Ernakulam
അഞ്ച് വയസുകാരിയുടെ കൊലപാതകം: പ്രതിയെ 14 ദിവസത്തേക്ക് റിമാന്ഡ് ചെയ്തു
കൊച്ചി: ആലുവയില് അഞ്ചുവയസുകാരിയെ പീഡിപ്പിച്ച് കൊലപ്പെടുത്തിയ പ്രതി അസ്ഫാഖ് ആലം റിമാന്ഡില്. പ്രതിയെ 14 ദിവസത്തേക്കാണ് റിമാന്ഡ് ചെയ്തത്. കുട്ടിയെ കൊലപ്പെടുത്തിയത് വെള്ളിയാഴ്ച വൈകിട്ട് 5.30ന് ആണെന്ന് പ്രതി മൊഴി നല്കി. ഇയാള് ഒറ്റയ്ക്ക് കൃത്യം നിര്വഹിച്ചെന്നാണ് പൊലീസിന്റെ നിഗമനം. അതേസമയം കൂടുതല് അന്വേഷണത്തിനായി പ്രത്യേക അന്വേഷണ സംഘം ബിഹാറിലേക്ക് പോകും.
വെള്ളിയാഴ്ചയാണ് ആലുവ തായിക്കാട്ടുകരയില് എട്ട് വര്ഷമായ താമസിച്ചിരുന്ന ബിഹാറി ദമ്പതികളുടെ മകളെ കാണാതായത്. ശനിയാഴ്ച രാവിലെ പതിനൊന്നരയോടെ കുട്ടിയുടെ മൃതദേഹം കണ്ടെത്തി. ആലുവ മാര്ക്കറ്റിനുള്ളിലെ ഒഴിഞ്ഞ പ്രദേശത്ത് ചെളിയില് താഴ്ത്തി, ചാക്കിട്ടു മൂടി മുകളില് കല്ലു വെച്ച നിലയിലായിരുന്നു മൃതദേഹം.
തുടക്കത്തില് ലൈംഗിക പീഡനം സ്ഥിരീകരിച്ചിരുന്നില്ല. എന്നാല് പോസ്റ്റുമോര്ട്ടത്തിന് പിന്നാലെ കുട്ടി അതിക്രൂര പീഡനത്തിന് ഇരയായതായി വ്യക്തമാവുകയായിരുന്നു. കുട്ടിയുടെ സ്വകാര്യ ഭാഗത്തിലടക്കം മുറിവുണ്ട്. തലയില് കല്ലുകൊണ്ട് ഇടിച്ചും മുറിവേല്പ്പിച്ചു. കഴുത്തു ഞെരിച്ചാണ് കൊലപാതകം നടത്തിയത്. കുട്ടിയുടെ വസ്ത്രം ഉപയോഗിച്ചാണ് കഴുത്തു മുറുക്കിയതെന്നും കണ്ടെത്തി. ഒന്നര വര്ഷം മുമ്പ് കേരളത്തിലെത്തിയ അഫ്സാഖ് മൊബൈല് മോഷണ കേസില് ഉള്പ്പെടെ പ്രതിയാണ്. ഇയാള് വിവിധയിടങ്ങളില് നിര്മാണ് ജോലികള് ചെയ്ത ശേഷമാണ് ബിഹാര് സ്വദേശികള് താമസിച്ചിരുന്ന കെട്ടിടത്തില് താമസിക്കാനെത്തിയത്
കൊച്ചി: കളമശ്ശേരി കുസാറ്റ് ക്യാംപസില് ടെക് ഫെസ്റ്റിനിടെയുണ്ടായ തിക്കിലും തിരക്കിലും പെട്ട് നാല് പേർ മരിച്ച സംഭവത്തില് കുറ്റപത്രം സമർപ്പിച്ചു.കുറ്റപത്രത്തില് മുൻ പ്രിൻസിപ്പല് ദീപക് കുമാർ സാഹു അടക്കം മൂന്നു പ്രതികളാണുള്ളത്. അധ്യാപകരായ ഗിരീഷ് കുമാർ തമ്ബി, എൻ. ബിജു എന്നിവരാണ് മറ്റ് പ്രതികള്. മനപ്പൂർവമല്ലാത്ത നരഹത്യയാണ് ചുമത്തിയിരിക്കുന്നത്. കേസില് മുൻ രജിസ്ട്രാറെ പ്രതി ചേർക്കേണ്ട സാഹചര്യമില്ലെന്ന് അന്വേഷണ സംഘം വ്യക്തമാക്കി. പോലീസ് സുരക്ഷ ആവശ്യപ്പെട്ടുകൊണ്ടുള്ള കത്ത് കൈമാറുന്നതില് വീഴ്ച വരുത്തിയെന്ന് ആരോപണം കോളേജ് അധികൃതർക്കെതിരേ ഉയർന്നിരുന്നു.
