Connect with us
48 birthday
top banner (1)

Kerala

ക്യാപ്റ്റന് പിഴച്ചാലും ടീം തളരില്ല;
ബാൻഡിൽ പൊരുതിക്കയറി കാർമൽ

Avatar

Published

on

നിസാർ മുഹമ്മദ്

കൊല്ലം: ‘ആശാനക്ഷരമൊന്നു പിഴച്ചാല്‍ അമ്പത്തൊന്നു പിഴയ്ക്കും ശിഷ്യന്’ എന്ന് പാടിയത് കുഞ്ചന്‍ നമ്പ്യാരാണ്. നയിക്കുന്നയാൾക്ക് വഴി പിഴച്ചാല്‍ പിന്നാലെ വരുന്നവര്‍ വഴിയില്ലാതെ പോകുമെന്നാണർത്ഥം. ഇന്നലെ, സംസ്ഥാന സ്കൂൾ കലോൽസവ ബാൻഡ് മൽസരത്തിൽ തിരുവന്തപുരം വഴുതയ്ക്കാട്  കാർമൽ ഹയർ സെക്കൻഡറി സ്കൂളിലെ മിടുമിടുക്കികളുടെ പ്രകടനം കുഞ്ചൻ നമ്പ്യാരുടെ വരികൾക്ക് പുതിയ ആഖ്യാനം നൽകി. ക്യാപ്റ്റന് പിഴച്ചിട്ടും ടീമിന് പിഴച്ചില്ല; വീണിടത്തു നിന്ന് അവർ പൊരുതിക്കയറി. ഫാത്തിമാ കോളേജ് മൈതാനമായിരുന്നു വേദി. സ്കൂൾ കലോൽസവങ്ങളിൽ ബാൻഡ് മൽസരത്തിൽ തുടർച്ചയായി വിജയം കൊയ്യുന്ന കാർമലിലെ മൽസരാർത്ഥികൾ ആത്മവിശ്വാസം അണുവിട ചോരാതെയാണ് അണിഞ്ഞൊരുങ്ങിയിറങ്ങിയത്. മേജർ സ്റ്റിക്കുമായി ക്യാപ്റ്റൻ പ്രിയങ്ക മുന്നിൽ. ട്രമ്പറ്റും ക്ലാർനെറ്റും സാക്സോഫോണും ഡ്രംസും സിംബൽസും ഫോണിയവും കയ്യിലേന്തി പിന്നിൽ മറ്റുള്ളവരും.
വിസിൽ മുഴങ്ങി. ബാൻഡിന്റെ താളം ചടുലമായി. വരി തെറ്റാതെ, അടിവെച്ചടിവെച്ച് നീങ്ങുന്ന പെൺകുട്ടികൾ കാണികളുടെ മനം നിറച്ചു. ആ ഒരു നിമിഷം…. കാർമലിലെ ടീച്ചർമാരും കാണികളും തലയിൽ കൈവെച്ചു.  പ്രിയങ്കയുടെ കയ്യിൽ നിന്ന് മേജർ സ്റ്റിക്ക് താഴേയ്ക്ക് വീണു. ആദ്യമൊന്ന് പകച്ചെങ്കിലും പ്രിയങ്ക സ്റ്റിക്ക് തിരികെ പിടിച്ച് ടീമിനെ നയിച്ചു. അനുവദിച്ച സമയം അവസാനിക്കാറാകുമ്പോഴേക്കും പിന്നെയും പ്രിയങ്കയ്ക്ക് പിഴച്ചു. വീണ്ടും സ്റ്റിക്ക് കയ്യിൽ നിന്ന് വഴുതി. താഴെ വീഴും മുമ്പേ ക്യാപ്റ്റൻ സ്റ്റിക്ക് തിരികെപ്പിടിച്ചു. ഇതൊന്നും ടീമിന്റെ പ്രകടനത്തെ തെല്ലും ബാധിച്ചില്ല. അവർ ചാരുതയോടെ ബാൻഡ് മേളം പൂർത്തിയാക്കി.
