Connect with us
48 birthday
top banner (1)

News

ഗാസയിലെ വ്യോമാക്രമണം: നെതന്യാഹുവിന് മുന്നറിയിപ്പുമായി ബൈഡന്‍

Avatar

Published

on


വാഷിങ്ടണ്‍: ഗാസയില്‍ ഇസ്രായേല്‍ നടത്തുന്ന സൈനിക നീക്കങ്ങളില്‍ പ്രധാനമന്ത്രി ബെഞ്ചമിന്‍ നെതന്യാഹുവിന് മുന്നറിയിപ്പുമായി യുഎസ് പ്രസിഡന്റ് ജോ ബൈഡന്‍. വകതിരിവില്ലാത്ത ബോംബാക്രമണം മൂലം ഇസ്രായേലിന് ആഗോള പിന്തുണ നഷ്ടമാകാനുള്ള സാധ്യതയുണ്ടെന്നാണ് ബൈഡന്റ് മുന്നറിയിപ്പ്. നേരത്തെ ഹമാസ് നടത്തിയ ആക്രമണത്തില്‍ ഇസ്രായേല്‍ തിരിച്ചടി നല്‍കുന്നതില്‍ പിന്തുണയുമായി ബൈഡന്‍ രംഗത്തെത്തിയിരുന്നു.

ഇസ്രായേലില്‍ ഹമാസ് നടത്തിയ ആക്രമണത്തിനെതിരായ തിരിച്ചടിയെ ഭൂരിഭാഗം രാജ്യങ്ങളും പിന്തുണച്ചിട്ടുണ്ട്. എന്നാല്‍ വകതിരിവില്ലാത്ത ബോംബാക്രമണം നടക്കുന്നതുമൂലം പിന്തുണ നഷ്ടപ്പെട്ടു തുടങ്ങിയിരിക്കുന്നുവെന്ന് ബൈഡന്‍ പറയുന്നു. ഹമാസിന് തിരിച്ചടി നല്‍കുന്നതില്‍ തെറ്റില്ല. എന്നാല്‍ പലസ്തീനിലെ നിരപരാധികളെ സംരക്ഷിക്കേണ്ടതുണ്ടെന്നും യുഎസ് പ്രസിഡന്റ് പറഞ്ഞു.ഇപ്പോള്‍ നടക്കുന്ന സംഭവങ്ങളെ രണ്ടാം ലോക യുദ്ധകാലത്തെ സഖ്യങ്ങളുമായി ഇസ്രായേല്‍ താരതമ്യം ചെയ്യുന്നതില്‍ അര്‍ഥമില്ല. അത്തരമൊരു യുദ്ധം ഇനിയും സംഭവിക്കാതിരിക്കാനാണ് ആഗോള സംഘടനകള്‍ സ്ഥാപിച്ചിരിക്കുന്നത്. വേള്‍ഡ് ട്രേഡ് സെന്റര്‍ ആക്രമണത്തിനുശേഷം യുഎസ് തെറ്റുകള്‍ ചെയ്തവെന്നും ബൈഡന്‍ പറഞ്ഞു. നെതന്യാഹു നല്ല സുഹൃത്താണെന്നും എന്നാല്‍ ഇപ്പോഴത്തെ സമീപനത്തില്‍ മാറ്റം വരുത്തണമെന്നും ബൈഡന്‍ ആവശ്യപ്പെട്ടു.

