Cinema
കൊല്ലത്തിന്റെ അക്ഷരമുറ്റത്തു പ്രകാശ ഗോപുരമായി രവീന്ദ്ര വിശ്രാന്തി
നാലു ദിവസമായി തകർത്തു പെയ്ത ഇടവപ്പാതി ഇന്നലെ കൊല്ലം നഗരത്തിലേക്കു തിരിഞ്ഞു നോക്കിയതേയില്ല. രാവിലെ മുതൽ തെളിഞ്ഞ കാലാവസ്ഥ. ഇടയ്ക്കിടെ വിതുമ്പാൻ മുട്ടിയ കുട്ടിയെപ്പോലെ പിണങ്ങി കറുത്തും പിന്നെ ഇണങ്ങിച്ചിരിച്ചും മേഘക്കൂട്ടുകൾ കൊച്ചുപിലാം മൂട്ടിലും പരിസരത്തും കുടപിച്ചു നിന്നു. അതിനു താഴെ ജനസാഗരം നിറഞ്ഞു തുളുമ്പി, ശാന്തമായ കടൽ പോലെ. ശനിയാഴ്ച രാവിലെ അന്തരിച്ച കൊല്ലത്തിന്റെ പ്രിയ മുതലാളി അച്ചാണി രവിയുടെ മൃതദേഹം കാണാൻ തിരക്കു കൂട്ടിയവർക്ക് അതു വലിയ ആശ്വാസമായി.
ഇന്നലെ ഉച്ചവരെ വസതിയിലും 12 മുതൽ കൊല്ലം പബ്ലിക് ലൈബ്രറി ഹാളിലും പൊതു ദർശനത്തിനു വച്ച മൃതദേഹം വൈകുന്നേരം നാലിന് ലൈബ്രറി മുറ്റത്തെ ചിതയിലമർന്നു തുടങ്ങി. പ്രധാന ഗേറ്റിന്റെ വലതു വശത്തെ പുൽത്തകി‌ടിയിൽ. ജി അരവിന്ദൻ സംവിധാനം ചെയ്ത 1981ലെ പോക്കുവെയിൽ സിനിമയിലെ അന്തിച്ചുവപ്പ് ചന്തത്തിലേക്ക് രവിയെയും കൊണ്ട് പുകച്ചുരുളുകൾ യാത്രയായി. മരണമില്ലാത്ത ഓർമയായി
അച്ചാണി രവിക്ക് ഇനി ഈ അക്ഷരമുറ്റത്ത് വിശ്രാന്തി.
നാട്ടുകാർക്കെല്ലാം രവി മുതലാളിയെക്കുറിച്ച് പറയാൻ നൂറ് നാവ്. അതിലൊരാളായിരുന്നു, മൈനാഗപ്പള്ളി സ്വദേശി ബഷീർ. കൊല്ലം ടെലിഫോൺ എക്സ്ചേഞ്ചിലെ റിട്ടയേർഡ് ഉദ്യോഗസ്ഥൻ. മൈനാഗപ്പള്ളി നവോദയ ഗ്രന്ഥശാലയുടെ പ്രധാന പ്രവർത്തകരിലൊരാൾ. 1990കളിൽ ഗ്രന്ഥശാല പ്രവർത്തകരെല്ലാം ബുദ്ധിമുട്ടുന്ന കാലം. നവോദയ ഗ്രന്ഥശാലയും അന്തിത്തിരി തെളിയിക്കാൻ കഷ്ടപ്പെടുന്നു. പക്ഷേ, പൂട്ടിക്കെട്ടാൻ മനസ് അനുവദിക്കുന്നില്ല. ഒടുവിൽ അറ്റകൈ പ്രയോഗവുമായി അച്ചാണി രവിയെ സമീപിക്കാൻ അവർ തീരുമാനിച്ചു. സംഭാവനയായി പണം വേണ്ട. പകരം ജനറൽ പിക്ച്ചേഴ്സിന്റെ ഏതെങ്ക്ലും ഒരു സിനിമ ചാരിറ്റി ഷോയായി പ്രദർശിപ്പിക്കാൻ കൊടുത്താൽ മതി. രവി മുതലാളിയെ കണ്ട് ആവശ്യം അറിയിച്ചു. ഒരക്ഷരം എതിർത്തു പറയാതെ വിധേയൻ സിനിമാപ്പെട്ടി എടുത്തുകൊണ്ടു പോകാൻ അനുവാദം കൊടുത്തു, ഒരു രൂപ പോലും പ്രതിഫലം വാങ്ങാതെ.
