Kerala
ഗിവ് എന് ടേക്ക് വേള്ഡിനും പിടിവീണു: സ്വത്ത്കണ്ടുകെട്ടാന് ജില്ല കലക്ടര് ഉത്തരവിട്ടു
തൃശൂര്: മണിചെയിന് മോഡല് തടിപ്പ് നടത്തിയ ഹൈറിച്ച് കമ്പനിക്ക് പിന്നാലെ തൃശുര് ആസ്ഥാനമായ ഗിവ് എന് ടേക്ക് വേള്ഡ് എന്ന സമാന രീതിയിലുള്ള കമ്പനിക്കെതിരെയും ബഡ്സ് ആക്ട് പ്രകാരം നടപടി. പ്രശാന്ത് പനച്ചിക്കല് മാര്ക്കറ്റിങ് പ്രൈവറ്റ് ലിമിറ്റഡ് ഗിവ് എന് ടേക്ക് വേള്ഡ് ടി.എന്.ടി ചിറ്റ്സ് പ്രൈവറ്റ് ലിമിറ്റഡ് എന്നീ സ്ഥാപനങ്ങളുടെയും ഉടമകളുടെയും പേരിലുള്ള സ്വത്ത് ബഡ്സ് ആക്ട് പ്രകാരം കണ്ടുകെട്ടാന് ജില്ല കലക്ടര് ഉത്തരവിട്ടു.
അമിത പലിശ വാഗ്ദാനം ചെയ്ത് പൊതുജനങ്ങളില് നിന്ന് നിക്ഷേപം സ്വീകരിക്കുകയും ആവശ്യപ്പെട്ടിട്ടും പണം തിരികെ നല്കാതെ വഞ്ചിക്കുകയും ചെയ്തതായി ബോധ്യപ്പെട്ടതിന്റെ അടിസ്ഥാനത്തിലാണ് നടപടി. ജപ്തി സ്ഥിരമാക്കാന് ബന്ധപ്പെട്ട കോടതി മുഖേന ഹരജി ഫയല് ചെയ്യാനും കലക്ടറുടെ ഉത്തരവില് പറയുന്നു.
സ്വത്ത് വിവരം കണക്കാക്കാന് സബ് രജിസ്ട്രാര് ഓഫിസര്മാര്ക്കും ട്രാന്സ്പോര്ട്ട് ഓഫിസര്ക്കും നിര്ദേശം
പ്രതികളുടെ സ്ഥാവര സ്വത്തുകളുടെ വിശദ വിവരങ്ങള് തയാറാക്കാന് തഹസില്ദാര്മാര്ക്കും വില്പന നടപടികള് മരവിപ്പിക്കാന് സബ് രജിസ്ട്രാര് ഓഫിസര്മാര്ക്കും അടിയന്തര നിര്ദേശം നല്കി. പ്രതികളുടെ പേരില് ജില്ലയിലുള്ള വാഹനങ്ങളുടെ പട്ടിക തയാറാക്കി കലക്ടറേറ്റിലേക്കും ജില്ല പൊലീസ് മേധാവിക്കും കൈമാറാന് തൃശൂര് റീജനല് ട്രാന്സ്പോര്ട്ട് ഓഫിസര്ക്ക് നിര്ദേശം നല്കി.
പ്രതികളുടെ പേരിലെ അക്കൗണ്ടുകളും സ്ഥിര നിക്ഷേപങ്ങളും മരവിപ്പിക്കാന് നിര്ദേശം നല്കാന് ലീഡ് ബാങ്ക് മാനേജരെ ചുമതലപ്പെടുത്തി. തൃശൂര് സിറ്റി, റൂറല് ജില്ല പൊലീസ് മേധാവിമാര്, തൃശൂര്, ഇരിങ്ങാലക്കുട റവന്യൂ ഡിവിഷനല് ഓഫിസര് എന്നിവര്ക്കാണ് ഉത്തരവ് നടപ്പാക്കേണ്ട ചുമതല. കണ്ടുകെട്ടല് നടപടികള് സംബന്ധിച്ച വിശദാംശങ്ങള് അടങ്ങിയ റിപ്പോര്ട്ട് അടിയന്തരമായി കലക്ടറേറ്റില് ലഭ്യമാക്കണമെന്നും കലക്ടര് അറിയിച്ചു.പ്രൈസ് ചിറ്റ്സ് ആന്ഡ് മണി സര്ക്കുലേഷന് സ്കീംസ് (ബാനിങ്) ആക്ടിലെ വ്യവസ്ഥകള്ക്ക് വിരുദ്ധമായി ഓണ്ലൈന് മണി ചെയിന് ബിസിനസ് നടത്തിയതിനാണ് ഗിവ് എന് ടേക്ക് വേള്ഡ് എന്ന സ്ഥാപനത്തിനെതിരായ നടപടി.
