Connect with us
48 birthday
top banner (1)

Thiruvananthapuram

സര്‍ക്കാര്‍ ഓഫീസുകളിലെ റീല്‍സ് ചിത്രീകരണം സ്ഥിരം സംഭവം: ബലിയാടയത് തിരുവല്ല നഗരസഭ ജീവനക്കാര്‍ മാത്രം

Avatar

Published

on

തിരുവനന്തപുരം: സോഷ്യല്‍ മീഡിയയില്‍ റീല്‍സ് ചെയ്ത് താരമാകാനാണ് സര്‍ക്കാര്‍ ഉദ്യോഗസ്ഥര്‍് മത്സരിക്കുന്നത്. തിരുവനന്തപുരം തൈക്കാടുള്ള നാഷണല്‍ റൂറല്‍ ഹെല്‍ത്ത് മിഷന്റെ ഡിപിഎം ഓഫീസിലെ സ്ത്രീകളടക്കമുള്ള ഉദ്യോഗസ്ഥര്‍ ഒന്നും രണ്ടുമല്ല റീല്‍സ് ചിത്രീകരിക്കുന്നത്. അതും ഓഫീസ് സമയത്ത്. ഒന്നോര രണ്ടോ പേരല്ല. പത്ത് ജീവനക്കാരാണ് റീല്‍സില്‍ തകര്‍ത്ത് അഭിനയിക്കുന്നത്. സോഷ്യല്‍ മീഡിയയില്‍ പോസ്റ്റ് ചെയ്്ത് വൈറലാകുക. ഇപ്പോള്‍ ട്രെന്റ് അതൊക്കെയാണല്ലോ. ചുവപ്പു നാടയില്‍ പൊടി പിടിച്ചു കിടക്കുന്ന ഫയലുകള്‍ അവിടെ ഉറങ്ങട്ടെ. നമുക്ക് റീല്‍സ് ചെയ്ത് പൊളിക്കാം എന്ന മനോഭാവത്തില്‍ റീല്‍സ് ചീത്രീകരണം തുടരുന്നു. ആരോഗ്യ കുടുംബക്ഷേമ മന്ത്രാലയത്തിന് കീഴില്‍ പ്രവര്‍ത്തിക്കുന്ന ദേശീയ ഗ്രാമീണ ആരോഗ്യ ദൗത്യം(എന്‍ആര്‍എച്ച്എം) ജീവനക്കാരാണ് റീല്‍സില്‍ അഭിനയ മികവ് പുറത്തെടുത്തത്.

തിരുവല്ല നഗരസഭയിലെ റവന്യൂ വിഭാഗത്തിലെ സ്ത്രീകളടക്കമുള്ള ജീവനക്കാര്‍ ഓഫീസിനുള്ളില്‍ റീല്‍സ് ചീത്രീകരിച്ച സംഭവത്തില്‍ നഗരസഭാ സെക്രട്ടറി വിശദീകരണം തേടിയിരുന്നു. റീല്‍ എടുത്തത് ഞായറാഴ്ച ദിവസമാണെന്നാണ് തിരുവല്ല നഗരസഭയിലെ ആരോപണ വിധേയരായ ജീവനക്കാര്‍ മറുപടിയായിനല്‍കിയിരിക്കുന്ന വിശദീകരണം. എന്നാല്‍ വിശദീകരണം തൃപ്തികരമല്ലെങ്കില്‍ കര്‍ശന അച്ചടക്ക നടപടി ഉണ്ടാകുമെന്ന് നോട്ടീസില്‍ പറയുന്നുണ്ട്.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Kerala

കേന്ദ്ര ബജറ്റിന് പിന്നാലെ സംസ്ഥനത്ത് സ്വർണവില കുത്തനെ താഴേക്ക്; പവന് 2000 രൂപയുടെ ഇടിവ്

