Connect with us
48 birthday
top banner (1)

Featured

​ഗണേഷ് കുമാറിന് മടുത്തു, മതിയാക്കി;
ഇനിയെല്ലാം ഉദ്യോ​ഗസ്ഥർ പറയുമെന്ന് മന്ത്രി

Avatar

Published

on

കൊല്ലം: ​ഗതാ​ഗത മന്ത്രി കെ.ബി. ​ഗണേഷ് കുമാറിന് ഒരാഴ്ച കൊണ്ട് എല്ലാം മടുത്തു. ഇനി താനായിട്ട് ഒരു തീരുമാനവും എടുത്ത് പ്രഖ്യാപിക്കില്ലെന്ന് മന്ത്രി മാധ്യമങ്ങളോടു പറഞ്ഞു. പല കാര്യങ്ങളും പറയാനും ചെയ്യാനുമുണ്ടായിരുന്നു. എന്നാൽ എല്ലാം മാധ്യമങ്ങൾ തടയുകയാണ്. താൻ പറയുന്നതിനെ ദുർവ്യാഖ്യാനം ചെയ്യുകയാണെന്നും മന്ത്രി. അതുകൊണ്ട് ഇനിയുള്ള തീരുമാനങ്ങൾ ഉദ്യോ​ഗസ്ഥർ പറയുമെന്ന് മന്ത്രി പറഞ്ഞു.
കെഎസ്ആർടിസിയിൽ നടക്കുന്ന പരിഷ്കാരങ്ങളെ ചൊല്ലി മന്ത്രിയും സിപിഎം നേതൃത്വവും തമ്മിൽ വലിയ തോതിൽ ഭിന്നതയുണ്ടായിരുന്നു.
വകുപ്പുകളിൽ നയപരമായ കാര്യങ്ങളിൽ മന്ത്രിയല്ല, മന്ത്രിസഭയാണ് തീരുമാനം എടുക്കേണ്ടതെന്ന് കഴിഞ്ഞ ദിവസം സിപിഎം സെക്രട്ടറി എം.വി ​ഗോവിന്ദൻ പ്രസ്താവിച്ചിരുന്നു. കെഎസ്ആർടിസി ക്ക് ഇലക്ട്രിക് ബസ് വാങ്ങുന്നതിന്റെ പേരിലാണ് തുടക്കം മുതൽ ഭിന്നത പുറത്തു വന്നത്. ആരോ വലിയ തോതിൽ കമ്മിഷൻ പറ്റിയാണ് ഇലക്ട്രിക് ബസ് വാങ്ങുന്നതെന്നായിരുന്നു മന്ത്രിയുടെ ആക്ഷേപം. തന്നെയുമല്ല, ഇലക്ട്രിക് ബസ് സർവീസ് വലിയ ലാഭത്തിലാണെന്ന മുൻ മന്ത്രി ആന്റണി രാജുവിന്റെ അവകാശ വാദവും ​ഗണേഷ് കുമാർ തള്ളി. വലിയ തോതിൽ ഡിപ്രീസിയേഷൻ ലോസ് വന്നതിനു ശേഷമാണ് ചെറിയ ലാഭം ഉണ്ടായത്. എന്നാൽ ഡീസൽ ബസുകളുടെ ഡൂറബിലിറ്റി വളരെ കൂടുതുലാണെന്നും ഭാവിയിൽ ഇലക്ട്രിക് ബസുകൾ വാങ്ങില്ലെന്നും പുതിയ മന്ത്രി പ്രഖ്യാപിച്ചിരുന്നു. മന്ത്രി ഇടപെട്ട് ചില ജീവനക്കാർക്കെതിരേ സ്വീകരിച്ച നടപടിയും മന്ത്രിയെ ഇടതു മുന്നണിയിൽ നോട്ടപ്പുള്ളിയാക്കി. ഇതെല്ലാം പരി​ഗണിച്ചാണ് ഇനിയുള്ള തീരുമാനങ്ങൾ ഉദ്യോ​ഗസ്ഥർ അറിയിക്കുമെന്നു പറഞ്ഞ് മന്ത്രി തടിതപ്പിയത്.

Featured

പൊലീസ് കെട്ടുകഥകൾ പൊളിഞ്ഞു; മാത്യു കുഴൽനാടനും മുഹമ്മദ് ഷിയാസിനും ജാമ്യം

Published

on

കൊച്ചി: കോതമംഗലത്ത് കാട്ടാനയുടെ ആക്രമണത്തിൽ വയോധിക മരിച്ച സംഭവത്തിൽ പ്രതിഷേധവുമായി രംഗത്തെത്തിയ മാത്യു കുഴൽനാടൻ എംഎൽഎയേയും ഡിസിസി പ്രസിഡന്റ് മുഹമ്മദ് ഷിയാസിനെയും അന്യായമായി അറസ്റ്റ് ചെയ്ത പൊലീസിന് തിരിച്ചടി. രാത്രി വൈകി അറസ്റ്റ് ചെയ്ത ഇരുവരെയും പുലർച്ചെയാണ് മജിസ്ട്രേറ്റിന്റെ വസതിയിൽ ഹാജരാക്കിയത്. തുടർന്ന് ഇരുവർക്കും ജാമ്യം ലഭിച്ചു. അതേസമയം, അവർക്ക് എതിരായ പൊലീസ് നടപടിയിൽ സംസ്ഥാനത്താകെ പ്രതിഷേധം അരങ്ങേറി. ഇന്നും പ്രതിഷേധങ്ങൾ തുടരുവാനാണ് സാധ്യത. രാവിലെ എറണാകുളത്തും കോതമംഗലത്തും തിരുവനന്തപുരത്തും ഉൾപ്പെടെ ശക്തമായ സമരങ്ങൾക്ക് ആഹ്വാനമുണ്ട്.