മൽസരം തീർന്നപ്പോൾ, അത്രനേരം ഉള്ളിലൊതുക്കി നിന്ന സങ്കടം പ്രിയങ്കയുടെ കണ്ണിൽ നിന്ന് കടലായി ഒഴുകി. അധ്യാപകരും ടീമൊന്നാകെയും അവളെ ചേർത്തു നിർത്തി സമാശ്വസിപ്പിച്ചു. മൽസരഫലം വരുന്നതുവരെ പ്രിയങ്ക തീ തിന്ന്, കലങ്ങിയ കണ്ണുമായി കലോൽസവ നഗരിയിലെ ഓരത്തേക്ക് ഒതുങ്ങി നിന്നു. രക്ഷിതാക്കളും അധ്യാപകരും അപ്പോഴും പറയുന്നുണ്ടായിരുന്നു; വീഴ്ചയില്ലാത്ത വിജയങ്ങൾക്ക് വിലയില്ലെന്ന്. ഫലം വന്നപ്പോൾ സ്കൂളിന് എ ഗ്രേഡ്. അപ്പോഴവളുടെ സന്തോഷമൊന്ന് കാണേണ്ടതായിരുന്നു.
കോട്ടയം കഞ്ഞിക്കുഴി മൗണ്ട് കാർമൽ ഹയർ സെക്കൻഡറി സ്കൂളിന്റെ പ്രകടനത്തിലും ചെറിയ പിഴവുണ്ടായി. ഫോണിയം വായിച്ചു നടന്ന നീങ്ങിയ മെറിന്റെ തൊപ്പി തലയിൽ നിന്നിളകി താഴേയ്ക്ക് പതിച്ചു. വീണത് പോട്ടെ, എന്ന മട്ടിലായിരുന്നു മെറിൻ. ഇതിനിടെ, സംഘാടകരിൽ ഒരാൾ ഓടിയെത്തി തൊപ്പിയെടുത്ത് മാറ്റി. കുട്ടികൾ മൽസരം തടസപ്പെടാതെ പൂർത്തിയാക്കി.
സംഘാടകരുടെ ഉത്തരവാദിത്വമില്ലായ്മ ബാൻഡ് മൽസരാർത്ഥികൾക്ക് വലിയ സമ്മർദ്ദമാണ് സമ്മാനിച്ചത്. പൊടുന്നെനെയുള്ള വേദി മാറ്റം കുട്ടികളെയും അധ്യാപകരെയും ആകെ ആശങ്കപ്പെടുത്തുന്നതായിരുന്നു. ഹൈസ്കൂൾ വിഭാഗം ബാൻ‍ഡ് മൽസരം ഹോക്കി സ്റ്റേഡിയത്തിൽ എന്നായിരുന്നു ആദ്യ പ്രഖ്യാപനം. കുറച്ചു കഴിഞ്ഞ് കർബല മൈതാനത്തേക്ക് മൽസരം മാറ്റിയെന്ന് അറിയിപ്പു വന്നു. മൽസരാർത്ഥികൾ അവിടേക്ക് ഓടിയെത്തിയപ്പോഴേയ്ക്കും ഫാത്തിമാ മാതാ കോളേജ് ഗ്രൗണ്ടിലെത്താൻ നിർദ്ദേശമെത്തി. ചോദ്യം ചെയ്തവരോട് രാത്രി പെയ്ത മഴയെ പഴിചാരി സംഘാടകർ തലയൂരി. ഹോക്കി സ്റ്റേഡിയത്തിലെ ടർഫ് മൽസരത്തിന് ഉപയോഗിക്കേണ്ടി വരുമോയെന്ന പേടിയാണ് ആദ്യ പ്ലാൻ തകർത്തത്. മഴ പെയ്തപ്പോൾ കർബല ഗ്രൗണ്ട് ചെളിയിൽ പൂണ്ടു. അതിരാവിലെ തന്നെ ഹോക്കി സ്റ്റേഡിയത്തിലെത്തിയവരെ കർബലയിലേക്ക് വിടാനായി ആളുണ്ടായിരുന്നു. പക്ഷെ, കർബലയിൽ എത്തിയ കുട്ടികൾക്ക് മൽസരം നടക്കില്ലെന്ന് ഉറപ്പായി. കർബല ഗ്രൗണ്ടിലെത്തിയ ഒരു ടീമിന്റെ വാഹനം  ചെളിയിൽ പുതഞ്ഞു. വാഹനമില്ലാതെ, വാദ്യോപകരണങ്ങൾ അവർക്ക് തലയിൽ ചുമക്കേണ്ടി വന്നു.  അതേസമയം, മൽസര വേദി മാറ്റിയത് രാത്രി തന്നെ മൽസരാർത്ഥികളെ അറിയിച്ചിരുന്നതായാണ് സംഘാടകരുടെ അവകാശവാദം.

