Connect with us
inner ad

News

ജോസഫ് പണിക്കർക്ക് തമിഴ്‌നാട് എൻജിനീയേഴ്‌സ് ഫോറം എക്സലൻസ് അവാർഡ് !

കൃഷ്ണൻ കടലുണ്ടി

Published

on


കുവൈറ്റ് സിറ്റി : അറിയപ്പെടുന്ന സാമൂഹിക പ്രവർത്തകനും പരിസ്ഥിതി സ്നേഹിയുമായ എൻജിനീയർ ജോസഫ് പണിക്കരെ
തമിഴ്‌നാട് എൻജിനീയറിങ് ഫോറം എക്സല്ൻ സ് അവാർഡ് 2023 ൽ ഈ വർഷത്തെ മുതിർന്ന എൻജിനീയർ പദവി നൽകി ആദരിച്ചു. കഴിഞ്ഞ ദിവസം റാഡിസൺ ബ്ലൂ ഹോട്ടലിൽ നടന്ന പതിനാലാമത് നൂതന സാങ്കേതിക കോൺഫറൻസിനോടനുബന്ധിച്ച എഞ്ചിനീയറിംഗ് എക്സലൻസ്
അവാർഡ് ദാനചടങ്ങിൽ കുവൈറ്റ് പ്രധാനമന്ത്രിയുടെ ഓഫീസിലെ ബന്ധപ്പെട്ട കാര്യങ്ങളുടെ ചുമതല വഹിക്കുന്ന ബഹുമാന്യ ഷേഖ് മാലിക് അൽ ജാബർ അൽ മാലിക് അൽ സബ ശ്രീ ജോസഫ് പണിക്കർക്ക് പ്രശസ്തി പത്രവും മെമെന്റോയും നൽകി ആദരിച്ചു. നിലവിൽ പാൻ അറബ് കൺസൽട്ടിങ് എൻജിനീയർസ് (പി എ സി ഇ) ൽ ഇലക്ട്രിക്കൽ എം ഇ പി വിഭാഗത്തിന്റെ അസ്സോസിയേറ്റ് ഡയറക്ടർ ആയി സേവനം അനുഷ്ഠിച്ച് വരികയാണ് അദ്ദേഹം.

എളിമയാർന്ന വ്യക്തി ജീവിതം കൊണ്ട് സാമൂഹിക സാംസ്‌കാരിക രംഗത് ഏറെ പ്രശസ്തനായ ശ്രീ ജോസഫ് പണിക്കർ ‘ഇൻസ്റ്റിട്യൂഷൻ ഓഫ് എഞ്ചിനീയേർസ് ഇന്ത്യ കുവൈറ്റ് ചാപ്റ്റർ’ ന്റെ ചെയർമാൻ ആയും മുൻപ് തിരഞ്ഞെടുക്കപ്പെട്ടിട്ടുണ്ട്. വിദ്യാർത്ഥികൾക്കും സാങ്കേതിക തല്പരർക്കും പ്രയോജനപ്രദമായ വലിയൊരു പുരാവസ്തു ശേഖരത്തിന്റെ ഉടമയും തിരുവല്ല പുറമറ്റം അടങ്ങാപുറത്ത് കുടുംബാംഗമായ ശ്രീ ജോസഫ് പണിക്കർ കഴിഞ്ഞ മൂന്നു പതിറ്റാണ്ടിലേറെയായി കുവൈറ്റിൽ പ്രവാസ ജീവിതം നയിച്ച് വരുന്നു.

