Connect with us
48 birthday
top banner (1)

Kerala

പുലര്‍വെട്ടമെത്തുംമുമ്പേ ഹാര്‍ബറിലെത്തി എംകെ രാഘവന്‍; സ്ഥാനാര്‍ഥിയെ സ്വീകരിക്കാന്‍ ആവേശത്തോടെ മത്സ്യതൊഴിലാളികള്‍

Avatar

Published

on


യുഡിഎഫ് കോഴിക്കോട് ലോക്സഭാ മണ്ഡലം സ്ഥാനാര്‍ഥി എംകെ രാഘവന്റെ പര്യടനം അതിരാവിലെ തന്നെ തുടങ്ങുന്നതാണ് ഇപ്പോഴത്തെ രീതി. സൂര്യനുദിക്കും മുന്നേ കാലത്ത് ആറ് മണിക്ക് ബേപ്പൂര്‍ ഹാര്‍ബറിലെത്തിയായിരുന്നു എംകെ രാഘവന്റെ ഇന്നത്തെ പര്യടനം. പുലര്‍വെട്ടമെത്തുംമുമ്പേ തുറമുഖത്തെത്തിയ രാഘവേട്ടനെ കണ്ട മത്സ്യതൊഴിലാളികള്‍ സ്ഥാനാര്‍ഥിയെ ആവേശത്തോടെ സ്വീകരിക്കാന്‍ എത്തി.

Advertisement
inner ad

രാത്രികാല മത്സ്യബന്ധനം കഴിഞ്ഞ് ഹാര്‍ബറിലേക്ക് മടങ്ങുന്നവരും കച്ചവടക്കാരും വിതരണക്കാരുമായി തുറമുഖം ആളുകളാല്‍ നിറഞ്ഞ നേരത്താണ് എംകെ രാഘവന്‍ സന്ദര്‍ശനത്തിനെത്തിയത്. കഴിഞ്ഞ കാലങ്ങളിലെ പ്രവര്‍ത്തനങ്ങളില്‍ തീരദേശ മേഖലയുടെ വികസനത്തിന് എംപിയെന്ന നിലയില്‍ വലിയ തോതില്‍ ഇടപെടല്‍ നടത്തിയ സ്ഥാനാര്‍ഥിക്ക് വന്‍ വരവേല്‍പ്പാണ് ബേപ്പൂര്‍ ഹാര്‍ബറിലെ മത്സ്യ തൊഴിലാളികള്‍ ഒരുക്കിയത്.

തുറമുഖ തീരത്തൂടെയും കരക്കടുപ്പിച്ച ബോട്ടുകള്‍ക്കിടയിലൂടെയുമായി എംകെ രാഘവന്‍ മത്സ്യതൊഴിലാളികളോട് കുശലാന്വേഷണങ്ങള്‍ നടത്തി നടന്നു. പലരും രാഘവേട്ടനൊപ്പം തെരഞ്ഞെടുപ്പ് വിശേഷങ്ങള്‍ ചോദിച്ചറിയുകയും ഫോട്ടോയെടുക്കുകയും ഉണ്ടായി. ആഴക്കടല്‍ മത്സ്യബന്ധനത്തിന് പോയ തൊഴിലാളികള്‍ കാലത്ത് ഹാര്‍ബറിലെത്തിച്ച വലിയ പുതിയ മത്സ്യങ്ങളെ ചിലര്‍ സ്ഥാനാര്‍ത്ഥിയെ കാണിച്ചു.

