Connect with us
48 birthday
top banner (1)

Entertainment

നീതിയുടെ ചിറകായ് ‘ഗരുഡൻ’ എത്തുന്നു; ചിത്രത്തിന്റെ ട്രെയിലർ പുറത്തിറങ്ങി

Avatar

Published

on

സുരേഷ് ഗോപിയും ബിജു മേനോനും ഒന്നിക്കുന്ന
ചിത്രം ‘ഗരുഡൻ’ ന്റെ ട്രെയിലർ പുറത്തിറങ്ങി. പുറത്തിറങ്ങിയ നിമിഷങ്ങൾ കൊണ്ട് തന്നെ ട്രെയിലർ സമൂഹമാധ്യമങ്ങളിൽ വൈറലായി.നീതി നിഷേധിച്ചവന്റെയും നീതി നടപ്പാക്കുന്നവന്റെയും പോരാട്ടങ്ങളാണ് ട്രെയിലറിൽ ഉടനീളമുള്ളത്. പ്രേക്ഷകനിൽ
ആകാംഷ ഉണർത്തുന്നതാണ് റിലീസ് ആയ ട്രെയ്ലർ വീഡിയോ. പഴയ സുരേഷ് ഗോപി ചിത്രങ്ങളെ ഓർമ്മിപ്പിക്കും വിധം കാക്കി അണിഞ്ഞ് ആക്ഷൻ ഹീറോയെ ചിത്രത്തിലൂടനീളം കാണാമെന്ന പ്രതീക്ഷയും ട്രെയിലർ നൽകുന്നുണ്ട്.

Advertisement
inner ad

പാപ്പന് ശേഷമുള്ള താരത്തിന്റെ അടുത്ത ത്രില്ലർ ചിത്രത്തിന് ഉള്ള കാത്തിരിപ്പിലാണ് ആരാധകർ. സാമൂഹ്യപ്രാധാന്യമുള്ള വിഷയമായിരിക്കും ചിത്രം കൈകാര്യം ചെയ്യുന്നത് എന്ന സൂചനയും ട്രെയിലർ നൽകുന്നു.സമീപകാലത്ത് നടന്ന ചില സംഭവങ്ങളെ ചിത്രം ചോദ്യം ചെയ്യുന്നുണ്ടോ എന്ന സംശയവും തോന്നിപ്പിക്കുന്നതാണ് ട്രെയിലർ.
നവംബർ ആദ്യം റിലീസിന് തയ്യാറെടുക്കുന്ന ചിത്രം മാജിക് ഫ്രെയിംസിൻ്റെ ബാനറിൽ ലിസിറ്റൻ സ്റ്റീഫൻ നിർമ്മിക്കുന്നു.


അരുൺ വർമ്മയാണ് ചിത്രം സംവിധാനം ചെയ്യുന്നത്. സുരേഷ് ഗോപിയും ബിജു മേനോനും മത്സരിച്ചു അഭിനയിക്കുന്ന ചിത്രമാകും “ഗരുഡൻ “. ഹിറ്റ്‌ ചിത്രമായ
‘അഞ്ചാം പാതിര’ക്ക് ശേഷം മിഥുൻ മാനുവൽ തോമസ് തിരക്കഥ രചിക്കുന്നു മാജിക് ഫ്രെയിംസും മിഥുൻ മാനുവലും ഒന്നിക്കുന്ന ആദ്യ ചിത്രം കൂടിയാണിത്.

Advertisement
inner ad

നീതിക്കുവേണ്ടി പോരാടുന്ന പോലീസ് ഓഫീസറുടെയും ഒരു കോളേജ് പ്രൊഫസറുടെയും ജീവിതത്തിലൂടെയാണ് ചിത്രം കടന്നു പോകുന്നത്. ചിത്രത്തിൽ കേരള ആംഡ് പോലീസിന്റെ കമാന്റന്റ് ആയ ഹരീഷ് മാധവനായാണ് സുരേഷ് ഗോപിയെത്തുന്നത്. നിഷാന്ത് എന്ന കോളേജ് പ്രൊഫസറുടെ വേഷമാണ് ബിജുമേനോൻ ചെയ്യുന്നത്. ഭാര്യയും ഒരു കുട്ടിയും ഉള്ള നിഷാന്ത് ഒരു ലീഗൽ പ്രശ്നത്തിൽ ഉൾപ്പെടുന്നതുമായി ബന്ധപ്പെടുത്തിയാണ് ചിത്രത്തിന്റെ കഥ വികസിക്കുന്നത്.


