Connect with us
48 birthday
top banner (1)

Kerala

സ്വർണക്കടത്ത്: മോദിയുടെ പ്രസ്താവനയിലൂടെ ഒത്തുകളി വ്യക്തമായെന്ന് ചെന്നിത്തല

Avatar

Published

on

തിരുവനന്തപുരം: സ്വർണ്ണക്കടത്ത് ഏത് ഓഫീസ് കേന്ദ്രീകരിച്ച് നടന്നുവെന്ന് എല്ലാവർക്കും അറിയാമെന്ന നരേന്ദ്ര മോദിയുടെ പ്രസ്താവനയോടെ ഇവർ തമ്മിലുള്ള ഒത്തുകളി പുറത്തു വന്നെന്ന് കോൺഗ്രസ് വർക്കിങ്ങ് കമ്മിറ്റി അംഗം രമേശ് ചെന്നിത്തല പറഞ്ഞു.
സ്വർണ്ണക്കടത്ത് നടന്നത് എവിടെ കേന്ദ്രീകരിച്ചാണെന്ന് അറിഞ്ഞിട്ടും നടപടി എടുക്കാതിരിക്കുകയാണ് ചെയ്തത്. കേസിൻ്റെ അന്വേഷണം മുഖ്യമന്ത്രിയുടെ ഓഫീസിൽ എത്തിയതോടെ നിലച്ചതിന് പിന്നിലാരാണെന്ന് ഇപ്പോൾ കേരളത്തിലെ ജനങ്ങൾക്ക് ബോധ്യമായെന്നും അദ്ദേഹം വ്യക്തമാക്കി.
ഇവർ തമ്മിലെ അന്തർധാര എത്രത്തോളമെന്ന് കഴിഞ്ഞ നിയമസഭ തെരെഞ്ഞെടുപ്പിലെ ബി.ജെ.പി യുടെ വോട്ട് വിഹിതം പരിശോധിച്ചാൽ മനസ്സിലാകും. രാജ്യത്തൊട്ടാകെ പ്രതിപക്ഷ നേതാക്കളെ കേന്ദ്ര ഏജൻസികൾ വേട്ടയാടുമ്പോൾ ഇവിടെ മുഖ്യമന്ത്രിയുടെ ഓഫീസിനെതിരെ തെളിവകൾ പുറത്ത് വന്നിട്ടും ചെറുവിരൽ അനക്കാത്ത കേന്ദ്ര ഏജൻസികൾക്ക് പിന്നിൽ ഇവർ തമ്മിലുള്ള ധാരണയാണെന്ന് പ്രധാനമന്ത്രിയുടെ പ്രസ്താവനയോടെ ബോധ്യമായി. കോൺഗ്രസ് മുക്ത ഭാരതം ലക്ഷ്യം വെച്ച് നീങ്ങുന്ന ബിജെപി, കോൺഗ്രസിനെ കേരളത്തിൽ തകർക്കാൻ സിപിഎമ്മുമായി കൈകോർക്കുകയാണ് ചെയ്യുന്നത്. ഇതുകൊണ്ടൊന്നും തകരുന്ന പാർട്ടിയല്ല കോൺഗ്രസെന്ന് പാർലമെൻ്റ് ഇലക്ഷൻ കഴിയുമ്പോൾ ഇരുവർക്കും ബോധ്യമുമെന്നും ചെന്നിത്തല പറഞ്ഞു.

