എം.ജെ.ബാബു

ജൂണ് അഞ്ച്- പരിസ്ഥിതി ദിനമെന്ന് കേട്ടാല്‍ ഓര്‍മ്മ വരിക വൃക്ഷതൈ നടുന്നതിനെ കുറിച്ചായിരിക്കും. കഴിഞ്ഞ 50 വര്‍ഷമായി വനം വകുപ്പ് ഈ ദിനത്തില്‍ നാട്ടിലും റോഡിലും സ്‌കൂളിലും വൃക്ഷതൈ നടുന്നു. അതു ഈ വര്‍ഷവും തുടരും. വൃക്ഷതൈ നടല്‍ മാത്രമാണോ പരിസ്ഥിതി ദിനാചരണം. അല്ലെന്നാണ് കാലം തെളിയിക്കുന്നത്. പരിസ്ഥിതിക്കുണ്ടായ വലിയ മാറ്റത്തെ തുടര്‍ന്ന് സംഭവിച്ചതാണ് കാലാവസ്ഥ വ്യതിയാനം. കൃഷി രീതികള്‍ മാറി, കൃഷി കലണ്ടര്‍ മാറി. കുടിവെള്ള ക്ഷാമം അനുഭവപ്പെട്ടു തുടങ്ങിയിട്ട് നാളുകളായി. ഇതിനേക്കാള്‍ ഭയാനകമാണ് പ്ലാസ്റ്റിക് സൃഷ്ടിക്കുന്ന പാരിസ്ഥിതിക നാശം. ആഗോള തലത്തില്‍ പ്ലാസ്റ്റിക് വില്ലനായി മാറിയതോടെയാണ്, ഈ വര്‍ഷത്തെ പരിസ്ഥിതി ദിന മുദ്രവാക്യം പ്ലാസ്റ്റിക്കിനെ പരാജയപ്പെടുത്തുക എന്നതായി മാറിയത്.ലോകത്താകെ ഓരോ വര്‍ഷവും 430 ദശലക്ഷം ടണ്ണിലധികം പ്ലാസ്റ്റിക് ഉത്പാദിപ്പിക്കപ്പെടുന്നുവെന്നാണ് കണക്ക്, അതല്‍ പകുതിയും ഒരിക്കല്‍് മാത്രം ഉപയോഗിക്കാന്‍് രൂപകല്‍്പ്പന ചെയ്തിട്ടുള്ളതാണ്. അതില്‍് 10 ശതമാനത്തില്‍് താഴെ മാത്രമാണ് റീസൈക്കിള്‍ ചെയ്യുന്നത്. പ്രതിവര്‍ഷം 19-23 ദശലക്ഷം ടണ്‍ തടാകങ്ങളിലും നദികളിലും കടലുകളിലുമായി എത്തിച്ചേരുന്നു. മൈക്രോപ്ലാസ്റ്റിക്‌സ് – 5 മില്ലിമീറ്റര്‍് വരെ വ്യാസമുള്ള ചെറിയ പ്ലാസ്റ്റിക് കണങ്ങള്‍ – ഭക്ഷണം, വെള്ളം, വായു എന്നിവയില്‍ ചേരുന്നു.അതിലുടെ മനുഷ്യരടക്കമുള്ള ജീവികളില്‍ എത്തുന്നു. ഓരോ വ്യക്തിയും പ്രതിവര്‍ഷം 50,000- ത്തിലധികം പ്ലാസ്റ്റിക് കണികകള്‍ ഉപയോഗിക്കുന്നതായി കണക്കാക്കപ്പെടുന്നു.

