റിയാദ് : പാലക്കാട് ആരംഭിക്കാൻ കേരള സർക്കാർ അനുമതി നൽകിയ ഒയാസിസ് ബ്രൂവറീസ് സിപിഎം -ബിജെപി മദ്യ നിർമാണ സംയുക്‌ത സംരംഭമെന്ന് സന്ദീപ് വാരിയർ റിയാദിൽ വാർത്താസമ്മേളനത്തിൽ ആരോപിച്ചു. ഒഐസിസി റിയാദ് പാലക്കാട് ജില്ലാ കമ്മറ്റി സംഘടിപ്പിക്കുന്ന “പാലക്കാടൻ തേര് ” എന്ന പരിപാടിയിൽ പങ്കെടുക്കാൻ എത്തിയാണ് അദ്ദേഹം.

ഇന്നലെ ഈ വിഷയം പ്രതിപക്ഷ നേതാവ് ആരോപണവുമായി ഉന്നയിച്ചിരുന്നു. ബിജെപി യുടെ സഖ്യകക്ഷിയായിരുന്ന അകാലിദളിന്റെ എം എൽ എ യുടെതാണ് ഒയാസിസ് ബ്രൂവറീസ്. ഇദ്ദേഹത്തിന് ബിജെപിയുടെ ഉന്നത നേതൃത്വമായും ഉത്തർ പ്രദേശ് മുഖ്യമന്ത്രി യോഗി ആദിത്യ നാഥുമായും വളരെ അടുത്ത ബന്ധമാണുള്ളത്.

Advertisement

inner ad

ഉത്തർപ്രദേശിൽ വൻകിട സംരംഭങ്ങൾക്ക് നിക്ഷേപമിറക്കിയിട്ടുള്ള എം എൽ എ യുടെ കമ്പനിക്കെതിരെ മദ്യ നിർമാണവുമായി ബന്ധപ്പെട്ടും ജലമലിനീകരണം, ജല ചൂഷണം ഉൾപ്പടെയുള്ള കേസുകളിൽ നടപടി നേരിട്ടട്ടുണ്ട്. എൻഫോഴ്‌സ്‌മെന്റ് ഡയറക്റ്ററേററ്റ് രജിസ്റ്റർ ചെയ്ത നിരവധി കേസുകളിൽ അന്വേഷണം നേരിടുന്നുണ്ട്.

ഇത്തരം ആരോപണങ്ങൾ നേരിടുന്ന കമ്പനിയെ സർക്കാർ പാലക്കാട്ടേയ്ക്കു കൊണ്ടുവരുന്നതിന് പിന്നിൽ സിപിഎം- ബിജെപി അജണ്ടയാണ് നടപ്പിലാക്കുന്നെതെന്ന് സ്വാഭാവീകമായും സംശയിക്കേണ്ടതാണ്. എന്തുകൊണ്ടാണ് ഈ കമ്പനിക്ക് അനുവാദം നൽകിയതെന്ന് സർക്കാർ വ്യകതമാക്കണമെന്നും സന്ദീപ് വാര്യർ ആവശ്യപ്പെട്ടു.

