Connect with us
48 birthday
top banner (1)

Featured

പാവയ്ക്ക പ്രഥമൻ, മീനില്ലാത്ത ഫിഷ് കറി, രുചിയിടത്തിന് ഫുൾ എ പ്ലസ്

Avatar

Published

on

സി.പി. രാജശേഖരൻ

കൊല്ലം: 62ാമത് സംസ്ഥാന സ്കൂൾ കലോത്സവത്തിന് ഇന്നു വൈകുന്നേരം തിരശീല വീഴാനിരിക്കെ, രുചി പെരുമയുമായി പഴയിടം ഒരുക്കിയ രുചിയിടം. ഭൂരിഭാ​​ഗം മത്സരാർഥികളും അധ്യാപകരും ഒഫീഷ്യൽസും മന്ത്രിമാരും ജനപ്രതിനിധികളുമെല്ലാം അരങ്ങു വിട്ടു പോയി. എന്നിട്ടും എല്ലാവരുടെയും നാവിൽ നിന്നു വിട്ടു മാറാതെ ഒന്നു മാത്രം. കൊതിയൂറുന്ന രുചിയിടം. പാചകപ്പുരയുടെ അമരത്ത് പഴയിടം മോഹനൻ നമ്പൂതിരി ആയിരുന്നെങ്കിലും അണിയം കാത്തത് പി.സി. വിഷ്ണു നാഥ് എംഎൽഎയുടെ നേതൃത്വത്തലുള്ള ഫുഡ് കമ്മിറ്റിയും കേരള പ്രദേശ് സ്കൂൾ ടീച്ചേഴ്സ് അസോസിയേഷന്റെ അധ്യാപക കൂട്ടായ്മയും. കലോത്സവം എക്കാലവും ഓർത്തിരിക്കുന്ന രുചിയി‌ടത്തിൽ കഴിഞ്ഞ അഞ്ചു ദിവസത്തിനുള്ളിൽ കയറിയിറങ്ങിയത് ഏകദേശം എഴുപത്തയ്യായിരത്തിലധികം പേർ. എല്ലാവർക്കും മൂന്നു നേരം സുഭിക്ഷമായ ഭക്ഷണമാണ് ഒരുക്കിയത്.

Advertisement
inner ad
പഴയിടം മോഹനൻ നമ്പൂതിരി


രാവിലെ ഏഴരയോടെ തുറക്കുന്ന ഭക്ഷണ ശാല പൂട്ടിയത് രാത്രി പതിനൊന്നു മണിയോടെ. അതിനു ശേഷവും ഓരോ ദിവസത്തെ സ്ഥിതി​ഗതികൾ വിലയിരുത്താൻ ഫുഡ് കമ്മിറ്റി ചെയർമാൻ പി.സി. വിഷ്ണു നാഥ് എംഎൽഎ, കൺവീനർ ജയചന്ദ്രൻ പിള്ള, കെപിഎസ്ടിഎ പ്രസിഡന്റ് അബ്ദുൾ മജീദ്, സെക്രട്ടറി പി.കെ. രവീന്ദ്രൻ, ട്രഷറർ വട്ടപ്പാറ അനിൽ കുമാർ തുടങ്ങിയവർ മുഴുവൻ സമയവും ക്രേവൻ എൽഎംഎസ് ഹൈസ്കൂളിൽ ക്യാമ്പ് ചെയ്ത് ഒരുക്കങ്ങൾ വിലയിരുത്തി. ഒരു ദിവസം പോലും മുടങ്ങാതെ പുലർച്ചെ രണ്ടു വരെ ക്യാംപിൽ തന്നെ തങ്ങി ഭക്ഷണ കമ്മിറ്റിക്കു നേതൃത്വം നൽകിയ പി.സി. വിഷ്ണുനാഥ് ആയിരുന്നു രുചിയിടത്തിന്റെ താരം.

അബ്ദുൾ മജീദ്


ഭക്ഷണത്തിന്റെ വൈവിധ്യങ്ങളായിരുന്നു കൊല്ലം മേളയുടെ വലിയ പ്രത്യേകത. എല്ലാ ദിവസവും മൂന്നു നേരവും ഭക്ഷണം യഥേഷ്ടം വിളമ്പി. ഞായറാഴ്ച ആയിരുന്നു വലിയ തിരക്ക്. നാലു തവണയാണ് അരി വച്ചതെന്ന് കെപിഎസ്ടിഎ പ്രസിഡന്റ് അബ്ദുൾ മജീദ് വീക്ഷണത്തോടു പറഞ്ഞു. ആദ്യ ദിവസം 14000, രണ്ടാം ദിവസം 20,000, മൂന്നാം ദിവസം 22,000, നാലാം ദിവസം 23,000 പേർ എന്നിങ്ങനെയാണ് ഭക്ഷണം കഴിക്കാൻ എത്തിയത്. ഏറ്റവും കുറവ് ഇന്നലെ ആയിരുന്നു, 12,000 പേർ.

