Connect with us
inner ad

Kerala

അധ്യാപകരേയും ജീവനക്കാരേയും സർക്കാർ പണിമുടക്കിലേക്ക് തള്ളിവിടുന്നു – രമേശ് ചെന്നിത്തല

Avatar

Published

on

തിരുവനന്തപുരം:അധ്യാപകരുടേയും ജീവനക്കാരുടേയും അവകാശങ്ങളും ആനുകൂല്യങ്ങളും നിരന്തരമായി നിഷേധിച്ച് അവരെ പണിമുടക്കിലേക്ക് സർക്കാർ തള്ളി വിടുകയാണെന്ന് രമേശ് ചെന്നിത്തല അഭിപ്രായപ്പെട്ടു.

സെറ്റോയുടെ ആഭിമുഖ്യത്തിൽ തിരുവനന്തപുരത്ത് അധ്യപക ഭവനിൽ നടന്ന പ്രവർത്തക കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.

Advertisement
1000x200 PX MALAYALI DCTR MDX-02-02

പാർലമെൻറ് തെരഞ്ഞെടുപ്പ് കഴിയുന്നതോടെ ജീവനക്കാരുടെ ശമ്പളം കൂടി കവർന്നെടുക്കാനുള്ള ഗൂഢനീക്കത്തിലാണ് സർക്കാർ. അനിയന്ത്രിതമായ വിലക്കയറ്റമാണ് സംസ്ഥാനത്തിലുള്ളത്. ഇടതുപക്ഷ യൂണിയനുകൾ കേന്ദ്ര സർക്കാരിനെ കുറ്റം പറയുമ്പോൾ കേരളത്തിലെ ഗവൺമെന്റിന്റെ ധൂർത്തും കൊള്ളയും കാണാതെ ആടിനെ പട്ടിയാക്കുന്ന നിലപാടാണ് സ്വീകരിക്കുന്നത്. ഈ തുടർ ഭരണത്തിന്റെ കാലത്ത് സമസ്ത മേഖലകളിലും അഴിമതി സർവ്വസാധാരണമായി.

6 ഗഡു (18 %) ക്ഷാമബത്ത, ശമ്പള കുടിശ്ശിക, ലീവ് സറണ്ടർ എന്നിവ തടഞ്ഞുവച്ചിരിക്കുന്നു. ചികിത്സാ സഹായങ്ങൾ എല്ലാം അട്ടിമറിച്ചിരിക്കുന്നു. പങ്കാളിത്ത പെൻഷനിൽ ഇരട്ടത്താപ്പ് തുടരുന്നു. ഇത്തരം നീതി നിഷേധങ്ങൾക്കെതിരെ കാസർഗോഡ് നിന്ന് തിരുവനന്തപുരം വരെ പ്രചരണ ജാഥ സംഘടിപ്പിക്കണം.

Advertisement
1000x200 PX MALAYALI DCTR MDX-02-02

അവഗണനയും നീതി നിഷേധവും നേരിടുന്ന എല്ലാ വിഭാഗത്തിൽപ്പെട്ടവരേയും അണിനിരത്തി കൊണ്ടാകണം ജനുവരി 24 ലെ പണിമുടക്കെന്ന് അദ്ദേഹം തുടർന്ന് പറഞ്ഞു.

സെറ്റോ ചെയർമാൻ ചവറ ജയകുമാർ അധ്യക്ഷത വഹിച്ചു.

Advertisement
1000x200 PX MALAYALI DCTR MDX-02-02

ജനറൽ കൺവീനർ കെ അബ്ദുൾ മജീദ്, കെ.സി. സുബ്രഹ്മണ്യൻ,ആർ. അരുൺ കുമാർ, എ.എം ജാഫർ ഖാൻ, പി.കെ അരവിന്ദൻ,എം.എസ് ഇർഷാദ്, കെ.രാധാകൃഷ്ണൻ, രമേശ് എം. തമ്പി, അരുൺ കുമാർ ആർ, എസ് മനോജ്, അനിൽ എം. ജോർജ്ജ് ഒ.റ്റി പ്രകാശ്, വി.എം. ഷൈൻ, എം. ജെ തോമസ് ഹെർബിറ്റ്, ബി.എസ്. രാജീവ്എന്നിവർ സംസാരിച്ചു.