Advertisement

inner ad

ഒറ്റത്തവണ ഉപയോഗിക്കാവുന്ന പ്ലാസ്റ്റിക് വലിച്ചെറിയുകയോ കത്തിക്കുകയോ ചെയ്യുന്നത് മനുഷ്യന്റെ ആരോഗ്യത്തിനും ജൈവവൈവിധ്യത്തിനും ഹാനികരമാക്ുന്നുവെന്ന് മാത്രമല്ല, ഒഴുകിയെത്തി സമുദ്രത്തിന്റെ അടിത്തട്ട് വരെയുള്ള എല്ലാ ആവാസവ്യവസ്ഥയെയും മലിനമാക്കുകയും ചെയ്യുന്നു.കേരളത്തില്‍ നിലം നികത്താനുള്ള എളുപ്പ വഴിയായാണ് പ്ലാസ്റ്റിക് മാലിന്യം ഉപയോഗിക്കുന്നത്. ഇത്തരത്തില്‍ നികത്തപ്പെടുന്ന ഭൂമിയില്‍ ഒരു ചെടിയും വളരില്ലെന്ന് അറിയാതെയല്ല ഇതു. എത്രയോ പതിറ്റാണ്ടുകള്‍ അവ മണ്ണില്‍ ലയിക്കാതെ പ്ലാസ്റ്റിക്കായി അങ്ങനെ കിടക്കും. ഇതേസമയം, മറുഭാഗത്ത് പ്ലാസ്റ്റിക് ഉപയോഗം വര്‍ദ്ധിച്ചു വരികയാണ്. തുണി സഞ്ചി എന്ന പഴയ സംസ്‌കാരത്തില്‍ നിന്നും എത്ര വേഗത്തിലാണ് മലയാളികള്‍ പ്ലാസ്റ്റിക്കിലേക്ക് പോയത്. കുപ്പിവെള്ളം മാത്രം പരിശോധിക്കുക. എത്ര ലക്ഷം കുപ്പികളാണ് ഓരോ ദിവസവും തെരുവില്‍ ഉപേക്ഷിക്കപ്പെടുന്നത്. ഫ വിവാഹ ചടങ്ങുകളകളിലടക്കം കുപ്പിവെള്ളമാണ്. എന്തു കൊണ്ട് ബദല്‍ ആലോചിക്കുന്നില്ല?ലഭ്യമായ ബദലുകളും മറ്റും ഉപയോഗിച്ച് പ്ലാസ്റ്റിക് ഉപയോഗം കുറക്കാനാണ് പരിസ്ഥിതി ദിനം ആഹ്വാനം ചെയ്യുന്നത്. നമുക്കും ഇതില്‍ പങ്കാളികളാകാം. പ്ലാസ്റ്റിക് വേണ്ട എന്നു പറയാന്‍ നമുക്കും കഴിയണം. പ്ലാസ്റ്റിക് കത്തിക്കുന്നതും അതു ശ്വസിക്കുന്നതും മാരകമായ രോഗങ്ങള്‍ക്ക് കാരണമാണ് എന്ന തിരിച്ചറിവ് ഉള്‍ക്കൊണ്ട് പ്രതിഞ്ജയെടുക്കാം.ലോക പരിസ്ഥിതി ദിനത്തിന്റെ 50-ാം വാര്‍ഷികം കൂടിയാണ് ഈ വര്‍ഷം. 1972- ല്‍് യുഎന്‍് ജനറല്‍് അസംബ്ലി ജൂണ് 5 ലോക പരിസ്ഥിതി ദിനമായ പ്രഖ്യാപിക്കുകയായിരുന്നു. ‘ഒരു ഭൂമി മാത്രം’ എന്ന മുദ്രാവാക്യവുമായി ആദ്യത്തെ ദിനാഘോഷം 1973 ല്‍് നടന്നു . തുടര്‍്ന്നുള്ള വർഷങ്ങളിൽ, വായു മലിനീകരണം, പ്ലാസ്റ്റിക് മലിനീകരണം, അനധികൃത വന്യജീവി വ്യാപാരം, സുസ്ഥിര ഉപഭോഗം, സമുദ്രനിരപ്പ് വര്ദ്ധനവ്, ഭക്ഷ്യസുരക്ഷ തുടങ്ങിയ നമ്മുടെ പരിസ്ഥിതി നേരിടുന്ന പ്രശ്‌നങ്ങളെ കുറിച്ച് അവബോധം വളര്ത്തുന്നതിനുള്ള ഒരു വേദിയായി പരിസ്ഥിതി ദിനം മാറി.

ലോക പരിസ്ഥിതി ദിനം അരനൂറ്റാണ്ടിലെത്തുേമ്പാള്‍ അതില്‍ ഇന്‍ഡ്യക്കും അഭിമാനിക്കാം. അന്ന് പ്രധാനമന്ത്രിയായിരുന്ന ഇന്ദിരാഗാന്ധിയുടെ പങ്ക് കാണാതിരിക്കാനാകില്ല. ഇന്ന് ലോകം പരിസ്ഥിതിദിനം ആചരിക്കുന്നത് 1972ല് സ്വീഡനിലെ സ്റ്റോക്‌ഹോമില് നടന്ന ആഗോള പരിസ്ഥിതി കണ്വന്ഷന്റ സ്മരണ നിലനിര്ത്താനാണ്. 1972 ജൂണ് അഞ്ച് മുതല്16 വരെ നടന്ന കണ്വന്ഷനില് സ്വീഡനിന് പുറത്ത് നിന്നും പെങ്കടുത്ത ഏക രാഷ്ട്ര തലവനായിരുന്നു അന്നത്തെ നമ്മുടെ പ്രധാനമന്ത്രി ഇന്ദിരാഗാന്ധി. 114 രാജ്യങ്ങളില് നിന്നുള്ള പ്രതിനിധികളെ അഭിസംബോധന ചെയ്ത് 1972 ജൂണ് 14ന് ഇന്ദിരാഗാന്ധി നടത്തിയ പ്രസംഗവും ലോക ചരിത്രത്തില് ഇടം തേടി. സ്റ്റോക്ക്‌ഹോം കണ്വന്ഷന് മുമ്പ് തന്നെ ഇന്ഡ്യയില് വനം-പരിസ്ഥിതി സംരക്ഷണം സംബന്ധിച്ച് ഇന്ദിരാഗാന്ധിയുടെ നേരിട്ടുള്ള നിയന്തണത്തില് ചര്ച്ച ആരംഭിച്ചിരുന്നു. സംസ്ഥാനങ്ങളുടെ വിഷയമായ വന സംരക്ഷത്തില് കേന്ദ്രത്തിന് കീഴില് എങ്ങനെ നിയമ നിര്മ്മാണം കൊണ്ട് വരാമെന്നത് സംബന്ധിച്ചായിരുന്നു ചര്ച്ച. 1971 സെപ്തംബറിലായിരുന്നു തുടക്കം. സൈലന്റവാലിയെ മാത്രമല്ല, ഇന്ന് ആഗോള പ്രശസ്തമായ വരയാടുകളെ സംരക്ഷിക്കുന്നതിന് നേരിട്ട് താല്പര്യമെടുത്തതും ഇന്ദിരാഗാന്ധിയാണ്.