Advertisement
inner ad

crime

ബോംബ് പൊട്ടി മരിക്കാന്‍ ആഗ്രഹമില്ല: പ്രദേശത്ത് സ്ഥിരമായി ബോംബ് നിര്‍മ്മാണം നടക്കുന്നുണ്ടെന്ന് യുവതിയുടെ വെളിപ്പെടുത്തലുകള്‍

Published

on

കണ്ണൂര്‍: എരഞ്ഞോളിയില്‍ ബോംബ് പൊട്ടി വയോധികന്‍ മരിച്ച സംഭവത്തില്‍ കൂടുതല്‍ വെളിപ്പെടുത്തലുമായി വേലായുധന്റെ അയല്‍വാസി സീന. പ്രദേശത്ത് സ്ഥിരമായി ബോംബ് നിര്‍മ്മാണം നടക്കുന്നുണ്ടെന്ന് യുവതി പറഞ്ഞു. തൊട്ടടുത്ത പറമ്പില്‍ നിന്ന് പോലും നേരത്തെയും ബോംബുകള്‍ കണ്ടെടുത്തിട്ടുണ്ട്. പൊലീസിനെ അറിയിക്കാതെ സിപിഐഎം പ്രവര്‍ത്തകര്‍ ബോംബുകള്‍ എടുത്തുമാറ്റി. ഭയന്നിട്ടാണ് ആരും പ്രതികരിക്കാതിരിക്കുന്നതെന്നും അവര്‍ പറഞ്ഞു. സഹികെട്ടാണ് തുറന്നു പറയുന്നത്. ജീവിക്കാന്‍ അനുവദിക്കണമെന്നാണ് പാര്‍ട്ടിയോടുള്ള അപേക്ഷ. ബോംബ് പൊട്ടി മരിക്കാന്‍ ആഗ്രഹമില്ല. ഇത്തരക്കാരെ നേതൃത്വം നിയന്ത്രിക്കണമെന്നും സീന പറഞ്ഞു.

കണ്ണൂര്‍ എരഞ്ഞോളി കുടക്കളം സ്വദേശി വേലായുധന്‍(75) ആണ് കഴിഞ്ഞ ദിവസം ബോംബ് പൊട്ടി മരിച്ചത്. ഒഴിഞ്ഞ പറമ്പില്‍ തേങ്ങയെടുക്കാന്‍ പോകുന്നതിനിടെയാണ് ബോംബ് പൊട്ടിയത്. വെടിമരുന്നുകളും സ്ഫോടക സാമഗ്രികളും ദുരുപയോഗം ചെയ്ത് ബോംബ് നിര്‍മ്മാണവും മറ്റും നടത്തുന്നവര്‍ക്കെതിരെ മുഖം നോക്കാതെ നടപടിയെടുക്കുമെന്ന് മുഖ്യമന്ത്രി പിണറായി വിജയന്‍ ഇന്ന് നിയമസഭയില്‍ പറഞ്ഞിരുന്നു.

Advertisement
inner ad

സണ്ണി ജോസഫ് എംഎല്‍എയുടെ അടിയന്തരപ്രമേയത്തിനായിരുന്നു മുഖ്യമന്ത്രിയുടെ മറുപടി. ഇത്തരം സംഭവങ്ങള്‍ അമര്‍ച്ച ചെയ്യാന്‍ ശക്തമായ നടപടികള്‍ സ്വീകരിക്കാന്‍ സംസ്ഥാന പൊലീസ് മേധാവിക്ക് നിര്‍ദ്ദേശം നല്‍കിയിട്ടുണ്ടെന്നും അദ്ദേഹം പറഞ്ഞു.

