Ernakulam
അഭിമന്യു കൊല്ലപ്പെട്ടിട്ട് ഇന്ന് അഞ്ച് വര്ഷം;
വിചാരണ നടപടികള് ഇനിയും ആരംഭിച്ചിട്ടില്ല
കൊച്ചി: എസ് എഫ് ഐ നേതാവും എറണാകുളം മഹാരാജാസിലെ വിദ്യാര്ത്ഥിയുമായിരുന്ന എം അഭിമന്യു കൊല്ലപ്പെട്ടിട്ട് ഇന്ന് അഞ്ച് വര്ഷം. കൊലപാതകം നടന്ന് 5 വര്ഷം പിന്നിട്ടിട്ടും കേസില് വിചാരണ നടപടികള് ആരംഭിച്ചിട്ടില്ല. 2018 ജൂലൈ 2 ന് പുലര്ച്ചെ 12.45 നായിരുന്നു അഭിമന്യുവിന് കുത്തേറ്റത്. രണ്ട് മാസങ്ങള്ക്ക് ശേഷം സെപ്തംബര് 26 ന് കേസില് കുറ്റപത്രം സമര്പ്പിച്ചിട്ടും വിചാരണ വൈകുകയാണ്.
എസ്എഫ്ഐ ഇടുക്കി ജില്ലാ കമ്മിറ്റി അംഗവും മഹാരാജാസ് കോളേജിലെ എന്എസ്എസ് വളന്റിയര് സെക്രട്ടറിയുമായിരുന്നു അഭിമന്യു. കോളേജിലെ ചുവരെഴുത്തുമായി ബന്ധപ്പെട്ട് എസ്എഫ്ഐക്യാംപസ് ഫ്രണ്ട് പ്രവര്ത്തകര് തമ്മിലുള്ള സംഘര്ഷമാണ് അഭിമന്യുവിന്റെ കൊലപാതകത്തില് കലാശിച്ചത്.
26 പ്രതികളും 125 സാക്ഷികളുമാണ് കേസില് ആകെയുള്ളത്. ഇവരില് പ്രധാന സാക്ഷികളെല്ലാം അന്നത്തെ കോളേജ് വിദ്യാര്ഥികളാണ്.
കൊച്ചി/ ആലപ്പുഴ: കൊച്ചി കടവന്ത്രയില് നിന്ന് കാണാതായ സുഭദ്രയെ കൊന്ന് കുഴിച്ച് മൂടിയതായി സംശയം. സംഭവത്തില് ഒരാളെ പൊലീസ് കസ്റ്റഡിയിലെടുത്തു. കഴിഞ്ഞ മാസം ഏഴാം തിയ്യതിയാണ് 73 വയസുകാരിയായ സുഭദ്രയെ കാണാനില്ലെന്ന് കടവന്ത്ര പൊലീസില് പരാതി ലഭിച്ചത്. തുടര്ന്ന് നടത്തിയ അന്വേഷണത്തില് സുഭദ്ര കലവൂര് എത്തിയതായി കണ്ടെത്തി.
ആലപ്പുഴ കലവൂരില് പൊലീസ് പരിശോധന നടത്തുകയാണ്. കടവന്ത്ര സ്വദേശിനിയായ സുഭദ്രയെ കഴിഞ്ഞ നാലാം തീയതിയാണ് കാണാതായത്. ഏഴാം തീയതിയാണ് സുഭദ്രയുടെ മകന് കടവന്ത്ര പൊലീസില് പരാതി നല്കിയത്. അന്വേഷണത്തില് സുഭദ്ര ആലപ്പുഴ കാട്ടൂര് കോര്ത്തശ്ശേരിയില് എത്തിയ വിവരം ലഭിച്ചു. സുഭദ്രയെ കൊന്ന് കുഴിച്ചുമൂടിയതാണെന്നാണ് സംശയം. സ്ഥലത്ത് കുഴി എടുത്ത് പരിശോധന നടത്തുകയാണ് പൊലീസ്.
