Connect with us
top banner (3)

Featured

ബരാമതിയിലെ നാത്തൂൻ പോരിൽ തീക്കാറ്റ് വീശുന്നു

Avatar

Published

on

ഇന്നു വോട്ടെടുപ്പ് നടക്കുന്ന 94 ലോക്സഭാ മണ്ഡലങ്ങളിൽ വച്ചേറ്റവും തീക്ഷ്ണം മഹാരാഷ്ട്രയിലെ ബരാമതിയാണ്. എൻസിപി നേതാവ് ശരദ് പവാറിന്റെ മകൾ സുപ്രിയ സുലെയും പവാറിന്റെ സഹോദരപുത്രൻ അജിത് പവാറിന്റെ ഭാര്യ സുനേത്ര പവാറും തമ്മിലാണ് അങ്കം കുറിച്ചിരിക്കുന്നത്. ഇവിടെ രാഷ്ട്രീയം മാത്രമല്ല വിഷയം. രാഷ്ട്രീയത്തിൽ ആർക്കാണു കൂടുതൽ പവറെന്നു കാണിച്ചു കൊടുക്കാനുള്ള വീറു കൂടിയുണ്ട്, ബരാമതിയിൽ.
പാർലമെന്റിലേക്കും നിയമസഭയിലേക്കും തെരഞ്ഞെടുപ്പ് വരുമ്പോഴെല്ലാം അറിയേണ്ടത് കരുത്തരായ പവാർ കുടുംബത്തിനെ എതിരിടാൻ ആരാണു വരുന്നതെന്നായിരുന്നു. ആരായാലും ഒരു പ്രയോജനവുമില്ല. പവറെപ്പോഴും പവാർ കുടുംബത്തിനായിരുന്നു. എന്നാൽ ഇക്കുറി കളി മാറി. പവാർ കുടുംബത്തിലെ തന്നെ രണ്ട് വനിതകൾ തമ്മിൽ അങ്കം കുറിച്ചപ്പോൾ 20-ട്വന്റി ക്രിക്കറ്റ് ഫൈനലിന്റെ ആവേശമാണ് ബരാമതിയിലെങ്ങും കാണുന്നത്. അച്ഛന്റെ മകളോ ചിറ്റപ്പന്റെ ഭാര്യയോ? ഇതാണ് ഉയരുന്ന ചോദ്യം. കണക്കുകളും ചരിത്രവും പരിശോധിച്ചാൽ മകൾക്കു തന്നെയാണു സാധ്യത. പക്ഷേ, ചിറ്റപ്പന്റെയും പ്രസിറ്റിജ് ഇഷ്യുവാണ്.
1967 മുതൽ ബരാമതി ശരദ് പവാറിന്റെ കുത്തകയാണ്. അന്നു മുതൽ 1990 വരെ നടന്ന ഏഴു നിയമസഭാ തെരഞ്ഞെടുപ്പുകളിലും ശരദ് പവാർ ജയിച്ചു കയറി. 1991ൽ പ്രധാനമന്ത്രി ആകുക എന്ന ലക്ഷ്യത്തോടെ ലോക്സഭയിലേക്കു മത്സരം മാറ്റി. പകരം ബരാമതി നിയമസഭാ സീറ്റ് അനന്തിരവൻ അജിത് പവാറിനെ ഏല്പിച്ചു. ഏഴു തവണ അജിത്തും ഇവിടെ ജയിച്ചു. രാഷ്ട്രീയത്തിൽ തന്റെ പിൻ​ഗാമിയായി പവാർ അജിത്തിനെ വളർത്തിക്കൊണ്ടു വരികയായിരുന്നു.
പക്ഷേ, 2023ൽ ശരദ് പവാറിനെ വെട്ടി അജിത് സ്വന്തം പാർട്ടിയുണ്ടാക്കി. അതോടെ തീർന്നു, പവാർ കുടുംബത്തിലെ ഐക്യം. ശരദ് പവാറിനെ വാരി, പാർട്ടി പിളർത്തി ബിജെപിക്കൊപ്പം പോയ ആളാണ് അജിത്തെന്ന ചീത്തപ്പേരാണിപ്പോൾ ബരാമതിയിലുള്ളത്. ഈ നെറികേടിനു ബരാമതിക്കാർ കണക്ക് ചോദിക്കുന്നത് ഇന്നത്തെ വോട്ടെടുപ്പിലൂടെയാവും.