ശൂരനാട് തെക്ക് ഇഞ്ചക്കാട് പബ്ലിക് ലൈബ്രറിക്ക് ഇപ്പോൾ സ്വന്തമായി കെട്ടടവും വലിയ പുസ്തക ശേഖരവുമുണ്ട്. പക്ഷേ, ഒരു കാലത്ത് ഒരു ചായക്കടയുടെ പുറകിൽ ഓലഷെഡിലായിരുന്നു ഈ ലൈബ്രറി പ്രവർത്തിച്ചത്. ലൈബ്രറിക്ക് കെട്ടിടമുണ്ടാക്കാൻ അന്നത്തെ പ്രവർത്തകർ ഇറങ്ങിത്തിരിച്ചു. കർഷക- കശുവണ്ടി ഗ്രാമമായ ഇഞ്ചക്കാട് നിന്ന് അതിനുള്ള തുക പിരിച്ചെടുക്കാനുള്ള പാങ്ങില്ലായിരുന്നു. അവരും അച്ചാണി രവിയുടെ അടുത്തേക്കോടി. കാട്ടുകുരങ്ങ് എന്നി സിനിമയു‌ടെ പെട്ടിയാണ് ദാനം നൽതിയത്. അതിന് എന്തു പ്രതിഫലം തരുമെന്നായി രവി മുതലാളി. 50 രൂപയിൽ കൂടുതൽ കിട്ടാനിടയില്ലെന്ന് ഭാരവാഹികൾ. എങ്കിൽ 50 രൂപ ഞാൻ തരാം,, ഈ പെട്ടി കേടുകൂടാതെ തിരികെയെത്തിക്കണം എന്ന ഉപാധിയോടെ കാട്ടുകുരങ്ങ് ഇഞ്ചക്കാട്ടെത്തിച്ചു. ഭരണിക്കാവ് സലീം തീയെറ്ററിൽ ഒരൊറ്റ ദിവസം മൂന്നു ഷോകൾ പ്രദർശിപ്പിച്ച് 940 രൂപ പിരിച്ചെടുത്തു. 1970കളിലായിരുന്നു ഇത്. അന്നതൊരു വലിയ തുകയായിരുന്നു. ഈ തുകയാണ് ഇന്നത്തെ ഇഞ്ചക്കാട് പബ്ലിക് ലൈബ്രറിക്ക് ശിലയി‌ട്ടത്.
കൊല്ലം സ്വദേശി പ്രദീപ് എന്നയാൾ കൊല്ലം ജില്ലാ ജെയിലിന്റെ സൂപ്രണ്ടായിരിക്കുന്ന കാലം. അന്നു കൊല്ലം ജയിലിൽ ലൈബ്രറിയില്ല. ജയിലിൽ ലൈബ്രറി തുടങ്ങാൻ പല വാതിലുകളും മു‌ട്ടി. തുറന്നത് രവി മുതലാളിയുടെ വാതിൽ. സ്വന്തം ഫാക്റ്ററിയിലെ കാർപ്പന്ററെ അയച്ച് പ്രദീപ് കാണിച്ചു കൊടുത്ത സ്ഥലത്ത് അളവെടുത്ത് മികച്ച തേക്കിൻ തടി കൊണ്ട് റാക്കും ഡസ്കും ബെ‍ഞ്ചും കുറച്ചു പുസ്തകങ്ങളും നൽകി ജില്ലാ ജയിലിൽ ലൈബ്രറി സൗകര്യമൊരുക്കി. ഇന്നും ഈ ലൈബ്രറിയാണ് ജയിലിലെ തടവുകാർ ഉപയോഗിക്കുന്നത്.