ഫാമിലി ത്രില്ലർ മൂഡിൽ ഒരുങ്ങുന്ന “ഗരുഡൻ” കൊച്ചിയിലും ഹൈദരാബാദിലുമായിട്ടാണ് ഷൂട്ടിംഗ് പൂർത്തിയാക്കിയത്. വൻ താരനിരയും വലിയ മുതൽ മുടക്കമുള്ള ചിത്രത്തിൽ സിദ്ദിഖ്, ദിലീഷ് പോത്തൻ,ജഗദീഷ്
അഭിരാമി, ദിവ്യ പിള്ള, തലൈവാസൽ വിജയ്, അർജുൻ നന്ദകുമാർ, മേജർ രവി, ബാലാജി ശർമ,സന്തോഷ് കീഴാറ്റൂർ, രഞ്ജിത്ത് കങ്കോൽ, ജെയ്സ് ജോസ്,മാളവിക, ജോസുകുട്ടി,ചൈതന്യ പ്രകാശ് എന്നിവരും പ്രധാന വേഷത്തിൽ (എത്തുന്നു.

Advertisement
inner ad


അജയ് ഡേവിഡ് കാച്ചപ്പള്ളി ആണ് ചിത്രത്തിനായി ക്യാമറ ചെയ്യുന്നത്. സുരേഷ് ഗോപിയുടെ “പാപ്പൻ” എന്ന ഗംഭീര സൂപ്പർ ഹിറ്റ് ചിത്രത്തിനും ക്യാമറ ചലിപ്പിച്ചത് അജയ് ആയിരുന്നു. കഥ ജിനേഷ് എം.
ജനഗണമന,കടുവ എന്നീ സൂപ്പർ ഹിറ്റ് ചിത്രങ്ങൾക്ക് ശേഷം ജെയ്ക്സ് ബിജോയ് വീണ്ടും മാജിക്‌ ഫ്രെയിംസിന് വേണ്ടി ഗരുഡന്റെ സംഗീതം ഒരുക്കുന്നു. എഡിറ്റർ ശ്രീജിത്ത് സാരംഗ്. ചിത്രത്തിന്റെ കോ- പ്രൊഡ്യൂസർ ജസ്റ്റിൻ സ്റ്റീഫൻ , ലൈൻ പ്രൊഡ്യൂസർ സന്തോഷ് കൃഷ്ണൻ,എക്സിക്യൂട്ടീവ് പ്രൊഡ്യൂസർ നവീൻ പി തോമസ്. അഡ്മിനിസ്ട്രേഷൻ ആൻഡ് ഡിസ്ട്രിബ്യൂഷൻ ഹെഡ് ബബിൻ ബാബു, പ്രൊഡക്ഷൻ കൺട്രോളർ ഡിക്സൺ പൊടുത്താസ്, പ്രൊഡക്ഷൻ ഇൻ ചാർജ് അഖിൽ യശോധരൻ. മേക്കപ്പ് റോണക്സ് സേവ്യർ, ആർട്ട്‌ സുനിൽ കെ. ജോർജ്.കോസ്റ്റ്യൂം സ്റ്റെഫി സേവ്യർ, പി ആർ ഓ മഞ്ജു ഗോപിനാഥ്.
മാർക്കറ്റിംഗ് കൺസൾട്ടന്റ് ബിനു ബ്രിങ് ഫോർത്ത്.ഡിജിറ്റൽ മാർക്കറ്റിംഗ് ഒബ്സ്ക്യൂറ. സ്റ്റിൽസ് ശാലു പേയാട്. ഡിസൈൻസ് ആന്റണി സ്റ്റീഫൻ.