Advertisement
inner ad

ബേപ്പൂര്‍ തുറമുഖത്തിന്റെ വികസനത്തെക്കുറിച്ചും സാഗര്‍മാല പദ്ധതിയില്‍ ഉള്‍പ്പെടുത്തുന്നതിനെക്കുറിച്ചും എംപി ലോക്സഭയില്‍ ബില്‍ അവതരിപ്പിച്ചിരുന്നു. കോഴിക്കോട് നഗരത്തിലെ ദേശീയ പാതയുടെ ജംഗ്ഷനായ മാലാപ്പറമ്പിനെ ബേപ്പൂര്‍ ഹാര്‍ബറുമായി ബന്ധിപ്പിക്കുന്ന നാലുവരി പാതക്കായി ബില്‍ അവതരിപ്പിച്ച എംപിയുടെ പദ്ധതി ഇപ്പോള്‍ ഡിപിആര്‍ ഘട്ടത്തിലാണ് ഉള്ളത്. ഇത് സംസ്ഥാന സര്‍ക്കാര്‍ സഹകരിക്കുന്ന മുറക്ക് യാഥാര്‍ത്ഥ്യമാവും. കോഴിക്കോട് നഗരത്തെ ബേപ്പൂര്‍ തുറമുഖവുമായി ബനന്ധിപ്പിക്കുന്ന മെട്രോ റെയില്‍ ആരംഭിക്കണമെന്നും എംപി ആവശ്യപ്പെട്ടിരുന്നു. സംസ്ഥാന സര്‍ക്കാറിന്റെ കീഴില്‍ പ്രവര്‍ത്തിക്കുന്ന ബേപ്പൂര്‍ മത്സ്യബന്ധന ഹാര്‍ബര്‍ ജെട്ടി ആഴം കൂട്ടുന്നതിന് ആവശ്യമായ കേന്ദ്രാവിഷ്‌കൃത പദ്ധതി എത്തിക്കുന്നതിലും എംകെ രാഘവന്‍ എംപിയുടെ സജീവ ഇടപെടലുണ്ടായിരുന്നു. നിലവിലെ വാര്‍ഫ് അടിത്തട്ടില്‍ അടിഞ്ഞ മണ്ണും ചെളിയും നീക്കി യന്ത്രവല്‍കൃത ബോട്ടുകള്‍ക്കും കപ്പലുകള്‍ക്കും സൗകര്യപ്രദമായ സഞ്ചാരപാത ഒരുക്കുകയാണ് പദ്ധതിയുടെ ലക്ഷ്യം.

തൊഴിലാളി യൂണിയന്‍ നേതാക്കളേയും സ്ഥാപനങ്ങളും സന്ദര്‍ശിച്ച സ്ഥാനാര്‍ഥി വോട്ടഭ്യര്‍ത്ഥനയും നടത്തി. ബേപ്പൂര്‍ തുറമുഖത്ത് ബോട്ടുകളില്‍ മാത്രം ആറായിരത്തോളം തൊഴിലാളികളുണ്ട്. ഹാര്‍ബറില്‍ ആയിരത്തോളം അനുബന്ധ തൊഴിലാളികളും. മേഖലയിലെ ഐസ് ഫാക്ടറികള്‍, പിക്കപ് വാഹന ഡ്രൈവര്‍മാര്‍, ചുമട്ടു തൊഴിലാളികള്‍, മത്സ്യമേഖലയെ ആശ്രയിച്ചുള്ള മറ്റു തൊഴിലാളികളും. പുലര്‍ച്ചെ തന്നെ സന്ദര്‍ശനെത്തിയതോടെ കഴിയുന്നത്ര പേരെ നേരില്‍ കണ്ടാണ് സ്ഥാനാര്‍ഥി മടങ്ങിയത്. യുഡിഎഫ് നേതാക്കളായ കെ സുരേഷ്, ടികെ അബ്ദുല്‍ ഗഫൂര്‍, രാജീവ് തിരുവിച്ചറ, അനില്‍ കുമാര്‍, അസീസ്, കരിച്ചാലി പ്രേമന്‍, എംപി പദ്മനാഭന്‍, രമേശ് നമ്പിയത്ത്, രാജേഷ് അച്ചാറമ്പത്ത്, പ്രണേഷ് തുടങ്ങിയവര്‍ സ്ഥാനാര്‍ഥി എംകെ രാഘവനെ അനുഗമിച്ചു.