കൊല്ലത്തെ വിജയ ലക്ഷ്മി കാഷ്യൂസിന്റെ പ്രധാന ഓഫീസിൽ രവീന്ദ്ര നാഥൻ നായരുടെ മുറിയിൽ കൗതുകമുള്ള ഒരു ചിത്രമുണ്ട്. തമിഴ്നാട് മുഖ്യമന്ത്രിയായിരുന്ന എം.ജി. രാമചന്ദ്രൻ, അച്ചാണി രവിയെ മാലയിട്ടു സ്വീകരിക്കുന്ന ചിത്രമാണ് ചില്ലിട്ട് ചുവരിൽ തൂക്കിയിരിക്കുന്നത്. തമിഴ്നാട് മുഖ്യമന്ത്രി അച്ചാണി രവിയെ പൂവിട്ടു സ്വീകരിക്കുന്നത് സിനിമ ബന്ധം കൊണ്ടാണെന്നു സംശയിച്ചാൽ തെറ്റി. രവീന്ദ്ര നാഥൻ നായർക്ക് തമിഴ്നാട്ടിലെ കുഴിത്തുറയിൽ ഏതാനും കശുവണ്ടി ഫാക്റ്ററികളുണ്ടായിരുന്നു. അവിടെ ജോലി ചെയ്യുന്ന സ്ത്രീ തൊഴിലാളികളുടെ മക്കൾ പത്താം ക്ലാസ് കഴിഞ്ഞ് ഉപരി പഠനത്തിനു ചേർത്ത്, പഠനച്ചെലവിന്റെ ഒർജിനൽ രസീത് ഹാജരാക്കിയാൽ മുഴുവൻ പണവും റീഫണ്ട് ചെയ്യുന്ന സമ്പ്രദായം രവി മുതലാളി ഏർപ്പെടുത്തി. മുൻകൂട്ടി നൽകിയാൽ തൊഴിലാളികൾ കുട്ടികളെ കോളെജിൽ വിടില്ലെന്ന് അറിയാവുന്നതു കൊണ്ടാണ് അവരെ കോളെജിൽ ചേർത്ത ശേഷം ഫീസ് റീഫണ്ട് ചെയ്തത്. മുഖ്യമന്ത്രിയായിട്ടും തനിക്കു ചെയ്യാൻ കഴിയാത്തതാണ് കേരളത്തിൽ നിന്നുള്ള ഒരു വ്യവസായി ചെയ്യുന്നതെന്നായിരുന്നു അന്ന് എംജിആർ പറഞ്ഞത്. അതാണ് ഈ പൂമാലയുടെ രഹസ്യം.
രവി മുതലാളിക്ക് കൊല്ലത്തൊരു സ്മാരകം എന്ന ആവശ്യത്തിനു ലഭിച്ച ആവേശപൂർണമായ മറുപടിയാണ് പബ്ലിക് ലൈബ്രറി മുറ്റത്തെ അദ്ദേഹത്തിന്റെ ചിത. അവിടെ മുതലാളിക്ക് ഉചിതമായൊരു സ്മാരക ശില്പത്തിന് ആർട്ടിസ്റ്റ് കാനായി കുഞ്ഞുരാമൻ ഇതിനകം ആഗ്രഹം പ്രകടിപ്പിച്ചു കഴിഞ്ഞു. തിരുവനന്തപുരം നഗരമധ്യത്തിൽ കുഞ്ഞുരാമന് താമസിക്കാൻ 80 സെന്റ് ഭൂമിയും മനോഹരമായ വീടും സംഭാവന ചെയ്ത തന്റെ മുതലാളിക്ക് ഉചിതമായ സ്മാരക ശില്പം നിർമിക്കാൻ സന്തോഷമേയുള്ളു, അനുമതി കിട്ടിയാൽ മതിയത്രേ. എം.വി. ദേവൻ, ആർട്ടിസ്റ്റ് നമ്പൂതിരി, ജയപാലപ്പണിക്കർ, ഷാജി എൻ കരുൺ, തുടങ്ങിയവരുടെ വിരലടയാളങ്ങൾ ചുവർ ചിത്രമാക്കിയ കൊല്ലം പബ്ലിക് ലൈബ്രറിയിൽ കെ, രവീന്ദ്ര നാഥൻ നായരെന്ന അനുഗൃഹീത വ്യക്തിത്വത്തിന് അനശ്വരമായ സ്മാരകമുയരുമെന്ന കാര്യത്തിൽ തർക്കമില്ല. പതിനായിരങ്ങളല്ല, ലക്ഷക്കണക്കിന് ആളുകൾ അതിനു മുന്നിട്ടിറങ്ങും, തീർച്ച. അത്രയ്ക്കു ജനകീയനായിരുന്നു അച്ചാണി രവി, അഥവാ ജനറൽ പിക്ചേഴ്സ് രവി, അഥവാ കൊല്ലത്തിന്റെ സ്വന്തം മുതലാളിയെന്ന കെ. രവീന്ദ്ര നാഥൻ നായർ.