Published

on

തിരുവനന്തപുരം: സംസ്ഥനത്ത് സ്വർണവില കുത്തനെ താഴേക്ക്. ബജറ്റിൽ സ്വർണത്തിന്റെ അടിസ്ഥാന ഇറക്കുമതി തീരുവ 10 ശതമാനത്തിൽ നിന്നും 6 ശതമാനമാക്കി ബജറ്റിൽ കുറച്ചതിന് പിന്നാലെ ഒരു മണിക്കൂറിനുള്ളിൽ പവന് 2000 രൂപയുടെ ഇടിവാണ് ഉണ്ടായത്. കേന്ദ്ര ബജറ്റിൽ സ്വർണം, വെള്ളി എന്നിവയുടെ ഇറക്കുമതി ചുങ്കം കുറച്ചുകൊണ്ടുള്ള ധനമന്ത്രിയുടെ ബജറ്റ് അവതരണത്തിന് പിന്നാലെ സ്വർണാഭരണ വ്യാപാര മേഖലയിൽ മണിക്കൂറുകൾക്കുള്ളിലാണ് ഇത് പ്രതിഫലിച്ചിരിക്കുന്നത്. കഴിഞ്ഞ ബുധനാഴ്ച 55,000 എന്ന റെക്കോർഡ് വിലയിലായിരുന്നു സ്വർണ വ്യാപാരം നടന്നത്. പുതുക്കിയ വില അനുസരിച്ച് 22 കാരറ്റ് വരുന്ന ഒരു പവൻ സ്വർണത്തിന്റെ വില 51,960 രൂപയാണ്.

Continue Reading

Kerala

ജീവനക്കാരുടെ ആനുകൂല്യങ്ങൾ നിഷേധിക്കുന്ന സർക്കാർ നടപടി അവസാനിപ്പിക്കണം; രഞ്ചു കെ മാത്യു

Published

on

തിരുവനന്തപുരം: സംസ്ഥാനം ഭരിക്കുന്ന ഇടത് സർക്കാർ അധികാരത്തിലേറി എട്ട് വർഷം കഴിയുമ്പോഴും സർക്കാർ ജീവനക്കാരുടെ തുടർച്ചയായി ആനുകൂല്യങ്ങൾ നിഷേധിക്കുകയും കവർന്നെടുക്കുകയും തടഞ്ഞ് വയ്ക്കുകയും ചെയ്ത് മുന്നോട്ട് പോകുകയാണെന്ന് കേരള എൻജിഒ അസോസിയേഷൻ സംസ്ഥാന സെക്രട്ടറി രഞ്ചു.കെ മാത്യൂ. കേരള എൻജിഒ അസോസിയേഷൻ പാറശ്ശാല ബ്രാഞ്ച് 49ാം വാർഷിക സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ജീവനക്കാർക്ക് ലഭ്യമാകേണ്ട ആറ് ഗഡു ഡിഎ നൽകാതെയും 11-ാം ശമ്പള പരിഷ്ക്കരണ കുടിശിക അനുവദിക്കാതെയും കഴിഞ്ഞ 5 വർഷമായി ലീവ് സറണ്ടർ നൽകാതെയും, വികലമായ ജീവനന്ദം പദ്ധതി അടിച്ചേൽപ്പിക്കാൻ ശ്രമിക്കുകയും ചെയ്യുന്നു. ജീവനക്കാരുടെ അവകാശങ്ങൾ നിരന്തരമായി ഇടതു പക്ഷ സർക്കാർ കവർന്നെടുക്കുമ്പോൾ ഭരണാനുകൂല സംഘടനകൾ സർക്കാരിന് ഉണർത്ത് പാട്ട് പാടുകയാണെന്നും അദ്ദേഹം കുറ്റപ്പെടുത്തി.
2024 ജൂലൈ 1 മുതൽ നടപ്പിലാക്കേണ്ട ശമ്പള പരിഷ്ക്കരണകമ്മിഷനെ പോലും നിയമിക്കാത്ത സർക്കാരിനെതിരെ ശബ്ദിക്കുവാൻ തയ്യാറാവാത്തവർ ഉമ്മൻചാണ്ടി മുഖ്യമന്ത്രിയായിരുന്നപ്പോൾ ശമ്പള പരിഷ്കരണം അട്ടിമറിക്കുന്നു എന്ന് പറഞ്ഞ് പിരിവെടുത്ത് സമരം ചെയ്തവരാണ്. തടഞ്ഞുവെച്ച ആനുകൂല്യങ്ങൾ എത്രയും വേഗം അനുവദിക്കാത്ത പക്ഷം ജീവനക്കാരുടെ സംഘടിത ശക്തി സർക്കാർ തിരിച്ചറിയും എന്ന് അദ്ദേഹം കൂട്ടിച്ചേർത്തു.