Continue Reading
Advertisement
inner ad
Click to comment

You must be logged in to post a comment Login

Leave a Reply

Death

സാമ്പത്തിക ബുധിമുട്ടിനെ തുടർന്ന് അച്ഛനും മകനും വിഷം കഴിച്ചു; അച്ഛൻ മരിച്ചു

Published

on

പാലക്കാട്: കൊല്ലങ്കോട് അച്ഛനും മകനും വിഷം കഴിച്ചു. അച്ഛൻ മരിച്ചു. എലവഞ്ചേരി പെരുങ്ങോട്ടുകാവ് കാവുങ്ങൽ വീട്ടിൽ എം. വേലൻകുട്ടി (89) ആണ് മരിച്ചത്‌. മകൻ ഉണ്ണിക്കൃഷ്ണൻ (58) ജില്ലാ ആശുപത്രിയിൽ തീവ്രപരിചരണ വിഭാഗത്തിലാണ്. വിഷം കഴിക്കുന്ന സമയത്ത് വീട്ടിൽ ആരുമില്ലായിരുന്നുവെന്നാണു സൂചന. വെള്ളിയാഴ്ച രാത്രിയിലാണ് ഇരുവരെയും വിഷം കഴിച്ച് അവശനിലയിൽ ബന്ധുക്കൾ കാണുന്നത്.

Advertisement
inner ad

മരിച്ച വേലൻകുട്ടിയുടെ അസുഖവും സാമ്പത്തിക പ്രയാസങ്ങളും കാരണമാണ് ഇരുവരും വിഷം കഴിച്ചതെന്നാണ് കൊല്ലങ്കോട് പൊലീസ് പറയുന്നത്. വേലൻകുട്ടി കഴുത്തിൽ അർബുദ ബാധിതനായതിനെ തുടർന്നു വീട്ടിൽ വിശ്രമത്തിലായിരുന്നു. ഉണ്ണികൃഷ്ണൻ ലോറി ഡ്രൈവറാണ്. വേലൻകുട്ടിയുടെ മൃതദേഹം ജില്ലാ ആശുപത്രി മോർച്ചറിയിൽ.

Advertisement
inner ad
Continue Reading

Kerala

തൃശൂരിൽ മാത്രമല്ല പാലക്കാടും നേരിയ ഭൂചലനം

Published

on

പാലക്കാട്: തൃശ്ശൂരിൽ മാത്രമല്ല പാലക്കാടും നേരിയ ഭൂചലനം അനുഭവപെട്ടു. ഭൂചലനം അനുഭവപ്പെട്ടത്. പാലക്കാട് ജില്ലയുടെ പടിഞ്ഞാറൻ മേഖലയിൽ ഇന്ന് രാവിലെയാണ് ഭൂചലനമുണ്ടായത്. ഇന്നു രാവിലെ എട്ടു മണിക്കുശേഷം തിരുമിറ്റക്കോട്, കക്കാട്ടിരി, ചാലിശ്ശേരി, നാഗലശ്ശേരി, കോട്ടപ്പാടം, കോതച്ചിറ, എഴുമങ്ങാട്, കപ്പൂർ, മതുപ്പുള്ളി, കുമരനെല്ലൂർ തുടങ്ങിയ സ്ഥലങ്ങളിലാണ് ഭൂമിക്കടിയിൽനിന്ന് മുഴക്കം അനുഭവപ്പെട്ടത്. വീടുകളുടെ ജനച്ചില്ലുകൾക്ക് കുലുക്കം അനുഭവപ്പെട്ടു. ഇതോടെ ആളുകൾ പരിഭ്രാന്തരായി.

Advertisement
inner ad
Continue Reading

Accident

ചൂണ്ടയിടാൻ പോയ കുട്ടികൾ മുങ്ങിമരിച്ചു

Published

on

കോട്ടയം: കുളത്തിൽ ചൂണ്ടയിടാൻ പോയ രണ്ടുകുട്ടികൾ കുളത്തിൽ വീണു മരിച്ചു. കോട്ടയം തൃക്കൊടിത്താനത്താണ് അപകടമാണ്ടായത്. കുറിച്ചി സ്വദേശി അഭിനവ് (12) മാടപ്പള്ളി സ്വദേശി ആദർശ് (15) എന്നിവരാണ് മരിച്ചത്.

Advertisement
inner ad
Continue Reading

Featured