തിരുവനന്തപുരം: കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 29ാമത് ഐ.എഫ്.എഫ്.കെയ്ക്ക് 2024 ഡിസംബര്‍ 13 വെള്ളിയാഴ്ച വൈകിട്ട് ആറു മണിക്ക് തിരുവനന്തപുരം നിശാഗന്ധി ഓഡിറ്റോറിയത്തില്‍ തിരി തെളിയും. മുഖ്യമന്ത്രി പിണറായി വിജയന്‍ ഉദ്ഘാടനം നിര്‍വഹിക്കും. ചൈനയുടെ പ്രത്യേക ഭരണമേഖലയായ ഹോങ്കോങില്‍നിന്നുള്ള സംവിധായിക ആന്‍ ഹുയിക്ക് മുഖ്യമന്ത്രി ലൈഫ്ടൈം അച്ചീവ്മെന്റ് പുരസ്‌കാരം സമ്മാനിക്കും. പത്തുലക്ഷം രൂപയും ശില്‍പ്പവുമടങ്ങുന്നതാണ് അവാര്‍ഡ്. സാംസ്‌കാരിക വകുപ്പ് മന്ത്രി സജി ചെറിയാന്‍ അധ്യക്ഷത വഹിക്കുന്ന ചടങ്ങില്‍ പൊതുവിദ്യാഭ്യാസ, തൊഴില്‍ വകുപ്പ് മന്ത്രി വി.ശിവന്‍കുട്ടി, ഭക്ഷ്യ പൊതുവിതരണ വകുപ്പ് മന്ത്രി ജി.ആര്‍. അനില്‍, വി.കെ പ്രശാന്ത് എം.എല്‍.എ, മേയര്‍ ആര്യാ രാജേന്ദ്രന്‍, ജില്ലാ പഞ്ചായത്ത് പ്രസിഡന്റ് അഡ്വ.ഡി.സുരേഷ് കുമാര്‍, സാംസ്‌കാരിക വകുപ്പ് അഡീഷനല്‍ ചീഫ് സെക്രട്ടറി ഡോ.രാജന്‍ എന്‍. ഖോബ്രഗഡെ ഐ.എ.എസ്, സാംസ്‌കാരിക വകുപ്പ് ഡയറക്ടര്‍ ഡോ.ദിവ്യ എസ്.അയ്യര്‍, ചലച്ചിത്ര അക്കാദമി ചെയര്‍മാന്‍ പ്രേംകുമാര്‍, ഫെസ്റ്റിവല്‍ ക്യുറേറ്റര്‍ ഗോള്‍ഡ സെല്ലം, ജൂറി ചെയര്‍പേഴ്സണ്‍ ആനിയസ് ഗൊദാര്‍ദ്, കെ.എസ്.എഫ്.ഡി.സി ചെയര്‍മാന്‍ ഷാജി എന്‍. കരുണ്‍, സാംസ്‌കാരിക പ്രവര്‍ത്തകക്ഷേമനിധി ബോര്‍ഡ് ചെയര്‍മാന്‍ മധുപാല്‍, ഫിലിം ചേംബര്‍ പ്രസിഡന്റ് ബി.ആര്‍. ജേക്കബ്, അക്കാദമി സെക്രട്ടറി സി.അജോയ് എന്നിവര്‍ പങ്കെടുക്കും.