Advertisement

inner ad

_{കുവൈറ്റ് സിറ്റി : കാഞ്ഞങ്ങാട് സി എച്ച്‌ സെന്റർ കുവൈത്ത് ചാപ്റ്റർ ജനറൽ ബോഡിയും 2025-2027 വർഷത്തെ കമ്മിറ്റിയും ചെയർമാൻ ഖാലിദ് കൂളിയങ്കാലിന്റെ അധ്യക്ഷതയിൽ അപ്സര ചാരിറ്റബൾ ട്രസ്റ്റ് ചെയർമാൻ മഹമൂദ് അപ്സര ഉദ്‌ഘാടനം ചെയ്തു. കൺവീനർ മുഹമ്മദ് അലി ബദരിയ പ്രവർത്തന റിപ്പോർട്ടും, വൈസ് ചെയർമാൻ പി എ നാസർ സാമ്പത്തിക റിപ്പോർട്ടും അവതരിപ്പിച്ചു.
2025-2027 വർഷത്തെക്കുള്ള പുതിയ ഭാരവാഹികളായി ഖാലിദ് കൂളിയങ്കാൽ ( ചെയർമാൻ), ഫൈസൽ സി എച്ച്‌ (വർക്കിങ് ചെയർമാൻ), ഫൈസൽ പാറപ്പള്ളി (ജനറൽ കൺവീനർ), പി എ നാസർ (ട്രഷറർ), യൂസഫ് കൊതിക്കാൽ, ഹാരിസ് മുട്ടുന്തല, മജീദ് സി എച്ച്‌, ഇക്ബാൽ കുശാൽ നഗർ, മുഹമ്മദ് മാണിക്കോത്ത് (വൈസ് ചെയർമാൻമാർ) മുഹമ്മദ് അലി ബദരിയ, അഷ്‌റഫ് കുചാണം, മഹ്‌റൂഫ് കൂളിയങ്കാൽ, ഷംസു ബദരിയ, കരീം ചിത്താരി (കൺവീനർമാർ) എന്നിവരെ തെരഞ്ഞെടുത്തു. കുവൈത്ത് കെഎംസിസി സംസ്ഥാന വൈസ് പ്രസിഡന്റ് ഇക്ബാൽ മാവിലാടം തിടഞ്ഞെടുപ്പ് നിയന്ത്രിച്ചു. പുതിയ കമ്മിറ്റിക്ക് കുവൈത്ത് കെഎംസിസി കാസർഗോഡ് ജില്ലാ നേതാക്കളായ ഖാലിദ് പള്ളിക്കര, കുതുബുദ്ധീൻ, സുഹൈൽ ബല്ല, സാധു സംരക്ഷണ സംഘം പ്രസിഡന്റ് ഹസ്സൻ ബല്ല എന്നിവർ ആശംസകൾ അർപ്പിച്ചു സംസാരിച്ചു. ഹസ്സൻ ബല്ലയുടെ ഖിറാഅത്തോടെ ആരംഭിച്ച യോഗത്തിന് ഫൈസൽ പാറപ്പള്ളി സ്വാഗതവും അഷ്‌റഫ് കുചാണം നന്ദിയും പറഞ്ഞു.}

കൊല്ലം: ശാസ്താംകോട്ട തടാക സംരക്ഷണത്തെ സംസ്ഥാന സർക്കാരും സ്ഥലം എംഎൽഎയും ഗൗരവകരമായി കാണണമെന്ന് യൂത്ത് കോൺഗ്രസ് സംസ്ഥാന വൈസ് പ്രസിഡന്റ് പി എസ് അനുതാജ്. തടാകത്തിന്റെ സംരക്ഷണത്തിന് വേണ്ടി കേന്ദ്രസർക്കാർ അനുവദിച്ച തുക സംസ്ഥാന സർക്കാർ പൂർണ്ണമായും ചെലവഴിക്കാത്തത് തികഞ്ഞ അലംഭാവമാണ്. സ്ഥലം എംഎൽഎയ്ക്ക് ശാസ്താംകോട്ട തടാകത്തോട് പ്രേമം ഉണ്ടാകുന്നത് തെരഞ്ഞെടുപ്പ് സമയത്ത് മാത്രമാണ്. സംസ്ഥാന സർക്കാരും തടാക സംരക്ഷണത്തിനു വേണ്ടി യാതൊരുവിധത്തിലുള്ള ഇടപെടലുകളും നടത്തുന്നതുമില്ല. തടാക സംരക്ഷണത്തെ സർക്കാരും എംഎൽഎയും അടിയന്തര വിഷയമായി കാണണമെന്നും അല്ലാത്തപക്ഷം ശക്തമായ സമരങ്ങൾക്ക് നേതൃത്വം നൽകുമെന്നും അദ്ദേഹം കൂട്ടിച്ചേർത്തു.