കൊച്ചി: ഹേമ കമ്മിറ്റി റിപ്പോര്ട്ടില് സര്ക്കാറിനോട് കടുത്ത ചോദ്യവുമായി ഹൈക്കോടതി. ഹേമ കമ്മിറ്റി റിപ്പോര്ട്ടുമായി ബന്ധപ്പെട്ട ഹര്ജികള് പ്രത്യേക ബെഞ്ച് പരിഗണിച്ചപ്പോഴായിരുന്നു കോടതി ചോദ്യങ്ങളുയര്ത്തിയത്. എന്തുകൊണ്ട് റിപ്പോര്ട്ടില് അടിയന്തര നടപടിയെടുത്തില്ലെന്നും മൂന്ന് വര്ഷം എന്തെടുക്കുകയായിരുന്നെന്നും ജസ്റ്റിസ് എ.കെ. ജയശങ്കരന് നമ്പ്യാര്, ജസ്റ്റിസ് സി.എസ്. സുധ എന്നിവരടങ്ങുന്ന ഡിവിഷന് ബെഞ്ച് ചോദിച്ചു. ഹേമ കമ്മിറ്റി റിപ്പോര്ട്ടിന്റെ പൂര്ണരൂപം മുദ്രവെച്ച കവറില് സര്ക്കാര് ഹൈക്കോടതിയില് നല്കിയിരുന്നു. ഇത് സിനിമ മേഖലയിലെ ലൈംഗികാതിക്രമ പരാതികള് അന്വേഷിക്കുന്ന പ്രത്യേക പൊലീസ് സംഘത്തിന് കൈമാറാന് ഹൈകോടതി നിര്ദേശം നല്കി.
ഹേമ കമ്മിറ്റി റിപ്പോര്ട്ടിന്റെ പൂര്ണരൂപം അന്വേഷണ സംഘത്തിന് ലഭിക്കുന്നതോടെ കൂടുതല് നടപടികള് കൈക്കൊള്ളേണ്ടിവരും. നേരത്തെ, മൊഴി നല്കിയവരുടെ സ്വകാര്യത സംരക്ഷിക്കണമെന്ന വാദം മുന്നിര്ത്തി ഏതാനും ഭാഗങ്ങള് ഒഴിവാക്കിയാണ് സര്ക്കാര് ഹേമ കമ്മിറ്റി റിപ്പോര്ട്ട് പുറത്തുവിട്ടിരുന്നത്.
റിപ്പോര്ട്ടില് സര്ക്കാര് എന്ത് നടപടി സ്വീകരിച്ചെന്ന് കോടതി ചോദിച്ചു. പ്രത്യേക അന്വേഷണ സംഘത്തെ നിയോഗിച്ചെന്നും വിവിധ സ്റ്റേഷനുകളിലായി 23 കേസുകള് രജിസ്റ്റര് ചെയ്തെന്നുമാണ് സര്ക്കാറിന് വേണ്ടി അഡ്വക്കറ്റ് ജനറല് മറുപടി നല്കിയത്. സിനിമ മേഖലയിലെ പ്രശ്നങ്ങള് പഠിക്കാന് വേണ്ടിയാണ് സമിതിയെ നിയോഗിച്ചതെന്ന ബാലിശമായ വാദം സര്ക്കാര് കോടതിയിലുയര്ത്തി. 2021ല് റിപ്പോര്ട്ട് ഡി.ജി.പിക്ക് ലഭിച്ചിരുന്നതല്ലേയെന്നും എന്തുകൊണ്ടാണ് നടപടി സ്വീകരിക്കാതിരുന്നതെന്നും കോടതി ചോദിച്ചു.
സര്ക്കാരിന്റേത് അതിശയിപ്പിക്കുന്ന നിഷ്ക്രിയത്വമാണ്. കോടതിക്ക് നിഷ്ക്രിയമായി ഇരിക്കാനാകില്ല. റിപ്പോര്ട്ടില് ബലാത്സംഗം, പോക്സോ കേസുകള് റജിസ്റ്റര് ചെയ്യാനുള്ള വസ്തുതയുണ്ട് -കോടതി ചൂണ്ടിക്കാട്ടി.