തുടര്‍ന്ന് ഉദ്ഘാടനചിത്രമായ ‘ഐ ആം സ്റ്റില്‍ ഹിയര്‍’ പ്രദര്‍ശിപ്പിക്കും. വിഖ്യാത ബ്രസീലിയന്‍ സംവിധായകന്‍ വാള്‍ട്ടര്‍ സാലസ് സംവിധാനംചെയ്ത പോര്‍ച്ചുഗീസ് ഭാഷയിലുള്ള ഈ ചിത്രം ബ്രസീല്‍, ഫ്രാന്‍സ് എന്നീ രാജ്യങ്ങളുടെ സംയുക്ത സംരംഭമാണ്. ഈ വര്‍ഷത്തെ വെനീസ് ചലച്ചിത്രമേളയില്‍ മികച്ച തിരക്കഥയ്ക്കുള്ള പുരസ്‌കാരവും ഗോള്‍ഡന്‍ ബെയര്‍ പുരസ്‌കാരത്തിനുള്ള നാമനിര്‍ദേശവും നേടിയ ഈ ചിത്രത്തെ 2024ലെ ഏറ്റവും മികച്ച അഞ്ച് അന്താരാഷ്ട്ര ചിത്രങ്ങളിലൊന്നായി ന്യൂയോര്‍ക്ക് ആസ്ഥാനമായ നാഷണല്‍ ബോര്‍ഡ് ഓഫ് റിവ്യുവും ഈ വര്‍ഷത്തെ മികച്ച 50 ചിത്രങ്ങളിലൊന്നായി ബ്രിട്ടീഷ് മാസിക സൈറ്റ് ആന്റ് സൗണ്ടും തെരഞ്ഞെടുത്തിട്ടുണ്ട്. 1971ല്‍ ബ്രസീല്‍ സൈനിക സ്വേച്ഛാധിപത്യത്തിനു കീഴില്‍ ഞെരിഞ്ഞമരുന്ന കാലത്ത് നടന്ന സംഭവത്തിന്റെ ചലച്ചിത്രാവിഷ്‌കാരമാണിത്. വിമത രാഷ്ട്രീയ പ്രവര്‍ത്തകനായ ഭര്‍ത്താവിനെ കാണാതായതിനെ തുടര്‍ന്ന് അദ്ദേഹത്തെ അന്വേഷിച്ചിറങ്ങുന്ന അഞ്ചു മക്കളുടെ അമ്മയായ യൂനിസ് പൈവയുടെ കാഴ്ചപ്പാടിലൂടെ ഒരു രാജ്യത്തിനേറ്റ മുറിവിന്റെ ആഴം കാട്ടിത്തരുകയാണ് സംവിധായകന്‍.
ഉദ്ഘാടനച്ചടങ്ങിനു മുന്നോടിയായി അഞ്ചു മണി മുതല്‍ 5.45 വരെ കേരള കലാമണ്ഡലം അവതരിപ്പിക്കുന്ന നൃത്തപരിപാടി ഉണ്ടായിരിക്കും
Cinema
ജാഫർ ഇടുക്കിയും അജുവർഗീസും കേന്ദ്ര കഥാപാത്രങ്ങളാകുന്ന ‘ആമോസ് അലക്സാണ്ഡർ’ ചിത്രീകരണം ആരംഭിച്ചു
ജാഫർ ഇടക്കിയും അജു വർഗീസും കേന്ദ്രകഥാപാത്രങ്ങളെ അവതരിപ്പിക്കുന്ന ആമോസ് അലക്സാണ്ഡർ എന്ന ചിത്രത്തിൻ്റെ ചിത്രീകരണം ഡിസംബർ പത്ത് ചൊവ്വാഴ്ച്ച തൊടുപുഴ മലങ്കര എസ്റ്റേറ്റിൽ ആരംഭിച്ചു. മഞ്ചാടി ക്രിയേഷൻസിൻ്റെ ബാനറിൽ അഷറഫ് പാലയ്ക്കൽ നിർമ്മിച്ച് നവാഗതനായ അജയ് ഷാജി സംവിധാനം ചെയ്യുന്ന ചിത്രമാണിത്. ചലച്ചിത്ര പ്രവർത്തകർ അണിയാ പ്രവർത്തകർ, ബന്ധുമിത്രാദികൾ എന്നിവരടങ്ങുന്ന ഒരു വലിയൊരു കൂട്ടായ്മയിലൂടെ നാദിർഷ ആദ്യ ഭദ്രദീപം തെളിയിച്ചാണ് തുടക്കമിട്ടത്. സംവിധായകൻ അജയ് ഷാജിയുടെ മാതാപിതാക്കളായ ഷാജി. ഷാജി -ശോഭന,നാദിർഷയും ചേർന്ന് സ്വിച്ചോൺ കർമ്മവും ജാഫർ ഇടുക്കിയും പത്നി ശ്രീമതി സിമി ജാഫറും ചേർന്നുർന്നു ഫസ്റ്റ് ക്ലാപ്പും നൽകിക്കൊണ്ടാണ് ചിത്രീകരണത്തിനു തുടക്കമിട്ടത്. നാദിർഷാ കലാഭവൻ ഷാജോൺ, അജുവർഗീസ്, സുനിൽ സുഗത, ഈ ചിത്രത്തിലെ നായിക താര’, കുട്ടൻ്റെ ഷിനി ഗാമി എന്ന ചിത്രത്തിൻ്റെ സംവിധായകൻ റഷീദ് പാറയ്ക്കൽ ഓവർസീസ് ഡിസ്ട്രിബ്യൂട്ടർ. രാജൻ വർക്കല. നാസർ ലത്തീഫ്, അഭിനേതാ താക്കളായ സുഭാഷ്, സൗപർണ്ണിക എന്നിവർ ആശംസകൾ നേർന്നു സംസാരിച്ചു.