സുപ്രിയയുടെ രാഷ്ട്രീയ പ്രവേശവും യാദൃച്ഛികമായിരുന്നു. 1991ൽ എസ്ബി സുലേയെ വിവാഹം കഴിച്ചതോടെ അവർ വിദേശത്തേക്കു പോയി. രണ്ടു മക്കളുടെ അമ്മയായി. ആദ്യം കാലിഫോർണിയയിൽ. പിന്നീട് ഇന്തോനേഷ്യയിലേക്കും അവിടെ നിന്ന് സിങ്കപ്പുരിലേക്കും. ഇവിടെ വച്ചാന് രാഷ്ട്രീയ മോഹങ്ങളുദിച്ചതും ഇന്ത്യയിലേക്കു മടങ്ങിയതും. 1995 ൽ ഇന്ത്യയിൽ മടങ്ങിയെത്തി പതുക്കെ രാഷ്ട്രീയത്തിലേക്കു വഴിതിരിഞ്ഞു എന്നു പറയാം. 2006 വരെ സാധാരണ ഒരു വീട്ടമ്മ മാത്രമായിരുന്നു സുപ്രിയ. സജീവ രാഷ്ട്രീയത്തിൽ നിന്ന് അകലം പാലിച്ചു. അച്ഛനും കസിനും നടത്തുന്ന രാഷ്ട്രീയക്കളികൾ കണ്ട് കൈകൊട്ടി പ്രോത്സാഹിപ്പിച്ചിരുന്നു എന്നു മാത്രം.
2009ൽ ബരാമാതി ലോക്സഭാ സ്ഥാനാർഥിയായി മത്സരിച്ചു വിജയിച്ചു. 2014ലും 19ലും വിജയം ആവർത്തിച്ചു.
കന്നിയങ്കത്തിൽത്തന്നെ സുപ്രിയ ബരാമതിയിൽ വെന്നിക്കൊടി പാറിച്ചു. പിന്നീടുന്നു വരെ അതഴിച്ചിട്ടില്ല. കഴിഞ്ഞ തെരഞ്ഞെടുപ്പിൽ 1,55,774 വോട്ടുകളുടെ ഭൂരിപക്ഷമാണുണ്ടായിരുന്നത്. മഹാരാഷ്ട്രിയിൽ വീശിയടിച്ച മോദി തരം​ഗത്തെ പിടിച്ചു നിർത്തിയ ഉരുക്കുവനിത. ഇത്തവണ ഭൂരിപക്ഷം ഉയർത്താനുള്ള പോരാട്ടത്തിലാണ് സുപ്രിയ.
ഏഴുതവണ മഹാരാഷ്ട്ര നിയമസഭയിലേക്കും ഒരു തവണ ലോക്സഭയിലേക്കും മത്സരിച്ചു ജയിച്ചിട്ടുള്ള അജിത് പവാർ നിവലിൽ മഹാരാഷ്‌ട്ര ഉപമുഖ്യമന്ത്രിയാണ്. കോളെജ് പഠന കാലത്ത് അച്ഛൻ ആനന്ദ് റാവു പവാറിന്റെ മരണത്തോടെ പഠിത്തം നിർത്തി കുടുംബഭാരം തോളിലേറ്റിയ ആൾ. വർഷങ്ങൾ കഴിഞ്ഞതോടെ ചിറ്റപ്പന്റെ രാഷ്ട്രീയത്തിൽ കമ്പം കൂടി ഒപ്പം കൂടി. കഴിഞ്ഞ തെരഞ്ഞെടുപ്പിൽ കോൺ​ഗ്രസും ശിവസേനയുമായി മഹാ അ​ഗാഡി സഖ്യത്തിലായിരുന്നു എൻസിപി. ശിവസേന നേതാവ് ഉദ്ധവ് താക്കറെയെ മുഖ്യമന്ത്രിയാക്കുകയും ചെയ്തു. പിന്നീടാണ് 2023ൽ ചിറ്റപ്പനെ കാലുവാരി അജിത് ബിജെപി പക്ഷത്തെത്തിയത്. അതു വരെ അടുക്കളയിൽ മാത്രമായിരുന്നു അദ്ദേഹത്തിന്റെ ഭാര്യ സുനേത്രി. ഇതാദ്യമായി ഭാര്യയെ കളത്തിലിറക്കി ചിറ്റപ്പനെ വെല്ലുവിളിക്കുന്നു, അജിത്ത്.
ഒരു കാര്യം ഉറപ്പ്. 57 വർഷമായി ശരദ് പവാർ എന്ന രാഷ്ട്രീയ അതികായൻ നയിക്കുന്ന മഹാരാഷ്ട്ര രാഷ്ട്രീയത്തിൽ മകൾ സുപ്രിയയുടെ വിജയം തന്നെയാണ് അദ്ദേഹത്തിന്റെ ഏറ്റവും വലിയ ലക്ഷ്യം. അതു തകർക്കാനുള്ള ശേഷി മരുമകനുണ്ടോ എന്നതാണ് ബരാമതിയിൽ ഉയരുന്ന ചോദ്യം.

Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Featured

ആശാന് പിന്മുറക്കാരൻ മിക്കേൽ സ്റ്റാറേ; കേരളാ ബ്ലാസ്റ്റേഴ്‌സ് മുഖ്യ പരിശീലകനായി മിക്കേൽ സ്റ്റാറേയെ നിയമിച്ചു

Published

on

കൊച്ചി: കേരളാ ബ്ലാസ്റ്റേഴ്സിന്റെ മുഖ്യ പരിശീലകനായി സ്വീഡിഷ് പരിശീലകൻ മിക്കേൽ സ്റ്റാറേയെ നിയമിച്ചു. നാല്പത്തിയെട്ടു വയസ്സുകാരനായ സ്റ്റാറേ 2026 വരെയാണ് കേരളാ ബ്ലാസ്റ്റേഴ്‌സുമായി കരാർ ഒപ്പിട്ടിരിക്കുന്നത്. പതിനേഴു വർഷത്തോളം പരിശീലക അനുഭവ സമ്പത്തുള്ള സ്റ്റാറേ വിവിധ പ്രമുഖ ഫുട്ബാൾ ലീഗുകളിൽ പരിശീലകനായി പ്രവർത്തിച്ചിട്ടുണ്ട്. സ്വീഡിഷ് ക്ലബായ വാസ്‌ബി യൂണൈറ്റഡിലൂടെ പരിശീലക കുപ്പായം അണിഞ്ഞ സ്റ്റാറേ 2009ൽ സ്വീഡിഷ് ക്ലബായ എഐകെയുടെ മുഖ്യ പരിശീലകനായി ചുമതലയേറ്റു, എഐകെയ്‌ക്കൊപ്പം സ്വീഡിഷ് ലീഗ് ആയ ഓൾസ്‌വെൻസ്‌കാൻ ഒപ്പം തന്നെ കപ്പ് മത്സരങ്ങളായ സ്വെൻസ്‌ക കപ്പൻ, സൂപ്പർകുപെൻ എന്നിവ നേടിയതും ഐഎഫ്‌കെ ഗോട്ടെബർഗിനൊപ്പം സ്വെൻസ്‌ക കപ്പൻ നേടിയതും അദ്ദേഹത്തിന്റെ കരിയറിലെ സുപ്രധാന നേട്ടങ്ങളാണ്. നാനൂറോളം മത്സര സമ്പത്തുള്ള സ്റ്റാറേ സ്വീഡൻ, ചൈന,നോർവേ,അമേരിക്ക, തായ്‌ലൻഡ് എന്നിവിടങ്ങളിലായി എഐകെ, പാനിയോനിയോസ്, ഐഎഫ്‌കെ ഗോട്ടെബർഗ്, ഡാലിയൻ യിഫാംഗ്, ബികെ ഹാക്കൻ, സാൻ ജോസ് എർത്ത്‌ക്വേക്ക്‌സ്, സാർപ്‌സ്‌ബോർഗ് 08, സർപ്‌സ്‌ബോർഗ് 08 തുടങ്ങിയ പ്രമുഖ ടീമുകളെ പരിശീലിപ്പിച്ചിട്ടുണ്ട്. ഏറ്റവും അവസാനമായി തായ് ലീഗിലെ ഉതൈ താനിയെയാണ് മിക്കേൽ സ്റ്റാറേ പരിശീലിപ്പിച്ചത്. ഐഎസ്എൽ ചരിത്രത്തിലെ ആദ്യ സ്വീഡിഷ് പരിശീലകൻ കൂടിയാണ് മിക്കേൽ സ്റ്റാറേ. സ്റ്റാറേയുടെ നേതൃത്വത്തിൽ ടീമിനു മികച്ച പ്രകടനം നടത്താനും, വരും സീസണുകളിൽ കിരീട നേട്ടത്തിനായി മത്സരിക്കുവാനുമുള്ള പ്രചോദനം നൽകുവാനും സാധിക്കുമെന്ന് ക്ലബ്ബിന് വിശ്വാസമുണ്ട്. പ്രീസീസണിൻ്റെ തുടക്കത്തിൽ തന്നെ മിക്കേൽ സ്റ്റാറേ ടീമിനൊപ്പം ചേരുമെന്നാണ് പ്രതീക്ഷിക്കുന്നത്.