2023 നവംബർ 25നാണ് നാടിനെ നടുക്കിയ ദുരന്തം ഉണ്ടായത്. കുസാറ്റിലെ ഓപ്പണ് എയർ ഓഡിറ്റോറിയത്തിലായിരുന്നു പരിപാടി. മഴ പെയ്തതോടെ പുറത്തുനിന്നുള്ളവർ ഓഡിറ്റോറിയത്തിലേക്ക് ഇരച്ചുകയറിയതാണ് അപകടത്തിന് കാരണമായത്. ആളുകള് കൂട്ടമായി എത്തിയതോടെ പടിക്കെട്ടിന് മുകളിലുണ്ടായിരുന്നവർ താഴെയുണ്ടായിരുന്നവർക്ക് മുകളിലേക്ക് വീഴുകയായിരുന്നു.
സിവില് എൻജിനിയറിങ് രണ്ടാംവർഷ വിദ്യാർഥി കൂത്താട്ടുകുളം കിഴകൊമ്ബ് കൊച്ചുപാറയില് അതുല് തമ്ബി (24), രണ്ടാംവർഷ ഇലക്ട്രോണിക് എൻജിനിയറിങ് വിദ്യാർഥിനിയായ പറവൂർ ചേന്ദമംഗലം കുറുമ്പത്തുരുത്ത് സ്വദേശിനി ആൻ റിഫ്റ്റ (20), ഇലക്ട്രോണിക്സ് ആൻഡ് കമ്യൂണിക്കേഷൻ മൂന്നാം സെമസ്റ്റർ വിദ്യാർഥിയും കോഴിക്കോട് താമരശ്ശേരി കോരങ്ങാട് തൂവക്കുന്നുമ്മല് സ്വദേശിയുമായ സാറ തോമസ് (20), പാലക്കാട് മുണ്ടൂർ എഴക്കാട് കോട്ടപ്പള്ള തൈപറമ്ബില് വീട്ടില് ആല്ബിൻ ജോസഫ് (23) എന്നിവരാണ് മരിച്ചത്. 60-ല് അധികം പേർക്ക് പരിക്കേറ്റു.ദുരന്തം നടന്ന് ഒരു വർഷവും രണ്ടുമാസവും പിന്നിടുമ്ബോഴാണ് കുറ്റപത്രം സമർപ്പിക്കുന്നത്.
തിരുവനന്തപുരം: നടി ഹണി റോസിനെതിരായ അധിക്ഷേപ കേസിൽ ജയിലിൽ റിമാൻഡിൽ കഴിയുന്നതിനിടെ ബോബി ചെമ്മണൂരിന് വഴിവിട്ട സഹായം ചെയ്ത സംഭവത്തിൽ മധ്യമേഖല ജയിൽ ഡിഐജിയെയും കാക്കനാട് ജില്ലാ ജയിൽ സൂപ്രണ്ടിനെയും സസ്പെൻഡ് ചെയ്യാൻ ശുപാർശ.
ജയിൽ ആസ്ഥാന ഡിഐജി സമർപ്പിച്ച അന്വേഷണ റിപ്പോർട്ടിലാണ് രണ്ടു ഉദ്യോഗസ്ഥർക്കെതിരെയും കർശന നടപടിക്ക് ശുപാർശ ചെയ്ത്. റിപ്പോർട്ടിന്മേൽ ആഭ്യന്തര സെക്രട്ടറിയാകും നടപടി സ്വീകരി ക്കുക.
