അപ്‌ഡേഷനുകളും ഫീച്ചറുകളും പുതുമയോടെ അവതരിപ്പിക്കുന്ന വാട്‌സാപ്പ് മികച്ച വീഡിയോ-ഓഡിയോ കോളിങ് അനുഭവം ഉറപ്പാക്കുന്നതിനായി പുതുമയോടെ എത്തിയിരിക്കുകയാണ്. വീഡിയോ കോളുകളില്‍ കൂടുതല്‍ എഫക്ടുകള്‍ കൊണ്ടുവന്നതാണ് പ്രധാന ആകർഷണം. ഹൈ റെസലൂഷന്‍ വീഡിയോയിലൂടെ വീഡിയോ കോള്‍ അനുഭവവും മെച്ചപ്പെടുത്തിയിട്ടുണ്ടെന്നാണ് വാട്‌സാപ്പ് പറയുന്നത്.

പപ്പി ഇയേഴ്‌സ്, അണ്ടര്‍ വാട്ടര്‍, കരോക്കെ മൈക്രോഫോണ്‍ തുടങ്ങി പത്ത് വീഡിയോ കോള്‍ എഫക്ടുകളാണ് പുതുതായി ചേർത്തിരിക്കുന്നത്. ഗ്രൂപ്പ് ചാറ്റില്‍നിന്ന് പ്രത്യേകം ആളുകളെ മാത്രം തിരഞ്ഞെടുത്ത് കോള്‍ ചെയ്യാനുള്ള സംവിധാനവും പുതുതായി നല്‍കുന്നുണ്ട്. ഡെസ്‌ക്‌ടോപ്പ് വാട്‌സാപ്പിലും ഏതാനും പുതിയ ഓപ്ഷനുകള്‍ കൊണ്ടുവന്നിട്ടുണ്ട്. ഒരു കോള്‍ ചെയ്തുകൊണ്ടിരിക്കുമ്പോള്‍ തന്നെ കോള്‍ ലിങ്ക് ഒരുക്കാനും മറ്റൊരു നമ്പര്‍ ഡയല്‍ ചെയ്യാനുമുള്ള സൗകര്യം ഉണ്ടാകും.

Advertisement

inner ad

റിയല്‍ ടൈം ചാറ്റില്‍ ടൈപ്പിങ് ഇന്‍ഡിക്കേറ്റര്‍ അടുത്തിടെ വാട്‌സാപ്പില്‍ കൊണ്ടുവന്നിരുന്നു. വണ്‍-ടു-വണ്‍ ചാറ്റുകളിലും ഗ്രൂപ്പ് ചാറ്റുകളിലും ടൈപ്പ് ചെയ്യുന്ന ആളുടെ പ്രൊഫൈല്‍ ചിത്രം ഉള്‍പ്പെടെയുള്ള ടൈപ്പിങ് ഇന്‍ഡിക്കേഷനാണ് നല്‍കുന്നത്. ഗ്രൂപ്പ് ചാറ്റുകളിലും മറ്റും ഒന്നിലധികം ആളുകള്‍ ഒരേസമയം ടൈപ്പ് ചെയ്യുമ്പോഴാണ് ഈ ഫീച്ചര്‍ കൂടുതല്‍ ഉപകാരപ്രദമാകുന്നത് എന്നാണ് വാട്‌സാപ്പ് അവകാശപ്പെടുന്നത്.

Advertisement

inner ad

യുപിഐ ലൈറ്റ് വാലറ്റിൽ മാറ്റങ്ങൾ വരുത്തി ആർബിഐ. പുതുക്കിയ മാറ്റങ്ങൾ അനുസരിച്ച് ഒരു ദിവസം പരമാവധി 5000 രൂപ വരെ ട്രാൻസ്ഫർ ചെയ്യാം. നിലവിൽ ഈ പരിധി 2000 രൂപയായിരുന്നു. ഒരു ഇടപാടിന് പരമാവധി 500 രൂപവരെയാണ് ഇതുവരെ കൈമാറാൻ കഴിഞ്ഞിരുന്നത്. എന്നാൽ ഇത് 1000 രൂപയാക്കി വർധിപ്പിച്ചിട്ടുണ്ട്. ഡിജിറ്റൽ ഇടപാടിനെ പ്രോത്സാഹിപ്പിക്കുന്നതിനായി 2022 സെപ്റ്റംബറിലാണ് യുപിഐ ലൈറ്റ് അവതരിപ്പിച്ചത്. പണം കൈമാറ്റം വേഗത്തിലും തടസ്സരഹിതമായും നടത്തുക എന്ന ലക്ഷ്യത്തോടെയാണ് യുപിഐ ലൈറ്റ് അവതരിപ്പിച്ചത്. യുപിഐ ലൈറ്റ് ഇടപാടുകള്‍ ഓഫ്‌ലൈന്‍ ആയിട്ടാണ് നടത്തുന്നത്. അതിനാൽ അഡീഷണല്‍ ഫാക്ടര്‍ ഓഫ് ഓതന്റിഫിക്കേഷന്‍ (എഎഫ്എ) ആവശ്യമില്ല.

