_{കുവൈറ്റ്‌ സിറ്റി : കുവൈറ്റ് ദേശീയ-വിമോചനദിന ആഘോഷങ്ങളോട് അനുബന്ധിച്ച് ഒഐസിസി കുവൈറ്റ് കണ്ണൂർ ജില്ലാ കമ്മിറ്റിയുടെ ആഭിമുഖ്യത്തിൽ അബ്ബാസിയ മെട്രോ മെഡിക്കൽ കെയറിൽ വെച്ച് നടത്തുന്ന സൗജന്യ മെഡിക്കൽ ക്യാമ്പിന്റെ ഫ്ലയർ പ്രകാശനം ഒഐസിസി കുവൈറ്റ് നാഷണൽ പ്രസിഡന്റ് ശ്രീ വർഗീസ് പുതുക്കുളങ്ങര നിർവഹിച്ചു. ഒഐസിസി കണ്ണൂർ ജില്ലാ പ്രസിഡന്റ് ലിപിൻ മുഴക്കുന്ന് മറ്റ് ജില്ലാ ഭാരവാഹികൾ തുടങ്ങിയവർ പങ്കെടുത്തു. ഫെബ്രുവരി 28 വെള്ളിയാഴ്ച്ച രാവിലെ 6 മണി മുതൽ ഉച്ചയ്ക്ക് 1 മണിവരെയാണ് സൗജന്യ മെഡിക്കൽ ക്യാമ്പ് സംഘടിപ്പിക്കുന്നത്. ഷുഗർ, കൊളെസ്ട്രോൾ, ഫാറ്റി ലിവർ, യൂറിക് ആസിഡ് ഉൾപ്പെടെ നിരവധി ടെസ്റ്റുകൾ സൗജന്യമായി ഉണ്ടാകുന്നതോടപ്പം വിദഗ്ദ്ധ ഡോക്ടർമാരുടെ സേവനങ്ങളും ലഭ്യമാകുന്നതാണ്. താല്പര്യമുള്ളവർ മെഡിക്കൽ ക്യാമ്പിൽ പങ്കെടുക്കുന്നവർ ഗൂഗിൾ ഫോം വഴി മുൻകൂട്ടി രെജിസ്റ്ററേഷൻ ചെയ്യേണ്ടതാണ്.}

_{കുവൈത്ത് സിറ്റി : മലയാളി എഞ്ചിനീയർ മരണമടഞ്ഞു. തൃശൂർ പഴയന്നൂർ സ്വദേശിയും കുവൈത്തിലെ പ്രമുഖ ജീവകാരുണ്യ സംഘടനയായ സാന്ത്വനം കുവൈത്തിന്റെ സജീവ പ്രവർത്തകനുമായ കെ. ആർ. രവി കുമാറാണ് (57) ഇന്നലെ മംഗഫിൽ ഹൃദയാഘാതത്തെ തുടർന്ന് മരണമടഞ്ഞത്. ഭാര്യ സുപ്രിയ. മക്കൾ :ചന്ദന (എഞ്ചിനീയർ ബാംഗ്ലൂർ ), നന്ദന (കോഴിക്കോട് എൻഐടി എഞ്ചിനീയറിംഗ് വിദ്യാർത്ഥി). രവികുമാറിന്റെ ആകസ്മിക വിയോഗത്തിൽ സാന്ത്വനം കുവൈത്ത് , TEC അലുമ്‌നി അസോസിയേഷൻ, കുവൈത്ത് എഞ്ചിനീയേഴ്‌സ് ഫോറം മുതലായ സംഘടനകൾ അനുശോചനം രേഖപ്പെടുത്തി. ഭൗതിക ദേഹം നാട്ടിലേക്കു കൊണ്ട് പോകുന്നതിനുള്ള നടപടിക്രമങ്ങൾ പുരോഗമിക്കുന്നു.}

