന്ന് ഭക്തരെ ശബരിമല സന്നിധാനത്തേക്ക് കടത്തിവിടില്ല.
ശബരിമലയിലുള്ള തീർഥാടകര് മകരവിളക്ക് ദര്ശനം പൂര്ത്തിയാക്കി ഇറങ്ങുന്ന മുറക്കായിരിക്കും പമ്ബയില് നിന്ന് ആളുകളെ കടത്തിവിടുക. തിരക്ക് നിയന്ത്രിക്കുന്നതിന്റെ ഭാഗമായാണ് ഇത്തരത്തില് ക്രമീകരണം ഏര്പ്പെടുത്തിയതെന്നും പ്രശാന്ത് കൂട്ടിച്ചേർത്തു.
പത്തനംതിട്ട:പത്തനംതിട്ടയിൽ പാര്സൽ സര്വീസ് വാഹനവും കാറും കൂട്ടിയിടിച്ചുണ്ടായ അപകടത്തിൽ നാലു പേര്ക്ക് പരിക്കേറ്റു. ഇന്ന് വൈകിട്ട് മൂന്നരയോടെ പുനലൂര്-മൂവാറ്റുപ്പുഴ സംസ്ഥാന പാതയിൽ മണ്ണാറക്കുളഞ്ഞിയിലാണ് വാഹനാപകടമുണ്ടായത്. അപകടത്തെ തുടര്ന്ന് പുനലൂര്-മൂവാറ്റുപ്പുഴ സംസ്ഥാന പാതയിൽ ഗതാഗതം സ്തംഭിച്ചു. പരിക്കേറ്റവരെ പത്തനംതിട്ട ജനറൽ ആശുപത്രിയിലേക്ക് മാറ്റി. ഗുരുതരമായി പരിക്കേറ്റവരെ മെഡിക്കൽ കോളേജിലേക്ക് മാറ്റിയേക്കും.
-
Kerala1 month agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured14 hours agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login