ന്യൂഡൽഹി: മലയാളിയായ ജസ്റ്റീസ് വിനോദ് ചന്ദ്രൻ സുപ്രീംകോടതി ജഡ്ജിയായി സത്യപ്രതിജ്ഞ ചെയ്തു. സുപ്രീംകോടതിയിൽ നടന്ന ചടങ്ങിൽ ചീഫ് ജസ്റ്റീസ് സഞ്ജീവ് ഖന്ന സത്യവാചകം ചൊല്ലിക്കൊടുത്തു. പാട്ന ഹൈക്കോടതി ചീഫ് ജസ്റ്റീസായിരുന്നു വിനോദ് ചന്ദ്രൻ. 2011 നവംബർ എട്ടിന് കേരള ഹൈക്കോടതി ജഡ്ജിയായി നിയമിതനായ ജസ്റ്റീസ് വിനോദ് ചന്ദ്രൻ 2023 മാർച്ച് 29നാണ് പാട്ന ഹൈക്കോടതി ചീഫ് ജസ്റ്റീസായത്.
ജസ്റ്റീസ് വിനോദ് ചന്ദ്രൻ ചുമതലയേറ്റതോടെ സുപ്രീംകോടതി ജഡ്ജിമാരുടെ എണ്ണം 33 ആയി. ചീഫ് ജസ്റ്റീസ് ഉൾപ്പെടെ സുപ്രീംകോടതിയിൽ 34 ജഡ്ജിമാർ വരെയാകാം.
തിരുവനന്തപുരം: മോട്ടാര് വാഹന വകുപ്പിലെ ആധുനികവല്ക്കരണത്തിന്റെ ഭാഗമായി മാര്ച്ച് 31നകം ആര്സി ബുക്ക് ഡിജിറ്റലാക്കുമെന്ന് ഗതാഗത വകുപ്പ് മന്ത്രി കെ.ബി ഗണേഷ് കുമാര്. ബാങ്ക് ഹൈപ്പോത്തിക്കേഷന് ലിങ്ക് ചെയ്യുന്നതോടെ ആര്സി ബുക്ക് പ്രിന്റ് ചെയ്ത് എടുക്കാനാകുമെന്നും മന്ത്രി പറഞ്ഞു. റോഡ് സുരക്ഷാ ഫണ്ട് ഉപയോഗിച്ച് മോട്ടോര് വാഹന വകുപ്പ് വാങ്ങിയ 20 ബൊലേറോ വാഹനങ്ങള് കനകക്കുന്നില് ഫ്ലാ?ഗ് ഓഫ് ചെയ്തു സംസാരിക്കുകയായിരുന്നു മന്ത്രി.
ഡ്രൈവിംഗ് ടെസ്റ്റ് പാസ്സായി ഇറങ്ങുമ്പോള് തന്നെ ലൈസന്സുമായി പോകാവുന്ന സംവിധാനം ഒരുക്കും. ഇതിനായി മോട്ടാര് വെഹിക്കിള് ഇന്സ്പെക്ടര്മാര്ക്ക് ടാബ് നല്കും. ടെസ്റ്റ് പാസാകുന്നതോടെ ഇന്സ്പെക്ടര്മാര് ടാബില് ഇന്പുട്ട് നല്കുന്നതിനനുസരിച്ചാണ് ഉടനടി ലൈസന്സ് ലഭ്യമാകുക.
റോഡ് സുരക്ഷാ നിയമ പാലനം ശക്തമാക്കുന്നതിന്റെ ഭാഗമായാണ് റോഡ് സുരക്ഷാ ഫണ്ടില് നിന്നും 20 വാഹനങ്ങള് വാങ്ങിയത്. അന്പത് വാഹനങ്ങള് കൂടി വാങ്ങുന്നതിനുള്ള അപേക്ഷ മുഖ്യമന്ത്രിക്ക് സമര്പ്പിച്ചിട്ടുണ്ട്. വാങ്ങിയ വാഹനങ്ങളില് ബ്രത്ത് അനലൈസര്, മുന്നിലും പിന്നിലും ക്യാമറ, റഡാര്, ഡിസ്പ്ലേ യൂണിറ്റ് തുടങ്ങിയ അത്യാധുനിക സംവിധാനങ്ങള് കൂട്ടിച്ചേര്ക്കും. ഡിസ്പ്ലേയില് ആറു ഭാഷകളില് നിയമലംഘനവും പിഴയും പ്രദര്ശിപ്പിക്കും. പരിശോധനക്കായി എംവിഡി ഉദ്യോഗസ്ഥര്ക്ക് വാഹനത്തില് നിന്നിറങ്ങേണ്ടതില്ല. വാഹനമോടിക്കുന്നവരുടെ യാത്ര തടസ്സപ്പെടുത്തേണ്ട ആവശ്യവുമില്ല.