Advertisement
1000x200 PX MALAYALI DCTR MDX-02-02

Kerala

ഓപ്പറേഷൻ ആഗ് ഡി ഹണ്ട്’: വെറും 2 ദിവസത്തിനുള്ളിൽ പിടിയിലായത് 2015 ​ഗുണ്ടകൾ

Published

on

തിരുവനന്തപുരം: സംസ്ഥാനത്ത് ഗുണ്ടകളെ പിടിക്കാനായി കേരള പൊലീസിന്‍റെ ‘ഓപ്പറേഷൻ ആഗ് ഡി ഹണ്ട്’. രണ്ട് ദിവസത്തിനുള്ളില്‍ മാത്രം ഓപ്പറേഷൻ ആഗ് ഡി – ഹണ്ട് റെയ്ഡിൽ സംസ്ഥാനത്ത് 2015 ഗുണ്ടകളാണ് അറസ്റ്റിലായിരിക്കുന്നത്. ഗുണ്ടകളെ അമർച്ച ചെയ്യാനുള്ള പ്രവർത്തങ്ങളിൽ അലംഭാവമുണ്ടെന്ന് കാട്ടി കഴിഞ്ഞ ദിവസം ചേർന്ന ഉന്നതതല യോഗത്തിൽ ചില ജില്ലാ പൊലീസ് മേധാവിമാരെ ഡിജിപി വിമർശിച്ചിരുന്നു.10 ദിവസം തുടർച്ചയായി റെയ്ഡ് തുടരാനാണ് ഡിജിപിയുടെ നിർദ്ദേശം. കാപ്പാ പ്രതികൾ, വാറണ്ട് പ്രതികൾ, പിടികിട്ടാപ്പുള്ളികൾ എന്നിങ്ങനെയുള്ള ക്രിമിനലുകളാണ് അറസ്റ്റിലായത്.കൊച്ചി, തിരുവനന്തപുരം ജില്ലകളിൽ ഇനിയും ജാഗ്രത പുല‍ർത്തണമെന്നും കമ്മീഷണർമാർക്ക് ഡിജിപി നിർദ്ദേശം നൽകി.

Continue Reading

crime

ജിഷ വധക്കേസ്; വധശിക്ഷയ്ക്ക് അനുമതി തേടിയുള്ള ഹർജിയിൽ വിധി മെയ് 20ന്

Published

on

കൊച്ചി: പെരുമ്പാവൂർ ജിഷ വധക്കേസിലെ ഹർജിയിൽ ഹൈക്കോടതി ഡിവിഷൻ ബെഞ്ചിൻ്റെ വിധി തിങ്കളാഴ്ച. പ്രതി അമീറുൽ ഇസ്ലാമിന്റെ വധശിക്ഷയ്ക്ക് അനുമതി തേടിയുള്ള പ്രോസിക്യൂഷന്റെ ഹർജിയിലാണ് വിധി പ്രഖ്യാപിക്കുക. അതേസമയം വധശിക്ഷ റദ്ദാക്കണം എന്ന അമീറുൽ ഇസ്‌ലാമിൻ്റെ ഹർജിയും ഇതിനൊപ്പം പരി​ഗണിക്കും. തിങ്കളാഴ്ച ഉച്ചയ്ക്ക് 1.45 നാണ് വിധി പ്രസ്താവം.2016 ഏപ്രിൽ 28 നാണ് ക്രൂരമായി കൊലപ്പെടുത്തിയ നിലയിൽ ജിഷയുടെ മൃതദേഹം വീട്ടിനുള്ളിൽ കണ്ടെത്തിയത്. യുവതി ലൈംഗിക പീഡനത്തിന് ഇരയായെന്നും ശരീരത്തിൽ 38 മുറിവുകളുണ്ടെന്നും പോസ്റ്റ്മോർട്ടം റിപ്പോർട്ടിൽ നിന്ന് വ്യക്തമായിരുന്നു.പിന്നീട് നടത്തിയ അന്വേഷണത്തിലാണ് ജൂൺ 16ന് അസം സ്വദേശിയായ അമീറുൽ ഇസ്ലാമിനെ പൊലീസ് അറസ്റ്റ് ചെയ്തത്.

Advertisement
1000x200 PX MALAYALI DCTR MDX-02-02
Continue Reading

Kerala

സംസ്ഥാനത്ത് ഇന്നും കനത്ത മഴ

Published

on

തിരുവനന്തപുരം: സംസ്ഥാനത്ത് തുടർച്ചയായി ശക്തമായ മഴയാണ് ലഭിക്കുന്നത്. ഇന്നും നല്ല മഴയ്ക്ക് സാധ്യതയുണ്ടെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. അതിനാൽ രണ്ട് ജില്ലകളിൽ ഇന്ന് ഓറഞ്ച് അലര്‍ട്ടും ഒൻപത് ജില്ലകളിൽ യെല്ലോ അലര്‍ട്ടും പുറപ്പെടുവിച്ചിട്ടുണ്ട്. വരും ദിവസങ്ങളിൽ സംസ്ഥാനത്തെ എല്ലാ ജില്ലകളിലും മഴയ്ക്ക് സാധ്യതയുണ്ട്. ഞായറാഴ്ച ഏഴ് ജില്ലകളിൽ യെല്ലോ അലര്‍ട്ടും മൂന്ന് ജില്ലകളിൽ ഓറഞ്ച് അലര്‍ട്ടുമാണെന്നാണ് കാലാവസ്ഥ മുന്നറിയിപ്പ്. ശനിയാഴ്ച പാലക്കാട്, മലപ്പുറം ജില്ലകളിൽ ഓറഞ്ച് അലര്‍ട്ടും തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി, കോഴിക്കോട്, വയനാട് ജില്ലകളിൽ യെല്ലോ അലര്‍ട്ടുമാണ് പുറപ്പെടുവിച്ചത്. ഞായറാഴ്ച പത്തനംതിട്ട, ആലപ്പുഴ, ഇടുക്കി ജില്ലകളിൽ ഓറഞ്ച് അലര്‍ട്ടാണ്. തിരുവനന്തപുരം, കൊല്ലം, കോട്ടയം, എറണാകുളം, പാലക്കാട്, മലപ്പുറം ജില്ലകളിൽ യെല്ലോ അലര്‍ട്ട് പുറപ്പെടുവിച്ചു.

Continue Reading

Featured