Advertisement
inner ad

Kasaragod

പുതുതായി അനുവദിച്ച പ്ലസ് വൺ ബാച്ചുകൾ ഇല്ലാതാക്കാൻ ശ്രമിച്ചാൽ ശക്തമായി നേരിടും: അഡ്വ. ജവാദ് പുത്തൂർ

Published

on

കാസർഗോഡ്: കാസർഗോഡ് ജില്ലയിൽ 18 പുതിയ പ്ലസ് വൺ ബാച്ചുകൾ ആണ് അനുവദിച്ചത്. എന്നാൽ ഇത് അനുവദിച്ച സ്കൂളുകളിൽ മതിയായ സൗകര്യങ്ങൾ ഇല്ലെന്ന മുടന്തൻ ന്യായങ്ങൾ പറഞ്ഞ് ബാച്ചുകൾ സ്വീകരിക്കാൻ സാധിക്കില്ലെന്ന് വരുത്തിത്തീർക്കാൻ ശ്രമിക്കുകയാണ്. ഇത്തരം മുടന്തൻ ന്യായങ്ങളുടെ പേരിൽ വിദ്യാർത്ഥികളുടെ പഠിക്കാനുള്ള അവകാശത്തെ ഇല്ലായ്മ ചെയ്യാൻ ശ്രമിച്ചാൽ വിദ്യാർത്ഥികളെയും രക്ഷിതാക്കളെയും ഒരുമിപ്പിച്ചുകൊണ്ട് ശക്തമായ പ്രതിഷേധ പരിപാടികളുമായി കെഎസ്‌യു സമരരംഗത്തേക്ക് ഇറങ്ങുമെന്ന് കാസർഗോഡ് കെഎസ്‌യു ജില്ലാ പ്രസിഡന്റ് അഡ്വ. ജവാദ് പുത്തൂർ പറഞ്ഞു.

കാഞ്ഞങ്ങാട് മണ്ഡലത്തിനകത്ത് വരുന്ന ഹോസ്ദുർഗ് ഹയർ സെക്കൻഡറി സ്കൂൾ അധികൃതർ പറയുന്നത് പുതിയ ബാച്ച് എടുക്കാനുള്ള സൗകര്യം ഇല്ലെന്നാണ്. എന്നാൽ കൂടിയാലോചന നടത്താതെയാണ് ഇത്തരം ഒരു തീരുമാനത്തിലെത്തിയതെന്നും നിലവിൽ സൗകര്യങ്ങൾ ഉണ്ടെന്നാണ് പിടിഎ ഭാരവാഹികളും സമീപവാസികളും പറയുന്നത്. സർക്കാരിന്റെയും അധ്യാപകരുടെയും നേതൃത്വത്തിലുള്ള ഈ ഒളിച്ചുകളി തുടരുകയും പ്രഖ്യാപിക്കപ്പെട്ട ബാച്ചുകൾ ഇല്ലാതാക്കാനുള്ള സാഹചര്യം ഉണ്ടാവുകയും ചെയ്‌താൽ അതിശക്തമായ സമരപരിപാടികളുമായി മുന്നോട്ടു പോകുമെന്നും ജവാദ് പുത്തൂർ കൂട്ടിച്ചേർത്തു.

Advertisement
inner ad
Continue Reading

Accident

തിരുവനന്തപുരത്ത് തോട് വൃത്തിയാക്കാനിറങ്ങിയ തൊഴിലാളിയെ കാണാതായി; തിരച്ചില്‍ തുടരുന്നു