Continue Reading

Featured

കേരളത്തിലെ പ്രളയത്തില്‍, നിരവധി ജീവന്‍ നഷ്ടപ്പെട്ടതില്‍ ദുഃഖമെന്ന് ഫേസ്ബുക്ക് പോസ്റ്റ്, ‘എയറിലായി’ കേന്ദ്രമന്ത്രി രാജീവ് ചന്ദ്രശേഖർ

Published

on

തിരുവനന്തപുരം: കേന്ദ്രമന്ത്രി രാജീവ് ചന്ദ്രശേഖറിന്റെ ഫേസ്ബുക്ക് പോസ്റ്റിനെതിരെ വ്യാപക വിമര്‍ശനം. കേരളത്തിലെ പ്രളയത്തില്‍ നിരവധി പേര്‍ക്ക് ജീവന്‍ നഷ്ടപ്പെട്ടതില്‍ ദുഃഖമുണ്ടെന്നായിരുന്നു ഫേസ്ബുക്ക് പോസ്റ്റ്.മരിച്ചവരുടെ ദുഃഖത്തില്‍ പങ്കുചേരുന്നുവെന്നും അപകടത്തില്‍പ്പെട്ടവര്‍ എത്രയും വേഗം സുഖം പ്രാപിക്കട്ടെയെന്ന് പ്രാര്‍ത്ഥിക്കുന്നുവെന്നും രാജീവ് ചന്ദ്രശേഖര്‍ ഫേസ്ബുക്കില്‍ കുറിച്ചു. കേരളത്തില്‍ മഴ കനത്തെങ്കിലും പ്രളയസാഹചര്യം ഇല്ല. തുടര്‍ന്ന് വ്യാപക വിമര്‍ശനവും ട്രോളുമാണ് ഫേസ്ബുക്ക് പോസ്റ്റിനെതിരെ ഉയരുന്നത്. അതേസമയം വിമർശനത്തിന് പിന്നാലെ പോസ്റ്റ് പിന്‍വലിച്ചു.

Continue Reading

Featured

മഴക്കെടുതി: യൂത്ത്കെയറുമായി യൂത്ത്കോൺഗ്രസ്‌

Published

on

തിരുവനന്തപുരം: മഴക്കെടുതി സംസ്ഥാനത്ത് രൂക്ഷമാകുന്ന സാഹചര്യത്തിൽ യൂത്ത്കെയറുമായി യൂത്ത്കോൺഗ്രസ്‌. ബുദ്ധിമുട്ട് നേരിടുന്നവർക്ക് ഓരോ ജില്ലകളിലും സജ്ജമായ കൺട്രോൾ റൂമുകളിലേക്ക് വിളിക്കാം. സംസ്ഥാന യൂത്ത്കോൺഗ്രസ്‌ കമ്മിറ്റിയാണ് പ്രവർത്തനങ്ങൾ ഏകോപിപ്പിക്കുന്നത്.

Advertisement
1000x200 PX MALAYALI DCTR MDX-02-02

തിരുവനന്തപുരം
8606583036
തൃശ്ശൂർ
8943213835
കൊല്ലം
9020386723
പാലക്കാട്
8848001886
പത്തനംതിട്ട
9633677579
മലപ്പുറം
9947600008
ആലപ്പുഴ
8943784272
കോഴിക്കോട്
9846765823
കോട്ടയം
9072028592
വയനാട്
9656584518
ഇടുക്കി
9656962404
കണ്ണൂർ
9995007307
എറണാകുളം
9020877464
കാസർഗോഡ്
9961177094

Advertisement
1000x200 PX MALAYALI DCTR MDX-02-02
Continue Reading

Featured