Advertisement
inner ad
Continue Reading

Kerala

ബോംബ് നിര്‍മിക്കുന്ന ക്രിമിനലുകള്‍ പാര്‍ട്ടി രക്തസാക്ഷികളായി മാറുന്നു; വി ഡി സതീശന്‍

Published

on

തിരുവനന്തപുരം: ബോംബ് നിര്‍മാണം എന്നു മുതലാണ് സി.പി.എമ്മിന് സന്നദ്ധ പ്രവര്‍ത്തനമായി മാറിയതെന്ന് പ്രതിപക്ഷ നേതാവ് വി.ഡി. സതീശന്‍. നിങ്ങള്‍ ഏത് യുഗത്തിലാണ് ജീവിക്കുന്നതെന്നാണ് മുഖ്യമന്ത്രിയോടും അദ്ദേഹത്തിന്റെ പാര്‍ട്ടിയോടും ചോദിക്കാനുള്ളത്. നമ്മള്‍ ജീവിക്കുന്ന കാലവുമായി നിങ്ങള്‍ക്ക് യാതൊരു ബന്ധവുമില്ല. ഇരുപത്തിയഞ്ചും അന്‍പതും കൊല്ലം മുന്‍പ് ജീവിക്കേണ്ട ഒരു കാലത്തിലത്തേതു പോലെയാണ് നിങ്ങള്‍ ഇപ്പോഴും കാര്യങ്ങള്‍ ചെയ്യുന്നത്. കുടില്‍ വ്യവസായം പോലെ പാര്‍ട്ടി ഗ്രാമങ്ങളില്‍ ബോംബ് ഉണ്ടാക്കുകയാണ്.

എത്ര നിരപരാധികളാണ് കൊല ചെയ്യപ്പെട്ടത് സ്വന്തം പാര്‍ട്ടിക്കാരല്ലേ കൊല ചെയ്യപ്പെട്ടത്. എത്ര പേരുടെ കയ്യും കാലും പോയി തൊഴിലുറപ്പ് പദ്ധതിക്ക് പോയ സ്ത്രീകള്‍, പറമ്പില്‍ കളിച്ചുകൊണ്ടിരുന്ന കുട്ടികള്‍, ആക്രി പറക്കാന്‍ പോയവര്‍.. അങ്ങനെ എത്രയെത്ര നിരപാരാധികള്‍ക്കാണ് പരിക്കേല്‍ക്കുകയും കൊല്ലപ്പെടുകയും ചെയ്തത്. കുഞ്ഞുക്കള്‍ക്ക് പരിക്ക് പറ്റിയതിന്റെയും മരിച്ചതിന്റെ പട്ടിക എന്റെ കയ്യിലുണ്ട്. ഐസ്‌ക്രീം പാത്രത്തില്‍ ബോംബ് വച്ചപ്പോള്‍ അത് ഐസ്‌ക്രീം ആണെന്നു കരുതി കളിക്കളത്തില്‍ വച്ച് തുറന്ന് പരിക്കേറ്റ എത്ര കുട്ടികളുണ്ട്.ഇങ്ങനെയെങ്കില്‍ സ്റ്റീല്‍ പാത്രങ്ങള്‍ പ്രത്യേക സാഹചര്യത്തില്‍ കണ്ടാല്‍ തുറന്നു നോക്കരുതെന്ന നിര്‍ദ്ദേശം കൂടി സര്‍ക്കാര്‍ കണ്ണൂരിലെ ജനങ്ങള്‍ക്ക് നല്‍കണം. ഇപ്പോള്‍ മരിച്ച വയോധികന് 85 വയസിന് മുകളില്‍ പ്രായമുണ്ട്. പറമ്പില്‍ തേങ്ങ പറക്കാന്‍ പോയ ആളാണ് സ്റ്റീല്‍ പാത്രം പൊട്ടിച്ചതിനെ തുടര്‍ന്ന് മരിച്ചത്. മുഖം പോലും വികൃതമായിപ്പോയി. എത്ര ക്രൂരമായ രീതിയിലാണ് നിരപരാധി കൊല ചെയ്യപ്പെട്ടത്

Advertisement
inner ad

നിങ്ങള്‍ ആര്‍ക്കെതിരെയാണ് ബോംബ് ഉണ്ടാക്കുന്നത് രണ്ട് പാര്‍ട്ടി ഗ്രാമങ്ങളിലെ സി.പി.എമ്മിലെ തന്നെ രണ്ട് ഗ്രൂപ്പുകള്‍ തമ്മിലുള്ള സംഘര്‍ഷത്തെ തുടര്‍ന്നാണ് ബോംബ് ഉണ്ടാക്കിയത്. സ്വന്തം പാര്‍ട്ടിക്കാര്‍ക്കെതിരെ എറിയാന്‍ നിര്‍മിച്ച ബോംബാണ് പൊട്ടിയതെന്ന് ആര്‍ക്കാണ് അറിയാത്തത്. സി.പി.എം നേതാക്കളുടെ തന്നെ നിയന്ത്രണത്തിലുള്ള രണ്ട് ക്രിമിനല്‍ സംഘങ്ങള്‍ തമ്മിലുണ്ടായ ഏറ്റുമുട്ടലില്‍ ഒരു സംഘം പകരം ചോദിക്കാന്‍ വരുമ്പോള്‍ പ്രതിരോധിക്കുന്നതിന് വേണ്ടിയാണ് കര്‍ഷക സംഘം ഓഫീസിന് പിന്നില്‍ ബോംബ് ഉണ്ടാക്കി വച്ചത്.