ഹേമ കമ്മിറ്റി റിപ്പോര്ട്ട് പുറത്തുവിടുന്നതിനെതിരെ നിര്മാതാവ് സജിമോന് പാറയില് നല്കിയ അപ്പീല് ഹരജി, ആരോപണ വിധേയരായവര്ക്കെതിരെ കേസെടുക്കണമെന്നാവശ്യപ്പെട്ട് പൊതുപ്രവര്ത്തകനായ പായിച്ചിറ നവാസ് നല്കിയ പൊതുതാല്പര്യ ഹരജി, കുറ്റകൃത്യങ്ങള് ചെയ്തവര്ക്കെതിരെ ക്രിമിനല് നടപടി സ്വീകരിക്കാത്തതിനെതിരെ മുന് എം.എല്.എ ജോസഫ് എം. പുതുശേരി ഫയല് ചെയ്ത ഹരജി തുടങ്ങിയവയാണ് ബെഞ്ച് പരിഗണിച്ചത്. ഹേമ കമ്മിറ്റി റിപ്പോര്ട്ട് പുറത്തുവിടുരുതെന്ന ഹരജിക്ക് ഇനി പ്രസക്തിയില്ലെന്ന് കോടതി ചൂണ്ടിക്കാട്ടി.
കൊച്ചി: മലയാളികളുടെ ദേശീയ ഉത്സവമായ ഓണത്തിന് തുടക്കം കുറിച്ചുകൊണ്ട് തൃപ്പൂണിത്തുറയില് വര്ണാഭായ അത്തച്ചമയ ഘോഷയാത്ര ആരംഭിച്ചു. നാടന് കലാരൂപങ്ങളും നിശ്ചല ദൃശ്യങ്ങളും അണിനിരന്നുകൊണ്ടുള്ള വര്ണ്ണാഭമായ ഘോഷയാത്രയാണ് തൃപ്പൂണിത്തുറയില് നടക്കുന്നത്. തൃപ്പൂണിത്തുറയിലെ അത്തം നഗറില് സ്പീക്കര് എഎന് ഷംസീര് നിലവിളക്ക് കൊളുത്തി അത്തച്ചമയ ആഘോഷങ്ങള് ഉദ്ഘാടനം ചെയ്തു. ഫ്രാന്സിസ് ജോര്ജ് എംപി ഉള്പ്പെടെയുള്ള ജനപ്രതിനിധികളും ഉദ്ഘാടന ചടങ്ങില് പങ്കെടുത്തു. അത്തം നഗറില് സ്പീക്കര് എഎന് ഷംസീര് പതാക ഉയര്ന്നതോടെ സംസ്ഥാനത്തെ ഔദ്യോഗിക ഓണാഘോഷ പരിപാടികള്ക്കും തുടക്കമായി. ലോക പ്രശസ്തമായ തൃപ്പൂണിത്തുറ അത്തച്ചമയ ആഘോഷങ്ങളോടെ കേരള നാട് ഓണാവേശത്തിലേക്ക് കടക്കുകയാണ്.
എള്ളോളമില്ല പൊളിവചനം എന്നു പറയാന് ഇന്ന് മലയാളിക്ക് കഴിയില്ലെന്ന് ഉദ്ഘാടന ചടങ്ങില് സ്പീക്കര് എഎന് ഷംസീര് പറഞ്ഞു. പരസ്പരം പഴിചാരാതെയും കുറ്റപ്പെടുത്താതെയും മുന്നോട്ടു പോകാന് മലയാളിക്ക് കഴിയണം. മത വര്ഗീയ ചിന്തകള് ഇല്ലാത്ത നാടാണ് കേരളമെന്നും എഎന് ഷംസീര് പറഞ്ഞു.രാവിലെ മഴ പെയ്തെങ്കിലും അത്തച്ചമയ ആഘോഷത്തിന്റെ ആവേശം കുറഞ്ഞില്ല. ഘോഷയാത്ര ആരംഭിക്കുമ്പോള് മഴ മാറി നിന്നതും ആശ്വാസമായി. ബാന്ഡ് മേളത്തിന്റെയും ചെണ്ടമേളത്തിന്റെയും ശിങ്കാരി മേളത്തിന്റെയും അകമ്പടിയോടെയാണ് വര്ണാഭമായ ഘോഷയാത്ര നടക്കുന്നത്.