_{കുവൈത്ത് സിറ്റി : വിശ്വകർമ്മ ഓർഗനൈസേഷൻ ഫോർ ഐഡിയൽ കരിയർ ആൻഡ് എജ്യുക്കേഷൻ (വോയ്സ് കുവൈത്ത് ) 2025 വർഷത്തെക്കുളള പുതിയ ഭരണസമിതിയെ തെരഞ്ഞെടുത്തു. ജനറൽ ബോഡി യോഗത്തിൽ രക്ഷാധികാരി ഷനിൽ വെങ്ങളത്ത് അധ്യക്ഷത വഹിച്ചു. ജനറൽ സെക്രട്ടറി സുജീഷ്.പി.ചന്ദ്രൻ വാർഷിക റിപ്പോർട്ടും, ട്രഷറർ ബിപിൻ.കെ.ബാബു സാമ്പത്തിക റിപ്പോർട്ടും അവതരിപ്പിച്ചു.}

_{ഭാരവാഹികൾ : പി.ജി.ബിനു (ചെയർമാൻ), ഷനിൽ വെങ്ങളത്ത് (രക്ഷാധികാരി), ജോയ് നന്ദനം (പ്രസിഡന്റ്),സുജീഷ്.പി.ചന്ദ്രൻ (ജനറൽ സെക്രട്ടറി), ബിപിൻ.കെ.ബാബു (ട്രഷറർ), പ്രമോദ് കക്കോത്ത് (വൈസ് പ്രസിഡന്റ്), സബീഷ് കൃഷ്ണൻ കുട്ടി, പ്രമോദ് മാണുക്കര (സെക്രട്ടറി), ചന്ദ്രു പറക്കോട് (ജോ.ട്രഷറർ), രാജേഷ് കുമാർ കുഞ്ഞിപറമ്പത്ത് (ഓർഗനൈസിംങ് സെക്രട്ടറി), ടി.വി.ഉണ്ണിക്കൃഷ്ണൻ (വെൽഫയർ സെക്രട്ടറി), വി.കെ.സജീവ് (ആർട്സ് സെക്രട്ടറി), കെ.വിജയൻ, കെ.സി.രമേഷ്, അരുൺ ആനന്ദ്, സജയൻ വേലപ്പൻ, അഡ്വ.ശിവദാസൻ,അഡ്വ.രതീഷ് ടി. ധരൻ (ഉപദേശക സമിതി അംഗങ്ങൾ), എം.രത്നാകരൻ, മഹേഷ് വിജയൻ, എൻ.വി.രാധാകൃഷ്ണൻ, ദിലീപ് തുളസി, ടി.കെ.റെജി, ഹരി ശ്രീനിലയം, രാജീവ്. കെ.എസ്, ഗിരീഷ്.ജി.ഗോപൻ, സജീവ്.കെ.കെ, അശോക് കുമാർ (കേന്ദ്ര എക്സിക്യൂട്ടീവ് അംഗങ്ങൾ).}

_{വനിതാവേദി: പ്രസിഡന്റ് സരിത രാജൻ, വൈസ് പ്രസിഡന്റ് മിനികൃഷ്ണ, ജനറൽ സെക്രട്ടറി സുമലത എസ്, സെക്രട്ടറി അജിത.എം.ആർ, ഉപദേശക സമിതി അംഗം മഞ്ജുള സജയൻ, എക്സിക്യൂട്ടീവ് കമ്മിറ്റി അംഗം അഞ്ജന.ടി.പി. ഫഹാഹീൽ യൂനിറ്റ് കൺവീനർ നിതിൻ.ജി.മോഹനൻ, അബ്ബാസിയ യൂനിറ്റ് കൺവീനർ രഞ്ജിത്ത് കൃഷ്ണൻ, അബ്ബാസിയ യൂനിറ്റ് ട്രഷറർ കെ.പി.ഉദയൻ, ഫിൻതാസ് യൂനിറ്റ് കൺവീനർ ജിനേഷ്.കെ.എ എന്നിവർ ആശംസകൾ നേർന്നു സംസാരിച്ചു. ചെയർമാൻ പി.ജി.ബിനു തെരഞ്ഞെടുപ്പിന് നേതൃത്വം നൽകി. ഓർഗനൈസിംങ് സെക്രട്ടറി രാജേഷ് കുമാർ കുഞ്ഞിപറമ്പത്ത് സ്വാഗതവും പ്രസിഡന്റ് ജോയ് നന്ദനം നന്ദിയും പറഞ്ഞു.}

Advertisement

inner ad