കാക്കനാട് ജില്ലാ ജയിലിൽ ബോബി ചെമ്മണൂർ റിമാൻഡിൽ കഴിയുമ്പോഴാണ് മധ്യമേഖല ജയിൽ ഡി ഐജി പി. അജയകുമാർ ബോബിയുടെ സുഹൃത്തുക്കളുമായി ജയിലിൽ എത്തിയത്. ജയിൽ ചട്ടങ്ങൾ പാലിക്കാതെ ബോബിക്ക് രണ്ടുമണിക്കൂറിലധികം സമയം ചെലവഴിക്കാൻ ഇവർക്ക് അവസരം നൽകിയിരുന്നു. സൂപ്രണ്ടിന്റെ മുറിയിൽ ബോബിയെ വിളിച്ചു വരുത്തുകയും ജയിലിലെ പ്രോപ്പർട്ടി രജിസ്റ്ററിൽ തിരുത്തൽ വരുത്തുകയും ചെയ്തുവെന്നും ഡിഐജിയു ടെ അന്വേഷണത്തിൽ കണ്ടെത്തിയിരുന്നു
കൊച്ചി: സിയാലില് അതിവേഗ ഇമിഗ്രേഷന് പദ്ധതിയ്ക്ക് തുടക്കമായി. ഉദ്യോഗസ്ഥ സഹായമില്ലാതെ ഇമിഗ്രേഷന് നടപടിക്രമങ്ങള് പൂര്ത്തിയാക്കാന് കഴിയുന്ന കേന്ദ്ര ആഭ്യന്തര മന്ത്രാലയത്തിന്റെ പദ്ധതി ഫാസ്റ്റ് ട്രാക്ക് ഇമിഗ്രേഷന് – ട്രസ്റ്റഡ് ട്രാവലര് പ്രോഗ്രാമിനാണ് തുടക്കമായത്.
ആഭ്യന്തര യാത്രക്കാര്ക്ക് ബോര്ഡിങ് പാസ് രഹിത പ്രവേശനമൊരുക്കുന്ന ഡിജി-യാത്ര സംവിധാനം നേരത്തെ തന്നെ സിയാലില് പ്രവര്ത്തനമാരംഭിച്ചിട്ടുണ്ട്. എഫ്.ടി.ഐ – ടി.ടി.പി സംവിധാനത്തിലൂടെ രാജ്യാന്തര യാത്രക്കാര്ക്ക് 20 സെക്കന്ഡുകള് കൊണ്ട് ഇമിഗ്രേഷന് നടപടികള് പൂര്ത്തിയാക്കാനാവും. അറൈവല്, ഡിപ്പാര്ച്ചര് മേഖലകളിലായി നാല് വീതം ബയോമെട്രിക് ഇ -ഗേറ്റുകള് ഫാസ്റ്റ് ട്രാക്ക് ഇമിഗ്രേഷനായി സജ്ജീകരിച്ചിട്ടുണ്ട്. ഇന്ത്യക്കാര്ക്കും ഓവര്സീസ് സിറ്റിസണ് ഓഫ് ഇന്ത്യ (ഒ.സി.ഐ.) കാര്ഡുടമകള്ക്കും ആഭ്യന്തര മന്ത്രാലയത്തിന്റെ പ്രത്യേക പോര്ട്ടല് വഴി അപേക്ഷ സമര്പ്പിക്കാം.
പാസ്പോര്ട്ട് ഉള്പ്പെടെയുള്ള രേഖകള് വിജയകരമായി അപ്ലോഡ് ചെയ്താല് അടുത്ത ഘട്ടമായ ബയോമെട്രിക് എന്റോള്മെന്റിലേയ്ക്ക് കടക്കാം. മുഖവും വിരലടയാളവും രേഖപ്പെടുത്താനുള്ള എന്റോള്മെന്റ് കൗണ്ടറുകള് കൊച്ചി വിമാനത്താവളത്തില് പ്രവര്ത്തിക്കുന്ന എഫ്.ആര്.ആര്.ഒ ഓഫീസിലും ഇമിഗ്രേഷന് കൗണ്ടറുകളിലും ഒരുക്കിയിട്ടുണ്ട്. ഒറ്റത്തവണ രജിസ്ട്രേഷന് പൂര്ത്തിയാക്കുന്നവര്ക്ക് പിന്നീടുള്ള എല്ലാ രാജ്യാന്തര യാത്രകള്ക്കും സ്മാര്ട് ഗേറ്റുകള് ഉപയോഗപ്പെടുത്താം. ഇതോടെ നടപടികള് പൂര്ത്തിയാക്കാന് വരി നിന്നുള്ള കാത്തുനില്പ്പും ഒഴിവാകും.
സ്മാര്ട് ഗേറ്റില് ആദ്യം പാസ്പോര്ട്ട് സ്കാന് ചെയ്യണം. രജിസ്റ്ററേഷന് നടത്തിയിട്ടുണ്ടെങ്കില് ഗേറ്റുകള് താനെ തുറക്കും. തുടര്ന്ന് രണ്ടാം ഗേറ്റിലെ ക്യാമറയില് മുഖം കാണിക്കാം. സിസ്റ്റം നിങ്ങളുടെ മുഖം തിരിച്ചറിയുന്നതോടെ ഗേറ്റ് തുറക്കുകയും ഇമിഗ്രേഷന് നടപടി പൂര്ത്തിയാവുകയും ചെയ്യും.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured6 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login