ഹൈദർ അലി ആമുഖ പ്രസംഗവും. നിർമ്മാതാവ് അഷറഫ് പാലയ്ക്കൽ നന്ദിയും രേഖപ്പെടുത്തി. ഈ ചടങ്ങുകൾക്കു ശേഷമാണ് നാദിർഷയും, നിർമ്മാതാവ് അഷറഫ് പാലയ്ക്കലിൻ്റെ കുടുംബാംഗങ്ങളും ചേർന്ന് ആമോസ് അലക്സാണ്ഡർ എന്ന ചിത്രത്തിൻ്റെ ടൈറ്റിൽ ലോഞ്ച് നിർവ്വഹിച്ചത്. പൂർണ്ണമായും ഡാർക്ക് ക്രൈം ത്രില്ലറായി അവതരിപ്പിക്കുന്നു ഈ ചിത്രത്തിൽ ആമോസ് അലക്സാണ്ഡർ എന്ന ടൈറ്റിൽ കഥാപാത്രത്തെ അവതരിപ്പിക്കുന്നത് ജാഫർ ഇടുക്കിയാണ്. വളരെ വ്യത്യസ്ഥമായ ഒരു കഥാപാത്രമാണിത്. ഒരു അഭിനേതാവെന്ന നിലയിൽ അതിശക്തമായ ഒരു കഥാപാത്രമാണിത്. ഏറെ വെല്ലുവിളികൾ നിറഞ്ഞ ഈ കഥാപാത്രം ജാഫർ ഇടുക്കി എന്ന അഭിനേതാവിന് ഏറെ വഴിഞ്ഞിരിവുകൾ സമ്മാനിക്കുന്നതുമായിരിക്കും. അജു വർഗീസാണ് മറ്റൊരു പ്രധാനകഥാപാത്രത്തെ അവതരിപ്പിക്കുന്നത്. മീഡിയാ പ്രവർത്തകൻ്റെ വേഷമാണ് ഈ ചിത്രത്തിൽ അജു വർഗീസ് അവതരിപ്പിക്കുന്നത്. പുതുമുഖം താരയാണ് ഈ ചിത്രത്തിലെ നായിക.
ഡയാനാ ഹമീദ്, കലാഭവൻ ഷാജോൺ,സുനിൽ സുഗത, ശ്രീജിത് രവി, അഷറഫ് പിലായ്ക്കൽ, രാജൻ വർക്കല എന്നിവരും ഈ ചിത്രത്തിലെ പ്രധാന വേഷങ്ങളിലെത്തുന്നു. ഇവർക്കൊപ്പം ഏതാനും പ്രമുഖ താരങ്ങളും പുതുമുഖങ്ങളും ശ്രദ്ധേയമായ വേഷങ്ങളിലെത്തുന്നു.
രചന – അജയ് ഷാജി – പ്രശാന്ത് വിശ്വനാഥൻ. ഗാനങ്ങൾ പ്രശാന്ത് വിശ്വനാഥൻ ‘ സംഗീതം – മിനി ബോയ്. ഛായാഗ്രഹണം – പ്രമോദ് കെ. പിള്ള.
എഡിറ്റിംഗ് സിയാൻ ശ്രീകാന്ത്. കലാസംവിധാനം – കോയാസ്’ മേക്കപ്പ് – നരസിംഹസ്വാമി. കോസ്റ്റ്യും – ഡിസൈൻ -ഫെമിനജബ്ബാർ.
ചീഫ് അസ്സോസ്സിയേറ്റ് ഡയറക്ടർ -ജയേന്ദ്ര ശർമ്മ. ക്രിയേറ്റീവ് ഹെഡ് – സിറാജ് മൂൺ ബീം . സ്റ്റുഡിയോ ചലച്ചിത്രം. പ്രൊജക്ട് ഡിസൈൻ – സുധീർ കുമാർ, അനൂപ് തൊടുപുഴ. പ്രൊഡക്ഷൻ ഹെഡ് -രജീഷ് പത്തംകുളം. പ്രൊഡക്ഷൻ മാനേജർ – അരുൺ കുമാർ. കെ.
