Connect with us
48 birthday
top banner (1)

Service news

സർക്കാർ ജീവനക്കാരും സ്കൂൾ അധ്യാപകരും വീണ്ടും പ്രക്ഷോഭത്തിലേക്ക്

Avatar

Published

on

തിരുവനന്തപുരം: വർഷങ്ങളായി ആനുകൂല്യങ്ങൾ നിഷേധിക്കുന്നതിൽ പ്രതിഷേധിച്ച് സംസ്ഥാന സർക്കാർ ജീവനക്കാരും സ്കൂൾ അധ്യാപകരും സമരത്തിലേക്ക്. സ്റ്റേറ്റ് എംപ്ലോയീസ് ആൻഡ് സ്കൂൾ ടീച്ചേഴ്സ് ഓർഗനൈസേഷന്റെ (സെറ്റോ) നേതൃത്വത്തിൽ ജനുവരി 24ന് പണിമുടക്ക് നടത്താനാണ് തീരുമാനം. പങ്കാളിത്ത പെൻഷൻ പിൻവലിക്കുമെന്ന് പറഞ്ഞ് രണ്ട് തവണ അധികാരത്തിൽ വന്ന സർക്കാരാണിത്. എന്നിട്ടും ഇതുവരെ ഒരു നടപടിയും സ്വീകരിച്ചില്ലെന്ന് സെറ്റോ ചെയർമാൻ ചവറ ജയകുമാർ പറഞ്ഞു.
മൂന്നര വർഷമായി ക്ഷാമബത്ത നൽകിയിട്ട്. വരുന്ന ജനുവരി ആകുമ്പോൾ 7 ഗഡു കുടിശികയാകും. 2019ലെ ശമ്പള പരിഷ്കരണ കുടിശിക ഇതുവരെ നൽകിയിട്ടില്ല. ലീവ് സറണ്ടർ നാല് വർഷമായി തടഞ്ഞുവച്ചിരിക്കുകയാണ്. കൂടാതെ അധ്യാപക നിയമനം ഉൾപ്പെടെ അട്ടിമറിച്ചു. ഇത്തരം നടപടികൾക്കെതിരെയാണ് പ്രതിഷേധമെന്ന് ജയകുമാർ പറഞ്ഞു. പെൻഷൻകാർക്ക് നൽകുന്ന ക്ഷാമാശ്വാസവും കുടിശികയുണ്ട്. ഇതിനെല്ലാം പുറമെ മെഡിക്കൽ റീ ഇമ്പേഴ്സ്മെന്റ് നിർത്തലാക്കി ആരംഭിച്ച മെഡിസെപ്പ് പദ്ധതിയുടെ ആനുകൂല്യം ജീവനക്കാർക്ക് ലഭിക്കുന്നില്ല. കുടിശിക നൽകാനുള്ളതിനാൽ പല ആശുപത്രികളും മെഡിസെപ്പിൽ നിന്ന് പിന്മാറിയതും ജീവനക്കാരെ ബുദ്ധിമുട്ടിലാക്കിയിട്ടുണ്ട്.
ക്ഷാമബത്ത കുടിശിക നൽകാത്തതിനെതിരെ നൽകിയ കേസ് അഡ്മിനിസ്‌ട്രേറ്റീവ് ട്രൈബ്യുണലിന്റെ പരിഗണനയിലാണ്. കുടിശിക എന്ന് നൽകുമെന്ന് ഈ ഡിസംബർ 11ന് അറിയിക്കണമെന്നാണ് ട്രൈബ്യുണൽ സർക്കാരിന് നൽകിയ നിർദേശം. ഇത്രയൊക്കെ ആയിട്ടും ഇതുവരെ ഒരു ചർച്ചയ്ക്ക് പോലും സർക്കാർ തയാറായിട്ടില്ലെന്നും വിമർശനമുണ്ട്.

Continue Reading
Advertisement
inner ad
Click to comment

You must be logged in to post a comment Login

Leave a Reply

Service news

15 മാസത്തെ ശമ്പളം കവർന്നതിൽ പ്രതിഷേധിച്ച് സെക്രട്ടേറിയറ്റിന് മുന്നിൽ “പകൽ പന്തം”