പി.കെ. രവീന്ദ്രൻ,

അഞ്ചു ദിവസവും വിവിധ തരത്തിലുള്ള പായസമാണു വിളമ്പിയത്. ഒന്നാം ദിവസം പാലട, രണ്ടാം ദിവസം ​ഗോതമ്പ്, മൂന്നാം ദിവസം അട, നാലാം ദിവസം അഞ്ചിനം പച്ചക്കറികൾ ചേർത്ത കുമ്പളങ്ങ പ്രഥമൻ, പോരാത്തതിനു പ്രമേഹ രോ​ഗികൾക്കു മാത്രമായി പാവയ്ക്കാപ്രഥമൻ (500 പേർക്ക്) എന്നിവയും വിളമ്പി. ഇന്നലെ പച്ചരി പായസമായിരുന്നു. ഞായറാഴ്ച വിളമ്പിയ ഫിഷ് കറിക്കായിരുന്നു ഏറെ പ്രത്യേകത. കുടംപുളി ഇട്ടു കുറുക്കിയെടുത്ത മീൻകറി കൂട്ടിയവർക്ക് പക്ഷേ, മീൻ മാത്രം കിട്ടിയില്ല. മീനിടാതെയുള്ള മീൻ കറി ആയിരുന്നു അത്.
കൊല്ലം കലോത്സവത്തിൽ നോൺ വെജ് ഭക്ഷണം വിളമ്പുമെന്നായിരുന്നു ഭക്ഷ്യമന്ത്രി വി. ശിവൻകുട്ടിയുടെ കഴിഞ്ഞ വർഷത്തെ പ്രഖ്യാപനം. എന്നാൽ ഇക്കുറി അതുണ്ടായില്ല. മത്സരത്തിൽ പങ്കെടുക്കുന്ന കുട്ടികൾക്ക് നോൺ വെജ് ഭക്ഷണം നല്കുന്നത് ഉചിതമല്ലെന്ന് അബ്ദുൾ മജീദ് പറഞ്ഞു. തന്നെയുമല്ല, എത്ര പേരുണ്ടെങ്കിലും അവർക്ക് ഞൊടിയിടയിൽ സസ്യാഹാരം ഉണ്ടാക്കാം. സസ്യേതര ആഹാരമുണ്ടാക്കുന്നത് അത്ര എളുപ്പമല്ലെന്നും കെപിഎസ്ടിഎ ഭാരവാഹികൾ പറഞ്ഞു. ഇന്നലെ വൈകുന്നേരം നാലു മണിയോടെ ഭക്ഷണ ശാല അടച്ചു. ഇനി അടുത്ത കലോത്സവത്തിന്.

Featured

ജീവിതകാലം മുഴുവന്‍ സ്മരിക്കും; വയനാടിന് നല്‍കിയ ഉറപ്പുകള്‍ പാലിക്കും: രാഹുൽ ഗാന്ധി

Published

on

വയനാട്ടിലെ വോട്ടമാര്‍ക്ക് തന്റെ ഹൃദയത്തില്‍ നിന്നും നന്ദി അറിയിക്കുകയാണെന്ന് രാഹുല്‍ ഗാന്ധി പറഞ്ഞു. ജീവിതകാലം മുഴുവന്‍ സ്മരിക്കും. വയനാടിന് നല്‍കിയ ഉറപ്പുകള്‍ പാലിക്കും. റായ്ബറേലിയുമായുള്ളത് വര്‍ഷങ്ങളായുള്ള ബന്ധമാണ്. തീരുമാനം എടുക്കുന്നത് ഏറെ പ്രയാസമായിരുന്നുവെന്നും രാഹുല്‍ മാധ്യമങ്ങളോട് പറഞ്ഞു.

ദുഷ്‌കരമായകാലത്ത് തനിക്കൊപ്പം നിന്നവരാണ് വയനാട്ടുകാര്‍. വയനാട്ടിലെ ജനങ്ങള്‍ക്ക് ഇതോടെ രണ്ട് പ്രതിനിധികള്‍ ഉണ്ടാവും, താനും പ്രിയങ്കയുമാണ് അത്. തന്റെ വാതിലുകള്‍ വയനാട്ടിലെ ജനങ്ങള്‍ക്കായി എന്നും തുറന്നുകിടക്കുമെന്നും രാഹുൽ ഗാന്ധി പ്രതികരിച്ചു. രാഹുലിന്റെ അഭാവം തോന്നിക്കാത്ത വിധം പ്രവർത്തിക്കുമെന്ന് പ്രിയങ്കയും പ്രതികരിച്ചു.

Advertisement
inner ad
Continue Reading

Featured

റായ്ബറേലി നിലനിർത്തി രാഹുൽ ഗാന്ധി; വയനാട്ടിൽ പ്രിയങ്ക ഗാന്ധി

Published

on

ന്യൂഡൽഹി : നീണ്ട ചർച്ചകൾക്കൊടുവിൽ വയനാട് ലോക്സഭാ മണ്ഡലം ഒഴിയാൻ രാഹുൽ ഗാന്ധിയുടെ തീരുമാനം. പകരം റായ്ബറെലി മണ്ഡലം നിലനിർത്തും. വയനാട്ടിൽ രാഹുൽ ഗാന്ധിക്ക് പകരം പ്രിയങ്ക ഗാന്ധി എത്തും.