Advertisement
inner ad

Cinema

മഞ്ഞുമ്മലെ പിള്ളേർക്കും രക്ഷയില്ല; ചിത്രത്തിന്റെ വ്യാജ പതിപ്പ് ഇറങ്ങി

Published

on

‘മഞ്ഞുമ്മൽ ബോയ്സ്’ തിയേറ്ററിൽ റിലീസായി മണിക്കൂറുകൾ പിന്നിടും മുന്നേ ചിത്രത്തിന്റെ വ്യാജ പതിപ്പ് ഇറങ്ങി. തമിഴ് ബ്ലാസ്റ്റേഴ്‌സ് എന്ന സൈറ്റിലാണ് ചിത്രത്തിന്റെ വ്യാജ പതിപ്പ് പ്രത്യക്ഷപ്പെട്ടത്. അടുത്തിടെ മലയാളത്തിൽ റിലീസ് ചെയ്ത ഹിറ്റ്‌ ചിത്രങ്ങളായ ‘പ്രേമലു’, ‘ഭ്രമയുഗം’, ‘അന്വേഷിപ്പിൻ കണ്ടെത്തും’ തുടങ്ങിയ ചിത്രങ്ങളുടെയും വ്യാജ പതിപ്പുകൾ ഈ സൈറ്റിൽ പ്രത്യക്ഷപ്പെട്ടിരുന്നു. അന്യ ഭാഷകളിൽ റിലീസ് ചെയ്ത ചിത്രങ്ങളുടെയും വ്യാജ പതിപ്പുകൾ ഈ സൈറ്റുകളിൽ പ്രത്യക്ഷപ്പെടുന്നുണ്ട്.

ഇന്നലെയാണ് മഞ്ഞുമ്മൽ ബോയ്സ് തിയേറ്ററുകളിൽ എത്തിയത്. മികച്ച സ്വീകാര്യതയാണ് ചിത്രത്തിന് ലഭിക്കുന്നത്. കേരളത്തില്‍ നിന്ന് മാത്രം 3.35 കോടി രൂപയാണ് ചിത്രം ആദ്യ ദിനം സ്വന്തമാക്കിയത്. ചിദംബരം സംവിധാനം ചെയ്ത ചിത്രത്തിന്റെ തിരക്കഥയും ഇദ്ദേഹം തന്നെയാണ് ഒരുക്കിയത്. കൊടൈക്കനാലിലെ ‘ഗുണ ഗുഹ’യിൽ നടന്ന യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ട് നിർമ്മിച്ച ചിത്രം, കേരളത്തിലെ അഡ്വാൻസ് ബുക്കിംഗിൽ നിന്ന് മാത്രം 1.47 കോടി രൂപയുടെ പ്രീ-സെയിൽസ് നേടിയിരുന്നു.

Advertisement
inner ad

ആഗോളതലത്തില്‍ മഞ്ഞുമ്മല്‍ ബോയ്‍സ് ആറ് കോടിയിലധികം സ്വന്തമാക്കും എന്നാണ് ട്രേഡ് അനലിസ്റ്റുകളുടെ പറയുന്നത്. കേരളത്തില്‍ മാത്രമല്ല വിദേശത്തടക്കം ചിത്രത്തിന് മികച്ച പ്രതികരണമാണ് ലഭിക്കുന്നത്. ‘ജാൻ എ മൻ’ എന്ന ചിത്രത്തിന് ശേഷം ചിദംബരം സംവിധാനം ചെയ്യുന്ന ചിത്രമാണ് മഞ്ഞുമ്മൽ ബോയ്സ്. സൗബിൻ ഷാഹിർ, ശ്രീനാഥ് ഭാസി, ബാലു വർഗീസ്, ഗണപതി, ലാൽ ജൂനിയർ, അഭിറാം രാധാകൃഷ്ണൻ, ദീപക് പറമ്പോൽ, ഖാലിദ് റഹ്‌മാൻ, അരുൺ കുര്യൻ, വിഷ്ണു രഘു തുടങ്ങിയ താരങ്ങളാണ് സിനിമയെ നയിക്കുന്നത്.

Advertisement
inner ad
Continue Reading

Entertainment

നാട്ടിലും സോഷ്യല്‍ മീഡിയയിലും താരമായി ‘പത്രമിടുന്ന ഫഹദ് ഫാസില്‍’

Published

on

മാനന്തവാടി: ‘പത്രമിടുന്ന ഫഹദ് ഫാസില്‍’ എന്ന ക്യാപ്ഷനോടെ സോഷ്യല്‍ മീഡിയയില്‍ പങ്കുവെച്ച വീഡിയോ വൈറലായതോടെ വയനാട് മാനന്തവാടി കാട്ടിമൂല സ്വദേശി വിജേഷിന് നിരവധി ഫോണ്‍ കോളുകളാണ് എത്തുന്നത്. കുമ്പളങ്ങി നൈറ്റ്‌സ് എന്ന ചിത്രത്തില്‍ ഫഹദ് ഫാസില്‍ അവതരിപ്പിച്ച ഷമ്മി എന്ന കഥാപാത്രത്തോടു സാമ്യമുള്ള മുഖച്ഛായയാണ് വിജേഷിനെ സോഷ്യല്‍ മീഡിയയില്‍ വൈറലാക്കിയത്. യുവാക്കള്‍ പങ്കുവെച്ച വീഡിയോ വൈറലായതോടെ നാട്ടിലും സോഷ്യല്‍ മീഡിയയിലും വിജേഷ് ഇപ്പോള്‍ താരമാണ്.