Advertisement

inner ad

1971ലെ കണ്ണന് ദേവന് ഭമി ഏറ്റെടുക്കല് നിയമ പ്രകാരം സര്ക്കാര് ഏറ്റെടുത്ത വരയാടുകളുടെ അഭയകേന്ദ്രമായ രാജമലയും ഇരവികുളവും ഭൂരഹിത കര്ഷകര്ക്ക് പതിച്ച് നല്കാന് സംസ്ഥാന സര്ക്കാര് നടപടി സ്വീകരിച്ചപ്പോള് അതിന് എതിരെ മൂന്നാറിലെ പരിസ്ഥിതി പ്രവര്ത്തകര് അന്ന് പ്രധാനമന്ത്രിക്കാണ് നിവേദനം നല്കിയത്. കാര്യങ്ങള് പഠിച്ച അവര് രാജമല-ഇരവികുളം ദേശിയ ഉദ്യാനമായി പ്രഖ്യാപിക്കണമെന്ന് സി.അച്യുത മേനോന് സര്ക്കാരിനോട് നിര്‌ദേശിച്ചു. സംസ്ഥാന സര്ക്കാര് ആദ്യം വന്യജീവി സേങ്കതമായും പിന്നിട് ദേശിയ ഉദ്യാനമായും പ്രഖ്യാപിച്ചു.ലോകത്ത് അവശേഷിക്കുന്ന സംഗായി മാനുകള്ക്ക് വേണ്ടി പ്രത്യേക വന്യജീവി സേങ്കതം നിര്‌ദേശിച്ചതും അവര് തന്നെ.മണിപ്പുരിലാണ് ഈ മാനുകളുടെ അഭയ കേന്ദ്രം. അവിടം സേങ്കതമായി പ്രഖ്യാപിക്കാന് നിര്‌ദേശിക്കുക മാത്രമല്ല, ഇടക്കിടെ മണിപ്പൂരിലെത്തി സ്ഥിതി വിലയിരുത്തണമെന്ന് ഉദ്യോഗസ്ഥരോട് നിര്‌ദേശിച്ചു. ഗിര് വനങ്ങള്ക്ക് പുറമെ ഇന്ഡ്യന് സിംഹങ്ങള്ക്ക് കാട് ഒരുക്കിയതും അവരുടെ പ്രത്യേക താല്പര്യപ്രകാരമാണ്.ഒരുപക്ഷെ, വന്യജീവികളെയും പ്രകൃതിയെയും സ്‌നേഹിച്ച മറ്റൊരു ഭരണാധികാരി ഉണ്ടാകില്ല. പ്രകൃതിയും അവരോട് നന്ദി പറഞ്ഞിട്ടുണ്ടാകണം.അതു കൊണ്ടായിരിക്കാം 1977ലെ മൊറര്ജി ദേശായി സര്ക്കാര് അവരെ അറസ്റ്റ് ചെയ്തു സൂല്ത്താന്പൂര് പക്ഷി സേങ്കതത്തിലേക്ക് കൊണ്ട് പോകവെ, ട്രെയിന് ക്രോസിംഗിന് വേണ്ടി വാഹനം നിര്ത്തിയതും അവര് പുറത്തിറങ്ങി കലുങ്കില് വിശ്രമിച്ചപ്പോള് ജനം തിരച്ചറിഞ്ഞ് വന് പ്രകടനമായി മാറിയതും.പരിസ്ഥിതി നിയമങ്ങളും വന നിയമങ്ങളും ബഹുരാഷ്ട്ര കുത്തകള്‍ക്ക് വേണ്ടി മാറ്റി എഴുതപ്പെടുന്ന കാലഘട്ടത്തിലുടെയാണ് ഇന്‍ഡ്യ കടന്ന്‌പോകുന്നത്. ഈ ഭൂമിയില്‍ വരും തലമുറക്കും അവകാശമുണ്ടെന്ന ചിന്ത ഭരണാധികാരികള്‍ക്ക് ഇല്ലാതെ പോകുന്നു. കടലും കായലും മലനിരകളും അദാനിമാര്‍ക്ക് കുത്തകള്‍ക്ക് തീറെഴുതപ്പെടുകയാണ്. ഈ സ്ഥിതി തുടര്‍ന്നാല്‍, ശുദ്ധവായുവിന് വേണ്ടി വില കൊടുക്കേണ്ടി വരുന്ന അവസ്ഥ വന്നേക്കാം.

Advertisement

inner ad