Advertisement
VKSHNM NWS KWT 1000 x 180 PX-01

ഇസ്രായേല്‍ ആക്രമണത്തില്‍ ഗാസയില്‍ ഇതുവരെ 18,400 പേര്‍ കൊല്ലപ്പെട്ടുവെന്നാണ് ഭരണകക്ഷിയായ ഹമാസിന്റെ കണക്ക്. ഇതിലേറെയും സാധാരണക്കാണ്. ഇക്കഴിഞ്ഞ ഒക്ടോബര്‍ ഏഴിന് ഹമാസ് ഇസ്രായേലില്‍ നടത്തിയ ആക്രമണത്തില്‍ 1200 പേര്‍ കൊല്ലപ്പെട്ടിരുന്നു. ഇതിലും സാധാരണക്കാരായിരുന്നു ഏറെയും. ഹമാസിന്റെ ഉന്മൂലനവും ബന്ദിയാക്കിയവരുടെ മോചനവും ലക്ഷ്യമിട്ടാണ് ഇസ്രായേല്‍ ഗാസ ആക്രമിക്കാന്‍ തുടങ്ങിയത്. എന്നാല്‍ യുദ്ധത്തിന്റെ അതിര്‍വരമ്പുകള്‍ ലംഘിച്ച് ഇസ്രായേല്‍ ആക്രമണം കടുപ്പിച്ചതോടെ ഗാസ ചോരപ്പുഴയാകുകയായിരുന്നു. പിഞ്ചുകുഞ്ഞുങ്ങള്‍ക്കടക്കം ജീവന്‍ പൊലിഞ്ഞതോടെ ആഗോളതലത്തില്‍ സമാധാന ശ്രമം ആരംഭിക്കുകയായിരുന്നു.

പുടിനും സെലന്‍സ്‌കിക്കും തോന്നിയ ചില സംശയങ്ങള്‍; കൊന്നും കൊലവിളിച്ചും തുടരുന്ന യുക്രൈന്‍ യുദ്ധം ഖത്തറിന്റെ മധ്യസ്ഥതയില്‍ നടന്ന ചര്‍ച്ചയ്‌ക്കൊടുവില്‍ ഇസ്രായേല്‍ നാലു ദിവസത്തേക്ക് വെടിനിര്‍ത്തന്‍ പ്രഖ്യാപിച്ചിരുന്നു. കഴിഞ്ഞ ദിവസം യുഎന്‍ സെക്രട്ടറി ജനറല്‍ അന്റോണിയോ ഗുട്ടെര്‍സ് വിളിച്ചുചേര്‍ത്ത രക്ഷാസമിതിയോഗത്തില്‍ ഗാസയില്‍ വെടിനിര്‍ത്തല്‍ ആവശ്യപ്പെട്ട് യുഎഇ കരടുപ്രമേയം അവതരിപ്പിച്ചെങ്കിലും യുഎസ് എതിര്‍ത്തിരുന്നു. 90 രാജ്യങ്ങളുടെ പിന്തുണയോടെയായിരുന്നു യുഎഇ പ്രമേയം അവതരിപ്പിച്ചിരുന്നത്. ഇതിനു പിന്നാലെയാണ് നെതന്യാഹുവിന് മുന്നറിയിപ്പുമായി ബൈഡന്‍ രംഗത്തെത്തിയത്.

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

News

കേരളമാകെ പ്രതിഷേധം; കോതമംഗലത്തും തിരുവനന്തപുരത്തും എറണാകുളത്തും പ്രവർത്തകർ സംഘടിക്കുന്നു

Published

on

കൊച്ചി: കോതമംഗലത്ത് വയോധിക കാട്ടാനയുടെ ആക്രമണത്തിൽ മരിച്ച സംഭവത്തിൽ സർക്കാരിന്റെയും വനം വകുപ്പിന്റെയും ഗുരുതര വീഴ്ചയ്ക്കെതിരെ കോൺഗ്രസിന്റെ നേതൃത്വത്തിൽ ആരംഭിച്ച ഉപവാസ പന്തലിൽ പോലീസ് നടത്തിയ അഴിഞ്ഞാട്ടത്തിൽ സംസ്ഥാനത്തിന്റെ വിവിധ ഭാഗങ്ങളിൽ പ്രതിഷേധം. കോതമംഗലത്ത് കോൺഗ്രസിന്റെയും വിവിധ പോഷക സംഘടനകളുടെയും നേതൃത്വത്തിൽ പ്രതിഷേധം അരങ്ങേറുന്നു. ഇടുക്കി എംപി ഡീൻ കുര്യാക്കോസും മുൻ പ്രതിപക്ഷ നേതാവ് രമേശ് ചെന്നിത്തലയും ഇപ്പോഴും ഉപവാസ പന്തലിൽ തന്നെ തുടരുകയാണ്. എംഎൽഎമാരായ അൻവർ സാദത്തും റോജി എം ജോണും പൊലീസ് സ്റ്റേഷനിൽ തുടരുന്നു. തിരുവനന്തപുരത്ത് പ്രതിപക്ഷ നേതാവ് വി ഡി സതീശൻ ഉൾപ്പെടെ സമര രംഗത്തുണ്ട്. എറണാകുളത്ത് കോൺഗ്രസ് പ്രവർത്തകർ റോഡ് ഉപരോധിക്കുന്നു.