അഞ്ചുദിവസത്തിനകം ഒരു ഫയലില് തീരുമാനമെടുക്കാതെ കയ്യില്വച്ചിരിക്കുന്ന വകുപ്പിലെ ഉദ്യോഗസ്ഥര്ക്കെതിരെ ഇന്റേണല് വിജിലന്സ് സ്ക്വോഡിന്റെ പരിശോധനയിലൂടെ നടപടി സ്വീകരിക്കും. ക്ലറിക്കല് സ്റ്റാഫുകളുടെ ജോലിഭാരം ഏകീകരിച്ച് ജോലിതുല്യത ഉറപ്പുവരുത്താന് സോഫ്റ്റ് വെയര് ഉപയോഗപ്പെടുത്തും.
വി.കെ പ്രശാന്ത് എംഎല്എ അദ്ധ്യക്ഷനായിരുന്ന ചടങ്ങില് ട്രാന്സ്പോര്ട്ട് കമ്മീഷണര് നാഗരാജു ചക്കിലം ഐപിഎസ്, അഡീഷണല് ട്രാന്സ്പോര്ട്ട് കമ്മീഷണറും കെഎസ്ആര്ടിസി സിഎംഡി പി.എസ് പ്രമോജ് ശങ്കര്, സിബിസി മഹീന്ദ്ര വൈസ് പ്രസിഡന്റ് ഗോപകുമാര്, എംവിഡി ഉദ്യോഗസ്ഥര് തുടങ്ങിയവര് പങ്കെടുത്തു.
Ernakulam
തൃപ്പൂണിത്തുറയിൽ ഫ്ലാറ്റിൽ നിന്ന് വീണ് 15 കാരൻ മരിച്ചതിൽ ദുരൂഹത; ആത്മഹത്യയെന്ന സംശയത്തില് പൊലീസ്
കൊച്ചി: തൃപ്പൂണിത്തുറയിൽ ഫ്ലാറ്റിന്റെ 26 ആം നിലയിൽ നിന്ന് വീണ് 15 കാരൻ മരിച്ചതിൽ ദുരൂഹത. ആത്മഹത്യയാണെന്ന സംശയത്തില് പൊലീസ്. രക്ഷിതാക്കൾ ശകാരിച്ചതാണ് ആത്മഹത്യയ്ക്ക് കാരണമായതെന്നാണ് പോലീസിന് ലഭിക്കുന്ന വിവരം. സ്കൂളിലെ പ്രശ്നങ്ങ തുടർന്ന് കുട്ടിയുടെ രക്ഷിതാക്കളെ സ്കൂള് അധികൃതർ വിളിപ്പിച്ചിരുന്നു. തുടർന്നു വീട്ടില് എത്തിയ രക്ഷിതാക്കള് കുട്ടിയെ ശകാരിച്ചിരുന്നു. നേരത്തെ മറ്റൊരു സ്കൂളില് പ്രശ്നം ഉണ്ടാക്കിയതിന്റെ പേരില് കുട്ടിയെ സ്കൂള് മാറ്റി ചേർത്തിരുന്നുവെന്നും പൊലീസിന് വിവരം കിട്ടി. കുട്ടിയുടെ പോസ്റ്റുമോർട്ടം ഇന്ന് നടക്കും.
തൃപ്പൂണിത്തുറ ചോയിസ് ടവറില് താമസിക്കുന്ന സരിൻ -രചന ദമ്ബതികളുടെ മകൻ മിഹിറാണ് ഫ്ലാറ്റിലെ ഇരുപത്തിയാറാം നിലയില് നിന്ന് വീണ് തല്ക്ഷണം മരിച്ചത്. ഇന്നലെ ഉച്ചയ്ക്ക് മൂന്നരയോടെയായിരുന്നു അപകടം. മുകളില് നിന്ന് വീണ കുട്ടി മൂന്നാം നിലയിലെ ഷീറ്റിട്ട ടെറസില് പതിക്കുകയായിരുന്നു. ഫയർ ഫോഴ്സ് എത്തിയാണ് മൃതദേഹം മാറ്റിയത്. മൃതദേഹം ഇൻക്വസ്റ്റിനു ശേഷം ആശുപത്രിയിലേക്ക് മാറ്റി. തിരുവാണിയൂർ ഗ്ലോബല് പബ്ലിക് സ്കൂളിലെ ഒൻപതാം ക്ലാസ് വിദ്യാർത്ഥിയാണ് മിഹിർ
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured3 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login