പത്രം ഏജന്‍സി നടത്തുകയാണ് വിജേഷ്. ഇതുകൂടാതെ, ഓട്ടോ ഓടിക്കാനും പോകും. ഒപ്പം കൃഷിയും വിജേഷിന്റെ വരുമാന മാര്‍ഗമാണ്. കഴിഞ്ഞ ദിവസം കടയില്‍ പത്രമിട്ട് മടങ്ങുംവഴി അവിടെയിരുന്ന രണ്ടുപേര്‍ പെട്ടെന്ന് തന്നോട് സംസാരിക്കുകയായിരുന്നുവെന്ന് വിജേഷ് പറയുന്നു.

Advertisement
inner ad

ഫഹദ് ഫാസിലിനെ പോലെയൊരാള്‍ എന്ന് പറഞ്ഞാണ് അവര്‍ വിളിച്ചത്. തന്നെ പരിചയപ്പെടാനെന്ന രീതിയില്‍ കാര്യങ്ങളൊക്കെ ചോദിച്ചു. ഫഹദ് ഫാസിലിന്റെ പോലത്തെ മീശയും ചിരിയുമൊക്കെ ആണല്ലോ എന്ന് ചോദിച്ചു. അതിന് മറുപടി പറഞ്ഞ് ബൈക്ക് എടുത്ത് താന്‍ മടങ്ങി. പിന്നീട് രാത്രി ഒരാള്‍ വീഡിയോ അയച്ചു തന്നപ്പോഴാണ് കടയിലിരുന്നവര്‍ തന്റെ വീഡിയോ പകര്‍ത്തുകയായിരുന്നുവെന്ന് മനസ്സിലായതെന്നും വിജേഷ് പറഞ്ഞു. മലയാളം ഫില്‍മിബീറ്റിനോട് പ്രതികരിക്കുകയായിരുന്നു വിജേഷ്.

വീഡിയോ പകര്‍ത്തിയയാള്‍ തന്നെ വിളിച്ചു. വീഡിയോ വൈറലായെന്നും നിങ്ങള് ഫേമസ് ആകുമെന്ന് തോന്നുന്നുവെന്നും പറഞ്ഞു. കുറേപ്പേര്‍ തനിക്ക് വീഡിയോ അയച്ചു തരികയും ഫോണ്‍ വിളിക്കുകയും വീഡിയോ കോള്‍ ചെയ്യുകയും ഒക്കെ ചെയ്തു. ഹെല്‍മറ്റ് വെക്കാതെ ഫോട്ടോ തരാമോയെന്ന് ചിലര്‍ ചോദിച്ചു. വളരെ സന്തോഷമുണ്ടെന്നും ഒരിക്കലും പ്രതീക്ഷിക്കാത്ത സംഭവമാണിതെന്നും വിജേഷ് പറഞ്ഞു.

Advertisement
inner ad
Continue Reading

Entertainment

പുരുഷന്‍മാരെ പ്ലാസ്റ്റിക് കാവറിനോട് ഉപമിച്ച് ട്വിങ്കിള്‍ ഖന്ന: വിമര്‍ശനവുമായി കങ്കണ റണാവത്ത്

Published

on

മുംബൈ: പുരുഷന്‍മാരെ പ്ലാസ്റ്റിക് കാവറിനോട് ഉപമിച്ച നടിയും എഴുത്തുകാരിയുമായ ട്വിങ്കിള്‍ ഖന്നക്കെതിരെ രൂക്ഷ വിമര്‍ശനവുമായി നടി കങ്കണ റണാവത്ത്. മാസങ്ങള്‍ക്ക് മുമ്പ് ട്വിങ്കിള്‍ നല്‍കിയ ഒരു അഭിമുഖത്തിന്റെ വിഡിയോ ഇന്‍സ്റ്റഗ്രാമില്‍ സ്റ്റോറിയായി പങ്കുവെച്ചുകൊണ്ടാണ് നടിക്കെതിരെ വിമര്‍ശനം ഉന്നയിച്ചത്.