Advertisement
VKSHNM NWS KWT 1000 x 180 PX-01
Continue Reading

Kuwait

ഗ്ലോബൽ തിക്കോടിയൻസ്‌ ഭാരവാഹികളെ തെരഞ്ഞെടുത്തു!

Published

on

കുവൈത്ത്‌ സിറ്റി : കോഴിക്കോട്‌ ജില്ലയിലെ തിക്കോടിക്കാരുടെ കൂട്ടായ്മയായ ഗ്ലോബൽ തിക്കോടിയൻസ്‌ ഫോറം (ജി ടി എഫ്‌) കുവൈത്ത് ചാപ്റ്റർ കബ്ദ്‌ റിസോർട്ടിൽ വെച്ച്‌ ജനറൽ ബോഡി യോഗം ചേർന്ന് 2024-25 വർഷത്തെ ഭാരവാഹികളെ തിരഞ്ഞെടുത്തു. റിട്ടേണിംഗ്‌ ഓഫീസർ ശബീർ മണ്ടോളി തെരഞ്ഞെടുപ്പ്‌ നടപടികൾ നിയന്ത്രിച്ചു.

ഭാരവാഹികളായി പ്രസിഡണ്ട് നജ്മുദ്ധീൻ ടി സി ചെയർമാൻ, വിഭീഷ്‌ തിക്കോടി ജനറൽ സെക്രട്ടറി, ഷൈബു കൂരന്റവിട ഫൈനാൻസ്‌ സെക്രട്ടറി, ഫിറോസ്‌ കുളങ്ങര സീനിയർ വൈസ്‌ പ്രസിഡണ്ട്, ശുഐബ്‌ റഷീദ്‌ കുന്നോത്ത്‌ (പബ്ലിക്‌ റിലേഷൻ & മീഡിയ) എന്നിവരെ തെരെഞ്ഞെടുത്തു. വൈസ്‌ പ്രസിഡണ്ടു മാരായി സമീർ തിക്കോടി (മെംബർഷിപ്‌), അബു കോട്ടയിൽ (മെംബേർസ്‌ ചാരിറ്റി), ജോയിന്റ്‌ സെക്രട്ടറിമാരായി ഹാഷിദ്‌ ഏരത്ത്‌ മീത്തൽ (സംഘടന),
സാദിഖ്‌‌ ടി വി (മെംബേർസ് വെൽഫെയർ & ബോധ വൽകരണം), ശ്രീജിത്‌ (കലാ-സാഹിത്യം & ഇവന്റ്‌ മാനേജ്‌മന്റ്‌) ശംനാസ്‌ ഇസ്‌ഹാഖ്‌ (അഡ്മിനിസ്ട്രേഷൻ), ഗഫൂർ പി പി ( കായികം), ഫൈനാൻസ്‌ കൺട്രോളർ ജാബിർ കഴുക്കയിൽ എന്നിവരെയും തെരഞ്ഞെടുത്തു. എക്സിക്യൂട്ടീവ്‌ കമ്മറ്റി അംഗങ്ങളായി സജീവൻ സമ്പത്ത്‌, പ്രവീൺ കുമാർ, ശെൽവരാജ്‌ മന്ദത്ത്‌, ഹനീഫ സർവ്വത്ത്‌, രജീഷ്‌ കുമാർ, അഫ്സൽ ശ്രുതി, സാദിഖ്‌ ടി വി, നൗഷാദ്‌ പാലൂർ, യൂനുസ്‌ പുറക്കാട്‌, ശംനാസ്‌ ഇസ്‌ഹാഖ്‌, മുഖ്സിത്‌ പള്ളിക്കര, റഹീം പാലൂർ എന്നിവരെയും തെരെഞ്ഞെടുത്തു.ഉപദേശക സമിതി അംഗങ്ങളായി ഇസ്‌ഹാഖ്‌ കൊയിലിൽ, ശെരീഫ്‌ പി ടി, അസീസ്‌ തിക്കോടി, ശബീർ മണ്ടോളി എന്നിവരെയും, ഗ്ലോബൽ കമ്മറ്റി അംഗങ്ങളായി ശംസുദ്ധീൻ കുക്കു, അഡ്വക്കറ്റ്‌ പ്രമോദ്‌ കുമാർ എന്നിവരെയും തെരഞ്ഞെടുത്തു.