വാട്‌സ്ആപ്പിൽ വോയിസ് മെസേജുകൾ വായിക്കാനാകുന്ന പുതിയ സവിശേഷത ഉടൻ ഉടൻ എത്തുന്നു. വോയിസ് മെസേജുകൾ ഓട്ടോമാറ്റിക്കായി ടെക്സ്റ്റാക്കി മാറ്റുന്ന ഫീച്ചർ (വാട്‌സ്ആപ്പ് വോയിസ് മെസേജ് ട്രാൻസ്‌ക്രിപ്റ്റ്) അവതരിപ്പിക്കുമെന്ന് നേരത്തെ റിപ്പോർട്ട് പുറത്തുവന്നിരുന്നു. പ്ലേ ചെയ്‌ത് കേൾക്കാൻ സാധിക്കാത്ത അവസ്ഥയിലായാൽ, ഈ പുതിയ ഫീച്ചർ ഉപയോക്താക്കളെ വലിയൊരു അസൗകര്യത്തിൽ നിന്ന് രക്ഷിക്കും. വോയിസ് മെസേജുകൾ ഓട്ടോമാറ്റിക്കായി ടെക്സ്റ്റാക്കി മാറ്റി, അക്ഷര രൂപത്തിൽ വോയിസ് മെസേജിന് താഴെ പ്രത്യക്ഷപ്പെടുന്നതാണ് സവിശേഷതയുടെ പ്രവർത്തനം. ഇതുവഴി കേൾക്കാൻ സാധിക്കാത്ത സന്ദേശങ്ങൾ വായിച്ച് മനസിലാക്കാനാകും. വോയിസ് മെസേജുകൾ ടെക്സ്റ്റായി മാറുന്ന പ്രക്രിയ പൂര്‍ണമായും സ്വകാര്യമായിരിക്കും എന്ന് വാട്‌സ്ആപ്പ് ഉറപ്പുനൽകുന്നു. ഇത് ഡിവൈസിനുള്ളിൽ മാത്രമായിരിക്കും നടക്കുക, കൂടാതെ വോയിസ് മെസേജുകളും ട്രാൻസ്‌ക്രിപ്റ്റുകളും വാട്‌സ്ആപ്പിന് അകത്ത് ആക്സസ് ചെയ്യാനാവില്ല. ഉപയോക്താക്കളുടെ ആമസ്സ് സംരക്ഷിക്കപ്പെടും എന്ന് മെറ്റ ഉറപ്പുനൽകുന്നു. അതേസമയം, സെറ്റിംഗ്‌സിൽ നിന്ന് ഈ ഫീച്ചർ ഇനേബിൾ ചെയ്യാനോ ഡിസേബിൾ ചെയ്യാനോ കഴിയും. വരും ആഴ്ചകളിൽ ഈ ഫീച്ചർ ആഗോള ഉപയോക്താക്കൾക്ക് ലഭ്യമാകും. അതുപോലെ, ഡ്രാഫ്റ്റ് ഫീച്ചർ, അഴിച്ചുപോയുവോ സെന്റ് ചെയ്യാതെ മറന്നുപോയവോ ആയ മെസേജുകളുടെ ലിസ്റ്റ് സൃഷ്ടിക്കുന്ന ഒരു പുതിയ ഉപകരണം, വാട്‌സ്ആപ്പിൽ വരാനിരിക്കുകയാണ്. ഇതോടൊപ്പം, ചിത്രങ്ങൾ റിവേഴ്‌സ് ഇമേജ് സെർച്ച് ചെയ്യാൻ കഴിയുന്ന പുതിയ ഫീച്ചറും ഉടൻ അവതരിപ്പിക്കുമെന്ന് മെറ്റ അറിയിച്ചിട്ടുണ്ട്.