Published

on

എൽ ഡി എഫ് സർക്കാർ എട്ടുവർഷത്തിനുള്ളിൽ സംസ്ഥാന സർക്കാർ ജീവനക്കാരുടെ 15 മാസത്തെ ശമ്പളം കവർന്നെടുത്തതിൽ പ്രതിഷേധിച്ച് സെക്രട്ടേറിയറ്റ് ആക്ഷൻ കൗൺസിലിൻ്റെ ആഭിമുഖ്യത്തിൽ സെക്രട്ടേറിയറ്റിന് മുന്നിൽ ശനിയാഴ്ച നട്ടുച്ചയ്ക്ക് ‘പ്രതിഷേധത്തിൻ്റെ പകൽ പന്തം’ സംഘടിപ്പിച്ചു. സെക്രട്ടേറിയറ്റ് ആക്ഷൻ കൗൺസിൽ ഇർഷാദ് എം എസ് പകൽ പന്തം ഉദ്ഘാടനം ചെയ്തു. 2019 മുതൽ സർക്കാർ ജീവനക്കാരുടെ ശമ്പള പരിഷ്കരണത്തിന് മുമ്പുള്ള കാലം മുതലുള്ള  ലോക്ക് – ഇൻ പീരിയഡിൽ പെടുത്തിയശേഷം അനുവദിക്കാതെയുള്ള ഡി എ, ശമ്പള പരിഷ്ക്കരണ കുടിശ്ശിക, 39 മാസത്തെ 21% ഡി എ, അഞ്ചു വർഷത്തെ ലീവ് സറണ്ടർ ഇനങ്ങളിലായി ജീവനക്കാർക്ക് രണ്ടര ലക്ഷം രൂപ മുതൽ ഇരുപത് ലക്ഷം രൂപ വരെ ജീവനക്കാരിൽ നിന്നും സർക്കാർ പിടിച്ചെടുത്തുവെന്നും ആയത് പകൽക്കൊളളയാണെന്നും അദ്ദേഹം ആരോപിച്ചു.
കേരള സെക്രട്ടേറിയറ്റ് അസോസിയേഷൻ ജനറൽ സെക്രട്ടറി ബിനോദ്‌ കെ, കേരള ഫൈനാൻസ് സെക്രട്ടേറിയറ്റ് അസോസിയേഷൻ പ്രസിഡൻ്റ എസ് പ്രദീപ്കുമാർ, ജനറൽ സെക്രട്ടറി
തിബീൻ നീലാംബരൻ, കേരള ലാ സെക്രട്ടേറിയറ്റ് അസോസിയേഷൻ പ്രസിഡൻ്റ്
കുമാരി അജിത പി ,ജനറൽ സെക്രട്ടറി മോഹനചന്ദ്രൻ എം എസ്,കേരള ലെജിസ്ലേച്ചർ സെക്രട്ടേറിയറ്റ് എംപ്ലോയീസ് ഓർഗനൈസേഷൻ ജനറൽ സെക്രട്ടറി വി എ ബിനു, കെ എം അനിൽകുമാർ, സുധീർ എ, ഗോവിന്ദ് ജി ആർ, പ്രസീന എൻ, , റെയ്സ്റ്റൺ പ്രകാശ് സി സി, പാത്തുമ്മ, അജേഷ് എം, കീർത്തി നാഥ് ജി എസ്, ബാലു മഹേന്ദ്ര, ഷിബു ഇബ്രാഹിം, , പ്രതിഭ അനിൽ, രാജേഷ് എം ജി, തുടങ്ങിയവർ പ്രസംഗിച്ചു.

Advertisement
inner ad
Continue Reading

Kerala

കോഴിക്കോട് ICU പീഡനം: അതിജീവിതയ്ക്ക് അനുകൂല നിലപാടെടുത്തെന്ന പേരിൽ സീനിയർ നഴ്സിംഗ് ഓഫീസറെ വേട്ടയാടുന്ന തവസാനിപ്പിക്കണം – ചവറ ജയകുമാർ

Published

on

കോഴിക്കോട് മെഡിക്കൽ കോളേജിലെ ഐസിയുവിൽ പീഡനത്തിനിരയായ അതിജീവിതയെ പിന്തുണച്ചതിന്റെ പേരിൽ സീനിയർ നഴ്സിംഗ് ഓഫീസർക്ക് ഹൈക്കോടതി ഉത്തരവുണ്ടായിട്ടും നിയമനം നൽകാത്ത സർക്കാർ നിലപാട് കടുത്ത മനുഷ്യാവകാശ ലംഘനമാണെന്ന് സെറ്റോ ചെയർമാൻ ചവറ ജയകുമാർ അഭിപ്രായപ്പെട്ടു.ഭരണകക്ഷി യൂണിയനിൽ പെട്ടവർ പ്രതികൾ ആകുമ്പോൾ സർക്കാർ അവർക്കൊപ്പം നിൽക്കുന്നു.നിസ്സഹായയായ ഒരു സ്ത്രീജീവനക്കാരിയെ കേൾക്കാൻ കാതുകളില്ല.അധികാരമുപയോഗിച്ച് നീതി നിഷേധിക്കുന്ന ഭരണകൂട ഭീകരതയാണിത്.അന്യായമായി സ്ഥലം മാറ്റപ്പെട്ട സീനിയർ നഴ്സിംഗ് ഓഫീസർ നിയമനത്തിനായി കോടതിയെ സമീപിച്ച് ഉത്തരവ് നേടിയെങ്കിലും നീതിപീഠത്തിന്റെ ഉത്തരവിനെ പോലും അംഗീകരിക്കില്ലെന്ന അധിക്യതരുടെ നിലപാട് പൊതുസമൂഹത്തിന് നാണക്കേടാണ്.കോഴിക്കോട് മെഡിക്കൽ കോളേജിൽ നിലവിലുള്ള ഒഴിവിൽ നഴ്സിംഗ് ഓഫീസറെ നിയമിക്കാൻ സർക്കാർ തയ്യാറാകണം.ജനാധിപത്യ രാജ്യമായ ഇന്ത്യയിൽ ഭരണഘടന വിഭാവനം ചെയ്തിട്ടുള്ള അവകാശങ്ങൾ സ്ത്രീകൾക്ക് നിഷേധിക്കാൻ കഴിയില്ല.ഇത് പീഡകരെ സംരക്ഷിക്കുന്ന തരത്തിലുള്ള തെറ്റായ സന്ദേശമാണ് പൊതു സമൂഹത്തിന് നൽകുന്നത്. തുടർന്നും ഇത്തരം നടപടികൾ ആവർത്തിക്കുന്നതിന് വികലമായ ഈ നിലപാട് കാരണമാകും.ഈ സംഭവത്തിൽ നിശബ്ദരായിരിക്കുന്നവർ തീർച്ചയായും പീഡകരെ പിന്തുണയ്ക്കുന്നവരായി കരുതേണ്ടിവരും.സർക്കാർ നിയമന ഉത്തരവ് നൽകിയില്ലെങ്കിൽ ശക്തമായ പ്രക്ഷോഭവുമായി സെറ്റോ മുന്നിട്ടിറങ്ങുമെന്ന് അദ്ദേഹം അറിയിച്ചു