Advertisement
inner ad

സമ്മേളനത്തിൽ ബ്രാഞ്ച് പ്രസിഡൻ്റ് സജു പ്രകാശ് അദ്ധ്യക്ഷത വഹിച്ചു. സമ്മേളനത്തിൽ സംസ്ഥാന സെക്രട്ടേറിയറ്റ് മെമ്പർ എസ് പ്രസന്നകുമാർ മുഖ്യപ്രഭാഷണം നടത്തി. ജില്ലാ പ്രസിഡന്റ് വി.എസ് രാഘേഷ്,സെക്രട്ടറി ജോർജ് ആൻ്റണി , ട്രഷറർ ഷൈജി ഷൈൻ, സംസ്ഥാന കമ്മിറ്റിഅംഗങ്ങളായ എസ്.എസ് സജി, സനിൽകുമാർ ,ഓഡിറ്റർ സുനിൽ ജി.എസ്,ജില്ലാ വൈസ് പ്രസിഡന്റുമാരായ എസ് വി ബിജു, ഷൈൻകുമാർ ബി. എൻ, സംസ്ഥാന കൗൺസിൽ അംഗങ്ങളായ ഷിജിത്ത് ശ്രീധർ, ജയസിംഗ്, എസ്. ഷാജി, അനൂജ് രാമചന്ദ്രൻ, ശ്രീകാന്ത് ആർ.കെ, ക്രിസ്തു കുമാർ,മനുലാൽ, സുരേഷ്കുമാർ,
സെക്രട്ടറി ശ്രീജിനു, ട്രഷറർ അനിൽകുമാർ എന്നിവർ സംസാരിച്ചു.

Advertisement
inner ad
Continue Reading

Health

അമീബിക് മസ്തിഷ്‌ക ജ്വരം ബാധിച്ച 14 വയസുകാരന് രോഗമുക്തി

Published

on

തിരുവനന്തപുരം: അമീബിക് മെനിഞ്ചോ എൻസെഫലൈറ്റിസ് (മസ്തിഷ്‌ക ജ്വരം) ബാധിച്ച് ചികിത്സയിലായിരുന്ന 14 വയസുകാരന് രോഗമുക്തി. കോഴിക്കോട് മേലടി സ്വദേശിയായ കുട്ടിയ്ക്കാണ് രോഗം ഭേദമായത്. രാജ്യത്ത് തന്നെ അപൂർവമായാണ് അമീബിക് മസ്തിഷ്‌ക ജ്വരം സ്ഥിരീകരിച്ച ഒരാൾ രോഗമുക്തി നേടുന്നത്.

Advertisement
inner ad

ലോകത്ത് തന്നെ ഇത്തരത്തിൽ രോഗമുക്തി കൈവരിച്ചിട്ടുള്ളത് 11 പേർ മാത്രമാണ്. 97% മരണ നിരക്കുള്ള രോഗത്തിൽ നിന്നാണ് കുട്ടിയെ ജീവിതത്തിലേക്ക് തിരികെയെത്തിക്കാൻ സാധിച്ചത്. മൂന്നാഴ്ച നീണ്ട ചികിത്സയ്‌ക്കൊടുവിലാണ് രോഗമുക്തി നേടിയത്. നേരത്തെ തന്നെ രോഗം കണ്ടെത്താൻ സാധിച്ചതും, ലഭ്യമായ ചികിത്സകൾ മുഴുവനും കുട്ടിയ്ക്ക് ഉറപ്പ് വരുത്താൻ സാധിച്ചതും കൊണ്ടാണ് ഇത് കൈവരിക്കാൻ കഴിഞ്ഞത്.

Advertisement
inner ad
Continue Reading

Featured