നിങ്ങള്‍ ഏത് ലോകത്താണ് ജീവിക്കുന്നത് പാനൂരില്‍ തുടര്‍ച്ചയായി ബോംബ് സ്ഫോടനങ്ങളുണ്ടായി തിരഞ്ഞെടുപ്പ് കാലത്തും സ്ഫോടനമുണ്ടായി. നിങ്ങള്‍ എന്തായാലും ആര്‍.എസ്.എസുകാരെ നേരിടാന്‍ വേണ്ടിയല്ല ബോംബ് ഉണ്ടാക്കിയതെന്ന് എല്ലാവര്‍ക്കും അറിയാം. മാസ്‌ക്കറ്റ് ഹോട്ടലില്‍ ആര്‍.എസ്.എസ് നേതാക്കളുമായി മുഖ്യമന്ത്രി നടത്തിയ ചര്‍ച്ചയില്‍ സി.പി.എമ്മുമായുള്ള പ്രശ്നങ്ങളൊക്കെ അവസാനിപ്പിച്ചു. അപ്പോള്‍ തിരഞ്ഞെടുപ്പ് കാലത്ത് ബോബ് ഉണ്ടാക്കിയത് ഞങ്ങള്‍ പാവങ്ങളെ എറിയാന്‍ വേണ്ടിയാണോ 2019 ല്‍ തിരഞ്ഞെടുപ്പ് കഴിഞ്ഞതിന്റെ പിറ്റേ ദിവസമാണ് പാനൂരില്‍ ലീഗ് പ്രവര്‍ത്തകനെ നിങ്ങള്‍ ബോംബ് എറിഞ്ഞ് കൊന്നത്. അതേ പോലയാണ് ഈ തിരഞ്ഞെടുപ്പ് കാലത്തും ബോംബ് ഉണ്ടാക്കിയത്.

Advertisement
inner ad

പാനൂരില്‍ ഷെറിന്‍ കൊല്ലപ്പെട്ടപ്പോള്‍ അറസ്റ്റിലായവരെല്ലാം സി.പി.എമ്മുകാരായിരുന്നു. സി.പി.എമ്മുകാരെയും ഡി.വൈ.എഫ്.ഐക്കാരെയും നിങ്ങളുടെ പൊലീസ് മനപൂര്‍വമായി പ്രതിയാക്കിയതാണെന്നാണ് പാര്‍ട്ടി സെക്രട്ടറി പറഞ്ഞത്. ബോബ് പൊട്ടിയെന്ന് അറിഞ്ഞപ്പോള്‍ സന്നദ്ധ പ്രവര്‍ത്തനത്തിന് ഓടിയെത്തിയ ഡി.വൈ.എഫ്.ഐ പ്രവര്‍ത്തകരെ പ്രതിയാക്കിയെന്നാണ് പാര്‍ട്ടി സംസ്ഥാന സെക്രട്ടറി ആക്ഷേപിച്ചത്.

നിങ്ങളുടെ പൊലീസിനെ കുറിച്ചാണ് പാര്‍ട്ടി സെക്രട്ടറി ആക്ഷേപിച്ചത്. എന്നു മുതലാണ് ബോംബ് നിര്‍മ്മാണത്തെ സന്നദ്ധ പ്രവര്‍ത്തനമെന്ന ഓമനപ്പേരിട്ട് പാര്‍ട്ടി വിളിക്കാന്‍ തുടങ്ങിയത്. ഏത് സംഭവം ഉണ്ടായാലും ഞങ്ങക്ക് ഒരു ബന്ധവുമില്ലെന്ന് നിങ്ങള്‍ ആദ്യം പറയും. എന്നിട്ട് രണ്ടോ മൂന്നോ കൊല്ലം കഴിയുമ്പോള്‍ രക്തിസാക്ഷി മണ്ഡപമുണ്ടാക്കി അവരുടെ കുടുംബത്തെ സഹായിക്കും.