Continue Reading

Service news

ഐ.സി.ഡി.എസ്. ജീവനക്കാരുടെ ശമ്പളംതടയുന്ന നടപടി അവസാനിപ്പിക്കുക:ചവറ ജയകുമാർ

Published

on

വനിത ശിശു വികസന വകുപ്പിന്റെ കീഴിലുള്ള ഐ സി ഡി എസ് പ്രോജക്ട് ജീവനക്കാരുടെയും സംസ്ഥാനത്ത് 68,000 ത്തോളം വരുന്ന അംഗനവാടി ജീവനക്കാരുടെയും ശമ്പളം വകുപ്പിന്റെ കെടുകാര്യസ്ഥതയാൽ മുടങ്ങിയിരിക്കുക
യാണ്.സാധാരണക്കാരുടെ ആശ്രയമായ അംഗനവാടിയിലെ ജീവനക്കാരുടെ നിശ്ചിത വരുമാനമാണ് മുടങ്ങിയതെന്ന് കേരള എൻ.ജി.ഒ അസോസിയേഷൻ സംസ്ഥാന പ്രസിഡന്റ് ശ്രീ: ചവറ ജയകുമാ പ്രസ്ഥാവിച്ചു.

കഴിഞ്ഞ എട്ടു വർഷമായി അധികാരത്തിൽ ഇരിക്കുന്ന ഇടത് സർക്കാർ സംസ്ഥാനത്തെ ജീവനക്കാരുടെ ആനുകൂല്യങ്ങൾ നൽകാതെ ഉണ്ടായിരുന്നത് പോലും കവർന്നെടുക്കുക
യാണ്. 31ാം തീയതി വരെ ജോലി ചെയ്ത ശമ്പളം കൃത്യമായി നൽകാതെ ജീവനക്കാരെ സമരങ്ങളിലേക്ക് തള്ളിവിടുകയാണ് ഈ സർക്കാർ. ഐസിഡിഎസ് ജീവനക്കാരുടെയും
അംഗനവാടി ജീവനക്കാരുടെയും ശമ്പളം തടയുന്ന നടപടി അവസാനിപ്പിക്കുക എന്ന് ആവശ്യപ്പെട്ടുകൊണ്ട് വനിതാ-ശിശു വികസന ഡയറക്ടറേറ്റിനു മുന്നിൽ കേരള എൻജിഒ അസോസിയേഷൻ തിരുവനന്തപുരം സൗത്ത് ജില്ലാ കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം.
സംസ്ഥാന ജനറൽ സെക്രട്ടറി ശ്രീ:AM ജാഫർ ഖാൻ മുഖ്യപ്രഭാഷണം നടത്തി.

Advertisement
inner ad

ജില്ലാ പ്രസിഡന്റ് ശ്രീ:VS രാഖേഷ് അധ്യക്ഷത വഹിച്ച പരിപാടിയിൽ
സംസ്ഥാന സെക്രട്ടറിമാരായ ശ്രീ:J എഡിസൺ, ശ്രീ:V L രാകേഷ് കമൽ, സെക്രട്ടറിയേറ്റ് അംഗം ശ്രീ: വെള്ളറട മുരളി,സൗത്ത് ജില്ലാ സെക്രട്ടറി ശ്രീ: ജോർജ്ജ് ആന്റണി, നോർത്ത് ജില്ലാ സെക്രട്ടറി ശ്രീ. ഷാജി,ശ്രീ:PV രഞ്ചുനാഥ്, ശ്രീജിത്ത്, അഖിൽ,ബി.സുനിൽ കുമാർ എന്നിവർ സംസാരിച്ചു.

Advertisement
inner ad
Continue Reading

Featured