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

Choonduviral

കോൺഗ്രസ് അധികാരത്തിലെത്തിയാൽ ഒറ്റയടിക്ക് രാജ്യത്തെ ദാരിദ്ര്യം നിർമാർജനം ചെയ്യുമെന്ന് രാഹുൽ ഗാന്ധി

Published

on

ജയ്പുർ: കേന്ദ്രത്തിൽ കോൺഗ്രസ് അധികാരത്തിലെത്തിയാൽ ഒറ്റയടിക്ക് രാജ്യത്തെ ദാരിദ്ര്യം നിർമാർജനം ചെയ്യുമെന്ന് രാഹുൽ ഗാന്ധി. രാജ്യത്തെ പാവപ്പെട്ട ജനങ്ങളും 22-25 ശതകോടീശ്വരന്മാരും തമ്മിലുള്ള പോരാട്ടമാണ് വരാനിരിക്കുന്ന ലോക്‌സഭാ തെരഞ്ഞെടുപ്പെന്നും അദ്ദേഹം പറഞ്ഞു. രാജസ്ഥാനിലെ ബിക്കാനീറിൽ നടന്ന കോൺഗ്രസ് റാലിയിൽ സംസാരിക്കുകയായിരുന്നു രാഹുൽ ഗാന്ധി. ദാരിദ്ര്യരേഖയ്ക്ക് താഴെയുള്ളവർക്ക് വർഷം ഒരു ലക്ഷം രൂപ, അതായത് പ്രതിമാസം 8500 രൂപ എന്ന തോതിൽ നൽകി ഒറ്റയടിക്ക് ഇന്ത്യയിലെ ദാരിദ്ര്യം ഇല്ലാതാക്കുമെന്ന് രാഹുൽ പറഞ്ഞു. ദാരിദ്ര്യം അനുഭവിക്കുന്ന കുടുംബത്തിലെ സ്ത്രീക്ക് അവരുടെ ബാങ്ക് അക്കൗണ്ടിലേക്ക് വർഷം ഒരു ലക്ഷം രൂപ നൽകുമെന്ന കോൺഗ്രസ് പ്രകടനപത്രികയിലെ ഉറപ്പ് പരാമർശിച്ചായിരുന്നു രാഹുലിന്റെ പ്രഖ്യാപനം. കോൺഗ്രസ് പാർട്ടി അധികാരത്തിൽ വന്നാലുടൻ പ്രകട പത്രികയിൽ നൽകിയ ഉറപ്പുകളെല്ലാം പാലിക്കുമെന്നും അദ്ദേഹം പറഞ്ഞു. ഞങ്ങൾക്ക്  മിനിമം താങ്ങുവില തരൂ എന്ന് കർഷരും ഞങ്ങൾക്ക് തൊഴിൽ തരൂ എന്ന് ചെറുപ്പക്കാരും വിലക്കയറ്റത്തിൽ നിന്ന് ഞങ്ങളെ രക്ഷിക്കൂ എന്ന് സ്ത്രീകളും പറയുന്നു. പക്ഷേ, അവരുടെ ആവശ്യം ആരും ചെവിക്കൊണ്ടില്ലെന്നും രാഹുൽ ഗാന്ധി പറഞ്ഞു.


കർഷകരെ ഭീകരർ എന്നുവിളിച്ച മോദി മിനിമം താങ്ങുവില നൽകാൻ തയ്യാറായില്ല. രാജ്യത്തിന്റെ ചരിത്രത്തിൽ ആദ്യമായാണ് കർഷകർക്ക് നികുതി നൽകേണ്ടിവന്നത്. കർഷകരുടെയും പിന്നാക്കവിഭാഗങ്ങളുടെയും ദരിദ്രരുടെയും വിഷയം ചർച്ചചെയ്യാൻ താൽപര്യമില്ലാത്ത ബിജെപി, ജനശ്രദ്ധ തിരിച്ചുവിടുകയാണെന്നും മോദി സർക്കാരിന്റെ കഴിഞ്ഞ അഞ്ച് വർഷക്കാലം അഴിമതി വലിയ തോതിൽ വർധിച്ചെന്നും അദ്ദേഹം പറഞ്ഞു. വരാനിരിക്കുന്നത് പിന്നാക്കക്കാർ, ദളിതർ, ആദിവാസികൾ, ദരിദ്രർ എന്നിവരുടെ തെരഞ്ഞെടുപ്പാണ്. തൊഴിലില്ലായ്മയും പണപ്പെരുപ്പവുമാണ് ഇപ്പോൾ രാജ്യത്തെ ഏറ്റവും വലിയ രണ്ട് പ്രശ്‌നങ്ങൾ. എന്നാൽ ഇവ മാധ്യമങ്ങൾ ഉന്നയിക്കുന്നില്ല, അദ്ദേഹം പറഞ്ഞു.