Advertisement
inner ad

നിരപരാധികളെയും കുഞ്ഞുങ്ങളെയും കൊല്ലുകയും ബോംബ് നിര്‍മിക്കുകയും ചെയ്യുന്ന എന്തൊരു ക്രിമിനലുകള്‍ എങ്ങനെയാണ് ഒരു സുപ്രഭാതത്തില്‍ പാര്‍ട്ടി രക്തസാക്ഷികളായി മാറുന്നത് ഇത് ലോകത്ത് എവിടെയെങ്കിലും കേട്ടുകേള്‍വിയുണ്ടോ തീവ്രവാദികളുടെ ഇടയില്‍ പോലും ഇല്ലാത്ത കാര്യങ്ങളല്ലെ സംഭവിക്കുന്നത്. കഴിഞ്ഞ ആറ് വര്‍ഷത്തിനിടെ 32 പേരാണ് ബോംബ് നിര്‍മ്മാണത്തില്‍ കൊല ചെയ്യപ്പെട്ടത്. 89 പേര്‍ക്ക് കയ്യും കാലുമില്ല. എന്നിട്ട് പൊലീസ് എന്ത് നടപടിയാണ് എടുത്തത്.

കഴിഞ്ഞ ദിവസം തലശേരിയില്‍ ബോംബ് പൊട്ടി ഒരാള്‍ മരിച്ച സംഭവത്തില്‍ എതിരാളികളെ നേരിടാനാണ് ബോബ് ഉണ്ടാക്കിയതെന്നാണ് പൊലീസ് മൂന്ന് റിമാന്‍ഡ് റിപ്പോര്‍ട്ടിലും രേഖപ്പെടുത്തിയത്. നാലാമത്തെ റിമാന്‍ഡ് റിപ്പോര്‍ട്ട് ഇട്ടപ്പോള്‍, ഉത്സവത്തിനിടെ ഉണ്ടായ തര്‍ക്കമാണ് കാരണമെന്നായി. മൂന്ന് റിമാന്‍ഡ് റിപ്പോര്‍ട്ടുകളും ഒരു പോലെ എഴുതിയ പൊലീസിനെക്കൊണ്ട് നാലാമത്തെ റിപ്പോര്‍ട്ട് മാറ്റിയെഴുതിച്ചത് ആരാണ് ക്രിമിനലുകളെ പ്രോത്സാഹിപ്പിക്കുകയും അവരെ രക്തസാക്ഷികളാക്കുകയും ചെയ്യുന്നത് ആരാണ് നിങ്ങള്‍ ക്രിമിനലുകളെ മഹത്വവത്ക്കരിക്കുന്നത് പ്രോത്സാഹനമായി മാറുകയാണ്.

Advertisement
inner ad

സംഭവം ഉണ്ടായതിന് പിന്നാലെ സ്ഥലം വളഞ്ഞ സംഘം തെളിവുകള്‍ മുഴുവന്‍ നശിപ്പിച്ചു. അതും കഴിഞ്ഞാണ് പൊലീസ് വന്നത്. പൊലീസിനോട് അവിടെ നില്‍ക്കാന്‍ പറഞ്ഞാല്‍ അവിടെ നില്‍ക്കുന്ന കാലമാണിത്. ക്രിമിനല്‍ സംഘങ്ങള്‍ക്ക് പൊലീസും സര്‍ക്കാരും ഒത്താശ ചെയ്യുകയാണ്. റെയ്ഡ് നടത്തുമെന്നും പിടിക്കുമെന്നുമാണ് മുഖ്യമന്ത്രി പറഞ്ഞത്. എവിടെയാണ് റെയ്ഡ് നടത്തിയത് എവിടെയാണ് പിടിച്ചത് പട്ടിയുണ്ട് സൂക്ഷിക്കുക എന്ന് എഴുതുന്നതു പോലെ ഈ പറമ്പില്‍ ബോംബുണ്ട് സൂക്ഷിക്കുക എന്ന് എഴുതി വെക്കണമെന്ന് ബോബ് വെക്കുന്നവനോട് പറയണം. അല്ലെങ്കില്‍ പാവങ്ങളും കുഞ്ഞുങ്ങളും മരിക്കും.