കോൺഗ്രസ് അധ്യക്ഷൻ മല്ലികാർജുൻ ഗാർഗയുടെ വസതിയിൽ ചേർന്ന യോഗത്തിലാണ് ഇക്കാര്യം തീരുമാനമായത്. സോണിയ ഗാന്ധി, രാഹുൽ ഗാന്ധി, കെസി വേണുഗോപാൽ, പ്രിയങ്ക ഗാന്ധി എന്നിവർ യോഗത്തിൽ പങ്കെടുത്തു.

Advertisement
inner ad
Continue Reading

Featured

സേലം – കൊച്ചി ദേശീയപാതയിൽ കാർ തകർത്ത് കവർച്ചയ്ക്ക് ശ്രമിച്ച കേസില്‍, സൈനികന്‍ അടക്കം നാല് പേര്‍ അറസ്റ്റില്‍

മലയാളികള്‍ സഞ്ചരിച്ച കാർ അടിച്ച്‌ തകർത്ത് കവർച്ചയ്ക്ക് ശ്രമിച്ച കേസില്‍ അറസ്റ്റിലായത് പാലക്കാട് ചിറ്റൂർ സ്വദേശികൾ

Published

on

കോയമ്പത്തൂർ: സേലം – കൊച്ചി കോയമ്പത്തൂരിന് സമീപം ദേശീയപാതയില്‍ മലയാളികള്‍ സഞ്ചരിച്ച കാർ അടിച്ച്‌ തകർത്ത് കവർച്ചയ്ക്ക് ശ്രമിച്ച കേസില്‍ സൈനികന്‍ അടക്കം നാല് പേര്‍ അറസ്റ്റില്‍.പാലക്കാട് ചിറ്റൂർ സ്വദേശികളായ ശിവദാസ് (29), രമേഷ് ബാബു (27), കുന്നത്തുപാളയം സ്വദേശി വിഷ്ണു (28), മല്ലപ്പള്ളി അജയ് കുമാർ (24) എന്നിവരെ മധുക്കര പോലീസ് അറസ്റ്റു ചെയ്തു. പ്രതികളിലൊരാളായ വിഷ്ണു മദ്രാസ് റജിമന്‍റില്‍ സൈനികനാണെന്ന് പോലീസ് പറഞ്ഞു

വെള്ളിയാഴ്ച പുലർച്ചെ രണ്ടരയോടെയാണ് എറണാകുളം പട്ടിമറ്റം സ്വദേശികളായ അസ്‌ലം സിദ്ദിഖും ചാള്‍സ് റജിയും രണ്ട് സഹപ്രവർത്തകരും ആക്രമണത്തിനിരയായത്. ബംഗളൂരുവില്‍ നിന്ന് കമ്പനിയിലേക്കുള്ള കംപ്യൂട്ടറുകള്‍ വാങ്ങിയ ശേഷം മടങ്ങുന്നതിനിടെയാണ് ഇവർ ആക്രമണത്തിന് ഇരയായത്. കോയമ്പത്തൂർ എല്‍ആൻഡ്ടി ബൈപ്പാസിനു സമീപത്തെ സിഗ്നലില്‍ കാർ നിർത്തിയപ്പോള്‍ മൂന്നു വാഹനങ്ങളിലെത്തിയ മുഖംമൂടി സംഘം ആക്രമണം നടത്തുകയായിരുന്നു. കുഴല്‍പ്പണവുമായി വരുന്നവരെന്ന് തെറ്റിദ്ധരിച്ചാണ് ആക്രമണമെന്നാണ് പ്രാഥമിക നിഗമനം.

Advertisement
inner ad

കഴിഞ്ഞദിവസം പാലക്കാടു നിന്നാണ് പ്രതികളെ പിടികൂടിയത്. മറ്റു പ്രതികള്‍ ഒളിവിലാണെന്ന് പോലീസ് പറഞ്ഞു. സൈനികനായ വിഷ്ണു ഏപ്രില്‍ നാലിനാണ് അവധിക്ക് വന്നത്. തുടർന്ന് സംഘത്തിനൊപ്പം ചേർന്ന് കവർച്ചയ്ക്കിറങ്ങുകയായിരുന്നു.

സംഭവത്തെക്കുരിച്ച്‌ കുന്നത്തുനാട് പോലീസ് സ്റ്റേഷനില്‍ പരാതിയും ആക്രമണത്തിന്‍റെ വീഡിയോയും കൈമാറിയിട്ട് ഒരു നടപടിയും സ്വീകരിച്ചില്ലെന്ന് ആക്രമണത്തിന് ഇരയായവർ പറഞ്ഞു.

Advertisement
inner ad
Continue Reading

Featured