Published

on

തിരുവനന്തപുരത്ത് തോട് വൃത്തിയാക്കാൻ ഇറങ്ങിയ തൊഴിലാളിയെ കാണാനില്ല. മാരായമുട്ടം സ്വദേശി ജോയിയെയാണ് കാണാതായത്. കോര്‍പറേഷന്റെ താല്‍ക്കാലിക തൊഴിലാളിയാണ്. തിരച്ചില്‍ തുടരുന്നു. തമ്പാനൂർ റെയില്‍വേ സ്റ്റേഷനടുത്ത് വലിയ തോതില്‍ മാലിന്യങ്ങള്‍ അടിഞ്ഞിരുന്നത് വൃത്തിയാക്കുന്നതിനിടെയാണ് അപകടം. മാലിന്യക്കൂമ്ബാരത്തിനുള്ളില്‍ പെട്ടതാണോ എന്നാണു സംശയിക്കുന്നത്. അഗ്നിരക്ഷാസേനയും സ്‌കൂബാ സംഘവുമാണു രക്ഷാപ്രവര്‍ത്തനം നടത്തുന്നത്. ഇന്ന് രാവിലെ മുതല്‍ തിരുവനന്തപുരത്ത് ശക്തമായ മഴ പെയ്യുന്നുണ്ട്. ജോയി ഒഴുക്കില്‍പ്പെട്ടതാവാം എന്നതാണ് അഗ്നിശമനസേനയുടെ പ്രാഥമിക നിഗമനം.

Continue Reading

Featured

വിഴിഞ്ഞം പദ്ധതി യാഥാർത്ഥ്യമായതിന്റെ ആഘോഷം പങ്കുവെച്ച് യുഡിഎഫ്

Published

on

തിരുവനന്തപുരം : വിഴിഞ്ഞം പദ്ധതി യാഥാർത്ഥ്യമായതിന്റെ സന്തോഷം പങ്കുവെച്ച് പ്രതിപക്ഷ നേതാവ് വി ഡി സതീശൻ. വിജയാഘോഷത്തിന്റെ ഭാഗമായി വി ഡി സതീശൻ കേക്ക് മുറിച്ച് മുൻതുറമുഖ വകുപ്പ് മന്ത്രിയായിരുന്ന കെ ബാബുവിന് മധുരം നൽകി ആഘോഷിച്ചു. ഉമ്മൻചാണ്ടിയുടെ സ്വപ്ന പദ്ധതി അദ്ദേഹത്തിന്റെ നിച്ഛയദാർഢ്യത്തിന്റെ ഫലമാണെന്നും വി ഡി സതീശൻ പറഞ്ഞു. തന്റെ ഫേസ്ബുക്ക് പോസ്റ്റിലൂടെ ആണ് വി ഡി സതീശൻ കുറിപ്പ് പങ്കുവെച്ചത്.

വി ഡി സതീശന്റെ ഫേസ്ബുക്ക് കുറിപ്പ്

Advertisement
inner ad

വിഴിഞ്ഞം എന്ന സ്വപ്നം യാഥാർഥ്യമാകുമ്പോൾ വികസനത്തിൻ്റെ കപ്പിത്താനായി നിൽക്കുന്നത് ഉമ്മൻ ചാണ്ടിയാണ്. ഉമ്മൻ ചാണ്ടി എന്ന പേര് പറയാതെ വിഴിഞ്ഞം പദ്ധതി പൂർത്തിയാകുന്നത് എങ്ങനെ?

മുഖ്യമന്ത്രി പിണറായി വിജയനും CPMനും ഉമ്മൻചാണ്ടിയെ മറക്കാം പക്ഷേ കേരളം ഉമ്മൻ ചാണ്ടിയെ മറക്കില്ല.

Advertisement
inner ad

കെ. ബാബുവിൻ്റെ പേര് കൂടി പറയാതെ വിഴിഞ്ഞം പൂർണമാകുന്നത് എങ്ങനെ? തുറമുഖ മന്ത്രി എന്ന നിലയിൽ കെ. ബാബുവിൻ്റെ കഠിനാധ്വാനത്തിൻ്റെ ഫലം കൂടിയാണ് വിഴിഞ്ഞം. വാഴ്ത്തപ്പെടാതെ പോയ ഹീറോയാണ് കെ. ബാബു.

Advertisement
inner ad
Continue Reading

Featured