നിങ്ങള്‍ ഇനിയെങ്കിലും ആയുധം താഴെ വെക്ക്. ബോംബ് നിര്‍മ്മാണം അവസാനിപ്പിക്ക്. നിങ്ങള്‍ ആശയപരമായ പോരാട്ടത്തിലേക്ക് വരൂ. പരിഷ്‌കൃത സമൂഹത്തിന് മുഴുവന്‍ അപമാനകരമായ കാര്യങ്ങളാണ് കേരളത്തില്‍ സി.പി.എം ചെയ്തു കൊണ്ടിരിക്കുന്നത്. ജനങ്ങള്‍ തിരഞ്ഞെടുപ്പില്‍ താക്കീത് നല്‍കിയിട്ടും പഠിക്കാന്‍ നിങ്ങള്‍ തയാറല്ല. ട്രാന്‍സ്പോര്‍ട്ട് ഡ്രൈവറെ ഭീഷണിപ്പെടുത്തിയ കാര്യമല്ല, ബോബ് വച്ച കാര്യമാണ് ഞാന്‍ ഇവിടെ പറയുന്നത്. അതുകൊണ്ട് ഇത്രയും ചൂടാവുകയോ ബഹളം വയ്ക്കുകയോ ചെയ്യേണ്ട കാര്യമില്ല. ക്രിമിനലുകളെ സര്‍ക്കാര്‍ പ്രോത്സാഹിപ്പിക്കുകയാണെന്നും വി.ഡി. സതീശന്‍ നിയമസഭയില്‍ പറഞ്ഞു.

Advertisement
inner ad
Continue Reading

Featured

ബോംബ് സ്ഫോടനത്തിൽ കൊല്ലപ്പെട്ട വേലായുധന്റെ വീട്ടിലെത്തി ഷാഫി പറമ്പിൽ എംപി

Published

on

തലശ്ശേരി: എരഞ്ഞോളിയിൽ ബോംബ് സ്ഫോടനത്തിൽ കൊല്ലപ്പെട്ട വേലായുധന്റെ വീട്ടിലെത്തി ഷാഫി പറമ്പിൽ എംപി. 10 പൈസയ്ക്ക് ഗുണമില്ലാത്ത രീതിയിലാണ് ബോംബ് കേസുകളിൽ പോലീസിന്റെ ഇടപെടൽ. മുഖ്യമന്ത്രി പഞ്ച് ഡയലോഗ് പറയാതെ പ്രവർത്തിച്ചു കാണിക്കണം എന്നും തലശ്ശേരി എരഞ്ഞോളിയിലെ ബോംബ് സ്പോർട്ണത്തിൽ കുറ്റക്കാർക്ക് എതിരെ കർശനമായി നിയമ നടപടികൾ വേണമെന്നും ഷാഫി പറമ്പിൽ പറഞ്ഞു.

ബോംബ് പൊട്ടി വയോധികൻ മരിച്ച സംഭവത്തിൽ കൂടുതൽ വെളിപ്പെടുത്തലുകളുമായി വേലായുധന്റെ അയൽവാസി സീന രംഗത്തെത്തി. പ്രദേശത്ത് ബോംബ് ഉണ്ടാക്കുന്നത് സ്ഥിരമായ കാര്യമാണെന്നും തൊട്ടടുത്ത പറമ്പിൽ നിന്ന് പോലും നേരത്തെ ബോംബുകൾ കണ്ടെടുത്തിട്ടുണ്ടെന്നും പോലീസിനെ അറിയിക്കാതെ സിപിഎം പ്രവർത്തകർ ബോംബ് എടുത്തു മാറ്റിയിട്ടുണ്ടെന്നും ഭയം മൂലമാണ് പ്രതികരിക്കാതിരുന്നത് എന്നും സീന പറഞ്ഞു. ഇപ്പോൾ മറ്റു നിവർത്തി ഒന്നുമില്ലാതെയാണ് തുറന്നു പറയുന്നത്. ജീവിക്കാൻ അനുവദിക്കണമെന്നാണ് അപേക്ഷ എന്നും ബോംബ് പൊട്ടി മരിക്കാൻ അല്ല ആഗ്രഹം എന്നും ഇത്തരക്കാർക്ക് എതിരെ കർശന നടപടികൾ ഉണ്ടാകണമെന്നും സീന പറഞ്ഞു.

Advertisement
inner ad
Continue Reading

Featured