Advertisement
VKSHNM NWS KWT 1000 x 180 PX-01
Continue Reading

Health

19.80 ലക്ഷം കുട്ടികള്‍ക്ക് പോളിയോ തുള്ളിമരുന്ന് നല്‍കി

Published

on

തിരുവനന്തപുരം: സംസ്ഥാനത്ത് 5 വയസിന് താഴെയുള്ള 19,80,415 കുട്ടികള്‍ക്ക് പള്‍സ് പോളിയോ തുള്ളിമരുന്ന് നല്‍കിയതായി ആരോഗ്യ വകുപ്പ്. 23,24,949 കുഞ്ഞുങ്ങള്‍ക്ക് പള്‍സ് പോളിയോ തുള്ളിമരുന്ന് നല്‍കാനാണ് ലക്ഷ്യമിട്ടത്. ഒറ്റ ദിവസം കൊണ്ട് 85.18 ശതമാനം കുഞ്ഞുങ്ങള്‍ക്കാണ് പോളിയോ തുള്ളിമരുന്ന് നല്‍കാനായത്. എന്തെങ്കിലും കാരണത്താല്‍ തുള്ളിമരുന്ന് നല്‍കാന്‍ സാധിക്കാത്ത കുഞ്ഞുങ്ങള്‍ക്ക് വരും ദിവസങ്ങളില്‍ തുള്ളിമരുന്ന് നല്‍കുമെന്നും ആരോഗ്യവകുപ്പ് വ്യക്തമാക്കി.
തിരുവനന്തപുരം 1,85,100, കൊല്ലം 1,44,927, പത്തനംതിട്ട 58,884, ആലപ്പുഴ 1,06,458, കോട്ടയം 91,610, ഇടുക്കി 61,212, എറണാകുളം 1,86,846, തൃശൂര്‍ 1,71,222, പാലക്കാട് 1,83,159, മലപ്പുറം 3,13,268, കോഴിക്കോട് 1,92,061, വയനാട് 49,847, കണ്ണൂര്‍ 1,44,674, കാസര്‍ഗോഡ് 91,147 എന്നിങ്ങനേയാണ് ജില്ലായടിസ്ഥാനത്തില്‍ പോളിയോ തുള്ളിമരുന്ന് സ്വീകരിച്ചത്. എറണാകുളം 95.06 ശതമാനം, കോട്ടയം 94.74 ശതമാനം, പത്തനംതിട്ട 90.92 ശതമാനം, പാലക്കാട് 90.85 ശതമാനം, തിരുവനന്തപുരം 90.65 ശതമാനം എന്നിങ്ങനെയാണ് വാക്‌സിനേഷനില്‍ മുന്നിലുള്ള ജില്ലകള്‍.

Continue Reading

Featured