Continue Reading

Featured

അന്താരാഷ്ട്ര സർഫിംഗ് ഫെസ്റ്റിവൽ മാർച്ച് 29 മുതൽ വർക്കലയിൽ

Published

on

തിരുവനന്തപുരം: അന്താരാഷ്ട്ര സർഫിംഗ് ഫെസ്റ്റിൽ മാർച്ച് 29,30,31 തീയതികളിൽ തിരുവനന്തപുരം വർക്കലയിൽ നടക്കും. സർഫിംഗ് ഫെസ്റ്റിവലിന്റെ ലോഗോയുടെ പ്രകാശനം ചെയ്തു. കേരള അഡ്വഞ്ചർ ടൂറിസം പ്രൊമോഷൻ സൊസൈറ്റി (കെ.എ.ടി.പി.എസ്) തിരുവനന്തപുരം ഡി.ടി.പി.സി.യുമായി സഹകരിച്ച്, സർഫിംഗ് ഫെഡറേഷൻ ഓഫ് ഇന്ത്യ, അന്താരാഷ്ട്ര സർഫിംഗ് അസോസിയേഷൻ (ഐ.എസ്.എ) എന്നിവരുടെ സാങ്കേതിക പിന്തുണയോടെയാണ് ഫെസ്റ്റിവൽ സംഘടിപ്പിക്കുന്നത്.
ഇന്ത്യയുടെ കിഴക്ക്, പടിഞ്ഞാറൻ തീരങ്ങളിലെ വിവിധ നഗരങ്ങളിൽ നിന്നുള്ള സർഫിംഗ് അത്‌ലറ്റുകൾ വിവിധ വിഭാഗങ്ങളിൽ പരസ്പരം മത്സരിക്കും. ഇന്ത്യയിൽ സർഫിംഗ് കായിക വിനോദത്തെ പ്രോത്സാഹിപ്പിക്കുകയും കേരളത്തെ ഇന്ത്യയിലെ ഒരു പ്രധാന സർഫ് ഡെസ്റ്റിനേഷനാക്കുകയുമാണ് ഫെസ്റ്റിവലിലൂടെ ലക്ഷ്യമിടുന്നതെന്ന് ടൂറിസം മന്ത്രി മുഹമ്മദ് റിയാസ് പറഞ്ഞു.
വാട്ടർ സ്‌പോർട്‌സ് പ്രേമികൾക്ക് സർഫിംഗ് എന്ന പുതിയ കായിക വിനോദവും അതിന്റെ ജീവിതരീതിയും ആസ്വദിക്കാനുള്ള അവസരവും ഈ ഫെസ്റ്റിവൽ നൽകും. തുടക്കക്കാർ മുതൽ വിദഗ്ദ്ധർ വരെയുള്ളവർക്ക് പരിശീലിക്കുന്നതിനും ആസ്വദിക്കുന്നതിനുമുള്ള നിരവധി ലെവലുകൾ വർക്കല ബീച്ചിലുണ്ട്. വിദേശികളും അന്യസംസ്ഥാന ടൂറിസ്റ്റുകളും ഉൾപ്പെടെ നിരവധി പേരാണ് സർഫിംഗ് ചെയ്യുവാൻ ഓരോ വർഷവും വർക്കലയിൽ എത്തിച്ചേരുന്നത്. അന്താരാഷ്ട്ര സർഫിംഗ് ഫെസ്റ്റിവലിലൂടെ വർക്കലയെ ഒരു അന്തർദേശീയ സർഫിംഗ് ഡെസ്റ്റിനേഷനാക്കാനാണ് ടൂറിസം വകുപ്പ് ലക്ഷ്യം വയ്ക്കുന്നതെന്നും മന്ത്രി പറഞ്ഞു.

Continue Reading

Featured

കെ.എസ്.യു വിദ്യാഭ്യാസ ബന്ദ് ; എസ്എസ്എൽസി, പ്ലസ്ടു പരീക്ഷകളെ ബാധിക്കില്ല

Published

on

തിരുവനന്തപുരം: സിദ്ധാർത്ഥിൻ്റെ മരണത്തെ തുടർന്ന് സർവ്വകലാശാല ആസ്ഥാനത്തേക്ക് കെ.എസ്.യു നടത്തിയ മാർച്ചിന് നേരെയുണ്ടായ പോലീസ് അതിക്രമത്തിൽ പ്രതിഷേധിച്ച് നാളെ സംസ്ഥാന വ്യാപകമായി പ്രൊഫഷണൽ കോളേജ് ഉൾപ്പടെയുള്ള വിദ്യാഭ്യാസ സ്ഥാപനങ്ങളിൽ വിദ്യാഭ്യാസ ബന്ദിന് പ്രസിഡൻ്റ് അലോഷ്യസ് സേവ്യർ ആഹ്വാനം ചെയ്തു.

അതേസമയം നാളെ നടക്കുന്ന എസ്.എസ്.എൽ.സി, ഹയർ സെക്കൻണ്ടറി, യൂണിവേഴ്സിറ്റി തല പരീക്ഷകളെ സമരത്തിൽ നിന്ന് ഒഴിവാക്കിയിട്ടുണ്ടെന്നും കെ.എസ്.യു സംസ്ഥാന പ്രസിഡൻ്റ് അറിയിച്ചു.

Advertisement
VKSHNM NWS KWT 1000 x 180 PX-01
Continue Reading

Featured