സാംസ്കാരിക കലാരൂപങ്ങള്, വര്ണക്കുടകള്, പുലിക്കളി, കാവടിയാട്ടം, കരകാട്ടം എന്നിവയെല്ലാം ഘോഷയാത്രയ്ക്ക് നിറം പകര്ന്നു. ആയിരകണക്കിന് പേരാണ് തൃപ്പൂണിത്തുറയില് അത്തച്ചമയ ഘോഷയാത്രയില് പങ്കെടുക്കാനായി എത്തിയിട്ടുള്ളത്. വയനാട് ദുരന്തത്തിന്റെ പശ്ചാത്തലത്തില് അത്തച്ചമയത്തിന്റെ ഭാഗമായുള്ള ചില പരിപാടികള് വെട്ടിക്കുറച്ചെങ്കിലും ഘോഷയാത്ര അടക്കം ഉള്ള ആചാരങ്ങള്ക്ക് മുടക്കമില്ല.
തിരുവോണത്തിന്റെ വരവറിയിച്ചാണ് ഇന്ന് അത്തം പിറന്നത്. അത്തം എത്തിയതോടെ മലയാളികള് ഓരോരുത്തരും ഓണത്തെ വരവേല്ക്കാനുളള തിരക്കുകളിലേക്കുളള കടന്നു കഴിഞ്ഞു. അവസാനത്തെ ഓണപരീഷകള് കൂടി തീര്ത്താല് കുട്ടികളും ഓണാഘോഷത്തിന്റെ പൂര്ണാവേശത്തിലെത്തും. വീട്ടുമുറ്റത്തെ ചെമ്പരത്തിയും പനിനീര്പ്പൂവും വിപണിയില് നിന്നെത്തുന്ന പല നിറ പൂക്കളും കൂടിയാകുമ്പോള് പൂക്കളത്തിന് ചന്തമേറെയാണ്.
അത്തം മുതല് പത്തു ദിവസം പ്രാതലിനൊരുക്കുന്ന പഴനുറുക്കിന്റെയും കാച്ചിയ പപ്പടത്തിന്റെയും മണം കൂടിയാണ് ഓണം. മലയാളികളുടെ ആസ്വാദന ശീലവും താത്പര്യങ്ങളും മാറി. എങ്കിലും തനി മലയാളിയാക്കാന് മലയാളി ഒരു ചെറിയ ശ്രമം നടത്തുന്ന സമയം കൂടിയാണ് ഓണക്കാലം.
അതേസമയം, വയനാട് ദുരന്തത്തിന്റെ പശ്ചാത്തലത്തില് സെക്രട്ടറിയേറ്റിലെ ഓണാഘോഷങ്ങള്ക്ക് നിയന്ത്രണമേര്പ്പെടുത്തിയിരിക്കുകയാണ് സര്ക്കാര്. സെക്രട്ടേറിയറ്റില് ഓണാഘോഷ പരിപാടികള് ഉണ്ടാവില്ല. ജീവനക്കാരുടെ മത്സരങ്ങളും നടത്തില്ലെങ്കിലും എല്ലാ വകുപ്പുകളിലും മത്സരമില്ലാതെ അത്തപ്പൂക്കളം ഇടാന് അനുമതിയുണ്ട്. സെക്രട്ടറിയേറ്റ് എംപ്ലോയ് അസോസിയേഷന്റെ ഓണം സുവനിയറും ഇറക്കുന്നതും നിലവില് പ്രതിസന്ധിയിലാണ്. സംസ്ഥാനത്താകെ ഓണാഘോഷ പരിപാടികളില് നിയന്ത്രണമേര്പ്പെടുത്തിയിട്ടുണ്ട്.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
News3 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
You must be logged in to post a comment Login