Advertisement
VKSHNM NWS KWT 1000 x 180 PX-01
Continue Reading

National

ബിജെപി സ്ഥാനാർഥിയെ സ്വീകരിക്കാൻ പടക്കം പൊട്ടിച്ചു; രണ്ട് കുടിലുകൾ കത്തിനശിച്ചു

Published

on

ചെന്നൈ: ബിജെപി സ്ഥാനാർഥിയെ സ്വീകരിക്കാനായി കരുതിയ പടക്കം പൊട്ടി രണ്ട് കുടിലുകൾ കത്തിനശിച്ചു. നാഗപട്ടണത്തെ ബിജെപി സ്ഥാനാർഥി എസ്ജിഎം രമേശിന്റെ സ്വീകരണ പരിപാടിക്ക് ഇടയിലായിരുന്നു സംഭവം. തിരഞ്ഞെടുപ്പ് പ്രചാരണത്തിനായി ന്യൂ നമ്പ്യാർ നഗർ മത്സ്യബന്ധന ഗ്രാമത്തിലെത്തിയപ്പോഴാണു പ്രവർത്തകർ പടക്കം പൊട്ടിച്ചത്. പടക്കങ്ങൾ പൊട്ടിത്തെറിച്ചു തീപ്പൊരി ചിതറിയതോടെ അടുത്തുളള കുടിലിന് തീ പിടിച്ച് മേൽക്കൂര മുഴുവൻ കത്തിനശിഞ്ഞു. തീ പടർന്ന് പിടിച്ച് തൊട്ടടുത്ത വീടും തീപിടിച്ചു. അഗ്നിരക്ഷാ സേന സ്ഥലത്തെത്തി തീയണച്ചു. റവന്യു ഉദ്യോഗസ്ഥർ കേസെടുക്കാൻ പൊലീസിന് നി‍ർദേശം നൽകിയിട്ടുണ്ട്.

Continue Reading

National

ത്രിപുരയില്‍ ബിജെപിക്ക് തിരിച്ചടി; മുന്‍ എംഎല്‍എ കോണ്‍ഗ്രസില്‍ ചേര്‍ന്നു

Published

on

അഗര്‍ത്തല: ത്രിപുരയില്‍ ബിജെപിക്ക് തിരിച്ചടി. മുന്‍ എംഎല്‍എയും മുതിര്‍ന്ന അഭിഭാഷകനുമായ അരുണ്‍ ചന്ദ്ര ഭൗമിക് കോണ്‍ഗ്രസില്‍ ചേര്‍ന്നതാണ് ബിജെപിക്ക് തിരിച്ചടി. കോണ്‍ഗ്രസ് സംസ്ഥാന അദ്ധ്യക്ഷനും ത്രിപുര വെസ്റ്റിലെ ഇന്‍ഡ്യ മുന്നണി സ്ഥാനാര്‍ത്ഥിയുമായ ആശിഷ് കുമാര്‍ സാഹ, കോണ്‍ഗ്രസ് പ്രവര്‍ത്തക സമിതി അംഗവും എംഎല്‍എയുമായ സുദീപ് റോയ് ബര്‍മ്മന്‍, കോണ്‍ഗ്രസ് മുന്‍ സംസ്ഥാന അദ്ധ്യക്ഷന്‍ പിയൂഷ് ബിശ്വാസ് എന്നിവരുടെ സാന്നിദ്ധ്യത്തിലാണ് അരുണ്‍ ചന്ദ്ര ഭൗമിക് കോണ്‍ഗ്രസില്‍ ചേര്‍ന്നത്.

Continue Reading

Featured