പ്രൊഡക്ഷൻ എക്സിക്കുട്ടീവ് – മുഹമ്മദ്.പി.സി. തൊടുപുഴയിലും പരിസരങ്ങളിലുമായി ഈ ചിത്രത്തിൻ്റെ ചിത്രീകരണം പുരോഗമിക്കുന്നു
വാഴൂർ ജോസ്. ഫോട്ടോ. അനിൽ വന്ദന
Cinema
ക്ഷത്രിയ സമുദായത്തെ അപമാനിച്ചു; ‘പുഷ്പ 2’വിനെതിരെ ക്ഷത്രിയ കര്‍ണി സേനാ നേതാവ് രാജ്പുത് ഷെഖാവത്ത് രംഗത്ത്
ഹൈദരാബാദ്: അല്ലു അര്‍ജുന്‍ ചിത്രം ‘പുഷ്പ 2’വിനെതിരെ ക്ഷത്രിയ കര്‍ണി സേനാ നേതാവ് രാജ്പുത് ഷെഖാവത്ത് രംഗത്ത്. ചിത്രത്തില്‍ ഷെഖാവത്ത് എന്ന വാക്ക് വില്ലന്റെ കുടുംബപ്പേരായി ഉപയോഗിച്ചതില്‍ രജപുത്ര നേതാക്കള്‍ രോഷാകുലരാണ്. ഇതിലൂടെ ക്ഷത്രിയ സമുദായത്തെ അപമാനിച്ചുവെന്നാണ് രാജ്പുതിന്റെ ആരോപണം. ഫഫദ് ഫാസിലാണ് പുഷ്പയുടെ രണ്ട് ഭാഗങ്ങളിലും ഭന്‍വാര്‍ സിങ് ഷെഖാവത്ത് എന്ന കഥാപാത്രത്തെ അവതിരിപ്പിച്ചിരിക്കുന്നത്.
‘ഷെഖാവത്ത്’ എന്ന വാക്കിന്റെ ആവര്‍ത്തിച്ചുള്ള ഉപയോഗത്തിലൂടെ ക്ഷത്രിയ സമുദായത്തെ അപമാനിച്ചെന്ന് ആരോപിച്ച്, സിനിമയില്‍ നിന്ന് ആ വാക്ക് നീക്കം ചെയ്യണമെന്ന് രാജ്പുത് പുഷ്പയുടെ നിര്‍മാതാക്കളോട് ആവശ്യപ്പെട്ടു. ഷെഖാവത്ത് എന്ന കഥാപാത്രത്തെ സിനിമയില്‍ മോശമായി അവതരിപ്പിക്കുന്നത് ക്ഷത്രിയര്‍ക്ക് അപമാനമാണെന്ന് ചൂണ്ടിക്കാട്ടി. തങ്ങളുടെ ആവശ്യങ്ങള്‍ അംഗീകരിച്ചില്ലെങ്കില്‍ കര്‍ണി സേന അണിയറ പ്രവര്‍ത്തകരെ വീട്ടില്‍ കയറി തല്ലുമെന്ന് ഭീഷണി മുഴക്കുകയും ചെയ്തു. ‘ചിത്രം ക്ഷത്രിയര്‍ക്ക് കടുത്ത അപമാനമാണ് വരുത്തിയിരിക്കുന്നത്. ‘ഷെഖാവത്ത്’ സമുദായത്തെ മോശമായ രീതിയിലാണ് അവതരിപ്പിച്ചിരിക്കുന്നത്. അഭിപ്രായസ്വാതന്ത്ര്യത്തിന്റെ പേരില്‍ സിനിമാമേഖല ക്ഷത്രിയരെ അപമാനിക്കുകയാണ്, അവര്‍ വീണ്ടും അതേ കാര്യം ചെയ്തു,’ അദ്ദേഹം ഒരു വീഡിയോയില്‍ പറഞ്ഞു
-
Kerala1 week agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News4 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala2 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News4 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഓണപ്പരീക്ഷയ്ക്ക് ഇന്ന് തുടക്കം; യുപി വിഭാഗത്തിന് നാളെ മുതല്‍
-
Travel2 months agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login