‘നമ്മുടെ പുരുഷന്മാരെ പ്ലാസ്റ്റിക് കവറിനോട് ഉപമിച്ചിട്ട് ഈ പ്രിവിലേജ്ഡ് ബ്രാറ്റ്സ് കൂളായിരിക്കാന്‍ ശ്രമിക്കുകയാണോ വായില്‍ വെള്ളിക്കരണ്ടികളുമായി ജനിച്ച നെപ്പോകിഡ്സിന്, സ്വര്‍ണ്ണ തളികകളില്‍ സിനിമാ ജീവിതം നല്‍കും. എന്നാല്‍ അവര്‍ക്ക് അഭിനയത്തോട് നീതി പുലര്‍ത്താന്‍ ഒരിക്കലും കഴിയില്ല. കുറഞ്ഞത് അവര്‍ക്ക് മാതൃത്വത്തിന്റെ നിസ്വാര്‍ത്ഥതയില്‍ കുറച്ച് സന്തോഷവും സംതൃപ്തിയും കണ്ടെത്താനാകും, എന്നാല്‍ അത് അവരുടെ കാര്യത്തില്‍ ശാപമായി തോന്നുന്നു. എന്താണ് അവര്‍ കൃത്യമായി ആഗ്രഹിക്കുന്നത് പച്ചക്കറിയോ അതാണോ ഫെമിനിസം’- കങ്കണ ചോദിക്കുന്നു.

Advertisement
inner ad

ട്വിങ്കിള്‍ ഖന്ന മാസങ്ങള്‍ക്ക് മുമ്പ് നല്‍കിയ അഭിമുഖത്തിലാണ് പുരുഷന്മാരെ പ്ലാസ്റ്റിക്കിനോട് ഉപമിച്ചത്. എപ്പോഴാണ് ഒരു ഫെമിനിസ്റ്റാണെന്ന് തിരിച്ചറിഞ്ഞത് എന്ന ചോദ്യത്തിനായിരുന്നു മറുപടി. ‘നമ്മള്‍ ഫെമിനിസത്തേക്കുറിച്ചോ സമത്വത്തെക്കുറിച്ചോ ഒന്നും സംസാരിക്കാറില്ല. എന്നാല്‍ ഇവിടെ പുരുഷന്മാരുടെ ആവശ്യമില്ലെന്നുള്ള കാര്യം വളരെ വ്യക്തമാണ്. നിങ്ങള്‍ക്ക് ഒരു നല്ല ഹാന്‍ഡ്ബാഗ് ഉള്ളതുപോലെ ഒരു പുരുഷന്‍ ഉണ്ടായിരിക്കുന്നത് വളരെ നല്ലതാണ്. എന്നാല്‍ നിങ്ങളുടെ കയ്യില്‍ ഒരു പ്ലാസ്റ്റിക് ബാഗ് ഉണ്ടെങ്കില്‍ പോലും അത് ചെയ്യും. അങ്ങനത്തെ സങ്കല്‍പ്പത്തിലാണ് ഞാന്‍ വളര്‍ന്നത്. അവ കൊണ്ട് കാര്യമായ പ്രയോജനമൊന്നുമില്ലെന്ന് എനിക്ക് വളരെക്കാലമായി തോന്നി. സ്ത്രീകളേക്കാള്‍ ദുര്‍ബലരാണ് പുരുഷന്മാര്‍. ഒരുപക്ഷേ ഞങ്ങള്‍ (സ്ത്രീകള്‍) ശ്രേഷ്ഠരല്ല, പക്ഷേ തുല്യരാണ്. അതാണ് ഫെമിനിസത്തിലേക്കുള്ള എന്റെ യാത്ര’- എന്നാണ് ട്വിങ്കിള്‍ ഖന്ന പറഞ്ഞത്.

നടന്‍ അക്ഷയ് കുമാറുമായുള്ള വിവാഹത്തിന് ശേഷം സിനിമയില്‍ നിന്ന് ഇടവേള എടുത്ത ട്വിങ്കിള്‍ എഴുത്തിലാണ് ശ്രദ്ധ കേന്ദ്രീകരിച്ചിരിക്കുന്നത്. കഴിഞ്ഞ വര്‍ഷം വെല്‍ക്കം ടു പാരഡൈസ് എന്ന പേരില്‍ ഒരു പുസ്തകം പുറത്തിറക്കി. 1995-ല്‍ ബര്‍സാത്ത് എന്ന ചിത്രത്തിലൂടെയാണ് ട്വിങ്കിള്‍ അഭിനയരംഗത്തേക്ക് കടന്നുവന്നത്. 2001-ല്‍ പുറത്തിറങ്ങിയ ലവ് കെ ലിയേ കുച്ച് ഭി കരേഗാ ആയിരുന്നു അവസാന ചിത്രം. ആരവ്, നിതാര എന്നിവരാണ് മക്കള്‍.

Advertisement
inner ad
Continue Reading

Featured